ភ្នំពេញ៖ ឯកឧត្តម សាយ សំអាល់ រដ្ឋមន្ត្រីក្រសួងបរិស្ថាន និងជាប្រធាន គណៈកម្មាធិការគ្រប់គ្រងសំរាម សំណល់រឹងទីប្រជុំជន បានដឹកនាំ សិក្ខាសាលាស្តីពីការពង្រឹងប្រសិទ្ធភាព និងលើកទិសដៅនៃការ គ្រប់គ្រង សំរាម សំណល់រឹងទីប្រជុំជន។សិក្ខាសាលាបានប្រព្រឹត្ត ទៅ នៅ ទីស្តីការក្រសួង។

ពិធីនេះក៏មានការអញ្ជើញចូលរួម ពីថ្នាក់ដឹកនាំក្រសួងបរិស្ថាន ឯកឧត្តម លេង វី រដ្ឋលេខាធិការក្រសួងមហាផ្ទៃ ឯកឧត្តម ហួត ពុំ អនុរដ្ឋលេខាធិការក្រសួងសេដ្ឋកិច្ចនិងហិរញ្ញវត្ថុ ក្រសួងស្ថាប័នពាក់ព័ន្ធ រដ្ឋបាលរាជធានី ខេត្ត ក្រុង ស្រុក ខណ្ឌ និងមន្ត្រីជំនាញពាក់ព័ន្ធ ចូលរួមជាច្រើននាក់ ។

គួរបញ្ជាក់ថាសិក្ខាសាលានេះរៀបចំឡើងក្នុងគោលបំណង ដើម្បីពង្រឹងប្រសិទ្ធភាព និងលើកទិសដៅនៃការគ្រប់គ្រងសំរាម សំណល់រឹងទីប្រជុំជន ឱ្យបានល្អប្រសើរបន្ថែមទៀត ក្នុងការចូល រួមលើកកម្ពស់នូវសុខុមាលភាព សោភ័ណភាព អនាម័យ បរិស្ថាន ជូនប្រជាពលរដ្ឋ ក៏ដូចជាចូលរួមអនុវត្តច្បាប់ គោលនយោបាយ ទស្សនវិស័យរបស់រាជរដ្ឋាភិបាល និងលិខិតបទដ្ឋានគតិយុត្តដែល បានដាក់ចេញ៕

ដោយ៖ម៉ាដេប៉ូ