ឯកឧត្តម ហ៊ុន ម៉ាណែត : “ខ្ញុំមិនគាំទ្រចំពោះការបៀតបៀនដល់អ្នកសារព័ត៌មានជាស្ត្រី “
ភ្នំពេញ៖ឯកឧត្តមបណ្ឌិត ហ៊ុន ម៉ាណែត បានប្រកាសថាលោកមិនគាំទ្រការបៀតបៀនដល់អ្នកសារព័ត៌មានជាស្ត្រីឡើយ ហើយរួមទាំងអ្នកសារព័ត៌មានជាបុរសផង ។ការបញ្ជាក់នេះបាន ធ្វើឡើងនៅក្នុងពិធីអបអរសាទរទិវាសេរីភាពសសារព័ត៌មានសកលលោក ៣ ឧសភានៅថ្ងៃទី៣ ខែឧសភាឆ្នាំ២០២២ នៅសណ្ឋាគារសុខាភ្នំពេញ និងរ៉េស៊ីដង់។
ឯកឧត្តមបណ្ឌិត ហ៊ុន ម៉ាណែត បានបញ្ជាក់យ៉ាងដូច្នេះថា “ខ្ញុំមិនគាំទ្រចំពោះការបៀតបៀនដល់អ្នកសារព័ត៌មានជាស្ត្រី។ អ្នកដែលប្រព្រឹត្តអាហ្នឹងគឺវាខុសច្បាប់រួចទៅហើយ។ សិទ្ធិរបស់អ្នកកាសែតមិនថាគាត់ជាអ្នកកាសែតទេគាត់ជាប្រជាពលរដ្ឋ ធម្មតាក៏សិទ្ធិរបស់ប្រជាពលរដ្ឋជាស្ត្រីមិនត្រូវបៀតបៀនដែរហើយមិនមែនតែសិទ្ធិនារីទេ។អ្នកកាសែតជាបុរសក៏ដោយ បើសិនជារងបំពានបៀតបៀនកម្រិតណា អ្នកដែលបៀតបៀននោះត្រូវទទួលខុសច្បាប់តាមច្បាប់។ គ្មានគោលនយោបាយណាដែលអនុវត្តហើយ បើកសិទ្ធិបើកច្រកឲ្យអាជ្ញាធរធ្វើបាបប្រជាពលរដ្ឋ បិទសិទ្ធិប្រជា ពលរដ្ឋដែលធ្វើនៅក្នុងគន្លងច្បាប់នោះឡើយ”៕ ដោយ:ពលជ័យ