ហាណូយ៖ អាជ្ញាធរអាកាសចរណ៍ស៊ីវិលវៀតណាមបានហាមឃាត់បុរសពីរនាក់មិនឱ្យហោះហើររយៈពេលប្រាំបួនខែ ដោយសារតែការជក់បារីនៅលើយន្តហោះ។

បុរស២នាក់មកពីខេត្ត Hai Duong និង Dong Thap មិនអាចជិះយន្តហោះ រហូតដល់ថ្ងៃទី ៣០ ខែកញ្ញាឆ្នាំក្រោយ។

ទីភ្នាក់ងារនេះក៏បាននិយាយថា មនុស្សម្នាក់មកពីខេត្ត Kien Giang ភាគខាងត្បូងត្រូវបានហាមឃាត់មិនឱ្យហោះហើររយៈពេល ១២ខែ ហើយនឹងត្រូវត្រួតពិនិត្យក្នុងអំឡុងពេលនីតិវិធីសន្តិសុខ រយៈពេលប្រាំមួយខែ បន្ទាប់ពីនោះ ដោយសារតែបានប្រើប្រាស់លិខិតឆ្លងដែន និងអត្តសញ្ញាណប័ណ្ណរបស់មនុស្សម្នាក់ទៀត ខណៈពេលព្យាយាមឡើងយន្តហោះ។

ការជក់បារីនៅលើយន្តហោះ រួមទាំងបារីអេឡិចត្រូនិច នឹងត្រូវពិន័យជាប្រាក់ពី ៣ ទៅ ៥ លានដុង (១២៧ ដល់ ២១២ ដុល្លារ) និងអាចមានការហាមឃាត់រហូត ដល់១២ខែ៕

ប្រភពពី VNexpress, ដោយ៖ សារ៉ាត