fbpx

ទុនបម្រុងអន្តរជាតិរបស់កម្ពុជាកើនដល់ ២០,៨ពាន់លានដុល្លារ

ភ្នំពេញ ៖ មន្ត្រីកំពូលធនាគារជាតិនៃកម្ពុជា ឯកឧត្តមជា ចាន់តូ ទេសាភិបាលធនាគារជាតិនៃកម្ពុជា ​បាន​បញ្ជាក់ថា ទុនបម្រុង​អន្តរជាតិ ​បន្ត​ស្ថិតក្នុង​កម្រិត​ខ្ពស់​​​​​ ២០,៨ ប៊ី​លាន​ដុល្លារ​អាមេរិក ដែល​អាច​ធានា​ការ​នាំចូល​ទំនិញ​ និង​សេវា​សម្រាប់​គ្រា​បន្ទាប់​បាន​ប្រមាណ​ជាង ១០​ខែ ជាមួយនឹងការងើបឡើងវិញនៃសេដ្ឋកិច្ចពិភពលោកនឹងគាំទ្រដល់វិស័យនាំចេញនិងវិនិយោគរបស់កម្ពុជា។

ឯកឧត្តម ជា ចាន់តូ បានមានប្រសាសន៍ថា ការងើបឡើងវិញនៃសេដ្ឋកិច្ចពិភពលោកនឹងគាំទ្រដល់វិស័យនាំចេញ និងវិនិយោគរបស់កម្ពុជាដោយពង្រឹងជំហររបស់ខ្លួនជាសសរទ្រូងសម្រាប់វិស័យពាក់ព័ន្ធជួយជំរុញសេដ្ឋកិច្ចជាតិឱ្យមានកំណើនវិជ្ជមាន និងសាបព្រួសគ្រាប់ពូជនៃការងើបឡើងវិញជាយថាហេតុ ពិសេសក្នុងវិស័យទេសចរណ៍។

ឯកឧត្តមបានមានប្រសាសន៍បន្ថែមថា ៖

«ប្រទេសអភិវឌ្ឍន៍បានបន្តអនុវត្តវិធានការជំរុញសារពើពន្ធ រូបិយវត្ថុ និងបង្កើនការចាក់វ៉ាក់សាំង ដើម្បីគាំទ្រដល់សុខុមាលភាពសង្គម និងសកម្មភាពសេដ្ឋកិច្ច។ សេដ្ឋកិច្ចកម្ពុជាក៏ដូចជាសេដ្ឋកិច្ចនៃប្រទេសកំពុងអភិវឌ្ឍន៍ ក៏អាចប្រឈមនឹងរលកថ្មីនៃជំងឺកូវីដ- ១៩ ការកើនឡើងនៃបំណុលសាធារណៈ និងឯកជន និងការកើនឡើងវិសមភាព និងភាពក្រីក្រ»

ស្របតាម​គោលនយោបាយ​របស់​រាជ​រដ្ឋាភិបាល​ ​ធនាគារជាតិ​នៃ​កម្ពុជា​បានរួម​ចំណែក​រក្សា​ស្ថិរភាព​ថ្លៃ ​និង​ជំនឿ​ទុកចិត្ត ដើម្បី​គាំទ្រ​សកម្មភាព​សេដ្ឋកិច្ច​។ ជាក់ស្តែង អត្រា​ប្តូរប្រាក់​បន្ត​មាន​ស្ថិរភាព​ក្នុង​រង្វង់ ៤ ០៨៥ រៀល​ក្នុង​មួយ​ដុល្លារ​អាមេរិក និង​បានរួម​ចំណែក​យ៉ាងសំខាន់​ដល់​ការរក្សា​អតិផរណា​មាន​កម្រិត​ទាប​អាច​គ្រប់គ្រង​បាន ២,៥ភាគរយ​។ ទន្ទឹមនេះ ទុនបម្រុង​អន្តរជាតិ​បន្ត​ស្ថិតក្នុង​កម្រិត​ខ្ពស់ ២០​,៨ ប៊ី​លាន​ដុល្លារ​អាមេរិក ដែល​អាច​ធានា​ការ​នាំចូល​ទំនិញ​ និង​សេវា​សម្រាប់​គ្រា​បន្ទាប់​បាន​ប្រមាណ​ជាង ១០​ខែ និង​បាន​ពង្រឹង​ជំនឿ​ទុកចិត្ត​របស់​សាធារណជន​មកលើ​ប្រាក់រៀល​​។

យោងតាម​សេចក្តីប្រកាស​ព័ត៌មាន​របស់​ធនាគារ​ជាតិ​បាន​បញ្ជាក់ថា នៅ​ឆមាស​ទី​១ ឆ្នាំ​២០២១ នេះ សេដ្ឋកិច្ចកម្ពុជា​បន្ត​ទទួលរង​ឥទ្ធិពល​ពី​ការរីក​រាលដាល​នៃ​ជំងឺ​កូ​វីដ​-១៩ ទាំង​ក្នុងស្រុក​ និង​តំបន់ ដែល​​ធ្វើឱ្យប៉ះពាល់​ដល់​វិស័យ​ចម្បងៗ​ដូចជា វិស័យ​ទេសចរណ៍ កម្មន្តសាល និង​សំណង់ លើកលែង​វិស័យ​កសិកម្ម ​ដែល​បន្ត​មាន​វឌ្ឍន​ភាពល្អ​។ ​រាជរដ្ឋាភិបាល ​បាន​ដាក់ចេញ​វិធានការ​ម៉ឺងម៉ាត់ ​ក្នុងការ​គ្រប់គ្រង​ការរីក​រាលដាល​នៃ​ជំងឺ​កូ​វីដ​-១៩ ជាមួយនឹង​ការបង្កើន​ការចាក់​វ៉ាក់សាំង​យ៉ាង​ទូលំទូលាយ​​ និង​ឆាប់រហ័ស​។ រួមនឹងការ​ដាក់ចេញ​នូវ​វិធានការ​ជា​កញ្ចប់​​ដើម្បី​ទ្រទ្រង់​ និង​ស្តារ​សកម្មភាព​សេដ្ឋកិច្ចតាម​ដំណាក់កាល​ ​ជួយ​ដល់​ប្រជាជន​ក្រីក្រ ប្រកបដោយ​ប្រសិទ្ធភាព​ផងដែរ​។

ចំពោះ​ប្រព័ន្ធ​ធនាគារ គ្រឹះស្ថាន​ធនាគារ​ និង​ហិរញ្ញវត្ថុ​បន្ត​មាន​ភាព​ធន់​ និង​បានផ្តល់​សេវា​ហិរញ្ញវត្ថុ​ប្រកបដោយ​និរន្តរភាព​។ ទ្រព្យសកម្ម​ប្រព័ន្ធ​ធនាគារ​បាន​កើនឡើង ១៨​ភាគរយ​, ឥណទាន​អតិថិជន​មាន កំណើន ២៣,៤​ភាគរយ​, និង​ប្រាក់​បញ្ញើ​អតិថិជន​កើន ២០,៧​ភាគរយ​។ ស្ថានភាព​ដើមទុន​ក៏មាន​ភាពរឹងមាំ ដោយ​អនុ​បាត​សាធន​ភាព​មាន​កម្រិត ២៤,៤​ភាគរយ សម្រាប់​វិស័យ​ធនាគារ និង ២២,៧​ភាគរយ សម្រាប់​វិស័យ​មីក្រូហិរញ្ញវត្ថុ​ សន្ទនីយ​ភាព​មាន​កម្រិត​ខ្ពស់ ១៥៩,៨​ភាគរយ សម្រាប់​គ្រឹះ​ស្ថាន​​ធនាគារ និង ១៧២,៦​ភាគរយ សម្រាប់​គ្រឹះស្ថាន​មីក្រូហិរញ្ញវត្ថុ​ទទួល​ប្រាក់​បញ្ញើ​។ ទន្ទឹមនេះ អនុ​បាត​ឥណទាន​មិន​ដំណើរការ​មាន​កម្រិត​ទាប ២,៤​ភាគរយ សម្រាប់​វិស័យ​ធនាគារ និង ២​ភាគរយ​សម្រាប់​វិស័យ​មីក្រូហិរញ្ញវត្ថុ ស្រប​ពេលដែល​គ្រឹះស្ថាន​ធនាគារ​ និង​ហិរញ្ញវត្ថុ ​ក៏ត្រូវ​បានអនុញ្ញាត​ឱ្យ​រៀប​ចំ​ឥណទាន​ឡើងវិញ ដើម្បី​សម្រាល​បន្ទុក​ប្រជាពលរដ្ឋ​ដែល​រង​ផលប៉ះពាល់​។

​ស្របតាម​ការរីកចម្រើន​នៃ​បច្ចេកវិទ្យា ធនាគារជាតិ​នៃ​កម្ពុជា​បាន​ពង្រឹង​ការអភិវឌ្ឍ​ប្រព័ន្ធ​ទូទាត់ ដែល​ផ្អែកលើ​បច្ចេកវិទ្យា​ហិរញ្ញវត្ថុ​ថ្មីៗ ដូចជា​ការទូទាត់​ដោយ​ប្រើ QR កូត ការផ្ទេរ​ប្រាក់​ និង​ការទូទាត់​តាម​ទូរស័ព្ទដៃជាដើម ដែល​ក្នុងនោះ​ប្រព័ន្ធ​បាគង ដែល​ប្រើប្រាស់​បច្ចេកវិទ្យា​ប្លុក​ឆេន ​ត្រូវបាន​ដាក់ឱ្យ​ប្រើប្រាស់ និង​ជា​ប្រព័ន្ធ​ទូទាត់​កន្លោង​សម្រាប់​ការទូទាត់​ឆ្លង​គ្រឹះស្ថាន​ធនាគារ​និង​ហិរញ្ញវត្ថុ ក៏ដូចជា​ការទូទាត់​នានា​។​ប្រព័ន្ធ​ទូទាត់​ទាំងអស់នេះ​ បាន​ចូលរួម​យ៉ាងសកម្ម ​ក្នុងការ​គាំទ្រ​សកម្មភាព​អាជីវកម្មពាណិ​​​ជ្ជ​កម្ម និង​ការវិនិយោគ។ ដើម្បី​សម្រាល​បន្ទុក​ប្រជាពលរដ្ឋ​ដែល​រង​ផលប៉ះពាល់ គ្រឹះស្ថាន​ធនាគារ ​និង​ហិរញ្ញវត្ថុ​បានរៀប​ចំ​ឥណទាន​ឡើងវិញ តាមរយៈ​ការពន្យារពេល​ទូទាត់​សង​ប្រាក់​ដើម​ ឬ​ការប្រាក់​ ការពន្យារ​ឥណប្រតិទាន​ ការកាត់បន្ថយ​ចំនួន​ប្រាក់​ដើម​ឥណទាន និង​ការផ្តល់​រយៈពេល​អនុគ្រោះ​ដោយ​គ្មាន​ការទូទាត់​សងជាដើម ដោយ​បច្ចុប្បន្ន​មាន​ចំនួន ៣៦៧ ២៣៩ គណនី ស្មើនឹង ២២,២ ទ្រី​លាន​រៀល (៥,៥ ប៊ី​លាន​ដុល្លារ​អាមេរិក​)​៕


ព្រឹត្តិការណ៍, អចលនទ្រព្យ

ទីផ្សារការិយាល័យជួលនឹងកើនឡើងវិញក្រោយរដ្ឋាភិបាលបើកសេដ្ឋកិច្ច

យ៉ាងយូរនៅត្រឹមដើមឆ្នាំ២០២២ ទីផ្សារ និងការផ្គត់ផ្គង់អគារការិយាល័យជួលនៅកម្ពុជា នឹងមានការកើនឡើង ខណៈតម្រូវការជួលនឹងមានកំណើន បន្ទាប់ពីរាជរដ្ឋាភិបាលបើកសេដ្ឋ
ព្រឹត្តិការណ៍, សេដ្ឋកិច្ច

JICA ផ្តល់ថវិកា ៥៨ លានដុល្លារអាមេរិកសម្រាប់ផ្គត់ផ្គង់ទឹកស្អាតនៅសៀមរាប

រដ្ឋាភិបាលជប៉ុន តាមរយៈអង្គការ JICA បានផ្តល់ជំនួយដល់រាជរដ្ឋភិបាលកម្ពុជាសម្រាប់គម្រោងពង្រីកសមត្ថភាពផ្គត់ផ្គង់ទឹកស្អាតសៀមរាបចំនួន ៦
ព្រឹត្តិការណ៍, សេដ្ឋកិច្ច

រាជរដ្ឋាភិបាលគ្រោងវិភាជន៍ថវិការហូតប្រមាណ ១,៥៥៧ លានដុល្លារអាមេរិកសម្រាប់ឆ្នាំ២០២១

រាជរដ្ឋាភិបាលកម្ពុជា បានបង្កើនខ្ទង់ចំណាយវិភាជន៍ថវិការដែលអាចកើនដល់ប្រមាណ ១ ៥៥៧លានដុល្លារ ជាមួយនឹងការត្រៀមសម្រាប់ឆ្នាំ២០២២
ព្រឹត្តិការណ៍, សេដ្ឋកិច្ច

អ្នកវិភាគ ៖ តម្លៃប្រេងឆៅលើទីផ្សារសកលលោកអាចនឹងឡើងថ្លៃដល់ ១០០ដុល្លារក្នុង១បារ៉ែល

ខណៈដែលបណ្តាប្រទេសនានានៅលើសាកលលោកកំពុងព្យាយាមងើបឡើងវិញពីវិបត្តិសេដ្ឋកិច្ចជាបណ្តើរៗនោះ តម្លៃប្រេងឆៅនៅលើទីផ្សារជាសាកលកំពុងកើនឡើងនូវតម្លៃយ៉ាងខ្ពស់មិន
ព្រឹត្តិការណ៍, អាជីវកម្មថ្មី និងនវានុវត្ត

របកគំហើញ ៖ រោងចក្រដ៏ធំបំផុត និងលើកដំបូងលើពិភពលោកអាចទាញយកកាបូនិចទៅចាក់ចោលនៅក្រោមដីបាន

ប្រទេសអ៊ីស្លង់ បានបង្កើតរោងចក្រធំជាងគេបំផុតលើពិភពលោក ដែលមានជំនាញក្នុងការកម្ចាត់ឧស្ម័នកាបូនិច (CO2) ចេញពីបរិយាកាស និងស្រូបយកទៅកប់ចោលនៅក្រោមដីបាន
ជំនួញ, ព្រឹត្តិការណ៍

ស្ត្រីខ្មែរក្នុងសហគមន៍មួយ នៅបន្តស្នាដៃកែច្នៃដើមក្រចៅធ្វើជាសម្ភារប្រើប្រាស់ និងដាក់លក់លើទីផ្សារ

ស្ត្រីមួយក្រុម ភាគច្រើនមានវ័យចំណាស់បាននាំគ្នាបន្តអាជីព និងជំនាញក្នុងនាមជាអ្នកផលិតសម្ភារប្រើប្រាស់ និងគ្រឿងតុបតែងលម្អធ្វើឡើងដោយដៃ ដែលកែច្នៃពីដើមក្រចៅសម្រាប់ដាក់
ព្រឹត្តិការណ៍, ហិរញ្ញវត្ថុ

វិស័យធានារ៉ាប់រងនៅកម្ពុជា សង្ឃឹមថានឹងមានកំណើន ១០ភាគរយ នៅត្រឹមដំណាច់ឆ្នាំ២០២១

កាលពីឆ្នាំ២០២០ វិស័យធានារ៉ាប់រងកម្ពុជា បានរក្សាកំណើនវិជ្ជមានប្រមាណ ៨ភាគរយ ហើយនៅឆ្នាំ២០២១នេះ រំពឹងថានៅតែមានភាពល្អប្រសើរជាមួយនឹងការទទួលបានកំណើនប្រមាណ ១០ភាគរយ
ព្រឹត្តិការណ៍, អចលនទ្រព្យ

លោកឧកញ៉ា ម៉ាន់ ច័ន្ទឌី គាំទ្រឲ្យមានការប្រកួតប្រជែងទីផ្សារលំនៅដ្ឋានកាន់តែខ្លាំងនៅដើមឆ្នាំក្រោយ

លោកឧកញ៉ា ម៉ាន់ ច័ន្ទឌី ដែលជាអ្នកអភិវឌ្ឍន៍លំនៅដ្ឋានបានគាំទ្រឲ្យមានការប្រកួតប្រជែងគ្នា ព្រោះការប្រកួតប្រជែងគ្នាបានបង្កើតឲ្យមានផលប្រយោជន៍ និងមានផលល្អដល់វិស័យ
ជំនួញ, ព្រឹត្តិការណ៍

ឲ្យតែមានគំនិត លក់នំខ្មែរត្រឹមតែមួយថាស ក៏អាចចិញ្ចឹមចៅកំព្រា៤នាក់ឱ្យរៀនសូត្របានគ្រប់គ្នា

ស្ត្រីវ័យចំណាស់ម្នាក់មានវ័យ៦៨ឆ្នាំ កំពុងតស៊ូជាមួយមុខរបរវេចនំអន្សមលក់ ដើម្បីទទួលបានកម្រៃគ្រាន់ចិញ្ចឹមជីវិត និងត្រូវចិញ្ចឹមចៅកំព្រារហូតដល់៤នាក់ទៀត
ព្រឹត្តិការណ៍, ហិរញ្ញវត្ថុ

«សេវាប៊េងកាសួរេន» កំពុងផ្តល់ភាពងាយស្រួលដល់សាធារណជនក្នុងការទទួលបានសេវាធានារ៉ាប់រង

ធនាគារជាតិនៃកម្ពុជាបានអនុញ្ញាតឲ្យធនាគារចំនួន ២២ និងគ្រឹះស្ថានមីក្រូហិរញ្ញវត្ថុចំនួន ៤ ផ្តល់សេវា ប៊េងកាសួរេន តាមរយៈម៉ូលឌែលណែនាំអតិថិជន តាមរយៈម៉ូលឌែលភ្នាក់ងារ

AMS ECONOMY
@amseconomy