fbpx

អ្នកមានក្ដីសុបិនបង្កើតអាជីវកម្ម ទោះគ្មានបទពិសោធ ឱ្យតែមានគម្រោងច្បាស់លាស់ អ្នកនឹងជោគជ័យ

ភ្នំពេញ ៖ យុវជនខ្មែរនាពេលបច្ចុប្បន្នហាក់ងាកមកចាប់អារម្មណ៍លើការបង្កើតអាជីកម្មខ្នាតតូច និងមធ្យមច្រើន ជាមួយនឹងគំនិតច្នៃប្រឌិតផ្សេងៗគ្នា។ តួយ៉ាង ដូចជាកញ្ញា សែ សម្ផស្ស ដែលជាស្ថាបនិកហាង Cloud Tea ជាប្រេនភេសជ្ជៈថ្មីមួយនៅទីក្រុងភ្នំពេញ និងកំពុងដំណើរការយ៉ាងរលូននៅក្នុង Factory ភ្នំពេញ។

កញ្ញា សម្ផស្ស បានរៀបរាប់ប្រាប់ឱ្យដឹងថា ដំបូងឡើយបន្ទាប់ពីគោលបំណងបើកអាជីវកម្មផ្ទាល់ខ្លួនខ្នាតតូចនេះ កញ្ញាបានចាប់ផ្ដើមរកទីតាំង និងប្រឹក្សាយោបល់ជាមួយដៃគូអាជីវកម្មរបស់ខ្លួន ហើយក៏ទទួលបានការឯកភាពគ្នាក្នុងការកំណត់ឈ្មោះ កំណត់ពេលវេលានៃការចាប់ផ្តើមអាជីវកម្ម រួមជាមួយនឹងការកំណត់យកទីតាំង។ ហើយអ្វីដែលសំខាន់គឺការកំណត់ពីប្រភេទអតិថិជនពិតប្រាកដរបស់ខ្លួន។

កញ្ញា សែ សម្ផស្ស បានប្រាប់ឱ្យដឹងទៀតថា ការបង្កើតហាងនេះឡើង គឺគិតពីធម្មជាតិ បរិយាកាស ដែលស្ថិតនៅជុំវិញ រួមជាមួយនឹងទីតាំងហាង ហេតុនេះ ភេសជ្ជៈដែលនៅហាង Cloud Tea មានផ្សំជាមួយនឹង ផ្លែឈើផ្សេងៗដូចជា ម្នាស់ ប៉ោម ឪឡឹក ក្រូច ព្រីង និងផាសិន ដែលសុទ្ធសឹងជាផ្លែឈើស្រស់ៗ ធម្មជាតិ និងអាចរកនៅក្នុងស្រុកបាន។ ចំណែកគុជវិញ ក៏ធ្វើឡើងដោយខ្លួនឯង និងដាក់ឈ្មោះថា Palm Sugar ដោយសារផ្សំឡើងជាមួយស្ករត្នោតដែលជាផលិតផលខ្មែរ និងធ្វើឱ្យមានក្លិនឈ្ងុយបន្ថែមទៀត។

ភេសជ្ជៈ Cloud Tea

ពាក់ព័ន្ធទៅនឹងប្រភពនៃដើមទុនវិនិយោគនៅក្នុងអាជីវកម្មខ្នាតតូចមួយនេះ ត្រូវបានកញ្ញាបញ្ជាក់ថា ការធ្វើអាជីវកម្មមិនមែនមានលុយ ០ដុល្លារមកធ្វើបានទេ ព្រោះយើងត្រូវការទិញសម្ភារផ្សេងៗ ក្នុងការចាប់ផ្ដើម។ ដើមទុនដំបូងរបស់កញ្ញាផ្ទាល់គឺបានមកពីគ្រួសារប្រមាណ ៥០០០ដុល្លារ រួមជាមួយនឹងប្រាក់ចំណេញបានពីការលក់អចលនទ្រព្យខ្លះ រួមជាមួយនឹងដៃគូសហការបង្កើតអាជីវកម្មរួមគ្នាខ្លះ ។

អ្វីដែលជាឧបសគ្គនៅក្នុងដំណើរការអាជីវកម្មខ្នាតតូចមួយនេះគឺបញ្ហាកូវីដដែលបានកើតឡើងចំពេលតំណាលគ្នានឹងការបើកលក់លើកដំបូង។ ពេលដែលកញ្ញាចាប់ផ្ដើម ជាពេលដែលជំងឺផ្លូវដង្ហើមកូវីដ19 រីករាលដាលនៅកម្ពុជាតែម្ដង។ ដោយសារតែគ្មានបទពិសោធន៍ គ្មានអ្នកលើកទឹកចិត្ត សូម្បីតែមិត្តភក្កិចង់ធ្វើដៃគូអាជីកម្មចំនួន៣នាក់ ក៏មាន២នាក់គិតថា អាជីវកម្មមួយនេះមិនអាចទៅរួច។ ប៉ុន្តែដោយសារតែភាពអត់ធ្មត់ក្នុងការបន្តដំណើរការអាជីវកម្ម និងការជំនះភាពលំបាក កញ្ញាបានធ្វើការងារគ្រប់បែបយ៉ាង បើទោះមិនសូវមានបទពិសោធន៍ តែកញ្ញានៅតែអាចបើកហាងមួយនេះបានរហូតមកដល់ពេលបច្ចុប្បន្ន។

ជាមួយនឹងការបើកដំណើរការអាជីវកម្មខ្នាតតូច និងជាលើកដំបូងមួយនេះ កញ្ញា សម្ផស្ស មានគំនិតចង់ឱ្យហាងតូចមួយនេះក្លាយជាប្រេនមួយដែលត្រូវបានទទួលស្គាល់នៅក្នុងវិស័យម្ហូបអាហារ និងភេសជ្ជៈនៅកម្ពុជា ហើយក៏ជាប្រេនមួយដែលដំណាងឱ្យស្រុកខ្មែរនៅបរទេសទៀតផង។ មួយវិញទៀត កញ្ញាក៏ចង់ឱ្យទីផ្សារកសិផលខ្មែរកាន់តែទូលំទូលាយជាមុនតាមរយៈការធ្វើភេសជ្ជៈដែលមាននៅក្នុង Cloud Tea នេះ៕

ខ្ញុំគិតថាបើសិនជាឱកាសយើងហុចពេលហើយ យើងមានផែនការអាជីវកម្មហើយ យើងជឿទុកចិត្តថាអាជីវកម្មហ្នឹងអាចទៅរួចហើយ គឺយើងដឹងតែអាចធ្វើវាបានហើយ

កញ្ញា សម្ផស្ស ម្ចាស់ហាង Cloud Tea

ព្រឹត្តិការណ៍, ហិរញ្ញវត្ថុ

រយៈពេល២ឆ្នាំខាងមុខ ការជួញដូរមូលបត្រនៅកម្ពុជារំពឹងថានឹងកើនឡើងដល់១លានដុល្លារក្នុង១ថ្ងៃ

ខណៈដែលពិភពលោកជួបភាពមិនច្បាស់លាស់ដោយសារវិបត្តិកូវីដ១៩ ប៉ុន្តែសម្រាប់ផ្សារមូលបត្រកម្ពុជានៅតែបន្តឆ្ពោះទៅមុខ ខណៈការជួញដូររំពឹងថានឹងកើនឡើងដល់ ១ លានដុល្លារក្នុង
ព្រឹត្តិការណ៍, សេដ្ឋកិច្ច

គម្រោងវិនិយោគឧស្សាហកម្មក្នុងឆមាសទី១ ចំនួន ៧៩ ត្រូវបានចុះបញ្ជី

នៅក្នុងឆមាសទី១នៃឆ្នាំ២០២១កន្លងទៅនេះ បើទោះជាកំពុងស្ថិតនៅក្នុងបរិបទនៃការរាតត្បាតជំងឺកូវីដក៏ដោយ ប៉ុន្តែមានគម្រោងវិនិយោគថ្មីចំនួន៧៩ ត្រូវបានចុះបញ្ជីជាស្ថាពរ…..
ព្រឹត្តិការណ៍

សិប្បកម្មសេរ៉ាម៉ិចខ្មែរ ជួយថែអាជីពប្រពៃណី និងត្រូវការកិច្ចគាំទ្រពីសំណាក់ប្រជាជនក្នុងស្រុក

បើនិយាយពីសិប្បកម្មខ្មែរទាក់ទងនឹងស្មូន មនុស្សភាគច្រើនតែងគិតដល់ផលិតផលក្អម ចង្ក្រាន ឬឆ្នាំងដីដែលគេមិននិយមប្រើប្រាស់​ក្នុងជីវភាព​ប្រចាំថ្ងៃនា​ពេល​បច្ចុប្បន្នទៀតទេ។
ជំនួញ, ព្រឹត្តិការណ៍

Airbus បង្កើនផលិតកម្មផលិតយន្តហោះវិញឆ្នាំនេះ ដើម្បីត្រៀមបំពេញតម្រូវខ្លាំងប៉ុន្មានឆ្នាំខាងមុខ

យោងតាមការប្រកាសដដែលបានបញ្ជាក់ទៀតថា Airbus នឹងមានផែនការផលិតយន្តហោះត្រកូល A320neo ឲ្យបានច្រើនជាងមុនប្រមាណជា 10 ភាគរយ ឬពី 40-45
ព្រឹត្តិការណ៍, អចលនទ្រព្យ

អចលនទ្រព្យ ២ប្រភេទ ដែលគួរវិនិយោគទាញយកផលចំណេញខ្ពស់នាពេលអនាគត

ការវិនិយោគអចលនទ្រព្យដែលត្រូវបានវិនិយោគិនជោគជ័យមួយចំនួនលើកយកមកបង្ហាញ និងផ្តល់ជាយោបល់ដល់អ្នកដែលចង់បានចំណូល និងចំណេញខ្ពស់ពីការវិនិយោគគឺ
ព្រឹត្តិការណ៍, អាជីវកម្មថ្មី និងនវានុវត្ត

កម្មវិធី Video Call ចំនួន 5 ស័ក្ដិសមបំផុតសម្រាប់ក្រុមហ៊ុន និងអ្នកធ្វើការងារពីផ្ទះក្នុងកំឡុងពេលនេះ

អាចនិយាយបានថា ការជ្រើសយកកម្មវិធី1 ក្នុងចំណោម5 សម្រាប់ធ្វើកិច្ចពិភាក្សា ឬធ្វើការងារជាក្រុមនៅក្នុងកំឡុងពេលកើតមានវិបត្តិកូវីដ ជាពិសេសការ​បិទ​ខ្ទប់​រាជធានីភ្នំពេញ …
ព្រឹត្តិការណ៍, សេដ្ឋកិច្ច

កម្ពុជាគ្រោងបើកទទួលភ្ញៀវទេសចរបរទេសដែលបានចាក់វ៉ាក់សាំងរួចរាល់

កម្ពុជាគ្រោងនឹងបើកទទួលភ្ញៀវទេសចរបរទេសដែលបានចាក់វ៉ាក់សាំងការពារជំងឺកូវីដ-១៩ រួចរាល់ ដែលនឹងចាប់ដំណើរការក្នុងពេលឆាប់ៗនេះ ខណៈដែលការចាក់វ៉ាក់សាំងក្នុងប្រទេសបាន
ព្រឹត្តិការណ៍, សេដ្ឋកិច្ច

ប្រអប់ខ្លឹម ផ្ដល់បទពិសោធន៍ថ្មីដល់ការសិក្សារបស់សិស្សានុសិស្សនៅកម្ពុជា

ការសិក្សាសនាពេលបច្ចុប្បន្នទាមទារឱ្យមានការអនុវត្តដែលសម្រួលដល់ការយល់ ក៏ដូចជាការទទួលយកនូវចំណេះដឹង ដែលជំរុញឱ្យយុវជនមួយក្រុមបង្កើតប្រអប់ខ្លឹម (Klem Box)
ព្រឹត្តិការណ៍, សេដ្ឋកិច្ច

ត្រឹមរយៈពេល៧ខែ ជប៉ុនបោះទុនវិនិយោគ ៣១៤០លានដុល្លារនៅកម្ពុជា

នៅក្នុងរយៈពេល៧ខែ ឆ្នាំ២០២១កន្លងទៅនេះ ក្រុមហ៊ុនជប៉ុនបានមកបណ្តាក់ទុនវិនិយោគនៅកម្ពុជាសរុបទំហំទឹកប្រាក់ប្រមាណ ៣១៤០លានដុល្លារ
ព្រឹត្តិការណ៍, សេដ្ឋកិច្ច

ADB រំពឹងថាសេដ្ឋកិច្ចហ្វីលីពីនងើបឡើងវិញឆ្នាំ2021នេះ និងបន្តកើនឡើងខ្លាំងនៅឆ្នាំបន្ទាប់

យោងតាមការរបាយការណ៍ដែលចេញដោយធនាគារអភិវឌ្ឍអាស៊ី(ADB) នៅព្រឹកថ្ងៃពុធនេះបានឲ្យដឹងថា សេដ្ឋកិច្ចរបស់ប្រទេសហ្វីលីពីននឹងងើបឡើងវិញនៅក្នុងឆ្នាំនេះ និងឆ្នាំ…

AMS ECONOMY
@amseconomy