កៀវ៖ ប្រធានាធិបតីអ៊ុយក្រែនលោក វ៉ូឡូឌីមៀ ហ្សេលេនស្គី បាននិយាយក្នុងថ្ងៃចន្ទថា លោកបានពិភាក្សាអំពីការគាំទ្រផ្នែកការពារជាតិដល់ប្រទេសរបស់លោកជាមួយនាយករដ្ឋមន្ត្រីស៊ុយអែតលោកស្រី ម៉ាដាលីណា អាន់ឌឺសុន ( Magdalena Andersson) ចំពេលមានជម្លោះជាមួយរុស្ស៊ី។

លោក ហ្សេលេនស្គី បានបញ្ជាក់ថា ប្រធានបទផ្សេងទៀតនៃការសន្ទនាគ្នាខាងលើនេះ គឺកិច្ចសហប្រតិបត្តិការផ្នែកថាមពលរវាងអ៊ុយក្រែន និងស៊ុយអែត ក៏ដូចជាការពង្រឹងការដាក់ទណ្ឌកម្មលើរុស្ស៊ី ។

ស្របពេលជាមួយគ្នានោះដែរ លោកស្រី អាន់ឌឺសុន បានបង្ហោះសារនៅលើធ្វីតធើថា ប្រទេសរបស់លោកស្រីបានសម្តែងការគាំទ្រយ៉ាងខ្ជាប់ខ្ជួនដល់ប្រទេសអ៊ុយក្រែន ក្នុងកំលុងធ្វើកិច្ចសន្ទនាតាមទូរស័ព្ទជាមួយលោក ហ្សេលេនស្គី៕ ប្រភព៖ ស៊ីនហួរ ប្រែសម្រួលដោយ៖ ឈឹម ទីណា