បរទេស៖ វេបសាយទិញលក់ទំនិញអនឡាញដ៏ល្បីរបស់អាមេរិក eBay នៅសប្តាហ៍នេះបានធ្វើការប្រកាសគួរឲ្យភ្ញាក់ផ្អើលតាមរយៈលក្ខខណ្ឌថ្មីមួយក្នុងការទូទាត់លុយពីអ្នកទិញ (Buyers) ឬទូទាត់ជូនទៅដល់ក្រុមអ្នកលក់ (sellers) ដែលតាំងពីយូរមកហើយពួកគេទាមទារឲ្យអាចប្រើប្រាស់តែកម្មវិធីទូទាត់ PayPal តែប៉ុណ្ណោះ។
អត្ថបទដែលត្រូវបានចេញផ្សាយដោយទូរទស្សន៍ BBC បានឲ្យដឹងទៀតដែរថា លក្ខខណ្ឌថ្មីនេះមានន័យថា eBay អាចធ្វើការទូទាត់លុយទៅឲ្យក្រុមអ្នកលក់ (sellers) ដោយផ្ទាល់តាមរយៈគណនេយ្យធនាគារផ្ទាល់ខ្លួនផ្សេងជំនួសវិញទោះបីជាគេបានដឹងមកហើយថា PayPal និង eBay បានចាប់ផ្តើមសហការគ្នាក្នុងការដោះស្រាយបញ្ហាទូទាត់លុយរវាងអ្នកលក់ sellers និងអ្នកទិញ buyers នេះតាំងតែពីឆ្នាំ 2002 មកម្ល៉េះ។
ទោះបីជាយ៉ាងណាក្តីក្រុមអ្នកទិញ ឬ buyers នៅតែមានសិទ្ធិក្នុងការទូទាត់លុយជាមួយនឹង eBay តាមរយៈ PayPal ដដែលប្រសិនបើពួកគេចង់ធ្វើបែបនេះ ប៉ុន្តែគេមើលឃើញថាក្រោយការប្រកាសបែបនេះ ក្រុម sellers មួយចំនួនបាននាំគ្នាធ្វើការជំទាស់ទៅនឹងការសម្រេចចិត្តនេះ ហើយថែមទាំងគំរាមក្នុងការបញ្ឈប់ការប្រើប្រាស់សេវាកម្មរបស់ eBay ទៀតផង។
លក្ខខណ្ឌថ្មីនៃការទូទាត់លុយនេះបានចូលជាធរមានចាប់ពីថ្ងៃទី1 ខែមិថុនាម្សិលមិញហើយ ដោយក្រុមហ៊ុនបានបញ្ជាក់ថា វាគឺជាប្រព័ន្ធទូទាត់ចាំបាច់ដែលតម្រូវឲ្យធ្វើតាម compulsory ដូចនេះប្រសិនបើមានអ្នកជំទាស់ ឬមិនពេញចិត្ត eBay នឹងប្រើប្រាស់សិទ្ធិក្នុងការកំណត់ ឬលុបចោលបញ្ជីហាងលក់ទំនិញទាំងនោះចេញពីក្នុងសេវាកម្មរបស់ខ្លួនតែម្តង។
ការផ្លាស់ប្តូរនេះនឹងធ្វើឲ្យមានការប្រែប្រួលមួយចំនួនពាក់ព័ន្ធទៅនឹងថ្លៃសេវាទូទាត់ដែលកន្លងមកត្រូវបានកាត់ដោយ PayPal និងជំនួសមកវិញដោយថ្លែសេវាដែលត្រូវកាត់ដោយ eBay ហើយរយៈពេលនៃការទូទាត់លុយដែលធ្លាប់តែធ្វើក្នុងពេលត្រឹមតែ 1 ថ្ងៃជាមួយនឹង PayPal នឹងអាចប្តូរទៅជាចំណាយពេលកាន់តែច្រើនថ្ងៃដើម្បីអាចទទួលបានប្រាក់ទូទាត់ទាំងនោះវិញផងដែរ។
អ្នកនាំពាក្យរបស់ eBay បាននិយាយថាតាមពិតមុខងារនេះត្រូវបានដាក់ឲ្យដំណើរការសាកល្បងតាំងតែពីឆ្នាំ 2018 មកម្ល៉េះជាមួយនឹងក្រុមអ្នកលក់ sellers ដែលបច្ចុប្បន្នមានប្រហែលជា 4 លាន sellers ហើយកំពុងតែប្រតិបត្តិការប្រព័ន្ធទូទាត់លុយបែបនេះ ប៉ុន្តែកាលកំណត់ចុងក្រោយគឺត្រូវបានធ្វើឡើងចាប់ពីថ្ងៃទី 1 ខែមិថុនាម្សិលមិញនេះតទៅក្នុងការដាក់ឲ្យប្រើប្រាស់ជាផ្លូវការ៕
ធ្លាប់បំពេញការងារជាអ្នកបកប្រែអត្ថបទសារព័ត៌មានជាភាសាខ្មែរជាមួយនឹងស្ថាប័នព័ត៌មានមួយចំនួនរយៈពេល៧ឆ្នាំ។ បទពិសោធបកប្រែប្រភេទព័ត៌មានអន្តរជាតិនយោបាយសេដ្ឋកិច្ចនិងកីឡាផង។ បច្ចុប្បន្នកំពុងបំពេញការងារជាអ្នកបកប្រែអត្ថបទសារព័ត៌មានសេដ្ឋកិច្ចអន្តរជាតិឱ្យសារព័ត៌មាន AMS Economy.
របាយការណ៍ថ្មីៗ
មើលទាំងអស់ ➧ព័ត៌មានទូទៅ
មើលទាំងអស់ ➧អាជីវកម្មសង្គម Okra ផ្ដល់អគ្គិសនីដល់ប្រជាជននៅតំបន់ដាច់ស្រយាល និងលើកស្ទួយថាមពលស្អាត
ជំនួញ, ធុរកិច្ចបរិយាបន្ន, ព្រឹត្តិការណ៍
• 23/04/2024
ក្រុមហ៊ុន Okra បានកំណត់យកប្រជាជននៅតាមតំបន់ដាច់ស្រយាលជាប្រជាជនគោលដៅ ក្នុងការជួយសម្រាលការចំណាយថ្លៃអគ្គិសនីរបស់ពួកគេ។
Olam Agri ជំរុញការបណ្តុះបណ្តាលកសិករលើផលិតកម្មស្រូវ ដើម្បីជួយពួកគេបង្កើនប្រាក់ចំណូល
ធុរកិច្ចបរិយាបន្ន, ព្រឹត្តិការណ៍, អាជីវកម្មថ្មី និងនវានុវត្ត
• 23/04/2024
Olam ផ្តល់កម្មវិធីបណ្តុះបណ្តាលដ៏ទូលំទូលាយសម្រាប់ដល់កសិករជាដៃគូដែលផ្តោតទៅលើលក្ខខណ្ឌ និងគោលដៅរបស់កសិករជាមូលដ្ឋាន ដើម្បីលើកកម្ពស់ជីវភាពរបស់ពួកគេ។