បរទេស៖ ប្រាសាទធ្វើពីខ្សាច់សុទ្ធមួយនៅក្នុងប្រទេសដាណឺម៉ាក ដែលត្រូវបានគេជឿជាក់ថាគឺជាសំណង់ដែលធ្វើពីខ្សាច់សុទ្ធខ្ពស់ជាងគេបំផុតនៅលើពិភពលោកបានលេចចេញជារូបរាងឡើងហើយបន្ទាប់ពីការដ្ឋានសាងសង់ត្រូវបានបញ្ចប់ដោយជោគជ័យកាលពីសប្តាហ៍មុននេះ។
សំណង់ប្រាសាទនេះបានបញ្ចប់ទៅក្នុងកំពស់ដល់ទៅ ២១,១៦ ម៉ែត្រ មានទីតាំងស្ថិតនៅក្នុងទីក្រុង Blokhus ប្រទេសដាណឺម៉ាក បានបំបែកកំណត់ត្រាពិភពលោក ដោយផ្នែកមួយនៅតួកណ្តាលនៃប្រាសាទត្រូវបានគេរចនាបន្ថែមជាមួយនឹងនិមិត្តសញ្ញាភាគល្អិតនៃវិរុសកូវីដដែរ។
ទោះបីជាយ៉ាងណាក្តីសំណង់ប្រាសាទប្រភេទនេះមិនមែនជាលើកដំបូងឡើយដែលត្រូវបានសាងសង់ឡើងដោយកាលពីមុនប្រាសាទស្រដៀងគ្នាដែលជាម្ចាស់កំណត់ត្រាចាស់នេះត្រូវបានធ្វើឡើងក្នុងកំពស់ប្រមាណជា ១៨ ម៉ែត្រផងដែរ។
ប្រាសាទថ្មីនេះត្រូវបានក្រុមវិស្វកម្មដែលជាកម្លាំងជំនាញប្រើប្រាស់ខ្សាច់សរុបរហូតទៅដល់ ៤ ៨៦០ តោន និងប្រើប្រាស់បច្ចេកទេសបិទដោយកាវផ្សំជាមួយដីឥដ្ឋដើម្បីសាងសង់វាឡើង ហើយក្នុងនោះគម្រោងនេះបានប្រើប្រាស់អ្នកជំនាញចម្លាក់ដល់ទៅ ៣០ នាក់។
មកដល់ពេលនេះទោះបីជាមិនទាន់អាចទទួលភ្ញៀវបរទេសបានមកវិញនៅឡើយក្តី ប៉ុន្តែប្រទេសដាណឺម៉ាកសង្ឃឹមថានឹងអាចទាក់ទាញភ្ញៀវទេសចរក្នុងស្រុកបានរាប់ពាន់នាក់ ប៉ុន្តែអ្វីដែលគួរឲ្យបារម្ភនោះនៅត្រង់ថា ប្រាសាទនេះអាចមានលទ្ធភាពឈរបង្ហាញរូបរាងរបស់ខ្លួនរហូតដល់រដូវរងាខាងមុខនេះប៉ុណ្ណោះ៕
ធ្លាប់បំពេញការងារជាអ្នកបកប្រែអត្ថបទសារព័ត៌មានជាភាសាខ្មែរជាមួយនឹងស្ថាប័នព័ត៌មានមួយចំនួនរយៈពេល៧ឆ្នាំ។ បទពិសោធបកប្រែប្រភេទព័ត៌មានអន្តរជាតិនយោបាយសេដ្ឋកិច្ចនិងកីឡាផង។ បច្ចុប្បន្នកំពុងបំពេញការងារជាអ្នកបកប្រែអត្ថបទសារព័ត៌មានសេដ្ឋកិច្ចអន្តរជាតិឱ្យសារព័ត៌មាន AMS Economy.
របាយការណ៍ថ្មីៗ
មើលទាំងអស់ ➧ព័ត៌មានទូទៅ
មើលទាំងអស់ ➧ទទួលផលពីអាជីវកម្មបរិយាបន្ន សហគមន៍កសិកម្មមួយអាចផ្គត់ផ្គង់បន្លែបានជាង១តោន ក្នុងមួយខែ
ធុរកិច្ចបរិយាបន្ន, ព្រឹត្តិការណ៍, សេដ្ឋកិច្ច
• 19/04/2024
អាជីវកម្មបរិយាបន្ន គឺជាប្រភេទអាជីវកម្មគំរូថ្មីមួយដែលអាចផ្ដល់អត្ថប្រយោជន៍ជាច្រើនដល់អ្នកពាក់ព័ន្ធ និងអាចជំរុញសេដ្ឋកិច្ចទាំងក្នុងសហគមន៍ និងប្រទេសជាតិមួយ។