សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ប៉េកាំង ៖ ក្រុង Tangshan នៃខេត្ត Hebei ប្រទេសចិន ត្រូវបានចាត់ទុកថាជាទីក្រុងដែលមានប្រវត្តិ និងអាយុកាលជាង ១០០ឆ្នាំមកហើយដែលជាទីកន្លែងជីកយករ៉ែដ៏ខ្លាំងក្លាបំផុត ហើយក៏ជាមូលហេតុដែលធ្វើឲ្យតំបន់នេះមានសំណឹកដ៏អាក្រក់បំផុតរបស់ប្រទេសផងដែរ។
នៅក្នុងរយៈពេលប៉ុន្មានឆ្នាំចុងក្រោយនេះ ប្រទេសចិនបានធ្វើការអនុវត្តនូវយុទ្ធសាស្ត្រដ៏ច្នៃប្រឌិតមួយដោយចាប់ផ្តើមធ្វើការកែប្រែទីក្រុងដ៏សឹករិចរិលនេះតាមរយៈការរៀបចំប្រព័ន្ធអេកូឡូស៊ីឡើងវិញដែលអាចអនុញ្ញាតឲ្យមានការអភិវឌ្ឍនូវវិស័យទេសចរណ៍បានយ៉ាងល្អប្រសើរព្រមជាមួយនឹងកែផ្លាស់ប្តូររបៀបរស់នៅមកជាការប្រើប្រាស់ថាមពលស្អាតជំនួសវិញផងដែរ។
គម្រោង Tangshan Huahai Project ដែលជាទីតាំងជីកយករ៉ែដ៏ធំបំផុតក្នុងទីក្រុងនៅពេលនេះបានធ្វើការកែប្រែរូបរាងស្ទើរតែទាំងស្រុងក្រោយបន្តស្ថិតនៅក្រោមឥទ្ធិពល និងសំពាធយ៉ាងធ្ងន់ធ្ងរដោយសារសកម្មភាពជីកយករ៉ែអស់ពេលជាច្រើនទសវត្សរ៍ និងបន្ទាប់ពីត្រូវបានរដ្ឋាភិបាលក្នុងតំបន់បានគូសវាសចេញជាគោលនយោបាយថ្មីមួយកាលពីឆ្នាំ២០១៨ ដោយផ្តើមដំបូងតាមរយៈការកសាងនូវសួនច្បារដ៏ចម្រុះខ្នាតយក្សមួយចំពីលើទីតាំងនេះតែម្តង។
ជាលទ្ធផលមកត្រឹមឆ្នាំ២០២១នេះ ពោលគឺអស់រយៈពេលជិត៣ឆ្នាំមកហើយដែលវាបានប្រែក្លាយទៅជាទីក្រុងថ្មីមួយពោរពេញទៅដោយព្រៃឈើ និងរុក្ខជាតិបៃតងដែលគ្របដណ្តប់លើផ្ទៃដីសរុបជាង៨៥ភាគរយ ហើយលើសពីនោះក៏មានការដាក់បញ្ចូលនូវសកម្មភាពសេដ្ឋកិច្ចសំខាន់សម្រាប់ពលរដ្ឋក្នុងទីក្រុងផងដែរ ដូចជាការកំសាន្ត រោងកុន អាជីវកម្មផ្សេងៗ បូករួមទាំងកីឡាផងដែរ។ អ្នកជំនាញបានអះអាងថា តំបន់ជីកយករ៉ែដ៏ធំមួយនេះបានឆ្លងកាត់នូវការផ្លាស់ប្តូរដ៏ធំធេងមួយកម្រនឹងមានបំផុតនៅលើសកលលោក និងបានប្តូររូបរាងចេញពីភូមិសាស្ត្រដីដែលសឹករិចរិល និងគ្មានប្រយោជន៍បំផុតទៅជាដែនដីដ៏អស្ចារ្យបំផុត (Wasteland to Wonderland)ហើយវាបាន និងកំពុងធ្វើឲ្យជីវិតពលរដ្ឋក្នុងតំបន់ទទួលបាននូវការប្រែប្រួលយ៉ាងខ្លាំងផងដែរពាក់ព័ន្ធទៅនឹងសុខមាលភាព ព្រមទាំងប្រព័ន្ធអេកូឡូស៊ីរបស់ទីក្រុង ក៏ដូចជាប្រទេសចិនទាំងមូលផងដែរ៕
ធ្លាប់បំពេញការងារជាអ្នកបកប្រែអត្ថបទសារព័ត៌មានជាភាសាខ្មែរជាមួយនឹងស្ថាប័នព័ត៌មានមួយចំនួនរយៈពេល៧ឆ្នាំ។ បទពិសោធបកប្រែប្រភេទព័ត៌មានអន្តរជាតិនយោបាយសេដ្ឋកិច្ចនិងកីឡាផង។ បច្ចុប្បន្នកំពុងបំពេញការងារជាអ្នកបកប្រែអត្ថបទសារព័ត៌មានសេដ្ឋកិច្ចអន្តរជាតិឱ្យសារព័ត៌មាន AMS Economy.
របាយការណ៍ថ្មីៗ
មើលទាំងអស់ ➧
ព័ត៌មានទូទៅ
មើលទាំងអស់ ➧
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content