fbpx

ឥណ្ឌា បន្តថែរក្សាវិធីសាស្ត្រជាង ៥០០ឆ្នាំក្នុងការផលិតស្រាស Feni ពីផ្លែស្វាយចន្ទី

គ្រាប់ស្វាយចន្ទី ត្រូវបានគេស្គាល់ថា ជាប្រភេទគ្រាប់ធញ្ញជាតិ និងច្នៃជាចំណីអាហារដ៏មានរសជាតិ និងមានអត្ថប្រយោជន៍បំផុតសម្រាប់សុខភាព ប៉ុន្តែបើនិយាយពីផ្លែស្វាយចន្ទីវិញក៏មានអត្ថប្រយោជន៍មិនអន់នោះដែរ ពីព្រោះថា វាអាចយកទៅផលិតបានជាប្រេង ឬជាស្រាស(Liqour)ដ៏មានតម្លៃ និងមានទីផ្សារល្អបំផុតនៅក្នុងប្រទេសឥណ្ឌា។

នៅក្នុងតំបន់មួយនៃប្រទេសឥណ្ឌា ក្នុងរដ្ឋ Goa ផ្លែស្វាយចន្ទី ត្រូវបានក្លាយជាវត្ថុធាតុដើមដ៏សំខាន់ក្នុងការផលិតជាស្រាសដ៏កម្រម្យ៉ាងដែលមានឈ្មោះថា Feni និងមានប្រវត្តិនៃការផលិតអស់រយៈពេលជាង ៥០០ឆ្នាំមកហើយ ហើយបច្ចុប្បន្នកំពុងមានកិច្ចសហការជាមួយនឹងក្រុមហ៊ុនក្នុងស្រុក និងក្រៅស្រុកជាច្រើនដើម្បីធ្វើការនាំចេញ Feni ទៅកាន់ទីផ្សារអន្តរជាតិកាន់តែច្រើនឡើងដែលវាមានតម្លៃមួយដបចន្លោះពី ៥០០រូពី ទៅ ១ ០០០រូពី ឬប្រមាណជា ៧ – ១៤ដុល្លារអាមេរិក។

បច្ចុប្បន្នស្រា Feni ជាប្រភេទស្រាកម្រដែលមានប្រភពពីរដ្ឋ Goa នេះប៉ុណ្ណោះ ប៉ុន្តែពលរដ្ឋក្នុងស្រុកដែលជាអ្នកផលិតនៅតែបន្តការបិតស្រាមួយនេះតាមរបៀបដូនតានៅឡើយ។

តើដំណើរការផលិតស្រាស្វាយចន្ទីនេះត្រូវបានធ្វើឡើងដោយរបៀបណាខ្លះ ?

ជាការបកស្រាយត្រួសៗ ដំបូងឡើយស្វាយចន្ទីត្រូវបានគេប្រមូលយកចេញពីចំការ និងកាត់គ្រាប់ចេញ ដើម្បីយកទៅលក់ និងបន្សល់ទុកតែផ្លែស្វាយចន្ទីប៉ុណ្ណោះដែលជាវត្ថុធាតុដើមចាំបាច់ជាងគេសម្រាប់ Feni ។ នៅក្នុងប្រទេសឥណ្ឌា រដូវកាលបិតស្រា Feni មានត្រឹមតែ ២ខែប៉ុណ្ណោះគឺខែមីនា និងខែមេសា។

ផ្លែស្វាយចន្ទីតាមចំនួនដែលត្រូវបានកំណត់នឹងត្រូវយកទៅទុកនៅទីតាំងមួយដែលក្រុមកម្មករនឹងចាប់ផ្តើមនាំគ្នាពាក់ស្បែកជើងកវែងដើម្បីជាន់សម្រាំងយកជាតិទឹកចេញពីផ្លែស្វាយចន្ទី ហើយបង្ហូរវាទៅទុកក្នុងពាងដែលបានត្រៀមទុករួចជាស្រេច។

ការជាន់យកជាតិទឹកចេញពីផ្លែត្រូវការចំណាយពេលជាច្រើនម៉ោង ព្រោះត្រូវការធ្វើឡើងដោយជើងមនុស្សសុទ្ធសាធ ដែលវាជាវិធីមានប្រសិទ្ធភាពជាងការប្រើប្រាស់ឈើដើម្បីសង្កត់គៀបយកទឹក។

សាច់ដែលត្រូវបានជាន់បែករួចមិនត្រូវបានបោះចោលនោះទេ ដោយក្រុមការងារយកទៅចងទុកយ៉ាងសម្រិតសម្រាំង និងសង្កត់ពីលើដោយដុំថ្មធំៗ ដើម្បីយកទឹកចេញពីសាច់ផ្លែស្វាយចន្ទីឲ្យអស់មុនពេលដែលវាត្រូវបានបោះចោល ឬយកទៅឲ្យសត្វស៊ីជាចំណី។

ទឹកស្វាយចន្ទីដែលប្រមូលបានត្រូវយកទៅឆ្លងកាត់ដំណាក់កាលបិតជាមួយនឹងឡឥដ្ឋធ្វើពីដីភក់ដែលភាគច្រើនគឺត្រូវបានយកចេញពីដីដំបូកសត្វពស់ដែលពួកគេជឿជាក់ថាជាដីដែលមានជាតិ និងជួយឲ្យគុណភាពរបស់ Feni អាចទទួលបានកាន់តែល្អប្រសើរ។

ក្រោយពេលបញ្ចប់ទៅនៃការបិតស្រា Feni ទឹកស្វាយចន្ទីដែលមានកករលាយឡំបានប្រែក្លាយទៅជាទឹកដែលមានជាតិអាកុលប្រមាណ ៤០-៤៥ អង្សារយ៉ាងថ្លាឆ្វង់ ហើយជារៀងរាល់រដូវកាលក្រុមគ្រួសារខ្លះអាចបិតស្រាប្រភេទនេះបានប្រហែលជា ១៧៥លីត្រ ឬគិតជាប្រាក់ចំណូលប្រហែលជា ៧០០ដុល្លារអាមេរិក។ គួរបញ្ជាក់ថា បច្ចុប្បន្នការផលិតស្រា Feni កំពុងជួបបញ្ហាប្រឈមដោយសារតែពលរដ្ឋឥណ្ឌានៅតែបន្តធ្វើបិតស្រាតាមរបៀបបុរាណដែលមានភាពយឺតយ៉ាវក្នុងការផ្គត់ផ្គង់ ដែលទាមទារចាំបាច់មានការចូលរួមពីសំណាក់អ្នកវិនិយោគក្នុងស្រុកដើម្បីចូលរួមគាំទ្រដល់ការវិនិយោគចំពោះអាជីវកម្មបុរាណ និងដើម្បីថែរក្សាទុកជាកេរដំណែលមួយនេះ៕


ព្រឹត្តិការណ៍, សេដ្ឋកិច្ច

សហគ្រិនខ្មែរ និងសមាគមមីក្រូហិរញ្ញវត្ថុកម្ពុជារួមគ្នាលើកកម្ពស់លទ្ធភាពទទួលបានហិរញ្ញវត្ថុសម្រាប់ SMEs

សហគ្រិនខ្មែរ និងសមាគមមីក្រូហិរញ្ញវត្ថុកម្ពុជា បានសហការគ្នាសំដៅលើកកម្ពស់លទ្ធភាពទទួលបានហិរញ្ញវត្ថុក្នុងប្រព័ន្ធអេកូឡូស៊ីនៃវិស័យ SME និងធុរកិច្ចថ្មីៗ ក្នុងប្រព័ន្ធអេកូឡូស៊ីនៃកម្ពុជា
ជំនួញ, ព្រឹត្តិការណ៍

តម្លៃប្រេងសកលបានកើនឡើងបន្តិចវិញនៅដើមសប្តាហ៍នេះមុនជំនួបរបស់ OPEC

តម្លៃប្រេងនៅតាមបណ្តាប្រទេសជាច្រើននៅលើសកលភាគច្រើននៅដើមសប្តាហ៍នេះមានការកើនឡើងបន្តិចវិញធៀបទៅនឹងកាលពីសប្តាហ៍មុន ដោយក្នុងនោះបណ្តាក្រុមហ៊ុនធំៗរបស់
ព្រឹត្តិការណ៍, ហិរញ្ញវត្ថុ

គួរស្វែងយល់ ៖ ដឹងទេថា ធនាគារវិនិយោគអឺរ៉ុប (EIB) បង្កើតនៅពេលណា មានគោលបំណងអ្វីខ្លះ?

ធនាគារវិនិយោគអឺរ៉ុបភាគច្រើនបានផ្តល់ប្រាក់កម្ចីដល់ប្រទេសក្នុងសហភាពអឺរ៉ុប ប៉ុន្តែកម្ពុជាយើងក៏ទទួលបានប្រាក់កម្ចីពីធនាគារនេះផងដែរ ជាមួយនឹងការផ្តោតសំខាន់ទៅលើវិស័យ
ព្រឹត្តិការណ៍, សេដ្ឋកិច្ច

មន្ត្រីជាន់ខ្ពស់អាកាសចរស៊ីវិលកម្ពុជា៖ ការបិទជើងហោះហើរតភ្ជាប់មកពីអាហ្វ្រិក មិនប៉ះពាល់ខ្លាំងដល់កម្ពុជានោះទេ

មន្ត្រីជាន់ខ្ពស់ និងជាអ្នកនាំពាក្យអាកាសចរស៊ីវិលបានអះអាងថា ទោះជាមានការបិទជើងហោះហើរពីអាហ្វ្រិកក៏ដោយ ក៏មិនបានជះឥទ្ធិពលអាក្រក់ដល់វិស័យអាកាសចរកម្ពុជានោះទេ
ព្រឹត្តិការណ៍, អចលនទ្រព្យ

អគារបៃតងកាន់តែច្រើនបានជួយពិភពលោកសម្រេចគោលដៅបន្ថយបម្រែបម្រួលអាកាសធាតុ

ការសាងសង់អគារបៃតង គឺជាវិធីសាស្ត្រដ៏ល្អ និងគួរតែធ្វើដែលអាចកាត់បន្ថយឧស្ម័នកាបូនិកចេញពីសំណង់អគារ និងអចលនទ្រព្យទាំងឡាយនឹងអាចជួយឲ្យពិភពលោកសម្រេច
ព្រឹត្តិការណ៍, អាជីវកម្មថ្មី និងនវានុវត្ត

ភួយដណ្តប់ផ្ទាំងទឹកកកតែមួយគត់លើពិភពលោកនៅប្រទេសស្វីសអាចទប់ស្កាត់ការកើនកំដៅប្រចាំឆ្នាំបាន

ក្នុងកិច្ចខិតខំប្រឹងប្រែងប្រយុទ្ធប្រឆាំងទៅនឹងការបម្រែបម្រួលអាកាសធាតុ រដ្ឋាភិបាលនៃប្រទេសស្វីស បាន និងកំពុងបន្តអនុវត្តនូវគំនិតច្នៃប្រឌិតមួយ គឺការបង្កើត ភួយដណ្តប់ផ្ទាំង
ព្រឹត្តិការណ៍, សេដ្ឋកិច្ច

សាលារាជធានីភ្នំពេញ សម្រេចអនុញ្ញាតឲ្យក្រុមអាជីវកម្ម ខារ៉ាអូខេ រង្គសាល និងឌីស្កូតែក ដំណើរការ

បន្ទាប់ពីមានការស្រាកស្រាន្ត និងគ្រប់គ្រងការឆ្លងជំងឺកូវីដ-១៩មានភាពល្អប្រសើរ រដ្ឋបាលរាជធានីភ្នំពេញបានសម្រេចប្រកាសឱ្យក្រុមអាជីវកម្ម ខារ៉ាអូខេ រង្គសាល និងឌីស្កូតែក បើកដំណើរ
ជំនួញ, ព្រឹត្តិការណ៍

រដ្ឋាភិបាលប្រទេសឆែក សន្យាជំរុញអ្នកវិនិយោគមកបណ្តាក់ទុននៅកម្ពុជា

រដ្ឋាភិបាលប្រទេសឆែក តាមរយៈឯកអគ្គរដ្ឋទូតប្រចាំនៅកម្ពុជា បានសន្យាជួយផ្សព្វផ្សាយ និងជំរុញអ្នកវិនិយោគរបស់ខ្លួនឲ្យមកបណ្តាក់ទុននៅកម្ពុជាក្រោយពេលដែលវិបត្តិជំងឺកូវីដ
ព្រឹត្តិការណ៍, សេដ្ឋកិច្ច

មណ្ឌលកម្សាន្តឆ្នេរសមុទ្រក្រុងព្រះសីហនុនឹងជួយជំរុញកំណើនសេដ្ឋកិច្ច និងអភិវឌ្ឍទេសចរណ៍

មណ្ឌលកម្សាន្តឆ្នេរសមុទ្រ ជាផ្នែកមួយដែលអាចនឹងក្លាយជាអត្តសញ្ញាណទីក្រុងថ្មីនៃខេត្តព្រះសីហនុ ក៏ដូចជារួមចំណែកដល់ការអភិវឌ្ឍទេសចរណ៍នៅក្នុងខេត្តជាប់ឆ្នេរសមុទ្រមួយនេះ
ព្រឹត្តិការណ៍, ហិរញ្ញវត្ថុ

វិស័យមីក្រូហិរញ្ញវត្ថុនៅកម្ពុជាត្រៀមខ្លួនរួចជាស្រេចក្នុងការឈានទៅរកការប្រើប្រាសប្រព័ន្ធឌីជីថល

វិស័យគ្រឹះស្ថានមីក្រូហិរញ្ញវត្ថុនៅកម្ពុជាបានត្រៀមជាស្រេចដើម្បីឈានទៅរកឌីជីថលនីយកម្ម ដោយទទួលយកបច្ចេកវិទ្យាដែលកំពុងរីកចម្រើនមកពង្រឹងការអនុវត្ត

AMS ECONOMY
@amseconomy