ពិធីបញ្ចុះសពសម្តេចឧត្តមទេពញាណ ហ៊ុន ណេង បញ្ចប់ដោយរួចរាល់ (Video Inside)
ពិធីបញ្ចុះសព សម្តេចឧត្តមទេពញាណ ហ៊ុន ណេង បានប្រព្រឹត្តទៅយ៉ាងចប់សព្វគ្រប់តាម ប្រពៃណីព្រះពុទ្ធសាសនាខ្មែរ។ សពសម្តេចឧត្តមទេពញាណ ហ៊ុន ណេង ត្រូវបានបញ្ចុះ នៅ វត្តសុវណ្ណគិរីរតនៈ ភ្នំប្រុស ឋិតក្នុងភូមិត្រពាំងចារ ឃុំក្រឡា ស្រុកកំពង់សៀម ខេត្តកំពង់ចាម។
សម្តេចតេជោ ហ៊ុន សែន បានសរសេរក្នុងបណ្តាញសង្គមថា «បងប្អូនយើងបែកគ្នាដោយមិន បានលាគ្នា និងនិយាយជាមួយគ្នាសូម្បីមួយម៉ាត់ ទោះបីជាខ្ញុំសម្តេចបានមកទាន់ដណ្ហើមចុងក្រោយ» ក៏ដោយ។
សម្តេចបានសរសេរថាសម្តេចបានដង្ហោយឈ្មោះរបស់បងប្រុសដោយ អង្រន់ជើងរបស់គាត់ប៉ុន្តែមិនទទួលបានលទ្ធផលអ្វីឡើយ ក្រៅតែពីការសម្រក់ទឹកភ្នែកដោយ ក្តីអស់សង្ឈឹម។
សម្តេចតេជោ ហ៊ុន សែន មានបងប្អូនបង្កើតសរុបចំនួន៦នាក់។ មរណភាព បងទី២នេះ នៅមិនទាន់បានឱ្យបងប្រុសទី១ បានដឹង, និងក្នុងពិធីបញ្ចុះសពក៏មិនទាន់ឱ្យបង បង្កើតទី១ បានដឹងនិងចូលរួមឡើយដោយសារតែបងទីមួយរបស់សម្តេចទើបបានចេញពី បន្ទប់វះកាត់នៅក្រុងបាងកកប្រទេសថៃ និងសុខភាពរបស់គាត់នៅខ្សោយថែមទៀត។