fbpx

ចំណេះដឹងហិរញ្ញវត្ថុទាំង៤សម្រាប់ឪពុកម្តាយក្នុងការបង្រៀនកូនៗពីវ័យកុមារភាព

ចំណេះដឹង ៖ ផ្នត់គំនិតរបស់ក្មេងៗច្បាស់ណាស់ថា គឺមានឥទ្ធិពលដែលបន្តពីឪពុកម្តាយ ឬអាណាព្យាបាល។ ក្នុងនាមជាអ្នកតម្រង់ផ្លូវដល់កូនៗ គ្មានពាក្យថាលឿនពេកនោះទេក្នុងការចាប់ផ្តើមបង្រៀនកូនរបស់អ្នកអំពីររបៀបសន្សំប្រាក់ និងចំណាយប្រកបដោយការទទួលខុសត្រូវ។

លោកស្រី Erin McCullen ប្រធានផ្នែកប្រាក់បញ្ញើរបស់ធនាគារអាមេរិកបានមានប្រសាសន៍ថា ក្នុងនាមជាឪពុកម្តាយ ការងារចម្បងគឺរៀបចំកូនឱ្យទទួលបានជោគជ័យ។ ការផ្តល់ឱ្យកូនៗនូវមូលដ្ឋានគ្រឹះនៃជំនាញហិរញ្ញវត្ថុ ដូចជាការធ្វើគម្រោងថវិកា និងការសន្សំ គឺជាផ្នែកមួយដ៏សំខាន់ក្នុងការធានាឱ្យពួកគេលូតលាស់ទៅជាមនុស្សពេញវ័យប្រកបដោយសមត្ថភាព ហើយអាចផ្តោតអារម្មណ៍លើអ្វីៗដែលពួកគេចូលចិត្ត ។

ខាងក្រោមនេះជាគន្លឹះ និងចំណេះដឹងហិរញ្ញវត្ថុខ្លះៗដែលលោកស្រីបានណែនាំដល់ឪពុកម្តាយក្នុងការបង្រៀនកូន៖

១.បង្កើតគម្រោងថវិកា ៖ ការរៀបចំគម្រោងថវិកា គឺជាជំនាញសំខាន់ដែលត្រូវប្រើពេញមួយជីវិត។ ការបង្រៀនមនុស្សវ័យក្មេង ឬវ័យជំទង់ពីរបៀបរៀបចំគម្រោងថវិកាអាចជួយពួកគេឲ្យរៀបចំផែនការចំណាយ សន្សំប្រាក់ បង្កើតគោលដៅ និងដោះស្រាយបញ្ហាកង្វល់ហិរញ្ញវត្ថុបានយ៉ាងមានប្រសិទ្ធភាព។

យោងតាមការស្ទង់មតិរបស់ធនាគារអាមេរិក ជនជាតិអាមេរិកចំនួន ៥២% បាននិយាយថាពួកគេមិនបានចាប់ផ្តើមរៀបចំគម្រោងថវិកាទេ មុនពេលពួកគេចាប់ផ្តើមការងារពេញម៉ោងដំបូងរបស់ខ្លួន។ ប្រសិនបើកូនៗរបស់អ្នកនៅក្មេង ពួកគេទំនងជាមិនមានប្រាក់ចំណូលថេរទេ ប៉ុន្តែអ្នកនៅតែអាចជួយពួកគេអនុវត្តគម្រោងថវិកាដោយមានប្រាក់ឧបត្ថម្ភ ឬអំណោយពីសាច់ញាតិ ឬមិត្តភក្តិ។ និយាយឲ្យសាមញ្ញគឺបង្រៀនពួកគេឱ្យចេះតាមដានប្រាក់ដែលពួកគេទទួលបាន ហើយបែងចែកវាទៅជាប្រភេទចំណាយពេលនេះ និងពេលក្រោយ ហើយនៅពេលកូនរបស់អ្នកធំពេញវ័យ អ្នកអាចឲ្យពួកគេចូលរួមតាមដានការចំណាយដូចជាថ្លៃផ្ទះ សម្ភារៈប្រើប្រាស់ និងគ្រឿងទេសម្ហូបអាហារជាដើម។ នៅពេលពួកគេចាប់មានចំណូលខ្លួនឯង ពួកគេនឹងដឹងថាត្រូវចំណាយចាំបាច់លើការរស់នៅអស់ប៉ុណ្ណា និងនៅសល់ប្រាក់ប៉ុណ្ណា។

២. សន្សំលុយជាប្រចាំ និងទៀងទាត់ ៖  វាមិនដែលឆាប់ពេកទេក្នុងការបើកគណនីសន្សំប្រាក់។ ទោះបីជាកូនរបស់អ្នកមិនទាន់មានវិក្កយប័ត្រត្រូវបង់ ឬកាតព្វកិច្ចហិរញ្ញវត្ថុក៏ដោយ អ្នកគួរបង្រៀនពួកគេឱ្យទុកលុយខ្លះពីប្រាក់ឧបត្ថម្ភរបស់ពួកគេ ឬសូម្បីតែអំណោយពីគ្រួសារ ឬមិត្តភក្តិ។ ការធ្វើបែបនេះអាចជួយពួកគេអភិវឌ្ឍទម្លាប់នៃការសន្សំប្រាក់ មិនថាតិចក្តី ឬច្រើនក្តី។

៣. ធ្វើបញ្ជីត្រួតពិនិត្យហិរញ្ញវត្ថុ ៖ និសិ្សតភាគច្រើននៅពេលជិតបញ្ចប់ការសិក្សាទើបគិតគូរពីគម្រោងហិរញ្ញវត្ថុផ្ទាល់ខ្លួន ដែលពួកគេនឹងចាប់ផ្តើមផ្លាស់ប្តូរពីជីវិតនិស្សិតទៅជាជីវិតការងារក្នុងពេលដ៏ខ្លីខាងមុខ។ វិធីមួយក្នុងការជួយពួកគេឱ្យត្រៀមខ្លួនបានល្អគឺត្រូវណែនាំឲ្យពួកគេរៀនរៀបចំបញ្ជីរាយសកម្មភាពនូវអ្វីដែលត្រូវធ្វើមុនពេលបញ្ចប់ការសិក្សា។ បញ្ជីនេះអាចរួមបញ្ចូលទាំងការបង្កើតគម្រោងថវិកា ការបើកគណនីសន្សំសម្រាប់ចាប់ផ្តើមសន្សំទុកប្រាក់ពីប្រាក់ខែនាពេលអនាគត ឬណាត់ជួបជាមួយអ្នកជំនាញរៀបចំផែនការហិរញ្ញវត្ថុដើម្បីពិភាក្សាអំពីដំណើរផ្លាស់ប្តូរនិងត្រៀមខ្លួនសម្រាប់ពេលអនាគត។

៤. បញ្ជាក់ពីសារៈសំខាន់នៃឥណទានមានសុវត្ថិភាព ៖ វ័យជំទង់គឺជាពេលវេលាដ៏ល្អក្នុងការចាប់ផ្តើមបង្កើតកសាងប្រវត្តិឥណទាន ពីព្រោះការបង្កើតប្រវត្តិឥណទានល្អត្រូវការពេលវេលាច្រើន។ ការបង្កើតប្រវត្តិឥណទានតាំងពីវ័យក្មេងអាចជួយត្រួសត្រាយផ្លូវសម្រាប់ការទិញទំនិញធំៗ ព្រោះឥណទានជះឥទ្ធិពលដល់ការរៀបចំការរស់នៅនាពេលអនាគត ដូចជាលទ្ធភាពក្នុងការទិញផ្ទះ ទិញរថយន្ត និងសូម្បីតែឱកាសការងារល្អ។ ឪពុកម្តាយគួរបង្រៀនកូនៗអំពីជំហានដែលពួកគេអាចធ្វើបានដើម្បីចាប់ផ្តើមបង្កើតប្រវត្តិឥណទានល្អ ដូចជាការរៀបចំផែនការនៃការប្រើប្រាស់កាតឥណទានរបស់ពួកគេ ដោយកុំចំណាយលើសមត្ថភាព និងទូទាត់វិក្កយប័ត្រកាតឥណទានឲ្យទាន់ពេលវេលា។

ប្រភព៖​ WideBread


ព្រឹត្តិការណ៍, អចលនទ្រព្យ

សកម្មភាពទិញ-លក់ដីឡូតិ៍នៅផ្លូវជាតិលេខ៣ចាប់ផ្តើមកម្រើកឡើងវិញ

ដីឡូតិ៍នៅតាមតំបន់ផ្លូវជាតិ៣ ចាប់ផ្តើមកម្រើកឡើងវិញគួរឲ្យកត់សម្គាល់ ខណៈម្ចាស់ក្រុមហ៊ុនអភិវឌ្ឍន៍បានជំរុញការលក់របស់ខ្លួនតាមរយៈការបញ្ចុះតម្លៃ និងផ្តល់រង្វាន់ផ្សេងៗជាច្រើន
ជំនួញ, ព្រឹត្តិការណ៍

ឥណ្ឌាអាចនឹងរកឃើញកំណប់សេដ្ឋកិច្ចបៃតងតម្លៃជាង១៥ទ្រីលានដុល្លារ

ឥណ្ឌាអាចទាញយកផលប្រយោជន៍ជាច្រើនបូករួមទាំងសេដ្ឋកិច្ចដែលមានទំហំរហូទទៅដល់១៥ទ្រីលានដុល្លារ ពិសេសអាចបង្កើតការងារថ្មីជូនពលរដ្ឋ
ព្រឹត្តិការណ៍, ហិរញ្ញវត្ថុ

ការទូទាត់សងប្រាក់តាមប្រព័ន្ធអេឡិចត្រូនិកនៅកម្ពុជាមានការកើនឡើង ៨៥ ភាគរយ

NBC បានបញ្ជាក់ថា ការទូទាត់សងប្រាក់តាមប្រព័ន្ធអេឡិចត្រូនិកក្នុងឆមាសទី១ ឆ្នាំ២០២១មានការកើនឡើងប្រមាណ ៨៥ ភាគរយ បើធៀបនឹងគ្រាដូចគ្នាក្នុងឆ្នាំ២០២០
ព្រឹត្តិការណ៍, អាជីវកម្មថ្មី និងនវានុវត្ត

វឌ្ឍនភាពក្រុមហ៊ុន Truth Social បណ្តាញសង្គមយក្សថ្មីរបស់លោក Trump

ក្រុមហ៊ុនបណ្តាញសង្គមយក្សថ្មីរបស់អតីតប្រធានាធិបតីអាមេរិក លោក Donald Trump បានប្រកាសកាលពីថ្ងៃដើមសប្តាហ៍កន្លងទៅនេះថា ខ្លួនបានប្រមូលទុនវិនិយោគសរុបជាង…
ព្រឹត្តិការណ៍, សេដ្ឋកិច្ច

កម្ពុជា ស្នើឲ្យ WTO គាំទ្រដល់ការសិក្សាពីយុទ្ធសាស្ត្រក្នុងការក្លាយខ្លួនជាប្រទេសអភិវឌ្ឍន៍កម្រិតមធ្យម

គណៈប្រតិភូកម្ពុជា កាលពីថ្ងៃចុងសប្ដាហ៍កន្លងទៅនេះ ដឹកនាំដោយឯកឧត្តម សុខ សុភ័ក្ត្រ រដ្ឋលេខាធិការក្រសួងពាណិជ្ជកម្ម តំណាងដ៏ខ្ពង់ខ្ពស់របស់ឯកឧត្តម ប៉ាន សូរស័ក្ដិ …
ព្រឹត្តិការណ៍, សេដ្ឋកិច្ច

ឆ្នាំក្រោយប្រជាជនកម្ពុជានឹងអាចប្រើប្រាស់វ៉ាក់សាំងបង្ការជំងឺកូវីដ-១៩ ដែលផលិតនៅកម្ពុជា

មន្ត្រីជាន់ខ្ពស់រដ្ឋាភិបាលចិនបានអះអាងថា រោងចក្រផលិតវ៉ាក់សាំង ស៊ីណូហ្វាម ពេលនេះកំពុងទំនាក់ទំនងជាមួយក្រសួងសុខាភិបាលកម្ពុជា សិក្សាពីលទ្ធភាពក្នុងការដាក់ទីតាំងរោង
ព្រឹត្តិការណ៍, ហិរញ្ញវត្ថុ

ធនាគារសហគ្រាសធុនតូច និងមធ្យមកម្ពុជាបានសម្រេចបង្កើនគម្រោងថវិការចំនួន ៤០ លានដុល្លារ បន្ថែមទៀត

ធនាគារ សហគ្រាសធុនតូច និងមធ្យមកម្ពុជា បានរួមសហការជាមួយស្ថាប័នហិរញ្ញវត្ថុចូលរួមសម្រេចបង្កើនគម្រោងថវិកាចំនួន ៤០ …
ជំនួញ, ព្រឹត្តិការណ៍

បដិវត្តរថយន្តអគ្គិសនីរបស់ពិភពលោកនឹងទាមទារពេលវេលាយូរបន្ថែមទៀត

ទំនោរនៃការប្រើប្រាស់រថយន្តអគ្គិសនីកំពុងមានសន្ទុះខ្លាំងនៅក្នុងទីផ្សារលក់រថយន្តរបស់សកលលោកដោយចំនួនសរុបកំពុងចរាចរណ៍នៅលើផ្លូវថ្នល់មានទៅដល់ជាង ១០លានគ្រឿងមកហើយ …
ព្រឹត្តិការណ៍, សេដ្ឋកិច្ច

កូរ៉េខាងត្បូង និងអាស៊ាន ឯកភាពគ្នាដោះស្រាយបញ្ហានានាទាក់ទងនឹងនីតិវិធីគយ

ប្រទេសកូរ៉េខាងត្បូង និងអាស៊ាន បានព្រមព្រៀងគ្នាក្នុងការដោះស្រាយបញ្ហានានាទាក់ទងនឹងនីតិវិធីគយសម្រាប់ការអនុវត្តឱ្យកាន់តែប្រសើរឡើងនៃកិច្ចព្រមព្រៀងពាណិជ្ជកម្មសេរី(FTA)
ព្រឹត្តិការណ៍, អចលនទ្រព្យ

ប្រធាន CVEA បង្ហាញពីសុទិដ្ឋិនិយមចំពោះទីផ្សារអចលនទ្រព្យកម្ពុជាក្នុងឆ្នាំ២០២២

ប្រធានសមាគមអ្នកវាយតម្លៃ និងអចលនវត្ថុកម្ពុជា បានបង្ហាញពីភាពសុទិដ្ឋិនិយមចំពោះទីផ្សារអចលនទ្រព្យនៅក្នុងឆ្នាំ២០២២ខាងមុខនេះ ជា

AMS ECONOMY
@amseconomy