fbpx

កំឡុងពេលបិទខ្ទប់ខេត្ត ក្រុង ជាឱកាសល្អដែលអាចងាកមកគាំទ្រផលិតផលក្នុងស្រុក

ស្ថិតក្នុងកាលៈទេសៈនៃជំងឺកូវីដ-19​ ជាពិសេសស្ថិតក្នុងស្ថានភាពនៃការបិទខ្ទប់ភូមិសាស្ត្រមួយចំនួនក្នុងប្រទេសបាន ការនាំចូលនូវផលិតផលផ្នែក​ចំណី​អាហារពីក្រៅប្រទេសកឲត្រូវបានកាត់បន្ថយ ដូច្នេះវាក៏ជាឱកាសដែលជំរុញឱ្យប្រជាពលរដ្ឋខ្មែរងាកមកគាំទ្រផលិតផលក្នុងស្រុក ជាពិសេសប្រភេទ​អាហារ​យុទ្ធសាស្ត្រមួយចំនួនដែលអាចរក្សាទុកបានយូរដូចជា ប្រហិត សាច់ក្រក ត្រីងៀតជាដើម ពីសិប្បកម្មក្នុងស្រុក។

អ្នកស្រី សម គន្ធា ជាម្ចាស់សិប្បកម្មផលិតប្រហិតគន្ធា មានទីតាំងស្ថិតនៅសង្កាត់ស្ទឹងមានជ័យ ខណ្ឌមានជ័យ  រាជធានីភ្នំពេញបានលើកឡើងថា សម្រាប់​ផលិតផល​ផ្នែកចំណីអាហារដែលត្រូវបានផលិតឡើងនៅក្នុងស្រុកមិនមែនសុទ្ធតែមិនល្អនោះទេ ពោលគឺគុណភាព សុវត្ថិភាព និងអនាម័យ​គឺមាន​ភាព​ប្រហាក់​ប្រហែលគ្នាទៅនឹងផលិតផលនាំចូលពីក្រៅស្រុកដែរ ប៉ុន្តែទាស់ត្រង់ថា ពលរដ្ឋខ្មែរភាគច្រើនមិនសូវឱ្យតម្លៃតែប៉ុណ្ណោះ។

អ្នកស្រីបានបញ្ជាក់ប្រាប់ AMS ថា ៖

“ខ្ញុំបានចាប់ផ្ដើមអាជីវកម្មដោយការបើកសិប្បកម្មធ្វើប្រហិត សាច់ក្រកនេះតាំងពីឆ្នាំ2016 ដោយសារតែនៅក្នុង​គ្រួសារ​​ខ្ញុំ​ភាគ​ច្រើន​ជាអ្នកចូល​ចិត្តទទួលទានស្រាប់ ហើយចង់ផ្តល់ជូនបន្តទៅដល់អតិថិជនក្នុងស្រុកនូវប្រហិតដែលមានគយណភាព និងរសជាតិឆ្ងាញ់ មិនមែនមាន​តែរបស់នាំចូលនោះទេ។ កាលពីដំបូងឡើយ មានមនុស្សច្រើនណាស់ជំរុញឱ្យខ្ញុំឈប់ធ្វើអាជីវកម្មមួយនេះ ដោយសារតែវាជាមុខរបរ​មួយ​ដែលពិបាកប្រកួតប្រជែងក្នុងទីផ្សារ ពិបាកធ្វើ ចំណេញតិច ប៉ុន្តែខ្ញុំនៅតែជំនះ និងបន្តធ្វើវារហូតមកដល់បច្ចុប្បន្នដោយសារខ្ញុំ​ចង់ឱ្យប្រជាជន​ខ្មែរទទួល​ទាន​របស់ណាដែលល្អមិនប៉ះពាល់ដល់សុខភាព”

អ្នកស្ត្រី សម គន្ធា បានរំលឹកឱ្យដឹងថា ដើមទុនដំបូងក្នុងការបង្កើតសិប្បកម្មមួយនេះត្រូវចំណាយប្រមាណ2ម៉ឺនដុល្លារ ក្នុងការរៀបចំម៉ាស៊ីនសម្រាប់ផលិត ហើយក្រោយមកក៏ចេះតែពង្រីកលទ្ធភាពផលិតជាបន្តបន្ទាប់ ដែលមកដល់បច្ចុប្បន្ន ផលិតផលនៅក្នុងសិប្បកម្មមួយនេះរួមមានដូចជា ប្រហិតសាច់គោ សាច់ក្រក ណែម ប៉ាតេ ងៀតគោ ងៀតក្របី ទឹកសៀង ទឹកត្រីជាដើម ដែលសុទ្ធតែជាផលិតផលដែលធ្វើឡើងដោយកូនខ្មែរ គិតគូរពីសុខភាពអ្នកទទួល​ទាន មានអនាម័យ និងតម្លៃសមរម្យ ក្រោមការទទួលស្គាល់ពីក្រសួងឧស្សាហកម្ម និងសិប្បកម្មយ៉ាងត្រឹមត្រូវ ។

អ្នកស្រីបានបន្តទៀតថា​ ៖

“បច្ចុប្បន្ននេះវត្ថុធាតុដើមឡើងថ្លៃទាំងអស់ តែខ្ញុំនៅតែបន្តផលិតជាធម្មតា ហើយដាក់លក់នៅលើទីផ្សារ​តម្លៃចាស់ដដែលមិន​មាន​ការដំឡើងថ្លៃនោះទេ ជាពិសេសនៅក្នុងអំឡុងពេលដែលស្ថិតនៅក្នុងស្ថានការប្រឈមនឹងវិបត្តិសេដ្ឋកិច្ចដែលបណ្តាលមកពីជំងឺឆ្លងកូវីដ-19 រហូត​មាន​ការបិទខ្ទប់រាជធានី ខេត្ត ក្រុង ក្នុងប្រទេសមួយចំនួន។ ក្នុងដំណាក់កាលពេលនេះ ពលរដ្ឋខ្មែរជាច្រើនកំពុងជួបបញ្ហាហិរញ្ញវត្ថុ បាត់បង់ចំណូល ដូច្នេះ​ខ្ញុំគិតថា ខ្ញុំអត់មានសមត្ថភាព​អី​ជួយ​ប្រជាជនយើងបានទេ មានតែលក់អាហារក្រៀមចែកជូនពួកគាត់សម្រាប់ទទួលទានក្នុងតម្លៃសមរម្យ”

ពាក់ព័ន្ធទៅនឹងបច្ចេកទេសនៃការផលិត ដូចជាប្រហិតជាដើម ម្ចាស់សិប្បកម្មរូបនេះបានប្រាប់ឱ្យដឹងថា​ អ្នកស្រីបានរើសយក​តែសាច់គោណា​ដែលស្រស់ៗ​ថ្មី​ប៉ុណ្ណោះមកធ្វើ ដោយគេត្រូវកប់ក្នុងទឹកកក ហើយយកទៅកិន។ បន្ទាប់មកគេក្រឡុកឱ្យសាច់នោះស្វិតដាច់ទឹក លាយគ្រឿងផ្សំរសជាតិ ហើយដាក់​ចូលម៉ាស៊ីនដើម្បីបំបែកជាដុំមូលៗ រួចគេយកវាទៅត្រាំទឹកក្ដៅ។ ក្រោយមកទៀតគេយកវាទៅស្ងោរឱ្យឆ្អិន ហើយស្រង់វាយកមកស្រុះទឹកម្ដងទៀត ទើប​សម្ងួត​ឱ្យស្ងួត និងធ្វើការវិចខ្ចប់ជាការស្រេច។ នេះជាដំណើរការផលិតប្រហិតសាច់គោនៅក្នុងសិប្បកម្មគន្ធា ដោយឡែសម្រាប់ផលិតផលដទៃទៀត​ក៏សុទ្ធសឹងតែបានត្រូវផលិតជាច្រើនដំណាក់កាល ក្រោយការយកចិត្តទុកដាក់ផ្នែកគុណភាព សុវត្ថិភាព និងអនាម័យដូចគ្នា។

ដោយឡែកចំពោះបរិមាណក្នុងការផលិត អ្នកស្រីបានប្រាប់ទៀតថា ក្នុងមួយថ្ងៃសិប្បកម្មគន្ធាផលិតប្រហិតចាប់ពី50-100គីឡូក្រាម ឬច្រើនជាងនេះ​អាស្រ័យលើការបញ្ជាទិញរបស់អតិថិជន។ អតិថិជនរបស់សិប្បកម្មនេះមាននៅគ្រប់មជ្ឈដ្ឋាន ទាំងអ្នកទិញយកទៅទទួលទានជាលក្ខណៈគ្រួសារ អ្នកទិញ​យកទៅលក់បន្តនៅតាមបណ្តាហាង និងផ្សារទំនើប និងនៅតាមបណ្តាអាហារដ្ឋានតូចធំជាច្រើនទៀត។

គួរបញ្ជាក់ថា នៅក្នុងស្ថានការនាពេលបច្ចុប្បន្ន សិប្បកម្មផលិតប្រហិតគន្ធា បានបង្កើតផលិតភាពក្នុងការផលិតយ៉ាង មមាញឹកដោយសារបងប្អូនប្រជាពលរដ្ឋ​ខ្មែរត្រូវ​ការ​អាហារបម្រុងទុកច្រើន ប៉ុន្តែអ្វីដែលជាឧបសគ្គ គឺបញ្ហាខ្លះខាតសាច់ដែលជាវត្ថុធាតុដើមដ៏សំខាន់ ក៏ដូចជាផលលំបាកក្នុងការដឹកជញ្ជូនទៅ​កាន់ទីផ្សារ​គោលដៅ​ដោយសារការបិទខ្ទប់ភូមិសាស្ត្រ។ យ៉ាងណាក៏អ្នកស្រីសូមអរគុណដល់អតិថិជនដែលតែងតែគាំទ្រផលិតផលខ្មែរដែលមានគុណភាព មិនបង្ក​ផល​ប៉ះពាល់ដល់សុខភាព ហើយក៏ជាការចូលរួមលើកម្ពស់កិច្ចគាំទ្រផលិតក្នុងស្រុកបានមួយចំណែកធំផងដែរ៕

ជំនួញ, ព្រឹត្តិការណ៍

សមាគមចិញ្ចឹមសត្វកម្ពុជា បញ្ជាក់ពីតម្រូវការទីផ្សារ និងការផ្គត់ផ្គង់សាច់មាន់នៅក្នុងស្រុក

ប្រធានសមាគមចិញ្ចឹមសត្វកម្ពុជា បានបង្ហាញពីការគាំទ្រទៅលើចំណាត់ការរបស់ក្រសួងកសិកម្មក្នុងការកាត់បន្ថយការនាំចូលមាន់រស់ ខណៈដែលលទ្ធភាពនៃការចិញ្ចឹម និងផ្គត់ផ្គង់ក្នុងស្រុកកើន
ព្រឹត្តិការណ៍, សេដ្ឋកិច្ច

អាមេរិកព្រមានប្រើវិធានក្ដៅលើក្រុមហ៊ុនណាដែលនៅបន្តសកម្មភាពក្នុងតំបន់ Xinjiang ប្រទេសចិន

រដ្ឋបាលក្រោមការគ្រប់គ្រង់ដោយលោក Joe Biden បានធ្វើការព្រមានប្រើវិធានការផ្លូវច្បាប់យ៉ាងតឹងរឹងសាជាថ្មីទៅលើក្រុមហ៊ុនអាមេរិកណាដែលនៅតែបន្តវិនិយោគនៅក្នុងតំបន់…..
ជំនួញ, ព្រឹត្តិការណ៍

គ្រំចំពុះទាកោះកុងចាប់ផ្តើមបង្ហាញវត្តមាននៅទីផ្សារទំនើប និងជួយបង្កើនចំណូលដល់ប្រជាសហគមន៍

គ្រំចំពុះទាដែលមានប្រភពមកពីកោះកុងចាប់ផ្តើមមានវត្តមាននៅលើទីផ្សារទំនើបម៉ាក្រូ ដើម្បីចូលរួមជាជម្រើសមុខម្ហូបថ្មីសម្រាប់អ្នកចូលចិត្តអាហារសមុទ្រ និងបង្កើនចំណូលសម្រាប់
ព្រឹត្តិការណ៍, សេដ្ឋកិច្ច

ពាណិជ្ជកម្មកម្ពុជា-កូរ៉េ រយៈពេល 5 ខែដំបូងមានទំហំជាង 301 លានដុល្លារ

ទំហំពាណិជ្ជកម្មទ្វេភាគីរវាងកម្ពុជា និងកូរ៉េខាងត្បូងក្នុងរយៈពេល5ខែដើមឆ្នាំ2021កន្លងទៅនេះមានទំហំកើនឡើងដល់ជាង 301 លានដុល្លារ…
ជំនួញ, ព្រឹត្តិការណ៍

ក្រុមហ៊ុនប្រេងឥន្ធនៈ Total ផ្អាកការទូទាត់ជាសាច់ប្រាក់ឲ្យក្រុមហ៊ុនរបស់យោធាមីយ៉ាន់ម៉ា

គិតត្រឹមថ្ងៃពុធម្សិលមិញនេះរដ្ឋាភិបាលយោធានៃប្រទេសមីយ៉ាន់ម៉ាត្រូវបានគេដឹងថានឹងបាត់បង់ប្រភពចំណូលដ៏ធំមួយទៀតហើយពីសំណាក់ក្រុមហ៊ុនប្រេងឥន្ធនៈបារាំង Total ក្រោយពេលដែលក្រុមហ៊ុននេះបានប្រកាសផ្អាកក្នុងការ…
ព្រឹត្តិការណ៍, អត្ថបទពាណិជ្ជកម្ម

រដ្ឋបាលខេត្តបាត់ដំបងរំលឹកដល់ពលរដ្ឋម្ចាស់សំណង់ប៉ះពាល់គម្រោងកែលម្អផ្លូវជាតិលេខ5 ត្រូវរុះរើចេញ

រដ្ឋបាលសាលាខេត្តបាត់ដំបង់បានជំរុញឱ្យប្រជាពលរដ្ឋដែលជាម្ចាស់សំណង់ប៉ះពាល់នឹងគម្រោងកែលម្អផ្លូវជាតិលេខ5ដែលទទួលបានសំណងសមរម្យរួចរាល់ហើយនោះ ត្រូវពន្លឿន…
ព្រឹត្តិការណ៍, សេដ្ឋកិច្ច

ពាណិជ្ជកម្មតាមអេឡិចត្រូនិកកំពុងជួយជំរុញផលិតភាព និងប្រកួតប្រជែងដល់វិស័យ MSMEs នៅកម្ពុជា

ការផ្លាស់ប្តូរឌីជីថល និងពាណិជ្ជកម្មតាមប្រព័ន្ធអេឡិចត្រូនិក (E-commerce) បាន និងកំពុងជួយជំរុញផលិតភាព និងភាពប្រកួតប្រជែងរបស់សហគ្រាសមីក្រូ ធនតូច និង
ជំនួញ, ព្រឹត្តិការណ៍

ស្វែងយល់ពីចំណុចសំខាន់ៗទាំង៥របស់ CEO ថ្មី Amazon ជំនួសលោក Jeff Bezos

មានមនុស្សតិចណាស់ដែលបានដឹងពីសមត្ថភាព និងទំនាក់ទំនងពិតរបស់លោក Jassy ដែលជា CEO ថ្មីរបស់ក្រុមហ៊ុនអនឡាញយក្ស Amazon ជំនួសតំណែងលោក Jeff Bezos
ព្រឹត្តិការណ៍, សេដ្ឋកិច្ច

អ្នកជំនាញសេដ្ឋកិច្ច ៖ បញ្ហាប្រេងឡើងថ្លៃនៅកម្ពុជា នៅមិនទាន់ឈានដល់ចំណុចគួរឲ្យបារម្ភពេកនោះទេ

នៅត្រឹមរយៈពេលជាង១សប្ដាហ៍ចុងក្រោយនេះតម្លៃប្រេងនៅកម្ពុជាបានបន្តកើនឡើងជាបន្តបន្ទាប់ រហូតមានពលរដ្ឋខ្លះរអ៊ូរទាំដោយដាក់បន្ទុកទៅលើរាជរដ្ឋាភិបាលកម្ពុជា…..
ព្រឹត្តិការណ៍, អាជីវកម្មថ្មី និងនវានុវត្ត

ប្លែកៗ រ៉ែដ៏កម្របំផុតនៅក្នុងផែនដីដែលជប៉ុនរកឃើញមានតម្លៃមិនអាចគណនាបាន

ធនធានរ៉ែដ៏កម្របំផុតរបស់ពិភពលោកត្រូវបានរកឃើញដោយប្រទេសជប៉ុន និងស្ថិតនៅក្នុងដែននៃតំបន់សេដ្ឋកិច្ចពិសេសជប៉ុន ដែលមានតម្លៃមិនអាចគណនាបាន

AMS ECONOMY
@amseconomy