បរទេស ៖ ឆ្នាំ២០២០បានក្លាយទៅជាឆ្នាំដ៏អាក្រក់បំផុតសម្រាប់សេដ្ឋកិច្ចរបស់សកលលោកមិនថាប្រទេសអភិវឌ្ឍន៍ ឬកំពុងអភិវឌ្ឍន៍នោះទេ ពោលគឺសុទ្ធតែទទួលរងនូវផលប៉ះពាល់ខ្លាំងដូចគ្នា រាប់ទាំងកម្ពុជាផងដែរ ប៉ុន្តែក្នុងឆ្នាំតែមួយនេះ អាជីវកម្មតាមបណ្តាញអនឡាញបានបង្កើនទំហំកាន់តែធំ ជាមួយនឹងប្រាក់ចំណូលយ៉ាងក្រាស់ក្រែលផងដែរ។
នៅក្នុងបរិបទញាំញីដោយវិបត្តជំងឺឆ្លងកូវីដ-១៩ មនុស្សជាច្រើនរយលាននាក់ត្រូវបង្ខំចិត្តកាត់បន្ថយការធ្វើដំណើរ ប្ដូរទម្លាប់ធ្វើការងារពីចំងាយ និងរស់នៅដាច់ដោយឡែកពីគ្នា ប៉ុន្តែសកម្មភាពទាំងនេះបែរជាបានជម្រុញឲ្យប្រតិបត្តិការនៃការទិញទំនិញទាំងឡាយត្រូវធ្វើឡើងតាមអនឡាញជំនួសវិញ ហើយមានទំហំទឹកប្រាក់ដល់ទៅរាប់សិបលានដុល្លារជារៀងរាល់ថ្ងៃ។
ចិន ដែលជាប្រទេសមានប្រជាពលរដ្ឋច្រើនជាងគេបំផុតលើពិភពលោករហូតដល់ជាង១៤០០លាននាក់ និងជាប្រទេសដែលបានទទួលរងផលប៉ះពាល់សេដ្ឋកិច្ចតិចតួចជាងគេផងនោះត្រូវបានគេមើលឃើញថា បានប្រមូលយកចំណូលយ៉ាងច្រើនលើសលប់ពីសកម្មភាពទិញលក់ទំនិញលើអនឡាញកាលពីឆ្នាំ២០២០កន្លងទៅនេះ។
យោងតាមការស្រាវជ្រាវ និងពិនិត្យទៅលើទិន្នន័យដោយ Statista Digital Market Outlook បានរកឃើញថា ទំហំនៃការទិញលក់នៅលើប្រព័ន្ធអនឡាញនៃប្រទេសចិនកាលពីឆ្នាំ២០២០ បានកើនឡើងរហូតទៅដល់ ១,៣ ទ្រីលានដុល្លារ ហើយរំពឹងថាអាចកើនឡើងដល់២ទ្រីលានដុល្លារនៅក្នុងឆ្នាំ២០២៥។
ទីផ្សារទិញលក់លើប្រព័ន្ធអនឡាញបានក្លាយទៅជាភាពពេញនិយមចំពោះសកលលោក ហើយអ្នកជំនាញអាចព្យាករណ៍ថា ទំហំកំណើនរបស់វានឹងកើនឡើងជាមធ្យមដល់ទៅ៤៧ភាគរយក្នុងរយៈពេល៥ឆ្នាំខាងមុខដោយក្នុងនោះទីផ្សារនៅអាស៊ីនឹងអាចធ្វើបាន៥១ភាគរយ, ទីផ្សារអ៊ឺរ៉ុប ៤២ភាគរយ និងអាមេរិកខាងជើងនឹងកើនបាន ៣៥ភាគរយ ៕
ធ្លាប់បំពេញការងារជាអ្នកបកប្រែអត្ថបទសារព័ត៌មានជាភាសាខ្មែរជាមួយនឹងស្ថាប័នព័ត៌មានមួយចំនួនរយៈពេល៧ឆ្នាំ។ បទពិសោធបកប្រែប្រភេទព័ត៌មានអន្តរជាតិនយោបាយសេដ្ឋកិច្ចនិងកីឡាផង។ បច្ចុប្បន្នកំពុងបំពេញការងារជាអ្នកបកប្រែអត្ថបទសារព័ត៌មានសេដ្ឋកិច្ចអន្តរជាតិឱ្យសារព័ត៌មាន AMS Economy.
របាយការណ៍ថ្មីៗ
មើលទាំងអស់ ➧ព័ត៌មានទូទៅ
មើលទាំងអស់ ➧អាជីវកម្មសង្គម Okra ផ្ដល់អគ្គិសនីដល់ប្រជាជននៅតំបន់ដាច់ស្រយាល និងលើកស្ទួយថាមពលស្អាត
ជំនួញ, ធុរកិច្ចបរិយាបន្ន, ព្រឹត្តិការណ៍
• 23/04/2024
ក្រុមហ៊ុន Okra បានកំណត់យកប្រជាជននៅតាមតំបន់ដាច់ស្រយាលជាប្រជាជនគោលដៅ ក្នុងការជួយសម្រាលការចំណាយថ្លៃអគ្គិសនីរបស់ពួកគេ។
Olam Agri ជំរុញការបណ្តុះបណ្តាលកសិករលើផលិតកម្មស្រូវ ដើម្បីជួយពួកគេបង្កើនប្រាក់ចំណូល
ធុរកិច្ចបរិយាបន្ន, ព្រឹត្តិការណ៍, អាជីវកម្មថ្មី និងនវានុវត្ត
• 23/04/2024
Olam ផ្តល់កម្មវិធីបណ្តុះបណ្តាលដ៏ទូលំទូលាយសម្រាប់ដល់កសិករជាដៃគូដែលផ្តោតទៅលើលក្ខខណ្ឌ និងគោលដៅរបស់កសិករជាមូលដ្ឋាន ដើម្បីលើកកម្ពស់ជីវភាពរបស់ពួកគេ។