fbpx

ផលិតផលខ្មែរចាប់ផ្តើមអនុវត្តធ្វើទីផ្សារថ្មីតាមប្រព័ន្ធឌីជីថលលើការនាំចេញ

ភ្នំពេញ ៖ មន្ត្រីជាន់ខ្ពស់ក្រសួងពាណិជ្ជកម្មបានអះអាងថា ក្រសួងពា​ណិជ្ជកម្ម គាំទ្រពេញទំហឹងចំពោះបេសកកម្មនាំចេញផលិតផលខ្មែរទៅកាន់ទីផ្សារថ្មីតាមប្រព័ន្ធឌីជីថលនៅតំបន់មជ្ឈឹមបូព៌ា និងអាហ្វ្រិកខាងជើង។

ឯកឧត្តម ស៊ាង ថៃ ជាអ្នកនាំពាក្យក្រសួងពាណិជ្ជកម្ម បានថ្លែងបែបនេះក្នុងឱកាសបើកដំណើរការជាផ្លូវការនូវកម្មវិធីមួយមានឈ្មោះថា «បេសកកម្មនៃការនាំចេញទៅកាន់តំបន់មជ្ឈឹមបូព៌ា និងអាហ្វ្រិកខាងជើង» ដោយប្រើប្រាស់ថ្នាលព័ត៌មានវិទ្យា ដែលត្រូវបានរៀបចំឡើងដោយសហព័ន្ធម្រេច និងគ្រឿងទេសកម្ពុជា (CPSF) ក្រោមជំនួយឧបត្ថម្ភរបស់គម្រោង«កម្ពុជាហាវែស-II»។

ក្នុងឱកាសនោះ ឯកឧត្តមរដ្ឋលេខាធិការក៏បានបង្ហាញនូវការអបអរសាទរ និងគាំទ្រចំពោះសហព័ន្ធម្រេច និងគ្រឿងទេសកម្ពុជា ដែលបានអភិវឌ្ឍន៍ខ្លួនប្រកបដោយមោទនភាពក្នុងការផ្តួចផ្តើមរៀបចំកម្មវិធីជំរុញការនាំចេញផលិតផលដោយប្រើប្រាស់ថ្នាលព័ត៌មានវិទ្យា ស្របតាមបរិបទឧស្សាហកម្មជំនាន់ទី៤ ដែលពិភពលោកកំពុងអនុវត្តនាពេលបច្ចុប្បន្ន។

ឯកឧត្តម ស៊ាង ថៃ បានមានប្រសាសន៍ថា ៖

« បេសកកម្មនេះ គឺជាក្តីសង្ឃឹមមួយដែលជួយផ្សព្វផ្សាយ និងនាំឱ្យពិភពលោកបានស្គាល់ទំនិញកម្ពុជាលើឆាកអន្តរជាតិកាន់តែច្រើនឡើងថែមទៀត និងជាស្ពានតភ្ជាប់ទំនាក់ទំនងផ្នែកពាណិជ្ជកម្ម រវាងពាណិជ្ជករ ផលិតករកម្ពុជា ជាមួយអ្នកទិញនៅមជ្ឈឹមបូព៌ា និងអាហ្វ្រិកខាងជើងផងដែរ»

ជាមួយគ្នានេះ ឯកឧត្តមក៏បានផ្តល់អនុសាសន៍ផ្តាំផ្ញើដល់ក្រុមហ៊ុន និងសហគ្រាសកម្ពុជាទាំង២៥ក្រុមហ៊ុនថា ដើម្បីទទួលជោគជ័យលើបេសកកម្មនេះ និងរក្សាដៃគូពាណិជ្ជកម្ម និងទីផ្សារដែលទទួលបានហើយ ផលិតករកម្ពុជាគួរយកចិត្តទុកដាក់ជាពិសេសក្នុងការផលិតទំនិញ ដោយឈរលើគោលការណ៍ចំនួន ៤ គឺ ទំនិញត្រូវមាន ៖ ១-គុណភាពខ្ពស់ ២- សុវត្ថិភាព និងស្តង់ដារអនាម័យ ៣- សំបកវេចខ្ចប់ត្រូវតែមានសោភ័ណភាព និងមានព័ត៌មានគ្រប់គ្រាន់សម្រាប់អ្នកប្រើប្រាស់ និង ៤- មានតម្លៃសមរម្យ ដើម្បីទាក់ទាញអ្នកបញ្ជាទិញ និងចូលរួមប្រកួតប្រជែងកាត់ចំណែកទីផ្សារជាមួយដៃគូប្រកួតប្រជែងរបស់យើង។     

សូមជម្រាបជូនថា បេសកកម្មនៃការនាំចេញទៅកាន់តំបន់មជ្ឈឹមបូព៌ា និងអាហ្វ្រិកខាងជើង គឺជាការប្រើប្រាស់ថ្នាលព័ត៌មានវិទ្យាមួយ រៀបចំឡើងដើម្បីជំរុញក្រុមហ៊ុន សហគ្រាសកម្ពុជា ដែលមានលក្ខណៈសម្បត្តិគ្រប់គ្រាន់ចូលរួមពិព័រណ៍ឌីជីថលក្នុងព្រឹត្តិការណ៍ពិព័រណ៍ផលិផលសរីរាង្គ និងធម្មជាតិនៅឌុយបៃ ។ ក្នុងបេសកកម្មនេះ សហព័ន្ធម្រេច និងគ្រឿងទេសកម្ពុជា បានជ្រើសរើសក្រុមហ៊ុន និងសហគ្រាសកម្ពុជា ដែលមានលក្ខណៈសម្បត្តិគ្រប់គ្រាន់ មកពីវិស័យម្រេច និងគ្រឿងទេស អង្ករ បន្លែនិងផ្លែឈើ ផលិតផលកសិ-ពាណិជ្ជកម្មកែច្នៃ ដូចជាដំណាប់ស្វាយក្រៀម ទឹកឃ្មុំ និងគ្រាប់ធញ្ញជាតិដទៃទៀត។ល។ មកចូលរួមជាគម្រោងសាកល្បង ដោយជ្រើសរើសយកទីផ្សារតំបន់មជ្ឈឹមបូព៌ា និងអាហ្វ្រិកខាងជើង  ជាទីផ្សារគោលដៅ  ដោយសារទីផ្សារនេះមានអំណាចនៃការទិញធំ និងកំពុងមានតម្រូវការម្ហូបអាហារសុវត្ថិភាពនាំចូលជាច្រើន។

តាមការរំពឹងទុក បេសកកម្មនេះនឹងជួយបើកផ្លូវឱ្យក្រុមហ៊ុន សហគ្រាសកម្ពុជា បានស្គាល់ទីផ្សារអន្តរជាតិកាន់តែច្រើន និងធ្វើឱ្យពាណិជ្ជករកម្ពុជាមានទំនាក់ទំនងជាមួយដៃគូបញ្ជាទិញបរទេសកាន់តែច្រើន។ ម្យ៉ាងទៀត បេសកកម្មនេះ នឹងជួយធ្វើឱ្យក្រុមហ៊ុន សហគ្រាសកម្ពុជា មានគំនិតច្នៃប្រឌិត ក្នុងការរៀបចំកម្មវិធីអភិវឌ្ឍន៍ផលិតផល និងអភិវឌ្ឍក្រុមហ៊ុន និងមានមូលដ្ឋានគ្រប់គ្រាន់ក្នុងការចូលរួមធ្វើពាណិជ្ជកម្មអន្តរជាតិ៕


ព្រឹត្តិការណ៍, សេដ្ឋកិច្ច

វិភាគ ៖ កម្ពុជាកំពុងប្រែក្លាយខ្លួនជាខ្លាសេដ្ឋកិច្ចមួយនៅអាស៊ី ហើយអាមេរិកគួរតែរីករាយជាមួយ

កម្ពុជាត្រូវបានធនាគារអភិវឌ្ឍអាស៊ី ហៅឈ្មោះថា ជាខ្លាសេដ្ឋកិច្ចថ្មីនៅក្នុងតំបន់អាស៊ី “Asia’s New Tiger” ខណៈដែលធនាគារពិភពលោកក៏បានទទួលស្គាល់ដូចគ្នា
ព្រឹត្តិការណ៍, ហិរញ្ញវត្ថុ

ស្វែងយល់ពីឥណទាននិស្សិតនៅប្រទេសកម្ពុជា

ជាការចូលរួមជួយសម្រួលដល់បណ្តាសិស្ស-និស្សិតដែលមិនមានលទ្ធភាព និងធនធានគ្រប់គ្រាន់ក្នុងការបន្តការសិក្សា បច្ចុប្បន្ននេះ មានធនាគារ និងគ្រឹះស្ថានហិរញ្ញវត្ថុមួយចំនួនបានបង្កើត
ព្រឹត្តិការណ៍, អចលនទ្រព្យ

កំពង់ផែទេសចរណ៍អន្តរជាតិនៅខេត្តកំពតសម្រេចការសាងសង់បានជាង ៨៤ ភាគរយ

គម្រោងសាងសង់ថ្មីនៃកំពង់ផែទេសចរណ៍អន្តរជាតិខេត្តកំពត រហូតមកដល់ពេលនេះ សម្រេចបានចំនួន ៨៤ ភាគរយហើយ ដោយគ្រោងបញ្ចប់នៅពាក់កណ្តាលឆ្នាំ២០២២
ព្រឹត្តិការណ៍, អាជីវកម្មថ្មី និងនវានុវត្ត

រាជរដ្ឋាភិបាលដាក់ចេញអនុសាសន៍ឱ្យក្រសួងទេសចរណ៍ និងផ្នែកឯកជន ខិតខំទាក់ទាញទេសចរអន្តរជាតិ

រាជរដ្ឋាភិបាលដាក់ចេញនូវអនុសាសន៍ឱ្យក្រសួងទេសចរណ៍ និងផ្នែកឯកជន ខិតខំទាក់ទាញទេសចរអន្តរជាតិឲ្យបានកាន់តែច្រើន មានប្រសិទ្ធភាព និរន្តរភាព ប្រកបដោយ
ព្រឹត្តិការណ៍, សេដ្ឋកិច្ច

ក្រសួងកសិកម្មកំពុងប្រយុទ្ធ នឹងការធ្លាក់ចុះគុណភាពធនធានដីសម្រាប់ដំណាំកសិកម្ម

ក្រសួងកសិកម្ម បាន និងកំពុងរិះរកមធ្យោបាយ ដើម្បីទប់ទល់នឹងការធ្លាក់ចុះគុណភាពដីកសិកម្ម និងធ្វើឱ្យធនធានដីដែលកំពុងប្រើប្រាស់សម្រាប់ការដាំដុះទទួលបានភាពវិជ្ជមាន
ព្រឹត្តិការណ៍, សេដ្ឋកិច្ច

ការប្រមូលពន្ធលើយានយន្តគេចពន្ធដែលចាប់បានជាការរួមចំណែករកចំណូលចូលរដ្ឋ

តាមរយៈអគ្គនាយកនៃអគ្គនាយកដ្ឋានគយ និងរដ្ឋាករកម្ពុជាបានប្រមូលពន្ធពីយានយន្តគេចពន្ធបានជាង៧លានដុល្លារ ដែលជាការរួមចំណែកក្នុងការរកចំណូលបន្ថែមចូលរដ្ឋ
ព្រឹត្តិការណ៍, សេដ្ឋកិច្ច

សម្ដេចតេជោ ហ៊ុន សែន ថ្លែងអារម្ភកថា លើផែនការយុទ្ធសាស្ត្រស្ដីពីការបើកទទួលទេសចរណ៍វ៉ាក់សាំង

សម្ដេចតេជោ ហ៊ុន សែន បានថ្លែងអារម្ភកថាដ៏មានសារសំខាន់លើផែនការយុទ្ធសាស្ត្រស្ដីពីការបើកទទួលទេសចរណ៍វ៉ាក់សាំង ដែលជាចំណែកមួយក្នុងគោលដៅបើកសេដ្ឋកិច្ចកម្ពុជាឡើងវិញ
ព្រឹត្តិការណ៍, សេដ្ឋកិច្ច

មហាយក្សចិន ដាក់ផែនការមេ៥ឆ្នាំ ដើម្បីបង្កើនទំហំពាណិជ្ជកម្មអនឡាញឲ្យបាន៧ទ្រីលានដុល្លារ

រដ្ឋាភិបាលក្រុងប៉េកាំងបានធ្វើការបង្ហាញជាផ្លូវការនូវផែនការមេរយៈពេល៥ឆ្នាំលើកទី១៤របស់ខ្លួន(២០២១-២០២៥) ដែលផ្តោតសំខាន់ទៅលើកិច្ចការងារអភិវឌ្ឍន៍ទៅលើវិស័យ
ព្រឹត្តិការណ៍, អាជីវកម្មថ្មី និងនវានុវត្ត

វិស័យ SME នៅកម្ពុជាអាចទាញយកអត្ថប្រយោជន៍ពីគេហទំព័រ KhmerSME

ក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ បានដាក់ឱ្យដំណើរការគេហទំព័រ KhmerSME ដែលអាចឲ្យសហគ្រាសធុនតូច និងមធ្យម ទាញយកព័ត៌មាន និងផលប្រយោជន៍
ព្រឹត្តិការណ៍, អាជីវកម្មថ្មី និងនវានុវត្ត

ក្រសួងបរិស្ថានប្រកាសជ្រើសរើសប្រធានផ្នែកធនធានមនុស្ស ដើម្បីបម្រើការងារនៅលេខាធិការដ្ឋានគណៈកម្មការទន្លេមេគង្គនៅប្រទេសឡាវ

ក្រសួងបរិស្ថានប្រកាសជ្រើសរើសប្រធានផ្នែកធនធានមនុស្ស (Chief Hurran Resources Officer) ដើម្បីទៅបម្រើការងារនៅលេខាធិការដ្ឋានគណៈកម្មការទន្លេមេគង្គនៅទីក្រុងវៀងច

AMS ECONOMY
@amseconomy