អង្គការស៊ីម៉ាក់ CMAC បានចុះMOUនូវទំហំទឹកប្រាក់ ២៨ម៉ឺន៤ពាន់៤២២ ដុល្លារអាមេរិក សម្រាប់សកម្មភាពបោសសម្អាតគ្រាប់មីនរយៈពេលពីរឆ្នាំ។

ពិធីចុះហត្ថលេខាបានធ្វើឡើងនៅព្រឹកថ្ងៃទី២៦ខែឧសភា ឆ្នាំ២០២២ នៅទីបញ្ជាការCMAC ដែលជាកិច្ចព្រមព្រៀងកិច្ចសហប្រតិបត្តិការ និងភាពជាដៃគូរវាងអង្គការ APOPO និងអង្គការស៊ីម៉ាក់។ គម្រោងរយៈពេលពីរឆ្នាំ នឹងគិតចាប់ពីថ្ងៃទី០១ ឧសភា ២០២២ ដល់ថ្ងៃទី ៣១ ខែធ្នូ ឆ្នាំ ២០២៣។

អគ្គនាយក CMAC លោក ហេង រតនា បានថ្លែងថាគម្រោងថវិកាដែលគាំទ្រដោយប្រទេសបែលហ្ស៊ីកនោះ នឹង ត្រូវធ្វើនៅក្នុងខេត្តព្រះវិហារ។

ខេត្តព្រះវិហារគឺជាខេត្តដែលវេលាចុងក្រោយនេះ មានសេចក្តីរាយការណ៍អំពីមនុស្សស្លាប់ និងរបួសច្រើននាក់ដោយគ្រាប់មីននិងគ្រាប់មិនទាន់ផ្ទុះ។ កាលពី ខែមករា ឆ្នាំ២០២២ នៅ ក្នុងខេត្តព្រះវិហារនោះ គ្រាប់មិនទាន់ផ្ទុះបានសម្លាប់មន្ត្រីដោះមីន ៣នាក់, និងធ្វើឱ្យមន្ត្រីដោះ មីន ម្នាក់ និងពលរដ្ឋម្នាក់ដទៃទៀត បានរងរបួសធ្ងន់។ ដោយឡែក កាលពីចុងខែមីនា ក្មេង ប្រុសម្នាក់ដែលបានកាន់គ្រាប់មិនទាន់ផ្ទុះយកមកលេង ក៏ត្រូវបាន ស្លាប់ដោយសារតែគ្រាប់ នោះបានផ្ទុះឡើង។