ភ្នំពេញ៖ ក្នុងពិធីអបអរសាទរទិវាវប្បធម៌ជាតិ ៣មីនា លើកទី២៥ និង សំណេះសំណាល ពិសារអាហារសាមគ្គី ជាមួយសិល្បករ សិល្ប ការិនីជាង ៤ ០០០នាក់ នៅមជ្ឈមណ្ឌលពិព័រណ៍និងសន្និ បាតកោះ ពេជ្រ នាល្ងាចថ្ងៃទី២ ខែមិនា ឆ្នាំ២០២៣ សម្តេចអគ្គមហាសេនាបតី តេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បាន ណែនាំ ឱ្យការខិតខំ ធ្វើយ៉ាងណាពង្រឹងសមត្ថភាពអក្សរសាស្ត្រខ្មែរ សម្រាប់ប្រជាពលរដ្ឋរបស់យើង បន្ទាប់ពីមានការប្រើប្រាស់ខុស ឆ្គងជា ច្រើន នាពេលកន្លងមក ។

សម្តេចតេជោ ហ៊ុន សែន បានណែនាំដល់រាជបណ្ឌិត្យសភាកម្ពុជា ពិសេសក្រុមប្រឹក្សាជាតិភាសាខ្មែរ និងក្រសួងវប្បធម៌ និងវិចិត្រសិល្បៈ ត្រូវសហការគ្នារៀបចំបកប្រែភាសាបរទេសថ្មីៗ នៅក្នុងវិស័យ សិល្បៈ ដែលកំពុងមានការប្រើប្រាស់កាន់តែច្រើនឡើងៗ នៅលើ បណ្ដាញ សង្គម។

សម្តេចតេជោ ហ៊ុន សែន បានលើកឡើងថា ការខិតខំរបស់យើង ត្រូវយកចិត្តទុកដាក់ ជាពិសេសទៅលើបញ្ហាអក្សរសាស្ត្រខ្មែរ ដែល មកដល់ពេលនេះ ការប្រើប្រាស់ភាសាខ្លះ ឃើញការសរសេរពាក្យថា «ដែរ» ដូចជាខ្ញុំទៅដែរ ប៉ុន្តែបែរជាសរសេរ «ដ ដាក់ស្រះ ែ និង ល» ទៅវិញ។ នេះគឺជាចំណុចតូចមួយ ក្នុងចំណោមចំណុចនៃអក្សរសាស្ត្រ ខ្មែរ ដែលកំពុងតែវិវត្តន៍ ។

សម្តេចតេជោ ហ៊ុន សែន បានបន្ថែមពីថា បច្ចុប្បន្ន ការប្រើប្រាស់ បណ្តាញ សង្គមកាន់តែច្រើន ហើយការសរសេរក៏មានការខុស ប៉ុន្តែ វាក៏ជាការល្អដោយសារតែនៅក្នុងទូរសព្ទនីមួយៗតែងមានវចនានុក្រមសម្តេច សង្ឃរាជ ជួន ណាត។ តែទោះជាយ៉ាងណា សម្ដេចថា ត្រូវបន្ត ការខិត ខំ ដើម្បីធ្វើយ៉ាងណា ពង្រឹងសមត្ថភាពអក្សរសាស្ត្រខ្មែរ សម្រាប់ប្រជាពលរដ្ឋរបស់យើង ៕ ដោយ ៖វណ្ណលុក