តាមរយៈការសិក្សា និងរបាយការណ៍ដែលចេញដោយការិយាល័យស្រាវជ្រាវម៉ាក្រូសេដ្ឋកិច្ចអាស៊ានបូក3 (AMRO) បានបង្ហាញថា ការបង្កើនល្បឿននៃការចាក់វ៉ាក់សាំងការពារជំងឺកូវីដ-19ឲ្យបានលឿន រួមជាមួយនឹងវិធានការគោលនយោបាយសារពើពន្ធដែលបានដាក់ចេញរបស់រដ្ឋាភិបាលកម្ពុជា គឺជាគោលដៅដែលអាចបត់បែនបានដើម្បីគាំទ្រដល់ការស្តារឡើងវិញនូវសេដ្ឋកិច្ចជាតិ។

នៅក្នុងរបាយការណ៍ស្រាវជ្រាវម៉ាក្រូសេដ្ឋកិច្ចអាស៊ានបូក3 (AMRO) បានបង្ហាញថា​ ទោះបីជាមានការរំខានសកម្មភាពវិនិយោគក្នុងស្រុកដោយសារបញ្ហាជំងឺឆ្លងក្នុងសហគមន៍នៃព្រឹត្តិការណ៍20កុម្ភៈ ប៉ុន្តែសេដ្ឋកិច្ចកម្ពុជាត្រូវបានគេព្យាករណ៍ថានៅក្នុងឆ្នាំ2021 អាចនឹងមានកំណើនកើនឡើង 4.0ភាគរយ ដោយសារវិស័យសំខាន់ៗមួយចំនួនចាប់ផ្តើមងាកត្រឡប់មករកភាពល្អប្រសើរឡើងវិញជាបណ្តើរៗ។ 

វិស័យដែលត្រូវបានរំពឹងថានឹងក្លាយជាឆ្អឹងបង្អែកក្នុងការគាំទ្រដល់កំណើនសេដ្ឋកិច្ចជាតិកម្ពុជា រួមមានវិស័យទេសចរណ៍(ផ្តើមចេញពីក្នុងស្រុក) វិស័យអចលនទ្រព្យ ភាពល្អប្រសើរនៃការនាំចេញទៅកាន់ទីផ្សារក្នុងតំបន់ និងតាមបណ្តាប្រទេសដៃគូសំខាន់ផ្សេងៗទៀត ហើយវិស័យដែលមានអាទិភាពជាងគេ គឺវិស័យកសិកម្ម ដែលកំពុងទទួលបានការគាំទ្រយ៉ាងខ្លាំងពីសំណាក់ទីផ្សារនៃប្រទេសចិនបន្ទាប់ពីកិច្ចព្រមព្រៀងពាណិជ្ជកម្មសេរីត្រូវបានចាប់អនុវត្ត។

យ៉ាងណាក៏ដោយ AMRO បានបញ្ជាក់ថា កាលពីឆ្នាំ2020 កម្ពុជាបានទទួលរងគ្រោះដោយសារបញ្ហានៃជំងឺកូវីដ-19 ដែលធ្វើឲ្យប៉ះពាល់យ៉ាងធ្ងន់ធ្ងរទៅដល់វិស័យសំខាន់ៗរបស់ខ្លួន រួមមានដូចជា វិស័យទេសចរណ៍ វិស័យឧស្សាហកម្ម វិស័យសំណង់ជាដើម។ ដោយឡែកនៅដើមឆ្នាំ2021នេះ ដោយសារតែព្រឹត្តិការណ៍20កុម្ភៈដែលបង្ករឲ្យមានការរីករាលដាលនៃជំងឺឆ្លងក្នុងសហគមន៍ចាប់តាំងពីខែកុម្ភៈរហូតមក បានធ្វើឲ្យសេដ្ឋកិច្ចកាន់តែធ្លាក់ក្នុងភាពប្រឈមនឹងហានិភ័យកាន់តែខ្ពស់។ 

បន្ថែមពីនេះ អ្វីដែលជាចលករសំខាន់ក្នុងចំណោមវិស័យដទៃដែលជួយជំរុញសេដ្ឋកិច្ចកម្ពុជាឲ្យមានកំណើនឡើងវិញបាន នោះគឺការបង្កើនល្បឿននៃការចាក់វ៉ាក់សាំងការពារជំងឺកូវីដ-19ជូនប្រជាពករដ្ឋនៅទូទាំងប្រទេសឲ្យបានលឿនដើម្បីធានាបាននូវសុខមាលភាព និងសុវត្ថិភាពសង្គម បង្កើនទំនុកចិត្តដល់អ្នកវិនិយោគ។ ក្រៅពីនេះ នៃការអនុវត្តនូវគោលនយោបាយសារពើពន្ធកាន់តែមានភាពល្អប្រសើរដែលបានដាក់ចេញរបស់រដ្ឋាភិបាលកម្ពុជា ក៏ជាកត្តាសំខាន់ក្នុងកិច្ចគាំទ្រដល់ការស្តារឡើងវិញនូវសេដ្ឋកិច្ចជាតិផងដែរ៕ 

កម្មវិធីពិសេសរបស់ AMS ECONOMY

• មើលទាំងអស់ ➧

S1:E20

គ្រោះថ្នាក់នៃការបង្ហាញអត្តសញ្ញាណ និងលេខគណនីធនាគារជាសាធារណៈ

S1:E19

គ្រោះថ្នាក់នៃការប្រើប្រាស់ Fintech ជាមួយ Wifi សាធារណៈ

S1:E18

ការបោកប្រាស់កម្ចីតាមប្រព័ន្ធអនឡាញ (SCAM)

S1:E17

កម្ចីអ្នកចងការ និងសេវាហិរញ្ញវត្ថុផ្លូវការ

S1:E16

កម្ចីមិនត្រូវការទ្រព្យធានា

S1:E15

សុវត្តិភាពកាត

S1:E14

ឱកាស និងហានិភ័យនៃការបង់រំលោះ

S1:E13

គ្រឹះស្ថានហិរញ្ញវត្ថុ និងទ្រព្យបញ្ចាំ

S1:E12

អត្ថប្រយោជន៍នៃធានារ៉ាប់រង

S1:E11

តួនាទីរបស់គ្រឹះស្ថានធនាគារ និងគ្រឹះស្ថានមីក្រូហិរញ្ញវត្ថុ

S1:E10

សិទ្ឋិនិងកាតព្វកិច្ចរបស់អ្នកប្រើប្រាស់កម្ចី

S1:E9

តួនាទីរបស់ប្រព័ន្ឋចែករំលែកព័ត៌មានឥណទាន

S1:E8

ដំណោះស្រាយឥណទានមានហានិភ័យ និង បញ្ហាលទ្ឋភាពសង

S1:E7

ការគ្រប់គ្រងហិរញ្ញវត្ថុសម្រាប់ MSMEs