អ៊ីស្លាម៉ាបាត៖ អតីតនាយករដ្ឋមន្ត្រីនៃប្រទេសប៉ាគីស្ថាន លោក Imran Khan បានបង្ហាញមុខ នៅក្នុងតុលាការ។

អតីតនាយករដ្ឋមន្ត្រីប៉ាគីស្ថាន លោក Imran Khan បានទៅដល់តុលាការ នៅក្នុងទីក្រុង អ៊ីស្លាម៉ាបាត (Islambad) ជាមួយនឹងការការពារសន្តិសុខតឹងរឹងខ្លាំង កាលពីថ្ងៃទី៤ ខែកក្កដា ឆ្នាំ២០២៣។

លោក Sher Afgun Khan មេធាវីតំណាងឱ្យ លោក Khan បាននិយាយថា “នៅក្នុងសំណុំរឿងទាំងអស់ដែលកំពុងរង់ចាំ នៅចំពោះមុខតុលាការផ្សេងៗគ្នា នៅក្នុងទីក្រុងអ៊ីស្លាម៉ាបាដ ។ លោក Khan ត្រូវបានបន្តសម្បទាន នៃការនៅក្រៅឃុំ” ។

ការឃុំខ្លួនរយៈពេលខ្លី លើលោក Khan ត្រូវបានធ្វើឡើង កាលពីខែឧសភា ពីបទប្រព្រឹត្តអំពើពុករលួយ ហើយបានបង្កឱ្យមានអំពើហិង្សាដ៏សាហាវជាច្រើនថ្ងៃ ខណៈដែលអ្នកដើរតាមលោករាប់ពាន់នាក់បានឡោមព័ទ្ធទីក្រុងនានា ដុតអគារ និងប៉ះទង្គិចជាមួយប៉ូលិស៕

ប្រភពពី AFP ប្រែសម្រួល៖ សារ៉ាត