ប្រព័ន្ធធនាគារនៅកម្ពុជាមានទ្រព្យសកម្មសរុបប្រមាណ ៥៤,៣ ពាន់លានដុល្លារ

ភ្នំពេញ៖ បើទោះបីស្ថិតក្នុងវិបត្តិកូវីដ១៩ ក៏ដោយ ទ្រព្យសកម្ម និងប្រាក់បញ្ញើនៅក្នុងប្រព័ន្ធធនាគារនៅកម្ពុជាបានបន្តការកើនឡើងឥតឈប់ឈរ ដែលជាសញ្ញាបង្ហាញពីប្រព័ន្ធធនាគារនៅកម្ពុជាមានភាពរឹងមាំ និងបន្តរក្សាបានភាពធន់។

គិតត្រឹមចុងឆមាសទី១ ឆ្នាំ២០២១ កន្លងទៅនេះ ប្រព័ន្ធធនាគារនៅកម្ពុជាមានទ្រព្យសកម្មសរុប ២២១,៨ ទ្រីលានរៀល (ប្រមាណ ៥៤,៣ ពាន់លានដុល្លារ) កើនឡើង ១៧,៦ភាគរយ ធៀបនឹងរយៈពេលដូចគ្នាកាលពីឆ្នាំ២០២០ ស្របពេលដែលប្រាក់បញ្ញើបានកើនឡើង ១៩,៧ភាគរយ ដល់ចំនួន ១៣០,៨ ទ្រីលានរៀល (ប្រមាណ ៣២,០៦ ពាន់លានដុល្លារ។ នេះបើយោងតាមរបាយការណ៍ធនាគារជាតិនៃកម្ពុជា ចេញផ្សាយនៅថ្ងៃទី១៥ ខែកញ្ញា ឆ្នាំ២០២១។

ការគណនាពីប្រាក់រៀលទៅជាប្រាក់ដុល្លារអាមេរិក គឺយោងតាមអត្រាប្តូរប្រាក់ នៅថ្ងៃទី១៥ ខែកញ្ញា ឆ្នាំ២០២១ របស់ធនាគារជាតិនៃកម្ពុជា ដោយអត្រាប្តូរប្រាក់ផ្លូវការ ៤.០៧៩ រៀល ស្មើនឹង ១ ដុល្លារ។

ធនាគារជាតិនៃកម្ពុជាបានឱ្យដឹងថា ទន្ទឹមនឹងនេះ ប្រព័ន្ធធនាគារបានដើរតួយ៉ាងសំខាន់ក្នុងការទ្រទ្រង់សកម្មភាពសេដ្ឋកិច្ចតាមរយ:ការផ្តល់ឥណទានគាំទ្រដល់ការវិនិយោគ និងចំណាយចាំបាច់ផ្សេងទៀតផងដែរ។

តាមរយៈធនាគារជាតិបានឱ្យដឹងថា ទោះបីស្ថិតក្នុងបរិបទនៃជំងឺកូវីដ-១៩ក្តី ក៏ស្ថានភាពវិស័យធនាគារនៅតែទទួលបានកំណើនទ្រព្យសកម្ម ប្រាក់បញ្ញើ និងឥណទាន ស្របពេលដែលឥណទានមិនដំណើរការនៅមានកម្រិតទាបប្រមាណ ២,៥ភាគរយ។

ឯកឧត្តម ជា ចាន់តូ ទេសាភិបាលធនាគារជាតិនៃកម្ពុជា ធ្លាប់បានថ្លែងក្នុងរបាយការណ៍ប្រចាំឆមាសទី១ របស់ធនាគារជាតិនៃកម្ពុជាកាលពីពេលកន្លងទៅថា ជាមួយនឹងការរក្សាបានស្ថិរភាពប្រព័ន្ធធនាគារដែលជាអាទិភាពចម្បង វិធានការម៉ាក្រូប្រុងប្រយ័ត្នមួយចំនួនក៏ត្រូវបានបន្ធូរបន្ថយ ដើម្បីផ្តល់សន្ទនីយភាពដល់ប្រព័ន្ធធនាគារ។

ឯកឧត្តមបានថ្លែងថា ៖

«ការបន្ធូរបន្ថយនេះ ត្រូវបានធ្វើឡើងដោយពិចារណាយ៉ាងហ្មត់ចត់លើការគ្រប់គ្រងហានិភ័យក្នុងប្រព័ន្ធហិរញ្ញវត្ថុ ដែលជាឆ្អឹងខ្នងនៃសេដ្ឋកិច្ចជាតិ ព្រមទាំងត្រូវបានតាមដាន និងវាយតម្លៃជាប្រចាំ សំដៅជៀសវាងបច្ច័យអវិជ្ជមាន ដែលអាចកើតឡើងជាយថាហេតុ ដូចជា ហានិភ័យចិត្តសាស្ត្រ (Moral hazard) ជាដើម»

ឯកឧត្តមបានឱ្យដឹងទៀតថា ទន្ទឹមនេះ កត្តាដែលគួរឱ្យព្រួយបារម្ភមួយទៀតគឺការកើនឡើងនៃបន្ទុកបំណុល (Debt overhang) របស់ក្រុមហ៊ុន-សហគ្រាស ក៏ដូចជាអង្គភាពគ្រួសារ ដែលទាមទារឱ្យភាគីពាក់ព័ន្ធទាំងអស់រួមគ្នាយកចិត្តទុកដាក់នឹងសហការដោះស្រាយ។ ក្រៅពីនេះ ការបង្កើនល្បឿននៃការអភិវឌ្ឍប្រព័ន្ធទូទាត់ ផ្អែកលើបច្ចេកវិទ្យាហិរញ្ញវត្ថុថ្មីៗ ជាអាទិភាពមួយ ដែលត្រូវបានអនុវត្តដោយជោគជ័យ និងបានគាំទ្រដល់ទិសដៅរបស់រាជរដ្ឋាភិបាលក្នុងការធ្វើឌីជីថលូបនីយកម្មសេដ្ឋកិច្ច។ ឯកឧត្តមក៏បានបញ្ជាក់ដែរថា ប្រព័ន្ធទូទាត់ទំនើបមិនត្រឹមតែបានចូលរួមចំណែកសម្រួលដល់ប្រតិបត្តិការពាណិជ្ជកម្ម និងវិនិយោគប៉ុណ្ណោះទេ ថែមទាំងចូលរួមដោយផ្ទាល់ដល់កំណើន តាមរយៈការកាត់បន្ថយចំណាយប្រតិបត្តិការ ហើយថែមទាំងកាត់បន្ថយហានិភ័យនៃការឆ្លងជំងឺកូវីដ-១៩ ផងដែរ។ ទោះយ៉ាងណា ការប្រើប្រាស់បច្ចេកវិទ្យាហិរញ្ញវត្ថុថ្មីៗ ក៏អាចមានបញ្ហាប្រឈម និងហានិភ័យដែលត្រូវប្រុងប្រយ័ត្នខ្ពស់ ជាពិសេសបញ្ហាឧក្រិដ្ឋកម្មបច្ចេកវិទ្យា (Cybercrime)៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ស្ថានីយវិទ្យុ និងទូរទស្សន៍អប្សរា និងក្រុមហ៊ុន អប្សរា មេឌាសឺវីស (AMS) សម្ពោធដាក់ឱ្យប្រើប្រាស់មជ្ឈមណ្ឌលបំពេញការងារប្រមូលផ្តុំទំនើប

ព្រឹត្តិការណ៍, សេដ្ឋកិច្ច

• 29/03/2024

នស្ថានីយវិទ្យុ និងទូរទស្សន៍អប្សរា និងក្រុមហ៊ុន AMS សម្ពោធដាក់ឱ្យប្រើប្រាស់មជ្ឈមណ្ឌលបំពេញការងារប្រមូលផ្តុំទំនើប

ធនាគារជាតិនៃកម្ពុជាចេញសេចក្តីបំភ្លឺអំពីប្រតិបត្តិការទូទាត់ឌីជីថលនៅកម្ពុជា

ព្រឹត្តិការណ៍, ហិរញ្ញវត្ថុ

• 29/03/2024

ប្រតិបត្តិការទូទាត់ឌីជីថលនៅកម្ពុជា បានកើនឡើងយ៉ាងឆាប់រហ័ស ក្នុងរយៈពេលប៉ុន្មានឆ្នាំចុងក្រោយនេះ ស្របពេលដែលការប្រើប្រាស់ទូរស័ព្ទទំនើបមានកំណើនខ្ពស់ និងគំនិតផ្តួចផ្តើមថ្មីៗកាន់តែច្រើនពីធនាគារជាតិនៃកម្ពុជា

Okra គំរូធុរកិច្ចបរិយាបន្ន ដើម្បីដោះស្រាយបញ្ហាថាមពលស្អាតតម្លៃទាប សំដៅសហគមន៍ក្រីក្រនៅកម្ពុជា

ធុរកិច្ចបរិយាបន្ន, ព្រឹត្តិការណ៍, អាជីវកម្មថ្មី និងនវានុវត្ត

• 29/03/2024

Okra ជាគំរូធុរកិច្ចបរិយាបន្នមួយនៅកម្ពុជាដែលមានដំណើរអាជីវកម្មតាមរយៈការជួយគាំទ្រ និងផ្គត់ផ្គង់ថាមពលស្អាត តម្លៃទាបសំដៅសហគមន៍ក្រីក្រ

ក្រសួងពាណិជ្ជកម្មកម្ពុជា-កូរ៉េ ពិភាក្សាលើការជំរុញ និងបង្កើនទំហំពាណិជ្ជកម្មទ្វេភាគី

ព្រឹត្តិការណ៍, សេដ្ឋកិច្ច

• 29/03/2024

មន្ត្រីជាន់ខ្ពស់កម្ពុជា បានជួបពិភាក្សាការងារជាមួយរដ្ឋមន្ត្រីក្រសួងពាណិជ្ជកម្មនៃសាធារណរដ្ឋកូរ៉េ ដើម្បីពិភាក្សាអំពីវឌ្ឍនភាពនៃទំនាក់ទំនងពាណិជ្ជកម្មរវាងប្រទេសទាំង២

លោកស្រី យូ បូរី ៖ ឌីជីថលពិតជាសំខាន់ក្នុងការជំរុញអាជីវកម្មធុនតូច និងមធ្យម ក៏ដូចជាជំនួញ

ជំនួញ, ព្រឹត្តិការណ៍

• 29/03/2024

បច្ចុប្បន្ននេះ ឌីជីថល បានដើរតួយ៉ាងសំខាន់ក្នុងការបម្រើសេចក្ដីត្រូវការបស់មនុស្ស ដូច្នេះ ចង់ ឬមិនចង់ ប្រជាជនគ្រប់ស្រទាប់ត្រូវតែសម្របខ្លួនឱ្យទាន់បរិបទ

តម្លៃប្រេងឡើងថ្លៃលើសពី ៨៥ ដុល្លារក្នុងមួយបារ៉ែល ខណៈដែលការផ្គត់ផ្គង់នៅតែបន្តមានភាពតឹងតែង

ព្រឹត្តិការណ៍, សេដ្ឋកិច្ច

• 29/03/2024

តម្លៃប្រេងឆៅម៉ាក Brent បានឡើងថ្លៃដល់ ៨៧,៣០ ដុល្លារក្នុងមួយបារ៉ែល ខណៈដែលតម្លៃប្រេងឆៅម៉ាក West Texas Intermediate (WTI) បានឡើងថ្លៃ ៨២,៦៣ ដុល្លារក្នុងមួយបារ៉ែល

ដំណឹងល្អ ! ស្ពានអាកាស​មរតក​តេជោ​ ដំណាក់កាលទី​១ នឹង​ដាក់ឱ្យ​ប្រើប្រាស់​បណ្តោះអាសន្នចាប់ពីថ្ងៃទី០១ ខែមេសា​តទៅ

ព្រឹត្តិការណ៍, អចលនទ្រព្យ

• 29/03/2024

ដំណឹងល្អ ! ស្ពានអាកាស​មរតក​តេជោ​ ដំណាក់កាលទី​១ នឹង​ដាក់ឱ្យ​ប្រើប្រាស់​បណ្តោះអាសន្នចាប់ពីថ្ងៃទី០១ ខែមេសា​តទៅ

ក្រុមហ៊ុន ហ្វតតេ ឡាយហ្វ៍ និងសាលារៀនជំនាន់ថ្មី វិទ្យាល័យព្រះស៊ីសុវត្ថិ ចុះ MOU ដើម្បីជួយលើកកម្ពស់ការអប់រំ និងចំណេះដឹងហិរញ្ញវត្ថុ

ព្រឹត្តិការណ៍, អត្ថបទពាណិជ្ជកម្ម

• 29/03/2024

ក្រុមហ៊ុន ហ្វតតេ ឡាយហ្វ៍ និងសាលារៀនជំនាន់ថ្មី វិទ្យាល័យព្រះស៊ីសុវត្ថិ ចុះ MOU ដើម្បីជួយលើកកម្ពស់ការអប់រំ និងចំណេះដឹងហិរញ្ញវត្ថុ

អាជីវកម្មបរិយាបន្ន VinaSamex ជួយសម្រួលជីវភាពប្រជាជនក្រីក្រនៅខេត្តភាគខាងជើងនៃប្រទេសវៀតណាម

ធុរកិច្ចបរិយាបន្ន, ព្រឹត្តិការណ៍, សេដ្ឋកិច្ច

• 29/03/2024

អាជីវកម្មបរិយាបន្ន VinaSamex កំពុងជួយជីវភាពប្រជាជនក្រីក្រនៅខេត្តភាគខាងជើងនៃប្រទេសវៀតណាមឱ្យមានលទ្ធភាពធូរធាជាងមុន

My Dream Home ធរុកិច្ចបរិយាបន្នបង្កើតឡើងដើម្បីបំពេញក្តីសុបិនពលរដ្ឋដែលមានជីវភាពខ្វះខាតអាចសាងសង់ផ្ទះផ្ទាល់ខ្លួន

ធុរកិច្ចបរិយាបន្ន, ព្រឹត្តិការណ៍, សេដ្ឋកិច្ច

• 29/03/2024

My Dream Home ជាអ្នកជំនាញផលិតឥដ្ឋបរិស្ថាន ឬ Eco-brick ដែលមានតម្លៃទាប ងាយស្រួលប្រើប្រាស់ និងពុំចាំបាច់មានជំនាញក្នុងការងារជាជាងសំណង់ឡើយ