តូក្យូ៖ យោងតាមការសិក្សាមួយដែលត្រូវបានធ្វើឡើងដោយបណ្តាញសារព័ត៌មានរ៉យទ័រ និងត្រូវបានយកមកចេញផ្សាយដោយ CNA នៅថ្ងៃព្រហស្បតិ៍នេះបានឲ្យដឹងថា វិស័យផលិតកម្ម និងសេវាកម្មរបស់ជប៉ុនបច្ចុប្បន្ននៅតែបន្តរក្សាបាននូវសញ្ញាវិជ្ជមាននៅឡើយ បើទោះជាមានការគំរាមកំហែងពីវិបត្តិនៃជំងឺកូវីដ-19 ក៏ដោយ ពោលគឺមានការប្រែប្រួលតែបន្តិចបន្តួចប៉ុណ្ណោះបើធៀបទៅនឹងតួលេខកាលពីខែឧសភា។
ផ្អែកតាមរយៈការស្ទាបស្ទង់របស់រ៉យទ័រដែលបានប្រមូលទិន្នន័យពីធនាគារនៃប្រទេសជប៉ុន (BOJ) បានបញ្ជាក់ថា បើទោះបីជាការព្យាករណ៍សម្រាប់ 3 ខែខាងមុខអាចនឹងមានការធ្លាក់ចុះបន្តិចក្តី ប៉ុន្តែក្រុមអ្នកផលិតភាគច្រើនបានបង្ហាញពីភាពសុទិដ្ឋិនិយមទៅលើស្ថានភាព និងសកម្មភាពនៃផលិតកម្មរបស់ខ្លួនដោយសារតែតម្រូវការទីផ្សារក្រៅប្រទេសមានការកើនឡើងខ្លាំងនៅមួយរយៈពេលចុងក្រោយនេះ។
គួរបញ្ជាក់ផងដែរថា គិតមកត្រឹមថ្ងៃព្រហស្បតិ៍ ទី17 ខែមិថុនា ឆ្នាំ2021នេះ ករណីឆ្លងជំងឺកូវីដ-19សរុបនៅទូទាំងប្រទេសជប៉ុនមានចំនួនរហូតដល់ទៅប្រមាណ 778,000នាក់ ខណៈដែលចំនួនអ្នកជាសះស្បើយមានប្រមាណ 733,000នាក់ ហើយតួលេខនៃអ្នកបាត់បង់ជីវិតសរុបមានជាង 14,150 នាក់។
ជាមួយគ្នានេះ រដ្ឋាភិបាលជប៉ុនក៏មានគម្រោងលើកស្ថានភាព ឬដកភាពអាសន្នសម្រាប់ខេត្តចំនួន9 នៅត្រឹមថ្ងៃអាទិត្យ ទី20 ខែមិថុនាខាងមុខនេះ ដោយក្នុងនោះរួមមានទាំងទីក្រុងតូក្យូ និងអូសាកាផងដែរ ហើយរដ្ឋាភិបាលនឹងដាក់ចេញនូវវិធានការណ៍ពាក់កណ្តាលគ្រាអាសន្នមកជំនួសនៅក្នុងខេត្តចំនួន7 វិញ៕
ធ្លាប់បំពេញការងារជាអ្នកបកប្រែអត្ថបទសារព័ត៌មានជាភាសាខ្មែរជាមួយនឹងស្ថាប័នព័ត៌មានមួយចំនួនរយៈពេល៧ឆ្នាំ។ បទពិសោធបកប្រែប្រភេទព័ត៌មានអន្តរជាតិនយោបាយសេដ្ឋកិច្ចនិងកីឡាផង។ បច្ចុប្បន្នកំពុងបំពេញការងារជាអ្នកបកប្រែអត្ថបទសារព័ត៌មានសេដ្ឋកិច្ចអន្តរជាតិឱ្យសារព័ត៌មាន AMS Economy.
របាយការណ៍ថ្មីៗ
មើលទាំងអស់ ➧ព័ត៌មានទូទៅ
មើលទាំងអស់ ➧Barefoot College ជួយផ្លាស់ប្តូរជីវភាពសហគមន៍ក្រីក្រ និងជួយបណ្តុះបណ្តាលស្ត្រីទៅជាវិស្វករក្នុងវិស័យថាមពលសូឡា
ធុរកិច្ចបរិយាបន្ន, ព្រឹត្តិការណ៍, អាជីវកម្មថ្មី និងនវានុវត្ត
• 24/04/2024
Barefoot College បាន និងបន្តបេសកកម្មរបស់ខ្លួនទៅតាមគោលការណ៍អភិវឌ្ឍប្រកបដោយចិរភាព ហើយបានចូលរួមក្នុងកិច្ចការងារជាច្រើនជាមួយប្រជាសហគមន៍ក្រីក្រ
កម្ពុជាអំពាវនាវឱ្យមានកិច្ចសហប្រតិបត្តិការជាសាកលក្នុងវិស័យវិទ្យាសាស្ត្រ បច្ចេកវិទ្យា និងនវានុវត្តន៍
ព្រឹត្តិការណ៍, អាជីវកម្មថ្មី និងនវានុវត្ត
• 24/04/2024
ក្នុងសន្និសីទរដ្ឋមន្ត្រី OECD ប្រទេសកម្ពុជាបានអំពាវនាវឱ្យមានកិច្ចសហប្រតិបត្តិការជាសាកលក្នុងវិស័យវិទ្យាសាស្ត្រ បច្ចេកវិទ្យា និងនវានុវត្តន៍ ។