សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ ការដ្ឋានសាងសង់ព្រែកជីកមួយដែលមានតម្លៃដល់ទៅរាប់ពាន់លានដុល្លារត្រូវបានប្រកាសជាផ្លូវការហើយដោយអាចនឹងចាប់ផ្តើមបើកការដ្ឋាននៅត្រឹមចុងខែមិថុនា ឆ្នាំ២០២១ខាងមុខនេះ ដើម្បីជួយសម្រួលដល់ការដឹកជញ្ជូនតភ្ជាប់ពីសមុទ្រខ្មៅ(Black Sean) និងសមុទ្រម៉ាម៉ារ៉ា (Marmara)នៃប្រទេសតួគី ដែលមានប្រវែងប្រមាណ៤៥គីឡូម៉ែត្រ។
ប្រធានាធិបតីនៃប្រទេស តួកគី លោក Recep Tayyip Erdogan កាលពីចុងសប្តាហ៍កន្លងទៅនេះ បានបញ្ជាក់ថា ក្រោយការសាងសង់ព្រែកជីកដ៏ធំមួយនេះ វានឹងអាចក្លាយទៅជាច្រកធ្វើដំណើរតាមផ្លូវទឹកជំនួសឲ្យច្រកសមុទ្រ Bosporus ដែលកំពុងត្រូវបានប្រើប្រាស់នៅពេលបច្ចុប្បន្ន ហើយព្រែកជីកនេះនឹងត្រូវប្រសិទ្ធិនាមថា ព្រែកជីក Canal Istanbul ។
តាមរយៈព្រែកជីកមួយនេះ ក្រៅតែពីអាចជួយជំរុញដល់សេដ្ឋកិច្ចរបស់ប្រទេសតួកគីដែលកំពុងដុនដាបដោយសារបញ្ហាវិបត្តិកូវីដហើយនោះ វាក៏អាចក្លាយទៅជាច្រកធ្វើដំណើរយ៉ាងសំខាន់សម្រាប់ប្រទេសតួកគីក្នុងការដឹកទំនិញចេញចូលប្រទេសកាត់បន្ថយចរាចរនៃនាវាផ្ទុកទំនិញ និងភាពប្រថុយប្រថានក្នុងការធ្វើដំណើរតាមច្រក Bosporus ដែលមានចំងាយឆ្ងាយនោះផងដែរ។
គួរបញ្ជាក់ដែរថា អំឡុងពេលដឹកនាំប្រទេសអស់រយៈពេល ១៨ ឆ្នាំកន្លងមកនេះ ក្នុងនាទីជាប្រធានាធិបតី លោក Erdogan បានចំណាយលុយរាប់សិបពាន់លានដុល្លារមកហើយនៅក្នុងកិច្ចការងារកែលំអ និងសាងសង់ហេដ្ឋារចនាសម្ព័ន្ធខ្នាតយក្សជាច្រើនបូករួមទាំងអាកាសយានដ្ឋានថ្មីនៅក្នុងទីក្រុង Istanbul ស្ពានថ្មីឆ្លងកាត់ច្រកសមុទ្រ Bosporus ព្រមទាំងមន្ទីរពេទ្យខ្នាតយក្សនៅតាមទីក្រុងជាច្រើនផងដែរ។
ដោយឡែក គម្រោងសាងសង់ព្រែកជីក Canal Istanbul នេះ ក៏មានភ្ជាប់មកជាមួយនឹងគម្រោងបង្កើតទីក្រុងថ្មីមួយដែលអាចទទួលពលរដ្ឋស្នាក់នៅប្រមាណជាកន្លះលាននាក់ ព្រមជាមួយនឹងគម្រោងសាងសង់ស្ពានជាច្រើនទៀតតភ្ជាប់ផ្នែកសងខាងនៃព្រែកជីក ដោយក្នុងនោះក្រុមហ៊ុនរដ្ឋរបស់តួកគី Emlak Konut និងក្រុមហ៊ុនឯកជនផលិតស៊ីម៉ង់ Akcansa Cimento គឺជាអ្នកទទួលរ៉ាប់រងក្នុងការអភិវឌ្ឍន៍វិស័យសំណង់ និងអចលនទ្រព្យនៅក្នុងទីក្រុងថ្មីនេះ៕
ធ្លាប់បំពេញការងារជាអ្នកបកប្រែអត្ថបទសារព័ត៌មានជាភាសាខ្មែរជាមួយនឹងស្ថាប័នព័ត៌មានមួយចំនួនរយៈពេល៧ឆ្នាំ។ បទពិសោធបកប្រែប្រភេទព័ត៌មានអន្តរជាតិនយោបាយសេដ្ឋកិច្ចនិងកីឡាផង។ បច្ចុប្បន្នកំពុងបំពេញការងារជាអ្នកបកប្រែអត្ថបទសារព័ត៌មានសេដ្ឋកិច្ចអន្តរជាតិឱ្យសារព័ត៌មាន AMS Economy.
របាយការណ៍ថ្មីៗ
មើលទាំងអស់ ➧
ព័ត៌មានទូទៅ
មើលទាំងអស់ ➧
Kukula Solar ធ្វើការជាមួយអ្នកលក់ផលិតផលថាមពលពន្លឺព្រះអាទិត្យជាស្ត្រី និងយុវជនពីសហគមន៍ក្រីក្រ
ធុរកិច្ចបរិយាបន្ន, ព្រឹត្តិការណ៍, សេដ្ឋកិច្ច
• 25/04/2024
គំរូអាជីវកម្មបរិយាបន្នរបស់ Kukula Solar គឺការធ្វើការជាមួយអ្នកលក់ផលិតផលថាមពលពន្លឺព្រះអាទិត្យជាស្ត្រី និងយុវជនពីសហគមន៍មូលដ្ឋាន ដើម្បីជំរុញការធ្វើទីផ្សារផលិតផលពន្លឺព្រះអាទិត្យ និងផ្តល់ការគាំទ្របន្ថែមដូចជាការជួសជុល និងសេវាកម្មអតិថិជនក្នុងសហគមន៍របស់ពួកគេ
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content