កិច្ចប្រជុំ 5-PERM លើកទី៣ នៅទីក្រុងប៉ារីស
នៅក្នុងដំណើរនៃការស្វែងរកសន្ដិភាពជូនមាតុប្រទេស ថ្នាក់ដឹកនាំសំខាន់ៗនៃព្រះរាជាណាចក្រកម្ពុជា រួមមានសម្ដេច ហ៊ុន សែន និងមន្រ្ដីជាន់ខ្ពស់ផ្សេងៗជាច្រើនទៀត បានខិតខំអស់កម្លាំងកាយចិត្ដក្នុងការពិភាក្សាជាមួយភាគីពាក់ព័ន្ធនានា ក្នុងន័យធ្វើយ៉ាងណាបញ្ចប់ឱ្យបាននូវសង្រ្គាមដ៏រាំរ៉ៃនៅក្នុងប្រទេស។ តួយ៉ាងនៅក្នុងថ្ងៃទី១២ ខែមីនា ឆ្នាំ១៩៩០ ថ្នាក់ដឹកនាំកម្ពុជាជាច្រើនរូបបានមានវត្ដមាននៅទីក្រុងប៉ារីស ប្រទេសបារាំង ក្នុងគោលដៅនៃការប្រឹក្សារកនូវដំណោះស្រាយដ៏មានប្រសិទ្ធភាព ដើម្បីជាឈ្នាន់ឈានទៅរកសន្ដិភាពជូនជាតិមាតុភូមិ តាមរយៈកិច្ចប្រជុំ 5-PERM នេះ។
