បរទេស ៖ លោក Chris Halim និងអ្នកនាង Raena Lim ត្រូវបានគេស្គាល់ថាជាគូស្នេហ៍មួយគូដែលមានភាពជោគជ័យបំផុតក្នុងចំណោមគូស្នេហ៍សហគ្រិនភាពទាំងអស់លើពិភពលោក ហើយបច្ចុប្បន្នកំពុងមានឈ្មោះជាមហាសេដ្ឋីក្រោយចាប់ផ្តើមអាជីវកម្មរបស់ខ្លួនមិនទាន់បាន៦ឆ្នាំស្រួលបួលផងនោះ។
គូស្នេហ៍វ័យទើបតែ ៣២ឆ្នាំទាំង២នាក់នេះបានសម្រេចចិត្តព្រមគ្នាក្នុងការលាឈប់ពីការងារកាលពីឆ្នាំ២០១៦ ហើយក៏បានចាប់ផ្តើមអាជីវកម្មលក់សម្លៀកបំពាក់ភ្លាមៗ ទាំងដែលមិនទាន់មានគំនិត និងផែនការអាជីវកម្មនៅឡើយ ប៉ុន្តែដំណើរការអាជីវកម្មបែរជាទទួលបានភាពជោគជ័យខ្លាំង ក្រោយការប្រើកម្មវិធីលក់តាមទូរស័ព្ទមួយ ដែលមានឈ្មោះថា Style Theory ។
ជាប្រធានប្រតិបត្តិ លោក Halim បាននិយាយថា រាល់ស្ថាបនិកនៃអាជីវកម្មថ្មីៗភាគច្រើននៅពេលចាប់ផ្តើមតែងតែមានគំនិតមួយថា ត្រូវតែត្រៀមខ្លួនឲ្យរួចរាល់ជាមួយនឹងផលិតផលដ៏ឥតខ្ជោះមួយមុនពេលដំណើរការអាជីវកម្ម ហើយអ្វីៗទាំងអស់គឺត្រូវតែល្អបំផុតតាមដែលអាចធ្វើទៅបាន ប៉ុន្តែជាក់ស្តែងពីអ្វីដែលលោកទទួលបានបទពិសោធន៍ គឺការត្រៀមខ្លួនដូចដែលបានលើកឡើងខាងលើនេះ អាចក្លាយជាកំហុសឆ្គងទៅវិញ។
លោក Halim បានបញ្ជាក់ចំណុចចំនួន២ ដែលមានភាពសាមញ្ញ និងសំខាន់បំផុតសម្រាប់អ្នកចាប់ផ្តើមថ្មីនៃអាជីវកម្មដែលគួរតែធ្វើ។
១.ភាពសាមញ្ញ ៖ រឿងល្អបំផុតដើម្បីចាប់ផ្តើមដំបូង ទោះជាប្រភេទអាជីវកម្ម ឬជាផលិតផល ជាសេវាកម្មអ្វីក៏ដោយគឺត្រូវតែប្រាកដថាមានភាពសាមញ្ញ ហើយឆាប់បានចូលទៅក្នុងទីផ្សារលឿនបំផុត។
២.សុបិនឲ្យធំ និងរឹងម៉ាំ ៖ ក្នុងនាមជាសហគ្រិនភាព អ្នកជួបប្រទះបញ្ហាស្ទើររៀងរាល់ថ្ងៃ ប៉ុន្តែជារឿងសំខាន់អ្នកមិនត្រូវបែកចេញពីក្តីសុបិនរបស់អ្នកនោះឡើយនៅថ្ងៃបន្ទាប់។ ដូច្នេះអ្នកនឹងមិនវង្វេង ហើយនឹងអាចត្រឡប់មករកផ្លូវដើរដែលយើងបានដាក់ផែនការពីដំបូងនោះមកវិញ។
ចំណុចទាំង២ខាងលើនេះហើយដែលអាចជំរុញឲ្យអាជីវកម្មលក់សម្លៀកបំពាក់តាមកម្មវិធីទូរស័ព្ទរបស់ពួកគេទទួលបានភាពជោគជ័យ រហូតកើនទ្រព្យសម្បត្តិក្លាយជាសេដ្ឋីទាំងវ័យក្មេង។
គួរឲ្យដឹងដែរថា មកដល់ពេលបច្ចុប្បន្ននេះ Style Theory មានអ្នកប្រើប្រាស់ជាគណនេយ្យដល់ទៅ២០ម៉ឺន មកពីសិង្ហបុរី និងឥណ្ឌូនេស៊ី ជាមួយនឹងសម្លៀកបំពាក់សរុបដល់ទៅជាង៥ម៉ឺនឈុត ព្រមទាំងស្បែកជើងជាង ២២០០គូ ដែលកំពុងទទួលបានការគាំទ្រពីអតិថិជន ជាពិសេសឈ្មួញកណ្តាលទិញយកទៅវិនិយោគបន្ត ក្រោមកិច្ចគាំទ្រពីធនាគារ Softbank ដល់ទៅ៣០លានដុល្លារ ព្រមទាំងក្រុមហ៊ុនផ្សេងទៀតដូចជា Alpha JWC Ventures និង Paradise Group៕
ធ្លាប់បំពេញការងារជាអ្នកបកប្រែអត្ថបទសារព័ត៌មានជាភាសាខ្មែរជាមួយនឹងស្ថាប័នព័ត៌មានមួយចំនួនរយៈពេល៧ឆ្នាំ។ បទពិសោធបកប្រែប្រភេទព័ត៌មានអន្តរជាតិនយោបាយសេដ្ឋកិច្ចនិងកីឡាផង។ បច្ចុប្បន្នកំពុងបំពេញការងារជាអ្នកបកប្រែអត្ថបទសារព័ត៌មានសេដ្ឋកិច្ចអន្តរជាតិឱ្យសារព័ត៌មាន AMS Economy.
របាយការណ៍ថ្មីៗ
មើលទាំងអស់ ➧ព័ត៌មានទូទៅ
មើលទាំងអស់ ➧ទទួលផលពីអាជីវកម្មបរិយាបន្ន សហគមន៍កសិកម្មមួយអាចផ្គត់ផ្គង់បន្លែបានជាង១តោន ក្នុងមួយខែ
ធុរកិច្ចបរិយាបន្ន, ព្រឹត្តិការណ៍, សេដ្ឋកិច្ច
• 19/04/2024
អាជីវកម្មបរិយាបន្ន គឺជាប្រភេទអាជីវកម្មគំរូថ្មីមួយដែលអាចផ្ដល់អត្ថប្រយោជន៍ជាច្រើនដល់អ្នកពាក់ព័ន្ធ និងអាចជំរុញសេដ្ឋកិច្ចទាំងក្នុងសហគមន៍ និងប្រទេសជាតិមួយ។
Good Nature Agro (GNA) ជួយកសិករខ្នាតតូចបង្កើនប្រាក់ចំណូលតាមរយៈការអនុវត្តកសិកម្មប្រកបដោយភាពច្នៃប្រតិដ្ឋ
ធុរកិច្ចបរិយាបន្ន, ព្រឹត្តិការណ៍, អាជីវកម្មថ្មី និងនវានុវត្ត
• 19/04/2024
Good Nature Agro (GNA) ជួយកសិករខ្នាតតូចបង្កើនប្រាក់ចំណូលតាមរយៈការអនុវត្តកសិកម្មប្រកបដោយភាពច្នៃប្រតិដ្ឋ
e-Choupal ជាវេទិកាអនឡាញធំបំផុតនៅឥណ្ឌាជួយនាំចេញកសិផលដោយផ្ទាល់ពីកសិករក្រីក្ររាប់លាននាក់
ធុរកិច្ចបរិយាបន្ន, ព្រឹត្តិការណ៍, អាជីវកម្មថ្មី និងនវានុវត្ត
• 19/04/2024
e-Choupal គែជាច្រកនាំចេញកសិផលដ៏ធំបំផុតមួយរបស់ឥណ្ឌាតាមរយៈបណ្តាញអ៊ិនធឺណេតដោយគិតមកដល់ពេលនេះមានកសិករក្រីក្រប្រមាណជា៤លាននាក់កំពុងអាស្រ័យផល