fbpx

ផលិតផលកសិកម្មកម្ពុជាកំពុងរត់តាមរបត់ទីផ្សារសេរី

ភ្នំពេញ ៖ ប្រទេសកម្ពុជាជាប្រទេសកសិកម្មដែលមានសេដ្ឋកិច្ចទីផ្សារសេរី និងបើកឱ្យមានការនាំចេញ-នាំចូលទំនិញផ្សេងៗ ដែលក្នុងនោះផលិតផលកសិកម្មក៏មានភាពទូលំទូលាយ ដែលទីផ្សារប្រភេទនេះបានធ្វើឱ្យកម្ពុជាខំប្រឹងរត់តាមទាំងលំបាក ខណៈដែលផលិតផលសម្រាប់ផ្គត់ផ្គង់ក្នុងស្រុកនៅពុំទាន់បានគ្រប់គ្រាន់ផងនោះ ហើយត្រូវបង្កើនលទ្ធភាពឲ្យបានខ្ពស់ក្នុងខំប្រឹងផលិតសម្រាប់ការនាំចេញទៅកាន់ទីផ្សារក្រៅប្រទេសប្រកបដោយគុណភាព។

ស្ថិតនៅក្នុងគោលនយោបាយរបស់រាជរដ្ឋាភិបាលកម្ពុជា ការធ្វើពិពិធកម្មលើវិស័យកសិកម្មគឺជាក្តីសង្ឃឹមថ្មីមួយទៀតរបស់បណ្ដាផលិតករក្នុងស្រុក ហើយក៏ជាការបើកឱកាសក្នុងការប្រកួតប្រជែងជាមួយកសិផលនៃបណ្តាប្រទេសជិតខាង ប៉ុន្តែអ្វីដែលជាបញ្ហានោះគឺ ប្រជាកសិករភាគច្រើននៅមិនទាន់មានចំណេះដឹងពីជំនាញផលិតកម្មដាំដុះប្រកបគុណភាពស្តង់ដារ បញ្ហាតម្លៃវត្ថុធាតុដើមថ្លៃ ខណៈដែលការផ្សព្វផ្សាយពីសំណាក់ស្ថាប័នពាក់ព័ន្ធនៅមានកម្រិត។ នេះបើតាមការលើកឡើងរបស់អ្នកជំនាញផ្នែកសេដ្ឋកិច្ច ទីផ្សារ និងកសិកម្ម។ 

ឯកឧត្តមបណ្ឌិត សុខ ទូច ប្រធានរាជបណ្ឌិត្យសភាកម្ពុជា បានលើកឡើងពីបញ្ហាដែលកំពុងកើតមាននៅក្នុងវិស័យកសិកម្មចំៗថា កសិកម្មមានតួនាទីសំខាន់ ព្រោះកម្ពុជាជាប្រទេសកសិកម្ម ហើយអ្វីដែលជាចំណុចសំខាន់នោះ គឺត្រូវតែបង្កើតជាសហគមន៍កសិករ ដែលអាចឱ្យកសិករមានឱកាសទទួលបានចំណេះដឹងបន្ថែមពីការចែករំលែកបទពិសោធន៍ពីសមាជិក និងអាចក្លាយជាកសិករដែលអនុវត្តកសិកម្មតាមបែបទំនើបបាន។

ឯកឧត្តមបណ្ឌិត សុខ ទូច បានមានប្រសាសន៍បញ្ជាក់ថា ៖

«ការចងក្រងបង្កើតជាសហគមន៍មានសារសំខាន់ ដូចជា ទី១ការបង្កើតបានផលិតផលសរុបអាចឆ្លើយតបទៅនឹងតម្រូវការទីផ្សារបាន។ ទី២ ងាយស្រួលក្នុងការទទួលបានការបណ្ដុះបណ្ដាលបន្ថែមពីសំណាក់អ្នកជំនាញដែលពាក់ព័ន្ធ ដោយក្រសួងជាអ្នកមានសមត្ថកិច្ច ព្រោះការចងជាសហគមន៍ ត្រូវធ្វើកិច្ចសន្យាជាមួយនឹងដៃគូ ការសិក្សាពីតំបន់សក្តានុពលនៃតំបន់គួរដាំអ្វីឲ្យចំគោលដៅ និងត្រូវមានការរៀបចំកិច្ចព្រមព្រៀងជាមួយក្រុមហ៊ុនបញ្ជាទិញដោយត្រូវយកប្រាក់មកតម្កល់។ ទី៣ អ្នកដឹកនាំ និងតំណាងសហគមន៍អាចចូលរួមទទួលយកការបណ្តុះបណ្តាលនានា ក៏ដូចជាព័ត៌មានពីទីផ្សារសំខាន់ពីមន្ត្រីជំនាញ ឬអង្គការសង្គមស៊ីវិញដែលពាក់ព័ន្ធ ហើយនាំយកទៅផ្សព្វផ្សាយបន្តនៅក្នុងសហគមន៍»

មន្ត្រីជាន់ខ្ពស់ក្រសួងកសិកម្ម រុក្ខាប្រមាញ់ និងនេសាទ បានបញ្ជាក់ថា ច្បាប់ស្ដីពីការបង្កើតសហគមន៍ត្រូវបានបង្កើតឡើងតាំងពីឆ្នាំ២០១១ ហើយក្រសួងកសិកម្ម រុក្ឋាប្រមាញ់ និងនេសាទ ក៏បានបង្កើតនាយកដ្ឋានសហគមន៍ផងដែរ ដោយរហូតមកដល់ពេលបច្ចុប្បន្ននេះ គ្រាន់តែផ្នែកកសិកម្មមានសហគមន៍ជាង ១ ២០០។ ជាមួយគ្នានេះ ក្រសួងតែងតែបានយកចិត្តទុកដាក់តាមរយៈមន្ត្រីកសិកម្ម និងមន្ទីរបានចុះទៅអប់រំ បង្រៀន ជួយឲ្យសហគមន៍មានការរីកចម្រើន តាមរយៈការណែនាំនៅតាមតំបន់។

លោក ឆេង ថុង ប្រធានសហគមន៍កសិកម្មសំបូរមានជ័យ ខេត្តកំពង់ចាមបានប្រាប់ AMS ពីសហគមន៍របស់លោកថា លោកបានបង្កើតតាំងពីឆ្នាំ២០១១ ដែលមានត្រឹមតែ ៨៨ គ្រួសារ​ ប៉ុន្តែបច្ចុប្បន្នមានកំណើនដល់ទៅ ៦៣៤ គ្រួសារ ហើយការបង្កើតសហគមន៍គឺមានផលវិបាកជាច្រើន ដែលទាក់ទងទៅនឹងកសិករដែលមិនសូវបានយល់ដឹងពីគោលដៅរបស់សហគមន៍ ខណៈដែលកសិករទាំងនោះមានមុខរបរ និងដាំដំណាំដោយឡែកៗពីគ្នា។

លោក ឆេង ថុង បានមានប្រសាសន៍ថា ៖

« អ្វីដែលយើងអាចនិយាយបានថា ភាពខ្លាំង ដែលយើងអាចឈរជើងបានរឹងមាំ និងមានភាពរីកចម្រើននៅពេលនេះ គឺយើងគិតទៅលើតម្រូវទីផ្សារ ព្រោះការបង្កើតសហគមន៍ ត្រូវរកវិធីសាស្ត្រ រកដំណោះស្រាយ ទៅលើរាល់បញ្ហាផ្សេងៗដែលកើតមាន ជាពិសេសជួយរកដំណោះស្រាយរាល់ទុក្ខលំបាករបស់សមាជិកសហគមន៍ដែលកើតមាន ដើម្បីធ្វើយ៉ាងណាអាចមានភាពរលូនរួមគ្នានៅក្នុងសហគមន៍តែមួយ»

លោកបញ្ជាក់ថា ៖

«យើងបានបង្កើនគំនិតយល់ដឹងឱ្យគាត់យល់ពីបញ្ហា ពេលគាត់ចូលសហគមន៍ និងអភិវឌ្ឍខ្លួនរបស់គាត់ ពេលគាត់បានឱ្យយល់ពីទីផ្សារ គាត់អាចធ្វើទីផ្សារដោយខ្លួនឯង និងដឹងពីការលក់ដូរផលិតផលរបស់គាត់។ នោះហើយជាភាពមិនងាប់ក្រឡាដូចនៅជាមួយឈ្មួញកណ្តាលដែលពីដើមគេបង្វិលស្រេចចិត្ត។ ពេលយើងមានការយល់ដឹងជាងមុន ផលិតផលក្នុងសហគមន៍ដូចគ្នា មានគុណភាពដូចគ្នា និងមានតម្លៃស្មើគ្នា ដូច្នេះ ឈ្មួញកណ្តាលក៏ពិបាកក្នុងការក្រឡុកទីផ្សារដែរ»

និយាយជារួម ការបង្កើតសហគមន៍ ដែលមានភាពត្រឹមត្រូវ មានការចុះបញ្ជីនៅក្រសួងកសិកម្ម រុក្ខាប្រមាញ់ និងនេសាទ បានផ្តល់នូវផលប្រយោជន៍យ៉ាងច្រើនដល់ប្រជាកសិករដែលសមាជិកសហគមន៍ ដែលវាគឺជាចំណុចសំខាន់មួយក្នុងការជួយជំរុញ និងលើកកម្ពស់វិស័យកសិកម្មនៅកម្ពុជាឲ្យមានភាពរីកចម្រើន និងអាចប្រកួតប្រជែងជាមួយប្រទេសជិតខាងបាន៕


ព្រឹត្តិការណ៍, សេដ្ឋកិច្ច

វិស័យកាត់ដេរនៅមីយ៉ាន់ម៉ា បន្តផលប៉ះពាល់កាន់តែធ្ងន់ធ្ងរ

មកទល់ពេលបច្ចុប្បន្ននេះ បញ្ហាវិបត្តិនយោបាយដ៏រ៉ាំរ៉ៃព្រមទាំងបញ្ហាវិបត្តិកូវីដផងនោះ កំពុងជម្រុញឲ្យសេដ្ឋកិច្ចប្រទេសមីយ៉ាន់ម៉ា កាន់តែធ្លាក់ដុនដាបខ្លាំង។
ជំនួញ, ព្រឹត្តិការណ៍

សមាគមចិញ្ចឹមសត្វកម្ពុជា បញ្ជាក់ពីតម្រូវការទីផ្សារ និងការផ្គត់ផ្គង់សាច់មាន់នៅក្នុងស្រុក

ប្រធានសមាគមចិញ្ចឹមសត្វកម្ពុជា បានបង្ហាញពីការគាំទ្រទៅលើចំណាត់ការរបស់ក្រសួងកសិកម្មក្នុងការកាត់បន្ថយការនាំចូលមាន់រស់ ខណៈដែលលទ្ធភាពនៃការចិញ្ចឹម និងផ្គត់ផ្គង់ក្នុងស្រុកកើន
ជំនួញ, ព្រឹត្តិការណ៍

ពុទ្ធបរិស័ទគួររៀបសាដក់ខ្លួនឯងជៀសវាងទំនិញផុតកាលកំណត់ និងខូចគុណភាពដែលបង្វិលពីផ្សារទៅវត្ត

នៅក្នុងរដូវកាលបុណ្យភ្ជុំបិណ្ឌនេះ ពុទ្ធបរិស័ទគម្បីទិញទំនិញ និងផលិតផលនានារៀបចំជាសាដក់សម្រាប់យកទៅប្រគេនព្រះសង្ឃដោយខ្លួនឯង ជៀសវាងទិញសាដក់ដែលដាក់ទំនិញខូចគុណភាព….
ជំនួញ, ព្រឹត្តិការណ៍

គ្រំចំពុះទាកោះកុងចាប់ផ្តើមបង្ហាញវត្តមាននៅទីផ្សារទំនើប និងជួយបង្កើនចំណូលដល់ប្រជាសហគមន៍

គ្រំចំពុះទាដែលមានប្រភពមកពីកោះកុងចាប់ផ្តើមមានវត្តមាននៅលើទីផ្សារទំនើបម៉ាក្រូ ដើម្បីចូលរួមជាជម្រើសមុខម្ហូបថ្មីសម្រាប់អ្នកចូលចិត្តអាហារសមុទ្រ និងបង្កើនចំណូលសម្រាប់
ព្រឹត្តិការណ៍, អាជីវកម្មថ្មី និងនវានុវត្ត

អ្នកខេត្តពោធិ៍សាត់ផ្តល់ពិសោធន៍ពីការដាំដើមក្រូចពោធិ៍សាត់ទទួលបានផលល្អ

ជាការចែករំលែកនូវចំណេះដឹង និងបទពិសោធន៍ផ្ទាល់ខ្លួនលើការដាំដុះក្រូចពោធិ៍សាត់ដែលកំពុងមានទីផ្សារទូលាយ ជាមួយនឹងការរៀបរាប់ចាប់ពីការជីករណ្តៅដាំ ការថែទាំ រហូតដល់ពេល
ព្រឹត្តិការណ៍, ហិរញ្ញវត្ថុ

ម្ចាស់អាជីវកម្មបែប SMEs អាចស្វែងរកកម្ចីបាន២របៀប ជាមួយអត្រាការប្រាក់ទាប

ម្ចាស់អាជីវកម្មខ្នាតតូច និងមធ្យមអាចរកបាននូវកម្ចីពីរប្រភេទ គឺកម្ចីពីធនាគារ SME និងកម្ចីពីសារជីវកម្មធានាឥណទានកម្ពុជា ជាមួយនឹងការប្រាក់ពី ៦% -៧.៥% ទៅតាមវិស័យ
ព្រឹត្តិការណ៍, អាជីវកម្មថ្មី និងនវានុវត្ត

សម្ដេចតេជោ ហ៊ុន សែន នឹងអញ្ជើញថ្លែងសុន្ទរកថាតំណាងជាតិនៅក្នុងកិច្ចពិភាក្សានៃមហាសន្និបាតអង្គការ សហប្រជាជាតិលើកទី៧៦

សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា នឹងអញ្ជើញថ្លែងសុន្ទរកថាតំណាងជាតិ នៅក្នុងកិច្ចពិភាក្សាទូទៅនៃមហាសន្និបាតអង្គការ សហប្រជាជាតិ
ព្រឹត្តិការណ៍, អចលនទ្រព្យ

យល់ដឹង ៖ អចលនទ្រព្យ ៤ ប្រភេទដែលកំពុងពេញនិយមវិនិយោគ និងទទួលបានចំណេញនៅកម្ពុជា

អចលនទ្រព្យចំនួន ៤ ប្រភេទក្នុងចំណោមប្រភេទអចលនទ្រព្យផ្សេងទៀត បាននឹងកំពុងពេញនិយមក្នុងការវិនិយោគ និងអភិវឌ្ឍយ៉ាងខ្លាំងនៅក្នុងប្រទេសកម្ពុជា និងមានឱកាស
ព្រឹត្តិការណ៍, សេដ្ឋកិច្ច

ព័ត៌មានខ្លះៗអំពីកិច្ចប្រជុំមហាសន្និបាតអង្គការសហប្រជាជាតិលើកទី៧៦ដែលកំពុងប្រព្រឹត្តនៅអាមេរិក

សម័យប្រជុំលើកទី ៧៦ នៃមហាសន្និបាតអង្គការសហប្រជាជាតិ ឬហៅកាត់ថា (UNGA 76) ត្រូវបានប្រកាសបើកជាផ្លូវការកាលពីថ្ងៃអង្គារទី១៤ ខែកញ្ញា ឆ្នាំ២០២១កន្លងទៅ
ជំនួញ, ព្រឹត្តិការណ៍

ផលិតផលខ្មែរចាប់ផ្តើមអនុវត្តធ្វើទីផ្សារថ្មីតាមប្រព័ន្ធឌីជីថលលើការនាំចេញ

មន្ត្រីជាន់ខ្ពស់ក្រសួងពាណិជ្ជកម្មបានអះអាងថា ក្រសួងពាណិជ្ជកម្ម គាំទ្រពេញទំហឹងចំពោះបេសកកម្មនាំចេញផលិតផលខ្មែរទៅកាន់ទីផ្សារថ្មីតាមប្រព័ន្ធឌីជីថលនៅតំបន់មជ្ឈឹមបូព៌ា

AMS ECONOMY
@amseconomy