fbpx

ចិន ឈរនៅលំដាប់លេខ១ក្នុងការចូលរួមកសាងហេដ្ឋារចនាសម្ព័ន្ធនៅកម្ពុជា

ភ្នំពេញ ៖ ចិន នៅតែឈរនៅលំដាប់លេខ១ ក្នុងការផ្តល់ប្រាក់កម្ចី និងជំនួយក្នុងការកសាងហេដ្ឋារចនាសម្ព័ន្ធផ្លូវថ្នល់នៅកម្ពុជា ក្នុងនាមជាប្រទេសដៃគូអភិវឌ្ឍន៍ និងជាមហាមិត្តដែកថែប។

ឯកឧត្តម ស៊ុន ចាន់ថុល ទេសរដ្ឋមន្ត្រី រដ្ឋមន្ត្រីក្រសួងសាធារណការ និងដឹកជញ្ជូន បានមានប្រសាសន៍ថា ប្រទេសចិន គឺជាប្រទេសលំដាប់ទី១ ដែលបានផ្តល់ប្រាក់កម្ចីជិត ៣ពាន់លានដុល្លារអាមេរិក។ បើទោះជាទំហំនៃការទទួលកម្ចី និងជំនួយពីចិនមានទំហំធំយ៉ាងណាក្តី ក៏កម្ពុជាមិនរើសអើងប្រភពថវិកា ដែលប្រទេស និងដៃគូអភិវឌ្ឍន៍ ចង់ផ្តល់ឱ្យកម្ពុជានោះទេ ដើម្បីធ្វើយ៉ាងណាចូលរួមអភិវឌ្ឍ និងកសាងប្រទេសឱ្យរីកចម្រើន។

ឯកឧត្តមទេសរដ្ឋមន្ត្រីប្រសាសន៍បញ្ជាក់ថា ៖

« បើមិត្តណាចង់ជួយដល់កម្ពុជា កម្ពុជាទទួល មិនដែលបដិសេធថា មិនត្រូវការថវិការបស់ប្រទេសនេះ ឬរបស់ប្រទេស នោះឡើយ ។ សុំជម្រាបឱ្យច្បាស់ដោយសារ មានការលើកឡើងចោទថា ហេតុដូចម្តេចបានកម្ពុជាពឹងពាក់ លើចិនច្រើនម្ល៉េះ?»

ជាមួយនឹងការបកស្រាយបែបនេះ ឯកឧត្តម ស៊ុន ចាន់ថុល បានលើកឡើងទៀតថា ចំពោះប្រាក់កម្ចី និងជំនួយ ដែលបានផ្តល់ឱ្យកម្ពុជាទាន់ពេលវេលា ដើម្បីមកកសាងផ្លូវស្ពា​ន នោះកម្ពុជានឹងទទួល ដោយមិនរង់ចាំនោះទេ ខណៈកម្ចី និងជំនួយពីប្រទេសខ្លះត្រូវការ ការសិក្សាច្រើនឆ្នាំ ដែលកម្ពុជា មិនអាចរង់ចាំបាននោះឡើយ ។

ឯកឧត្តមបានបញ្ជាក់ថា៖

«បើកម្ពុជារង់ចាំ៥ឆ្នាំ ទើបបានប្រាក់កម្ចី មកកសាងផ្លូវ ឬស្ពាន កម្ពុជាខាតបង់ច្រើនណាស់ ។ ខាតបង់ពីចំណូលពីការកសាងផ្លូវ និងស្ពាន ដែលធ្វើឱ្យសេដ្ឋកិច្ចមានការរីកចម្រើនលឿន។ ដូច្នេះកម្ពុជាមិនដែលបដិសេធ ប្រាក់កម្ចីមកពីប្រភពណានោះទេ»

តាមរយៈការបណ្ដាក់​ទុន​វិនិយោគ​ពីបណ្ដាក្រុមហ៊ុនធំៗរបស់ចិននៅកម្ពុជា ក៏ដូចជា​​គម្រោងអភិវឌ្ឍន៍ជាច្រើន ដែលរួមទាំងប្រាក់កម្ចី និងជំនួយកសាងហេដ្ឋារចនាសម្ព័ន្ធផ្លូវថ្នល់ផងនោះសកម្មភាពទាំងនេះបានរួមចំណែកជួយដល់​សេដ្ឋកិច្ច​កម្ពុ​ជាដែលមួយផ្នែកធំបានមកពីកម្ចី ពីប្រទេសចិន។ ជុំវិញបញ្ហាកម្ចីនេះ រដ្ឋាភិបាលកម្ពុជាបានច្រានចោលជាដាច់ខាតចំពោះការលើកឡើងថាកម្ពុជាជាប់បំណុលវ័ណ្ឌកជាមួយប្រទេសចិន តែរដ្ឋាភិបាលបានឆ្លើយតប ដោយបញ្ជាក់យ៉ាងម៉ឺងម៉ាត់ថា បំណុលរដ្ឋនៅមានកំរិតទាបនៅឡើយបើប្រៀបធៀបទៅនឹងបណ្ដាប្រទេសដទៃទៀត ហើយរដ្ឋាភិបាលគ្រប់​គ្រងបំណុលនេះបានយ៉ាងល្អ។

ក្នុងវេទិកាខ្សែក្រវាត់និងផ្លូវសម្រាប់កិច្ចសហប្រតិបត្តិការអន្តរជាតិលើកទី ២ នៅទីក្រុងប៉េកាំង កាលពីខែមេសាកន្លងមកនេះ សម្តេចនាយករដ្ឋមន្ត្រីតី ហ៊ុន សែន ក៏ធ្លាប់បានមានប្រសាសន៍ ថា ប្រទេសកម្ពុជានឹងមិនធ្លាក់ក្នុងអន្ទាក់បំណុលនោះទេ ព្រោះកម្ពុជាទទួលយកតែគម្រោងណាដែលមានអត្ថប្រយោជន៍ដល់ប្រទេសប៉ុណ្ណោះ។

សូមបញ្ជាក់ថាក្នុងការផ្តល់កម្ចី និងជំនួយដល់កម្ពុជា ប្រទេសចិន ឈរលើលំដាប់លេខ ១ ប្រទេសជប៉ុន គឺឈរក្នុងលំដាប់លេខ ២ ហើយប្រទេសកូរ៉េខាងត្បូង គឺឈរក្នុងលំដាប់លេខ ៣ ។ ជាមួយគ្នានេះដែរ ក៏មានដៃគូអភិវឌ្ឍន៍ ចំនួន២ គឺធនាគារពិភពលោក Worl Bank និងធនាគាអភិវឌ្ឍន៍អាស៊ី Asia Devel​o​pment Bank ក៏បានចូលរួមជួយកម្ពុជាក្នុង ការកសាងហេដ្ឋារចនាសម្ព័ន្ធផ្លូវថ្នល់ផងដែរ។ នេះ​បើតាម​ឯកឧត្តម​ ស៊ុន ចាន់ថុល៕


ព្រឹត្តិការណ៍

វឌ្ឍនភាព ៖ គម្រោងសាងសង់ផ្លូវក្រវាត់ក្រុងព្រះសីហនុសម្រេចបានជាង៤០ភាគរយ

គម្រោងសាងសង់ផ្លូវក្រវាត់ក្រុងព្រះសីហនុ សម្រេចបានជាង ៤០ភាគរយ លឿនជាងផែនការ ជាមួយនឹងសកម្មភាពការងារយ៉ាងសកម្ម ដើម្បីឈានទៅដល់ការបញ្ចប់
ព្រឹត្តិការណ៍, សេដ្ឋកិច្ច

វិនិយោគិនចិនបានបោះទុនវិនិយោគជាង ២៧ ពាន់លានដុល្លារនៅកម្ពុជា

វិនិយោគចិនបានបណ្តាក់ទុនវិនិយោគសរុបប្រមាណជាង ២៧ ពាន់លានដុល្លារអាមេរិកនៅកម្ពុជា គិត ខណៈច្បាប់វិនិយោគត្រូវបានដាក់ឲ្យអនុវត្ត និងរំពឹងថាអាចទាក់ទាញវិនិយោគិនចិន
ព្រឹត្តិការណ៍, ហិរញ្ញវត្ថុ

ស្វែងយល់ពីធនាគារវិនិយោគហេដ្ឋារចនាសម្ព័ន្ធអាស៊ី (AIIB)

ធនាគារវិនិយោគហេដ្ឋារចនាសម្ព័ន្ធអាស៊ី ដែលបានបង្កើតនៅឆ្នាំ ២០១៦ (AIIB) គឺជាធនាគារអភិវឌ្ឍន៍ពហុភាគីដែលមានបេសកកម្មផ្តល់ហិរញ្ញប្បទានដល់ការកសាងហេដ្ឋារចនាសម្ព័ន្ធ
ព្រឹត្តិការណ៍, សេដ្ឋកិច្ច

មន្ត្រីជាន់ខ្ពស់ក្រសួងបរិស្ថាន ៖ សំណល់សំរាមក៏មានតម្លៃជាសេដ្ឋកិច្ច ប្រសិនបើយើងយកទៅកែច្នៃ

មន្ត្រីជាន់ខ្ពស់ក្រសួងបរិស្ថានបានអះអាងថា សំណល់សំរាមក៏មានតម្លៃជាសេដ្ឋកិច្ចដែរ ប្រសិនបើយើងចេះញែកតាមប្រភេទ និងយកទៅកែច្នៃ ឲ្យក្លាយរបស់ដែលមានប្រយោជន៍
ព្រឹត្តិការណ៍, អាជីវកម្មថ្មី និងនវានុវត្ត

ពលរដ្ឋនៅតំបន់ទីបេមានចំនួនតិច ប៉ុន្តែអាចផលិតថាមពលអគ្គិសនីបានជិត៩ពាន់លានគីឡូវ៉ាត់ម៉ោង

ក្រុមហ៊ុនរដ្ឋទទួលបន្ទុកកិច្ចការងារអគ្គិសនីជាតិ The Tibet Electric Power Co., Ltd របស់ទីបេ បានបាននាំចេញថាមពលអគ្គិសនីទៅបរទេសបានរហូតទៅដល់ ៨,៩៨ពាន់លានគីឡូវ៉ាត់
ជំនួញ, ព្រឹត្តិការណ៍

ភាគហ៊ុនវិនិយោគគម្រោងកសិកម្មនៃ BRI កើនឡើងលើសពី ១៧ពាន់លានដុល្លារអាមេរិក

ភាគហ៊ុនវិនិយោគរបស់ប្រទេសក្នុងបណ្តាប្រទេសនៃគម្រោង BRI បានកើនលើសពី ១៧ពាន់លានដុល្លារអាមេរិកបន្ទាប់ពីបានដំណើរការអស់រយៈពេល៨ឆ្នាំ
ព្រឹត្តិការណ៍, សេដ្ឋកិច្ច

អគ្គនាយកដ្ឋានគយ និងរដ្ឋាករកម្ពុជារំលឹកម្ចាស់រថយន្ដអត់ពន្ធត្រូវបង់ពន្ធឱ្យបានរួសរាន់

អគ្គនាយកដ្ឋានគយ និងរដ្ឋាករកម្ពុជា បានក្រើនរំលឹកសាជាថ្មីដល់ម្ចាស់រថយន្ដអត់ពន្ធទាំងអស់ ត្រូវរួសរាន់មកបង់ពន្ធឱ្យបានមុនដំណាច់ខែធ្នូ ឆ្នាំ២០២១នេះ ដើម្បីទទួល
ព្រឹត្តិការណ៍, ហិរញ្ញវត្ថុ

ព្រឹទ្ធសភាឯកភាពទាំងស្រុងលើសេចក្តីព្រាងច្បាប់ស្តីពីហិរញ្ញវត្ថុសម្រាប់ការគ្រប់គ្រងឆ្នាំ២០២២

ប្រធានព្រឹទ្ធសភានៃព្រះរាជាណាចក្រកម្ពុជាបានពិនិត្យ និងឯកភាពទាំងស្រុងលើសេចក្តីព្រាងច្បាប់ដោយឥតកែប្រែជាមួយនឹងសំឡេងគាំទ្រចំនួន
ព្រឹត្តិការណ៍, អចលនទ្រព្យ

ខេត្តព្រះសីហនុ និងសៀមរាប ជាគោលដៅទេសចរណ៍ឈានមុខគេនៅកម្ពុជា

ខេត្តព្រះសីហនុ និងខេត្តសៀមរាប បានក្លាយជាគោលដៅទេសចរណ៍ និងសេដ្ឋកិច្ចយ៉ាងសំខាន់ និងឈានមុខគេនៅកម្ពុជា ក្រោយការខិតខំអភិវឌ្ឍន៍សំណាក់រាជរដ្ឋាភិបាលកម្ពុជា
ព្រឹត្តិការណ៍, អាជីវកម្មថ្មី និងនវានុវត្ត

បន្ទប់ទឹកចល័ត The Throne រូបរាងតូចតែផ្តល់ប្រយោជន៍ច្រើនដល់មនុស្ស និងបរិស្ថាន

The Throne គឺជាបន្ទប់ទឹកអនាម័យ ឬបង្គន់ចល័តដែលមានរូបរាងតូចច្រឡឹង ដែលអាចជួយកែប្រែរបៀបរស់នៅប្រចាំថ្ងៃរបស់មនុស្សនៅពេលបច្ចុប្បន្ននេះ និងបន្តទៅថ្ងៃអនាគត

AMS ECONOMY
@amseconomy