fbpx

ផ្សារទាំង 25នៅតែបន្តបិទជាមួយនឹងបំរាមគោចរនៅបន្ត ព្រមទាំងការផាកពិន័យមិនលើកលែង

អភិបាលរាជធានីភ្នំពេញបានថ្លែងថាផ្សាររដ្ឋទាំង25 នឹងមិនអាចបើកឡើងវិញ បាននៅឡើយទេ ពីព្រោះបងប្អូនប្រជាពលរដ្ឋរបស់យើងមួយចំនួន មិនបានអនុវត្ត ទៅតាម ការណែនាំ របស់អាជ្ញាធរ ​និង​ក្រសួងសុខាភិបាលនៅឡើយ។នេះបើតាមការលើកឡើង របស់ឯកឧត្តម ឃួង ស្រេង អភិបាលរាជធានី ក្នុង កិច្ចប្រជុំគណៈបញ្ជាការឯកភាព​រាជ​ធានីភ្នំពេញ តាមរយៈ video conference នារសៀលថ្ងៃទី 19 ឧសភា នៅសាលារាជធានីភ្នំពេញ។

ឯកឧត្តម ឃួង ស្រេង បានបញ្ជាក់ ថា៖

“តើយើងអាចបើកផ្សាររដ្ឋទាំង25ឡើងវិញ ម្តេចនឹង​កើតទៅ បើ បងប្អូនប្រជាពលរដ្ឋរបស់យើងមួយចំនួន មិនបានអនុវត្តឱ្យបានខ្ជាប់ខ្ជួនទៅតាម ការ​ណែ​នាំរបស់អាជ្ញាធរ និងក្រសួងសុខាភិបាលផងហ្នឹង ។ ដូច្នេះយើងគ្មានមធ្យោបាយដើម្បីនឹងបើកផ្សាររដ្ឋ ទាំង 25 នេះឱ្យដំណើរការឡើងវិញនោះទេ ក្នុង1សប្តាហ៍ទៀតនេះ”

ជាមួយគ្នានេះផងដែរអាជ្ញាធររាជធានីភ្នំពេញនឹងចាត់វិធានការធ្ងន់ជាងមុន ក្នុងរយៈពេល1 សប្តាហ៍ទៀតនេះ ពោលគឺមិនលើកលែង ចំពោះអ្នកដែលល្មើសនឹងបំរាម គោចរនិងអ្នក ដែលលួច ចេញពីតំបន់លឿងទុំ ដែលអាជ្ញាធរបានបិទខ្ទប់ឡើយ ដោយអ្នករត់ចេញត្រូវឃាត់ខ្លួន ផាកពិន័យ និងទទួលទោសទណ្ឌ ថែមទៀត។

សូមបញ្ជាក់ថា រដ្ឋបាលរាជធានីភ្នំពេញ នៅថ្ងៃទី19 ខែឧសភា ឆ្នាំ2021នេះ ក៏បានចេញសេចក្ដី ជូនដំណឹងស្ដីពីការរឹតបន្ដឹងការអនុវត្តទណ្ឌកម្មរដ្ឋបាល និងទណ្ឌកម្មច្បាប់ចំពោះបុគ្គលល្មើសស្រប តាមច្បាប់ស្ដីពី វិធានការទប់ស្កាត់ការឆ្លងរាលដាលជំងឺកូវីដ-19 និងជំងឺឆ្លងកាចសាហាវ និងប្រកប ដោយគ្រោះថ្នាក់ ធ្ងន់ធ្ងរផ្សេងទៀត និងលិខិតបទដ្ឋានគតិយុត្តពាក់ព័ន្ធជាធរមាន។

ចំពោះវិធានការបន្ត គឺត្រូវអនុវត្ត ឱ្យបានម៉ឺងម៉ាត់ចំពោះបំរាមគោចរ ត្រូវឃាត់យានយន្ត ដែល​ធ្វើចរាចរណ៍ល្មើស ចាប់ពី8យប់ដល់ ម៉ោង5ភ្លឺ ទាំងអស់មករក្សាទុកនិងធ្វើការផាកពិន័យ ដោយ​មិន​មានការអប់រំទៀតទេ ។ ឯកឧត្តម ឃួង ស្រេង បានលើកឡើងក្នុងកិច្ចប្រជុំនេះទៀតថា គឺដើម្បីពិនិត្យ ពិភាក្សា រក​ចំណុច ល្អនិងចំណុចខ្វះខាត យកមក ចាប់ពីថ្ងៃ20ឧសភា រហូតដល់ថ្ងៃទី27ឧសភាខាង​មុខនេះ ដើម្បី ផ្តាច់​ឬសគល់ជម្ងឺកូវីដ-19 ។

 ឯកឧត្តម ឃួង ស្រេង បានមានប្រសាសន៍ថា ៖

“1សប្តាហ៍ទៀត (ថ្ងៃ20 ដល់27ឧសភា ) ដែល យើងត្រូវអនុវត្តបន្ត ក្នុងការអនុវត្តការងារនៃការបិទខ្ទប់ តំបន់ លឿងទុំ តាម ខ្នងផ្ទះ តាមអគារឬ​នៅតាម​ខុនដូរ ជាទឹកចុងក្រោយហើយអាជ្ញាធរ កម្លាំងមានសមត្ថកិច្ច ត្រូវតែម៉ឹងម៉ាត់ បើយើង គ្រប់គ្រងមិនបាន វា​នឹងវិលមករកចំណុចដើមវិញ នោះគឺចប់ហើយ”

ឯកឧត្តម ឃួង ស្រេង បានជំរុញឱ្យអាជ្ញាធរនិងកម្លាំងទាំងអស់ បន្តការផ្សព្វផ្សាយពីវិធានការ ការពាររបស់ក្រសួងសុខាភិបាល ពិសេស ការអនុវត្ត៣កុំ និង៣ការពារ ត្រូវតែបន្តអនុវត្តឱ្យបាន ម៉ឺង​ម៉ាត់បំផុត ព្រោះថា បើយើងភ្លេចខ្លួនតែបន្តិចវានឹងមានបញ្ហា។

ឯកឧត្តម បញ្ជាក់ដែរថាការផាកពិន័យ នេះរដ្ឋបាលរាជធានីគ្មានចេតនាណាមួយ ចង់បានលុយ ពី ការផាកនោះទេ រដ្ឋបាលរាជធានីភ្នំពេញ មានបំណងតែមួយគត់គឺចង់ឱ្យបងប្អូន ប្រជាពលរដ្ឋចូលរួម សហការ ជាមួយអាជ្ញាធរនិងក្រសួងសុខាភិបាល ដើម្បីយើងអាចផ្តាច់បានជម្ងឺកូវិដ-19 ក្នុងព្រឹត្តការណ៍ សហគមន៍20កុម្ភៈនេះ។ 

​ក្នុង​សេចក្ដីជូនដំណឹង រដ្ឋបាល​រាជធានី​ភ្នំពេញ​បាន​បញ្ជាក់ថា កន្លងមក​ដើម្បី​ប្រយុទ្ធ​និង​ទប់​ស្កាត់​ការឆ្លង​រាលដាល នៃ​ជំងឺ​កូ​វីដ​-19 ក្នុងព្រឹត្តិការណ៍​សហគមន៍20 កុម្ភៈ  រដ្ឋបាល​រាជ​ធានី​ភ្នំពេញ បានដាក់​ចេញ​នូវ​វិធានការ​ចាំបាច់​ជា​បន្តបន្ទាប់ ដូចជា កាតព្វកិច្ច​ពាក់​ម៉ាស​និង​កាតព្វ​កិច្ច​រក្សា​គម្លាត​សុវត្ថិភាព​ បម្រាម​គោចរ​ចន្លោះ​ម៉ោង20 ដល់​ម៉ោង3 ទៀបភ្លឺ​ ផ្អាក​ការលក់​គ្រឿង​ស្រវឹង​ កំណត់​ការ លក់ដូរ ជា​លក្ខណៈ​វេច​ខ្ចប់​ ផ្អាក​ដំណើរការ​ជា​បណ្តោះអាសន្ន​ផ្សារ​រដ្ឋ និង​ផ្សារ​មិន​រៀបរយ និង​ផ្អាក​រាល់​ការជួបជុំ​ប្រមូលផ្តុំ​មនុស្ស​ច្រើន ជាដើម​។

​ជាការ​កត់សម្គាល់ ប្រជាពលរដ្ឋ​ភាគច្រើន​លើសលប់ បាន​ចូលរួម​អនុវត្ត​វិធានការ​ខាងលើនេះ ដោយ​ស្មារតី​ទទួលខុសត្រូវ​ខ្ពស់ ប៉ុន្តែ​ពលរដ្ឋ​មួយចំនួន​តូច មិនបាន​យកចិត្តទុកដាក់ និង​មានការ​ធ្វេស ប្រហែស ជាពិសេស​ក្នុង​រយៈពេល​ចុងក្រោយ​នេះ ស្របពេល​ស្ថានភាព​ជំងឺ​កូ​វីដ​-19 មាន​ភាព​ធូរស្រាល​បន្តិច យុវជន​-​យុវនារី​ បាន​បំពាន​វិធានការ ផ្គើ​នប​ម្រាម និង​មិន​ព្រម​ចូលរួម​សហការ​ឡើយ​៕

ព្រឹត្តិការណ៍, សេដ្ឋកិច្ច

សម្ដេចតេជោ ហ៊ុន សែន សម្រេចបង្កើតគណៈកម្មការសម្រាប់ការចាក់វ៉ាក់សាំង ខណៈវ៉ាក់សាំង១.៥លានដូសនឹងមកដល់ឆាប់ៗ

សម្ដេចតេជោ ហ៊ុន សែន ប្រមុខរាជរដ្ឋាភិបាលកម្ពុជាបានសម្រេចបង្កើតគណៈកម្មការចំពោះកិច្ចសម្រាប់ការចាក់វ៉ាក់សាំង
ព្រឹត្តិការណ៍, អត្ថបទពាណិជ្ជកម្ម

សម្ដេចតេជោ ហ៊ុន សែន សម្រេចបញ្ចប់ការហាមឃាត់ការធ្វើដំណើរ និងការបិទតំបន់ទេសចរណ៍ទូទាំងប្រទេស

សម្ដេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានសម្រេចបញ្ចប់ការហាមឃាត់ការធ្វើដំណើរ និងការបញ្ចប់ការ​បិទរមណីយដ្ឋាន​ទេសចរណ៍​នៅទូទាំងប្រទេស…
សេដ្ឋកិច្ច

ធនាគារធំៗមួយចំនួនចាប់ផ្តើមលុប Trump ចេញពីបញ្ជីអតិថិជនរបស់ខ្លួន

ទូរទស្សន៍ CNN នៅថ្ងៃពុធនេះបានចេញផ្សាយថា ក្រៅតែពីធនាគារ Signature Bank គិតមកដល់ថ្ងៃនេះ ក៏មានធនាគារធំបំផុតរបស់ប្រទេសអាល្លឺម៉ង់ Deutsche Bank បានប្រកាសពីការផ្តាច់ទំនាក់ទំនងអាជីវកម្មទាំង…
ព្រឹត្តិការណ៍, អចលនទ្រព្យ

ទីផ្សារលំនៅដ្ឋានឯកជននៅសិង្ហបុរីមានការធ្លាក់ចុះខ្លាំងនៅចុងឆមាសទី1 ឆ្នាំ2021

បរទេស៖​ សម្រាប់តែខែឧសភា ឆ្នាំ2021កន្លងទៅនេះ ទីផ្សារអចលនទ្រព្យនៅក្នុងប្រទេសសិង្ហបុរីត្រូវបានគេមើលឃើញ ថាការលក់ប្រភេទលំនៅដ្ឋានឯកជនថ្មី​បានសម្រេច…..
ជំនួញ, ព្រឹត្តិការណ៍

BBC បង្ហាញចំណាត់ថ្នាក់ទីក្រុងសុវត្ថិភាពបំផុតទាំង៥ ក្នុងនិងក្រោយកូវីដ

របាយការណ៍ស្រាវជ្រាវមួយបានរកឃើញទីក្រុងកំពូលចំនួន៦០ តាមរយៈការរបៀបនៃការវាស់វែងចំនួន ៧៦ទីក្រុងដោយក្នុងនោះមានទីក្រុងកំពូល៥ ដែលទទួលបានពិន្ទុខ្ពស់ជាងគេ និងមាន
ព្រឹត្តិការណ៍, សេដ្ឋកិច្ច

អ្នកជំនាញសេដ្ឋកិច្ច និយាយពីការហូរចេញនៃកម្លាំងពលកម្មល្អរបស់កម្ពុជា

ជាមួយនឹងការបង្ហាញពីក្ដីបារម្ភបាត់បង់នូវកម្លាំងពលកម្មជំនាញរបស់កម្ពុជា ក្រោមរូបភាពចំណាកស្រុករបស់ពលរដ្ឋខ្មែរចេញទៅបម្រើការងារនៅប្រទេសជិតខាងនោះ អាចជាការ
ព្រឹត្តិការណ៍, អចលនទ្រព្យ

លំនៅដ្ឋានកម្រិតអភិជនរបស់សកលលោកស្ទុះខ្លាំងជាង៨ភាគរយក្នុងត្រីមាសទី២

ខុសប្លែកពីផ្នែកមួយចំនួនដែលស្ថិតនៅក្នុងវិស័យអចលនទ្រព្យកំពុងទទួលរងនូវផលប៉ះពាល់យ៉ាងដំណំពីវិបត្តិជំងឺកូវីដ សម្រាប់តែទីផ្សារលំនៅដ្ឋានកម្រិតខ្ពស់ និងលំដាប់អភិជនមាន
ព្រឹត្តិការណ៍, អត្ថបទពាណិជ្ជកម្ម

ព្រឹកនេះ វ៉ាក់សាំងការពារជំងឺកូវីដ-19 Sinovac ចំនួន ១លានដូសទៀតនឹងមកដល់កម្ពុជា

នៅព្រឹកថ្ងៃសៅរ៍ ទី 19 ខែមិថុនា ឆ្នាំ2021នេះ វ៉ាក់សាំងប្រយុទ្ធប្រឆាំងជំងឺកូវីដ-19 Sinovac ចំនួន 1លានដូសទៀត នឹងត្រូវបានដឹកពីប្រទេសចិនមកដល់ប្រទេសកម្ពុជា ។
សេដ្ឋកិច្ច, ហិរញ្ញវត្ថុ, អចលនទ្រព្យ

​សិង្ហបុរីរំពឹងទទួលបានទុនវិនិយោគវិស័យសំណង់ប្រហែល 28 ពាន់លានដុល្លារសម្រាប់ឆ្នាំ2021នេះ

យោងតាមសេចក្តីប្រកាសរបស់អជ្ញាធរទទួលបន្ទុកកិច្ចការងារសាងសង់ និងសំណង់អគាររបស់សឹង្ហបុរីឬ BCA បាននិយាយថាសម្រាប់ឆ្នាំ2021នេះ តម្រូវការលើផ្នែកសំណង់នឹងមានសកម្មភាពកើនឡើងវិញ ជាមួយនឹង…

AMS ECONOMY
@amseconomy