ហាណូយ៖ សេដ្ឋកិច្ចរបស់ប្រទេសវៀតណាមបានកើនឡើង ៨.៨៣ភាគររយក្នុងរយៈពេលប្រាំបួនខែដំបូង ដែលជាកម្រិតខ្ពស់ បំផុតសម្រាប់រយៈពេលចាប់តាំងពីឆ្នាំ ២០១១ ដល់ ២០២២ ដោយសារការកើនឡើង ១៣.៦៧ភាគរយ នៅក្នុងត្រីមាសទីបី។

ការផលិតបានកើនឡើង ១០.៦៩ភាគរយ និងការលក់រាយ និងសេវាកម្ម ២១ភាគរយ។
វិនិយោគិនបរទេសបានបន្តបង្កើតខ្សែបន្ទាត់សម្រាប់វៀតណាមហើយ ការវិនិយោគផ្ទាល់ពីបរទេស (FDI) បានកើនឡើង ១៦.៣ ភាគរយ ដល់ ១៥.៤ ពាន់លានដុល្លារ។ ពាណិជ្ជកម្មបានកើនឡើង ១៥.១% ដល់ ៥៥៨.២ ពាន់លានដុល្លារ ដោយវៀតណាមបាន កត់ត្រាអតិរេក ចំនួន ៦.៥២ ពាន់លានដុល្លារ។

អាជីវកម្មថ្មី និងបើកឡើងវិញបានកើនឡើង ៣៨.៦ភាគរយ ដល់ ១៦៣៣០០អាជីវកម្ម។ប៉ុន្តែចំនួននៃការបិទបានកើនឡើង ២៤.៨ ដល់ ១១២៧០០អាជីវកម្ម។

ធនាគារពិភពលោកបានព្យាករណ៍ថា វៀតណាមនឹងឈានមុខ គេក្នុងកំណើនជីឌីភី( GDP) ក្នុងចំណោមប្រទេសសេដ្ឋកិច្ចធំៗ នៅអាស៊ីប៉ាស៊ីហ្វិកក្នុងអត្រា ៧.២ភាគរយនៅឆ្នាំ២០២២នេះ៕ ប្រភពពី VNexpress, ប្រែសម្រួល៖ សារ៉ាត