កម្ពុជាគួរបង្កើនកម្លាំងពលកម្មជំនាញវិជ្ជាជីវៈក្នុងស្រុក ដើម្បីទាញវិនិយោគិនអន្តរជាតិមកបន្ថែម

ភ្នំពេញ ៖ ជារៀងរាល់ឆ្នាំពលរដ្ឋកម្ពុជា ជាពិសេសយុវជនពេញកម្លាំង តែងចេញទៅបម្រើការងារនៅប្រទេសផ្សេងៗដែលមានតម្រូវការកម្លាំងពលកម្មខ្ពស់ក្នុងនាមជាពលករស្របច្បាប់ ហើយខ្លះទៀតខុសច្បាប់ដើម្បីអាចទទួលបានចំណូល ខណៈដែលនៅក្នុងបណ្ដាប្រទេសអភិវឌ្ឍន៍ទាំងនោះ ប្រជាជនក្នុងស្រុករបស់គេភាគច្រើនមិនជ្រើសរើសធ្វើប្រភេទការងារបញ្ចេញកម្លាំងនោះឡើយ។

លោកបណ្ឌិត គី សេរីវឌ្ឍន៍ អ្នកជំនាញសេដ្ឋកិច្ចនៃរាជបណ្ឌិត្យសភាកម្ពុជាបានលើកឡើងថា ក្ដីលំបាកនៃការស្វែងរកការងារដែលមានចំណូលច្រើនក្នុងស្រុករបស់ពលរដ្ឋខ្មែរមួយចំនួនក៏ព្រោះតែពួកគាត់ភាគច្រើនមិនមានចំណេះដឹង និងជំនាញវិជ្ជាជីវៈ ពួកគាត់មានតែកម្លាំង ខណៈដែលក្រុមហ៊ុនវិនិយោគ និងក្រុមហ៊ុនអភិវឌ្ឍន៍ដែលកំពុងប្រតិបត្តិការនៅកម្ពុជាបច្ចុប្បន្នជួបវិបត្តិខ្វះកម្លាំងជំនាញ ហើយត្រូវបង្ខំចិត្តជួលជាតិសាសន៍ដទៃមកពីក្រៅប្រទេសធ្វើការងារជំនួសជនជាតិដែលជាម្ចាស់ស្រុក។

លោកបណ្ឌិតបានបន្ថែមទៀតថា ៖

«ភាគច្រើននៃអ្នកវិនិយោគបរទេសដែលមកស្រុកយើង គឺច្រើនតែមកវិនិយោគលើផ្នែកផ្សេង ដូចជាវិស័យកសិកម្មកែច្នៃ វិស័យកាត់ដេរ ដោយសារតែនារីៗគាត់អាចផ្សុំាខ្លួនឯងបាន ហើយម្យ៉ាងទៀតយើងមានរោងចក្រកាត់ដេរតាំងតែពីអំឡុងឆ្នាំ១៩៩៥ ឬ១៩៩៦ មកម្ល៉េះ!។ ដោយឡែក សម្រាប់ផ្នែកឧស្សាហកម្មកម្រិតមធ្យម និងកម្រិតខ្ពស់ ដូចជារោងចក្រផលិតរថយន្ដ ដែលទាក់ទងនឹងជំនាញមេកានិក និងអេឡិចត្រូនិក គឺយើងមានប្រជាជនខ្មែរតិចតួចណាស់ដែលចេះជំនាញនេះច្បាស់។

ដូច្នេះ បើសិនជាក្រុមហ៊ុនណាមួយចង់មកវិនិយោគផ្នែកនេះនៅកម្ពុជា ពួកគេនឹងត្រូវចំណាយប្រាក់ឈ្នូលច្រើនសម្រាប់ជួលពលករជំនាញ ព្រោះតែអ្នកចេះមានតិចតួចពេក។ ម្យ៉ាងទៀត សាលាបណ្ដុះបណ្ដាលជំនាញរបស់យើងក៏នៅមានកម្រិត ការចូលរួមក៏មានចំនួនតិច ដែលធ្វើឲ្យសាលាទាំងនោះពិបាកក្នុងកិច្ចដំណើរការ បើទោះជាមានការប្រឹងប្រែងជំរុញពីសំណាក់រាជរដ្ឋាភិបាលក្ដី»

ក្រៅពីនេះ លោកបណ្ឌិតបានបញ្ជាក់ថា ប្រសិនបើកម្ពុជាមានកម្លាំងជំនាញផ្នែកវិជ្ជាជីវៈគ្រប់គ្រាន់ ក្រៅពីអាចកាត់បន្ថយការធ្វើចំណាកស្រុក បង្កើនលទ្ធភាពរកចំណូលក្នុងគ្រួសារ ថែមទាំងអាចទាក់ទាញគម្រោងវិនិយោគមកពីក្រៅប្រទេស ហើយទីផ្សារការងារក្នុងស្រុកកាន់តែមានភាពទូលាយ ខណៈដែលអ្នកវិនិយោគនឹងកាត់បន្ថយការចំណាយទៅលើតម្រូវការជួលកម្លាំងជំនាញមកពីប្រទេសដទៃ។

ដោយឡែក ឯកឧត្តម ថង សាម៊ុន អគ្គនាយករងនៃអគ្គនាយកដ្ឋានអប់រំ បណ្ដុះបណ្ដាលបច្ចេកទេស និងវិជ្ជាជីវៈបានមានប្រសាសន៍ថា សាលាបណ្ដុះបណ្ដាលបច្ចុប្បន្នគឺមានច្រើនគួរសម ប៉ុន្តែនៅខ្វះសម្ភារៈ ខ្វះការចូលរួមពីក្រុមហ៊ុនវិស័យឯកជន និងខ្វះការឲ្យតម្លៃពីសំណាក់ប្រជាជនក្នុងស្រុក។ មានន័យថា បើគិតអំពីលទ្ធភាពបណ្តុះបណ្តាល គឺសាលារដ្ឋចំនួន៣៨នៅទូទាំងរាជធានីខេត្ត ដែលអាចគ្រប់គ្រាន់សម្រាប់ការបណ្ដុះបណ្ដាល ប៉ុន្តែនៅមានចំនុចចន្លោះប្រហោងជាច្រើនទៀតដែលជាហេតុធ្វើឲ្យសាលាបណ្ដុះបណ្ដាលពិបាកក្នុងការដំណើរការ។ បញ្ហាកង្វះសម្ភារៈ គឺសំដៅទៅលើកង្វះអ្នកវិនិយោគលើហេដ្ឋារចនាសម្ព័ន្ធ លើឧបករណ៍សម្រាប់ដំណើរការបង្រៀន ក៏ដូចជាដើម្បីទាក់ទាញទំនុកចិត្តអ្នករៀន។

ឯកឧត្តមបញ្ជាក់ថា ៖

«ឪពុកម្ដាយ អាណាព្យាបាលភាគច្រើននៅមានផ្នត់គំនិតដែលមិនទាន់ឲ្យតម្លៃទៅលើការរៀនវិជ្ជាជីវៈ ដោយពួកគាត់គិតថាការរៀនជំនាញគឺរៀនដើម្បីធ្វើជាង រៀនដើម្បីតែធ្វើការក្រោមកម្ដៅថ្ងៃ ហើយមិនអាចមានជីវភាពធូរធារបាន។ បញ្ហាធំចុងក្រោយ គឺខ្វះការចូលរួមពីសំណាក់ក្រុមហ៊ុនវិនិយោគ ដែលមានន័យថា សព្វថ្ងៃក្រុមហ៊ុនវិនិយោគមិនហ៊ានចំណាយលើការផ្គត់ផ្គង់សម្ភារៈ ផ្ដល់ឱកាសការងារ ឬក៏ផ្ដល់ការបង្រៀនដែលមានស្តង់ដារនៅឡើយ។ មែនទែនទៅ ការចំណាយលើផ្នែកទាំងនេះ គឺជាការវិនិយោគទៅវិញទេ ដែលវានឹងហុចផលទៅដល់ភាគីក្រុមហ៊ុនវិញដោយការទទួលបានកម្លាំងពលកម្មជំនាញនៅក្នុងស្រុកនៅថ្ងៃក្រោយ»

ឯកឧត្តមបានសន្និដ្ឋានថា បើសិនមានចំនុចទាំង៣ដូចដែលមានលើកឡើងខាងលើនេះ នោះវិស័យវិជ្ជាជីវៈនឹងមានលទ្ធភាពគ្រប់គ្រាន់ក្នុងការបណ្ដុះបណ្ដាលសិស្សបានគ្រប់គ្នា ហើយទីផ្សារការងារក៏ប្រាកដជាសប្បាយចិត្តដែលបានអ្នកបច្ចេកទេស មានផលិតភាពការងារខ្ពស់ ហើយក៏ជួយសម្រេចចក្ខុវិស័យរបស់ជាតិ ២០៣០-២០៥០។៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ក្រុមហ៊ុន លីហ៊្វូដ សឺវីស ចាប់ដៃជាមួយក្រុមហ៊ុន យូនីលឹវើ ខេមបូឌា ដើម្បីលើកកម្ពស់ការផ្តល់ជូនផលិតផលនៅកម្ពុជា

ព្រឹត្តិការណ៍, អត្ថបទពាណិជ្ជកម្ម

• 28/03/2024

ក្រុមហ៊ុន លីហ៊្វូដ សឺវីស ចាប់ដៃជាមួយក្រុមហ៊ុន យូនីលឹវើ ខេមបូឌា ដើម្បីលើកកម្ពស់ការផ្តល់ជូនផលិតផលនៅកម្ពុជា

ទោះបីជាខ្លាំងទាំងការអភិវឌ្ឍ ខ្លាំងទាំងសេដ្ឋកិច្ច-នយោបាយ តែអាមេរិកមិនមើលរំលងទីផ្សារចិញ្ចឹមគោយកសាច់ឡើយ

ព្រឹត្តិការណ៍, សេដ្ឋកិច្ច

• 28/03/2024

ការចិញ្ចឹមសត្វគោនិងឧស្សាហកម្មផលិតសាច់គោប៉ុណ្ណោះសហរដ្ឋអាមេរិកអាចទាញរកចំណូលបានទៅដល់រាប់ពាន់លានដុល្លារជារៀងរាល់ឆ្នាំនិងថែមទាំងមានឈ្មោះជា អ្នកផលិតសាច់គោច្រើនជាងគេបំផុតរបស់ពិភពលោក

វិស័យធនាគារ និងមីក្រូហិរញ្ញវត្ថុនៅកម្ពុជា រួមគ្នាអនុវត្ត និងអភិវឌ្ឍកម្មវិធីចំណេះដឹងហិរញ្ញវត្ថុ

ព្រឹត្តិការណ៍, ហិរញ្ញវត្ថុ

• 28/03/2024

សមាគមធនាគារនៅកម្ពុជា និងសមាគមមីក្រូហិរញ្ញវត្ថុកម្ពុជា បានរៀបចំសិក្ខាសាលាពិគ្រោះយោបល់ជាមួយភាគីពាក់ព័ន្ធស្តីពី «វឌ្ឍនភាព និងទិសដៅអភិវឌ្ឍកម្មវិធីចំណេះដឹងហិរញ្ញវត្ថុ»

ប្រើជំនាញកសិកម្មបើកកសិដ្ឋានចិញ្ចឹមឃ្មុំទទួលបានផលជោគជ័យគួរឱ្យជាទីមោទនៈ

ជំនួញ, ព្រឹត្តិការណ៍

• 28/03/2024

បារាយណ៍ហាន់នី ជាកសិដ្ឋានចិញ្ចឹមឃ្មុំមួយត្រូវបានបង្កើតឡើងដោយនិស្សិតជំនាញវិទ្យាសាស្ត្រព្រៃឈើ ហើយប្រើប្រាស់ជំនាញនេះមកចិញ្ចឹមឃ្មុំអាចប្រមូលផលបាន ១តោនក្នុងមួយរដូវកាល

ច្បាប់​វិនិយោគថ្មី ៖ រាជរដ្ឋាភិបាល​លើកទឹកចិត្ត ​និងអនុគ្រោះ​លើ​សកម្មភាព​វិនិយោគ​តាមវិស័យ​ចំនួន​១៩

ព្រឹត្តិការណ៍, អចលនទ្រព្យ

• 28/03/2024

ច្បាប់វិនិយោគថ្មីនៃព្រះរាជាណាចក្រកម្ពុជា​កំពុង​ទទួលបាន​កា​រចាប់អារម្មណ៍​ និងទាក់ទាញ​វិនិ​យោ​គិនមកពីក្រៅប្រទេស​ជាបន្តបន្ទាប់​ឱ្យចូលមកវិនិយោគ ​និងពង្រីក​ការ​វិនិ​យោគ​បន្ថែមនៅក្នុងប្រទេស​កម្ពុជា

World Bank ៖ កម្ពុជាអាចសម្រេចគោលដៅដ៏មានមហិច្ឆតារបស់ខ្លួនក្នុងការបង្កើនចំនួន​យានយន្ត​​អគ្គិសនីនៅលើដងផ្លូវ

ព្រឹត្តិការណ៍, សេដ្ឋកិច្ច

• 28/03/2024

World Bank បានឱ្យដឹងថា ប្រទេសកម្ពុជាអាចសម្រេចគោលដៅដ៏មានមហិច្ឆតារបស់ខ្លួន ក្នុងការបង្កើនចំនួនយានយន្តអគ្គិសនីនៅលើដងផ្លូវ

យុវជនសម័យថ្មីមានទំនោរគាំទ្រអាជីវកម្មបែបទំនើប

ព្រឹត្តិការណ៍, សេដ្ឋកិច្ច

• 28/03/2024

ជាការពិត ការហូរចូលមកនូវប្រព័ន្ធឌីជីថល បានធ្វើឱ្យមានការប្រែប្រួលយ៉ាងខ្លាំងនៅក្នុងស្ថានភាពរស់នៅប្រចាំថ្ងៃរបស់ប្រជាជនកម្ពុជាដែលកាន់តែមានភាពទំនើបកម្មជាងមុន ជាពិសេសបណ្តាមិត្តយុវវ័យកាន់តែមានទំនោរគាំទ្រទៅលើអ្វីដែលថ្មី ប្លែក និងទំនើប...

អាជីវកម្មបរិយាបន្នចំនួន ៤ ដែលជួយដល់កសិករខ្នាតតូចនៅប្រទេសឥណ្ឌា

ធុរកិច្ចបរិយាបន្ន, ព្រឹត្តិការណ៍, អាជីវកម្មថ្មី និងនវានុវត្ត

• 28/03/2024

ស្របពេលដែលអាជីវកម្មបរិយាបន្នបន្តរីកចម្រើន និងច្នៃប្រឌិត ពួកគេមិនត្រឹមតែលើកកំពស់កសិករប៉ុណ្ណោះទេ ប៉ុន្តែថែមទាំងអាចជួយត្រួសត្រាយសម្រាប់កសិកម្មឥណ្ឌាផងដែរ

ពិព័រណ៍ទេសចរណ៍ និងពាណិជ្ជកម្មឆ្នាំ២០២៤ នៅក្រុងព្រះសីហនុ ជំរុញការវិនិយោគ និងបង្កើតផលិតផលទេសចរណ៍ថ្មីៗ

ព្រឹត្តិការណ៍, សេដ្ឋកិច្ច

• 28/03/2024

«ទេសចរណ៍ផ្តល់ឱកាសសម្រាប់ទាំងអស់គ្នា» ជាប្រធានបទនៅក្នុងព្រឹត្តិការណ៍តាំងពិព័រណ៍ទេសចរណ៍ និងពាណិជ្ជកម្មឆ្នាំ២០២៤ ដែលធ្វើឡើងនៅក្រុងព្រះសីហនុ ចាប់ពីថ្ងៃទី២៦-៣០ ខែមីនា ឆ្នាំ២០២៤

ទិវាជាតិវិទ្យាសាស្ត្រ បច្ចេកវិទ្យា និងនវានុវត្តន៍លើកទី២ បិទបញ្ចប់ជាមួយនឹងក្តីសង្ឃឹមសម្រាប់អនាគតផ្នែកវិទ្យាសាស្ត្ររបស់កម្ពុជា

ព្រឹត្តិការណ៍, សេដ្ឋកិច្ច

• 27/03/2024

ទិវាជាតិវិទ្យាសាស្ត្រ បច្ចេកវិទ្យា នវានុវត្តន៍លើកទី២ បានបញ្ចប់ទៅយ៉ាងជោគជ័យ ជាមួយនឹងការអបអរសាទរយ៉ាងក្លៀវក្លានៃកិច្ចសហប្រតិបត្តិការភាពច្នៃប្រតិដ្ឋ