ពាណិជ្ជកម្មទ្វេភាគីរវាងកម្ពុជា និងចិនមានតម្លៃ 8.118ពាន់លានដុល្លារក្នុងឆ្នាំ2020 ធ្លាក់ចុះ 5,2% បើប្រៀបធៀបនឹងឆ្នាំ 2019 ។ ទិន្នន័យពីក្រសួងពាណិជ្ជកម្មបានបង្ហាញថា ប្រទេសកម្ពុជាបាននាំចេញទំនិញមានចំនួនទឹកប្រាក់ 1.086 ពាន់លានដុល្លារទៅកាន់ប្រទេសចិនកាលពីឆ្នាំ 2020 ដែលបានកើនឡើង 8.1% បើធៀបនឹងរយៈពេលដូចគ្នាកាលពីឆ្នាំ2019 ដែលមានចំនួនតែ 1.004ពាន់លានដុល្លារប៉ុណ្ណោះ។ ការនាំចូលរបស់កម្ពុជាពីឆ្នាំពីប្រទេសចិនមានតម្លៃ 7.031ពាន់លានដុល្លារ ដែលជាការធ្លាក់ចុះ 6.9% បើប្រៀបធៀបនឹងតួលេខឆ្នាំ2019 ។ ការថយចុះនៃការនាំចូលរបស់ចិន គឺបណ្តាលមកពីការថយចុះនៃវត្ថុធាតុដើម សម្រាប់រោងចក្រកាត់ដេរនៅកម្ពុជា ដោយសារតែវិធានការចាក់សោរ ឬវិធានការបង្ការមេរោគ ដែលមានចែងក្នុងវិធានការការពារជំងឺកូវីដ-19 ។
លោកឧកញ៉ា លឹម ហេង អនុប្រធានសភាពាណិជ្ជកម្មកម្ពុជាបានឱ្យដឹងថា ការនាំទំនិញកម្ពុជាទៅកាន់ប្រទេសចិនកាលពីឆ្នាំ2020 កន្លងទៅនេះបានល្អប្រសើរ ដោយសារប្រទេសចិនទិញផលិតផលកសិកម្មច្រើនពីកម្ពុជា ធ្វើឱ្យកម្ពុជាជាប្រទេសផលិតវត្ថុធាតុដើមមានលទ្ធភាពគ្រប់គ្រាន់ក្នុងការនាំចេញទៅក្រៅប្រទេស។
លោកឧកញ៉ាបានបន្តថា នៅពេលដែលកម្ពុជាចាប់ផ្ដើមអនុវត្តកិច្ចព្រមព្រៀងពាណិជ្ជកម្មសេរីជាមួយចិន នោះនឹងធ្វើឱ្យកម្ពុជាមានឱកាសដល់អ្នកវិនិយោគផ្សេងៗ ដែលអាចមានលទ្ធភាពមកបណ្ដាក់ទុននៅកម្ពុជា ដើម្បីនាំចេញទៅកាន់ប្រទេសចិនកាន់តែច្រើនបន្ថែមទៀត។
លោកឧកញ៉ា លឹម ហេង បានមានប្រសាសន៍ថា៖
“ខ្ញុំគិតថា ការធ្វើពាណិជ្ជកម្មជាមួយចិននេះ វាជាឱកាសមួយដែលយើងមានកិច្ចព្រមព្រៀងពាណិជ្ជកម្មសេរីជាមួយចិននេះ ដែលអាចឱ្យបណ្ដាសហគ្រាសមកពីបណ្ដាប្រទេសផ្សេងៗទៀតមកវិនិយោគនៅកម្ពុជា ដើម្បីកែច្នៃផលិតផលកសិកម្មយើងនាំចេញទៅចិនឱ្យកាន់តែច្រើន”
នៅពេលកិច្ចព្រមព្រៀងពាណិជ្ជកម្មសេរីត្រូវបានអនុវត្ត ហើយវ៉ាក់សាំងCovid-19 បានកាន់កាប់នៅជុំវិញពិភពលោក ខ្ញុំជឿជាក់ថាពាណិជ្ជកម្មទ្វេភាគីនឹងកើនឡើង ជាពិសេស ក្នុងការទាក់ទាញវិនិយោគិន មកប្រទេសកម្ពុជា ដើម្បីផលិត និងកែច្នៃផលិតផលសម្រេចសម្រាប់នាំចេញទៅប្រទេសចិន។ នេះបើតាមលោកឧកញ៉ា លឹម ហេង។
ប្រទេសកម្ពុជានាំចេញផលិតផលកសិកម្មភាគច្រើនរួមមាន អង្ករ ស្វាយ ដំណាប់ស្វាយ ដំឡូងមីទៅកាន់ប្រទេសចិន។ ការនាំចូលរបស់កម្ពុជា ភាគច្រើនជាផលិតផលឧស្សាហកម្ម និងវត្ថុធាតុដើមសម្រាប់ឧស្សាហកម្មកាត់ដេរ និងសម្ភារៈសំណង់។
ប្រទេសកម្ពុជា និងចិនបានចុះហត្ថលេខាលើកិច្ចព្រមព្រៀងពាណិជ្ជកម្មសេរី កាលពីខែតុលាដោយមន្រ្តីមកពីប្រទេសទាំងពីរ មានក្តីសង្ឃឹមខ្ពស់លើការចូលរួមចំណែករបស់ខ្លួន ក្នុងការជំរុញសកម្មភាពពាណិជ្ជកម្មទ្វេភាគី។ កិច្ចព្រមព្រៀងពាណិជ្ជកម្មសេរីនេះគឺជាព្រឹត្តិការណ៍សំខាន់មួយនៅក្នុងទំនាក់ទំនងសេដ្ឋកិច្ច និងពាណិជ្ជកម្មទ្វេភាគីរវាងប្រជាជាតិនានា ហើយត្រូវបានគេរំពឹងថានឹងជំរុញការអភិវឌ្ឍរបស់ពួកគេឱ្យដល់កម្រិតថ្មីមួយ ដែលនាំមកនូវផលប្រយោជន៍កាន់តែច្រើន ដល់សហគ្រាស និងប្រជាជននៅក្នុងប្រទេសកម្ពុជា និងចិន៕
របាយការណ៍ថ្មីៗ
មើលទាំងអស់ ➧ព័ត៌មានទូទៅ
មើលទាំងអស់ ➧Kukula Solar ធ្វើការជាមួយអ្នកលក់ផលិតផលថាមពលពន្លឺព្រះអាទិត្យជាស្ត្រី និងយុវជនពីសហគមន៍ក្រីក្រ
ធុរកិច្ចបរិយាបន្ន, ព្រឹត្តិការណ៍, សេដ្ឋកិច្ច
• 25/04/2024
គំរូអាជីវកម្មបរិយាបន្នរបស់ Kukula Solar គឺការធ្វើការជាមួយអ្នកលក់ផលិតផលថាមពលពន្លឺព្រះអាទិត្យជាស្ត្រី និងយុវជនពីសហគមន៍មូលដ្ឋាន ដើម្បីជំរុញការធ្វើទីផ្សារផលិតផលពន្លឺព្រះអាទិត្យ និងផ្តល់ការគាំទ្របន្ថែមដូចជាការជួសជុល និងសេវាកម្មអតិថិជនក្នុងសហគមន៍របស់ពួកគេ
ពិភពលោកឆ្ពោះទៅរកថាមពលកាបូនកម្រិតទាប ប៉ុន្តែត្រូវគ្រប់គ្រងឲ្យមានប្រសិទ្ធភាពលើវត្ថុធាតុដើមកម្រ
ព្រឹត្តិការណ៍, អាជីវកម្មថ្មី និងនវានុវត្ត
• 25/04/2024
ពិភពលោកឆ្ពោះទៅរកថាមពលកាបូនកម្រិតទាប ប៉ុន្តែត្រូវគ្រប់គ្រងឲ្យមានប្រសិទ្ធភាពលើវត្ថុធាតុដើមកម្រ
Barefoot College ជួយផ្លាស់ប្តូរជីវភាពសហគមន៍ក្រីក្រ និងជួយបណ្តុះបណ្តាលស្ត្រីទៅជាវិស្វករក្នុងវិស័យថាមពលសូឡា
ធុរកិច្ចបរិយាបន្ន, ព្រឹត្តិការណ៍, អាជីវកម្មថ្មី និងនវានុវត្ត
• 24/04/2024
Barefoot College បាន និងបន្តបេសកកម្មរបស់ខ្លួនទៅតាមគោលការណ៍អភិវឌ្ឍប្រកបដោយចិរភាព ហើយបានចូលរួមក្នុងកិច្ចការងារជាច្រើនជាមួយប្រជាសហគមន៍ក្រីក្រ