fbpx

បរិបទកូវីដ-19 ប្រព័ន្ធបាគងកំពុងទទួលបានការគាំទ្រក្នុងសេវាកម្មហិរញ្ញវត្ថុ

ភ្នំពេញ ៖ អ្នកប្រតិបត្តិករនៃសេវាកម្មមីក្រូហិរញ្ញវត្ថុ និងធនាគារ បាននឹងកំពុងទទួលស្គាល់ថា ប្រព័ន្ធបា​គងកំពុងទទួលបានការគាំទ្រក្នុងសេវាកម្មហិរញ្ញវត្ថុក្នុង​ប្រទេសកម្ពុជា​ ខណៈដែលមានការព្រួយបារម្ភទៅនឹងការចម្លងនៃជំងឺរាត​ត្បាតកូវីដ-19 អាចឆ្លងមេរោគតាមការទូទាត់សាច់ប្រាក់ដោយផ្ទាល់។

លោក កាំង តុងងី ប្រធានផ្នែកទំនាក់ទំនងសមាគមមីក្រូហិរញ្ញវត្ថុនៅកម្ពុជាបានថ្លែងប្រាប់​AMS ឱ្យដឹងថា ដោយសារបាគងជាប្រព័ន្ធទូទាត់ប្រាក់ដែលមានភ្ជាប់​ជាមួយបណ្តាធនាគារ និងគ្រឹះស្ថានហិរញ្ញវត្ថុជាច្រើន អតិថិជនអាចមានភាពងាយស្រួលក្នុងការផ្ទេរ ឬទូទាត់សាច់ប្រាក់បានប្រព័ន្ធអេឡិចត្រូនិកយ៉ាងងាយស្រួល។ 

លោកថាបច្ចុប្បន្ន គ្រឹះស្ថានមីក្រូហិរញ្ញវត្ថុមានសរុបប្រមាណជា 80 តែអ្នកដែលមានអាជ្ញា​បណ្ណទទួល​ប្រាក់​​បញ្ញើមានតែចំនួន 6 ទេ ដែលមានសកម្មភាពខ្លាំង​រួមមានប្រាសាក់ អេអឹមខេ LOLC ជាដើម តែ​ពួក​គាត់កាន់កាប់អតិថិជនរហូតដល់ពី 80 ទៅ 90ភាគរយ។

លោក កាំង តុងងី បានមានប្រសាសន៍ថា ៖ 

“តាមរយៈប្រព័ន្ធទូទាត់ប្រាក់បាគង គ្រឹះស្ថានមីក្រូហិរញ្ញ ឬក៏ធនាគារ​អាចផ្ញើប្រាក់ឆ្លងគ្នាពីមួយទៅមួយបានក្នុងការ​ទូទាត់ ផ្ទេរសាច់ប្រាក់ពីធនាគារមួយ ទៅធនាគារមួយទៀតដោយមិនគិតថ្លៃសេវា”

បាគង គឺជាឧបករណ៍មួយដែលមានប្រយោជន៍ច្រើនសម្រាប់អ្នកប្រើប្រាស់ ជាពិសេសគឺក្នុងកំឡុងកូវីដ-19 នេះ ខណៈដែលមនុស្សបានព្យាយាមមិនជួបមុខគ្នា​ផ្ទាល់ ក៏ដូចជា​ព្យាយាមមិនប៉ះពាល់ក្រដាសប្រាក់ដោយផ្ទាល់ ព្រោះវាជាផ្នែកមួយនៃការចម្លងវីរុសនៃជំងឺឆ្លង។

លោក តុងងី បញ្ជាក់ថា៖

“កាលដែលយើងមានប្រព័ន្ធឌីជីថល​ ផេយមេន( Digital Payment ) ដែលភ្ជាប់គ្នាគ្រប់គ្រឹះស្ថានហិរញ្ញវត្ថុទំាងអស់ អ៊ីចឹងវា​ផ្តល់​ភាពងាយស្រួលមែនទែន ដល់អតិថិជន ក្នុងការប្រើប្រាស់ការទូទាត់ប្រាក់ ការផ្ទេរប្រាក់ក្នុងសេវាហិរញ្ញវត្ថុដោយមិនចាំបាច់កាន់សាច់ប្រាក់ ដោយមិនទៅជួប​មនុស្ស​ដោយផ្ទាល់”

លោក សាយ សូនី អនុប្រធាននាយកប្រតិបត្តិនៃ​គ្រឹះស្ថាន​មីក្រូ​ហិរញ្ញវត្ថុ​ ​ប្រា​សាក់​បានប្រាប់​AMS ថា ស្ថានការណ៍កូវីដ-19 បានញុំាងឱ្យស្ថាប័នធនាគារ ក៏ដូច​ជាវិស័យមីក្រូហិរញ្ញវត្ថុយកចិត្តទុក​ដាក់លើការផ្ដល់សេវាកម្មបន្ថែម លើផ្នែកហិរញ្ញវត្ថុ តួយ៉ាងប្រព័ន្ធបាគង ដែលប្រាសាក់​ បានរីករាយស្វាគមន៍ចូលរួម​តាំង​ពី​ដំបូង ខណៈដែលប្រព័ន្ធនេះបានផ្តួចផ្តើមដោយធនាគារជាតិនៃកម្ពុជា(NBC)។

ដោយសារគ្រឹះស្ថាន​មីក្រូ​ហិរញ្ញវត្ថុជាសមាជិករបស់ប្រព័ន្ធបាគង លោក សាយ សូនី បានបញ្ជាក់ឱ្យដឹងថា មួយរយៈកន្លងមកនេះ លោកបានកត់សម្គាល់ថា អតិថិជន​ហាក់មានសន្ទុះកើនឡើងលើសពីធម្មតា និងមានភាពទូលំទូលាយជាងមុនក្នុងការប្រើប្រាស់ទៅលើបច្ចេកវិទ្យាហិរញ្ញវត្ថុ ប្រព័ន្ធបាគងនេះ ​ព្រោះថា​ពីមុន​មាន​ការលំបាក​ក្នុងការទូទាត់ និងផ្ទេរសាច់ប្រាក់ពីធនាគារ1ទៅធនាគារ1។

លោក សាយ សូនី បានបញ្ជាក់ថា៖

“រៀងរាល់ការអភិវឌ្ឍផ្នែកហិរញ្ញវត្ថុ យើងតែងតែចូល​​​រួមរាល់ការអភិវឌ្ឍផ្សេងៗទាក់ទងនឹងការងារ ដោយឱ្យតម្លៃអាទិភាព​ ហើយ​យើង​ក៏សប្បាយចិត្តនឹងការប្រើប្រាស់ប្រព័ន្ធទូទាត់បាគង”

សព្វថ្ងៃនេះ បាគង មានសមាជិកជាធនាគារចំនួន 20 ដែលមានសកម្មភាពខ្លាំង ដោយសារប្រព័ន្ធបាគង អាចដោះស្រាយគ្នាបានក្នុងការផ្ទេរ ការទូទាត់​សាច់ប្រាក់​ក្នុង​កាលៈទេសៈកូវីដនេះ ហើយបានធានាបាននូវសុវត្ថិភាព ងាយស្រួលប្រើ ពិសេសមិនប្រតិបត្តិការសាច់ប្រាក់ដោយផ្ទាល់៕ 

ជំនួញ, ព្រឹត្តិការណ៍

Microsoft ប្រកាសដាក់ឲ្យកម្មវិធី Internet Explorer ចូលនិវត្តន៍

ក្រុមហ៊ុនបច្ចេកវិទ្យា Microsoft នៅថ្ងៃសុក្រនេះបានប្រកាសក្នុងការដាក់ឲ្យចូលនិវត្តន៍នៃផ្ទាំងកម្មវិធី Internet Explorer ជាផ្លូវការហើយបន្ទាប់ពីបានដំណើរការអស់រយៈពេលជាង25ឆ្នាំរួចមក…
ព្រឹត្តិការណ៍, ហិរញ្ញវត្ថុ

ស្ត្រីវ័យក្មេងនៅកម្ពុជា នឹងទទួលបានចំណេះដឹង និងជំនាញគ្រប់គ្រងហិរញ្ញវត្ថុផ្ទាល់ខ្លួនពីកម្មវិធី YSEALI

អ្នកដឹកនាំជាស្ត្រីវ័យក្មេងកម្ពុជាជាច្រើននឹងទទួលបាននូវចំណេះដឹងក្នុងការគ្រប់គ្រងហិរញ្ញវត្ថុផ្ទាល់ខ្លួនពីកម្មវិធីសិក្សាសម្រាប់ស្ត្រីក្នុងភាពជាមេដឹកនាំរបស់គម្រោងមេដឹកនាំយុវវ័យអាស៊ី
ព្រឹត្តិការណ៍, អត្ថបទពាណិជ្ជកម្ម

រយៈពេល2ខែដើមឆ្នាំ2021 ការនាំចេញរបស់កម្ពុជាទៅកាន់ទីផ្សារកូរ៉េនៅតែបន្តកើនឡើង

ទោះជាស្ថិតនៅក្នុងស្ថានភាពប្រឈមនឹងវិបត្តិកូវីដ-19 ដែលកំពុងបន្តរាតត្បាតជាសាកលយ៉ាងណាក៏ដោយ សម្រាប់ការនាំចេញទំនិញរបស់កម្ពុជាទៅ​កាន់ទីផ្សារប្រទេសកូរ៉េខាងត្បូង
ព្រឹត្តិការណ៍, សេដ្ឋកិច្ច

នាយករដ្ឋមន្ត្រីអូស្ត្រាលីស្នើទៅ WTO ជួយដោះស្រាយបញ្ហាជម្លោះតម្លៃស្រាក្រហមជាមួយចិន

បរទេស៖ នៅសប្តាហ៍នេះនាយករដ្ឋមន្ត្រីអូស្ត្រាលី លោក Scott Morrison តាមរយៈការចេញផ្សាយរបស់សារព័ត៌មាន The Bloomberg បានឲ្យដឹងថា លោកបានធ្វើការស្នើសុំទៅខាង
ព្រឹត្តិការណ៍, សេដ្ឋកិច្ច

តម្លៃប្រេងហក់ឡើងខ្លាំងក្រោយកិច្ចប្រជុំរបស់ OPEC កំពុងជាប់គាំង

សមាគមន៍នៃប្រទេសនាំចេញប្រេងហៅកាត់ថា OPEC គឺជាប្លុកនាំចេញប្រេងធំបំផុតស្មើនឹង ១ ភាគ ៣ នៃចំណែកទីផ្សារផលិតប្រេងឆៅរបស់សកលោក…
ព្រឹត្តិការណ៍, សេដ្ឋកិច្ច

លោកបណ្ឌិត គី សេរីវឌ្ឍន៍ ៖ ទីផ្សារឌីជីថលកំពុងចូលរួមចំណែកក្នុងការទប់ស្កាត់ការរាលដាលជំងឺឆ្លងនាពេលបច្ចុប្បន្ន

ស្ថិតនៅក្នុងកំឡុងពេលនៃការអនុវត្តនូវវិធានការបិទខ្ទប់ភូមិសាស្ត្ររាជធានីភ្នំពេញ ក្រុងតាខ្មៅនៃខេត្តកណ្តាល ក៏ដូចជាតំបន់ក្នុងខេត្តក្រុងដទៃទៀតនោះ ទីផ្សារ​ឌីជីថល ដែលទទួលការ…
ព្រឹត្តិការណ៍, ហិរញ្ញវត្ថុ

គ្រឹះស្ថានធនាគារ និងហិរញ្ញវត្ថុនៅកម្ពុជាបញ្ចេញឥណទានជាង៤ពាន់លានដុល្លារទៅក្នុងវិស័យកសិកម្ម

គិតត្រឹមខែសីហា ឆ្នាំ២០២១ កន្លងទៅនេះ គ្រឹះស្ថានធនាគារ និងហិរញ្ញវត្ថុ បានផ្តល់ឥណទានទៅវិស័យកសិកម្ម មានចំនួន ១៧,០ ទ្រីលានរៀល សមមូលនឹង ៤,២ ពាន់លានដុល្លារអាមេរិក
ព្រឹត្តិការណ៍, អាជីវកម្មថ្មី និងនវានុវត្ត

ស្វែងយល់ពីអាជីវកម្មបរិយាប័ន្ន

ផែនការយុទ្ធសាស្រ្តអភិវឌ្ឍន៍ជាតិឆ្នាំ2019-2023 របស់រាជរដ្ឋាភិបាលកម្ពុជា (NSDP ឆ្នាំ2019-2023) មានគោលដៅជំរុញកំណើនសេដ្ឋកិច្ចកម្ពុជា ប្រកបដោយបរិប័ន្នកាន់តែប្រសើរ…
ព្រឹត្តិការណ៍, អចលនទ្រព្យ

គម្រោងទីក្រុងបៃតងថ្មីរបស់សិង្ហបុរីនឹងផ្លាស់ប្តូរជីវិតអ្នករស់នៅនាពេលអនាគត

ក្រុងថ្មីដែលមានឈ្មោះ Tengah ជាដែនដីអភិវឌ្ឍបែបអេកូឡូស៊ី និងគ្រោងមានវត្តមានលំនៅដ្ឋានសរុបដល់ទៅ ៤២ ០០០ ខ្នង គ្មានអគារខ្ពស់ៗច្រើនឡើយ និងហ៊ុមព័ទ្ធដោយដើមឈើក្រាសយ៉ាងច្រើន
ព្រឹត្តិការណ៍, ហិរញ្ញវត្ថុ

មូលនិធិធនាគារធំ2នឹងក្លាយជាទុនសម្រាប់ពង្រឹងអាជីវកម្មសហគ្រាសធុនតូច និងមធ្យមក្នុងឆ្នាំ2021

វិស័យសហគ្រាសធុនតូច និងមធ្យម(SMEs)ក្នុងប្រទេសកម្ពុជានៅឆ្នាំ2021នេះនឹងមានឱកាសទទួលបានការអភិវឌ្ឍ និងទុនសម្រាប់ពង្រឹងអាជីវកម្មរបស់ខ្លួនបន្ទាប់ពីធនាគារដ៏ធំចំនួន2បានត្រៀមកញ្ចប់មូលនិធិរាប់រយលានដុល្លារសម្រាប់ជួយដល់ពួកគេ។ លោកបណ្ឌិត អ៊ិន ចាន់នី ប្រធាននាយកប្រតិបត្តិធនាគារអេស៊ីលីដា ភីអិលស៊ី បានមានប្រសាសន៍ថានៅក្នុងឆ្នាំ2021នេះ ធនាគារអេស៊ីលីដា បានត្រៀមមូលនិធិជិត600លានដុល្លារអាមេរិក សម្រាប់យកទៅគាំទ្រ លើវិស័យសហគ្រាសធុនតូច និងមធ្យម (SMEs)…

AMS ECONOMY
@amseconomy