fbpx

អ្នកជំនាញនិយាយពីការប្រើប្រាស់ហិរញ្ញវត្ថុដ៏ត្រឹមត្រូវក្នុងសម័យកូវីដ-19 ដើម្បីទប់លំនឹងសហគ្រាស និងអាជីវកម្មរបស់ក្រុមហ៊ុន

ភ្នំពេញ ៖ ក្នុងសម័យកាលដែលកំពុងរាតត្បាតដោយជំងឺកូវីដ19នាពេលបច្ចុប្បន្ន គ្រប់បណ្តាប្រទេសនៅលើពិភពលោកទាំងមូលកំពុងតែប្រយុទ្ធយ៉ាងខ្លាំងក្លាជាមួយសត្រូវដ៏ធំមួយនេះ ហើយអ្វីដែលជាភាពប្រឈមខ្លាំងបំផុតនោះគឺការធ្លាក់ចុះនៃសេដ្ឋកិច្ចសាកល និងការជួបវិបត្តិហិរញ្ញវត្ថុ។ ដូច្នេះ តើក្រុមហ៊ុន អាជីវកម្ម ក៏ដូចជាសហគ្រាសនានាគួរមានវិធីសាស្ត្របែបណាក្នុងការប្រើប្រាស់ ដើម្បីទ្រទ្រង់ហិរញ្ញវត្ថុរបស់ខ្លួនបានលំនឹង ហើយឱ្យអាចបន្តដំណើរការទៅមុខបាន។ 

លោក ទិត្យ កម្រង ប្រធានក្រុមហ៊ុន ឫទ្ធិពល បានប្រាប់AMSថា ក្រុមហ៊ុនជាច្រើននៅក្នុងសម័យកូវីដនេះ មានការធ្លាក់ចុះនូវប្រាក់ចំណូល ហើយកំពុងប្រឈមនឹងវិបត្តិហិរញ្ញវត្ថុ រហូតមានការបង្ខំចិត្តអនុវត្តវិធីសាស្ត្របន្ទាន់មួយចំនួនដូចជាការកាត់បន្ថយការងារមិនចាំបាច់មួយចំនួននៅលើទីផ្សារ ហើយរក្សាទុកសាច់ថវិកាសម្រាប់ការចំណាយចាំបាច់ដូចជាប្រាក់ខែបុគ្គលិក ថវិកាសម្រាប់ថ្លៃជួលទីតាំងក្រុមហ៊ុន រួមជាមួយនឹងការចំណាយបន្ទាប់បន្សំដូចជាថ្លៃទឹក ភ្លើង ជាដើម​។

លោក ទិត្យ កម្រង ប្រធានក្រុមហ៊ុន ឫទ្ធិពល

លោក ទិត្យ កម្រង បានមានប្រសាសន៍បញ្ជាក់ថា៖

 “និយាយជារួម យើងត្រូវកាត់បន្ថយការចំណាយដែលមិនចាំបាច់ ដោយចំណាយតែទៅលើអ្វីដែលសំខាន់។ ស្ថាប័នដទៃ ក៏ដូចជាក្រុមហ៊ុនយើងដែរ បើស្ថានភាពកូវីដនៅបន្តអូសបន្លាយរយៈពេលវែង ក្រុមហ៊ុននឹងមានបញ្ហាហិរញ្ញវត្ថុជាមិនខានព្រោះកូវីដកំពុងតែធ្វើឱ្យយើងជួបប្រឈមនូវស្ថានភាពធ្ងន់ធ្ងរបែបនេះ ហើយអ្វីដែលយើងត្រូវធ្វើបន្តគឺទី1 ការខ្ចីបុលប្រាក់ពីធនាគារឯកជន(ប្រសិនបើអាចធ្វើទៅបាន) ទី2 គឺការលក់ភាគហ៊ុន ប្រសិនបើកត្តាទីមួយមិនអាចទៅរួចនោះ”។

លោក យក់ ចំរើនឬទ្ធិ អគ្គនាយកក្រុមហ៊ុនធានារ៉ាប់រង ហ្វតតេ បានប្រាប់AMSថា ស្ថិតនៅក្នុងស្ថានការណ៍ដ៏លំបាកនៅពេលនេះ ត្រូវបានគេបែងចែកជា2ប្រព័ន្ធផ្សេងគ្នា ដោយប្រព័ន្ធទី1 និយាយទៅដល់វិស័យឯកជន ហើយប្រព័ន្ធទី2 គឺវិស័យសាធារណៈ។

លោកបានលើកឡើងថា សម្រាប់ប្រព័ន្ធទី1 នៅក្នុងសម័យកូវីដ-19ពេលនេះ វិស័យឯកជនកំពុងត្បិតត្បៀតរឿងចំណាយដែលសូម្បីតែការវិនិយោគទៅលើផ្នែកណាមួយក៏ស្ថិតនៅក្នុងប្រុងប្រយ័ត្នខ្ពស់ ដោយសម្លឹងមើលពីឱកាសឱ្យបានច្បាស់លាស់ជាមុនសិន។ 

លោក យក់ ចំរើនឬទ្ធិ បានមានប្រសាសន៍ថា៖«ដូច្នេះគាត់គ្មានឱកាសជំរុញវិស័យថ្មីៗនោះទេ។ ឯកជនគាត់នៅទន្ទឹងរង់ចាំមើលអ្វីដែលអនុញ្ញាតឱ្យគាត់ធ្វើបាន។ ការចំណាយរបស់វិស័យឯកជន ត្រូវត្បិតត្បៀតដើម្បីឱ្យខ្លួនអាចមានជីវិតបន្តការងារ និងប្រតិបត្តិការរបស់ក្រុមហ៊ុនតទៅមុខទៀត»។

លោក យក់ ចំរើនឬទ្ធិ អគ្គនាយកក្រុមហ៊ុនធានារ៉ាប់រង ហ្វតតេ

“ដោយឡែកប្រព័ន្ធទី2 វិស័យសាធារណៈស្ថិតនៅក្នុងសម័យកូវីដ-19 បើរដ្ឋត្បិតត្បៀតថ្លៃចំណាយសាធារណៈដែរ វាអាចធ្វើឱ្យជាតិជួបវិបត្តិ ព្រោះវិស័យឯកជននឹងមិនមានការវិនិ​យោគ ហើយការវិនិយោគសាធារណៈអត់មានសកម្មភាពទៀតវានឹងធ្វើឱ្យសេដ្ឋកិច្ចជាតិជាប់គាំង វិបត្តិសាច់ប្រាក់នៅជាប់គាំង ធ្វើឱ្យសាច់ប្រាក់មិនអាចចូលទៅក្នុងចរន្តសេដ្ឋកិច្ចជាតិទេ។ ដូច្នេះហើយបានជារដ្ឋត្រូវបង្កើនចំណាយវិនិយោគឱ្យបានច្រើន បន្ថយការចំណាយរដ្ឋបាល បង្កើនវិនិយោគដោយជួយជាចលករមួយដែលឱ្យចរន្តសេដ្ឋកិច្ចជាតិដើរបាន” ។

លោក ចំរើនឬទ្ធិ បានបញ្ជាក់ឱ្យដឹងថា នៅក្នុងកាលៈទេសៈនេះវិស័យឯកជនមើលឃើញពីឱកាសរកស៊ីចង្អៀត មានការត្បិតត្បៀត​​ចំណាយ ប៉ុន្តែសម្រាប់វិស័យសាធារណៈត្រូវតែបង្កើន ដើម្បីឱ្យមានតុល្យ​ភាព​កុំឱ្យមានការជាប់គាំងសេដ្ឋកិច្ច។ នៅក្នុងកាលៈទេសៈក៏លំបាកនេះរដ្ឋត្រូវចេញមុខចំណាយឱ្យបានច្រើន ដើម្បីបញ្ចូលសាច់ប្រាក់ទៅក្នុងចរន្តសេដ្ឋកិច្ចជាតិ៕

ព្រឹត្តិការណ៍, សេដ្ឋកិច្ច

តំបន់សេដ្ឋកិច្ចពិសេសក្រុងព្រះសីហនុទទួលបានទំហំពាណិជ្ជកម្មជិត ១ ០០០លានដុល្លារត្រឹមឆមាសទី១ឆ្នាំ២០២១

នៅក្នុងរយៈពេល៦ខែដើមឆ្នាំ២០២១កន្លងទៅនេះ សហគ្រាសនៅតំបន់សេដ្ឋកិច្ចពិសេសក្រុងព្រះសីហនុ ទទួលបានការនាំចូល និងនាំចេញសរុបមានទំហំទឹកប្រាក់ជិត ១ ០០០…..
ព្រឹត្តិការណ៍, អាជីវកម្មថ្មី និងនវានុវត្ត

សារាយសមុទ្រនៅតែមានសារសំខាន់ និងចាំបាច់បំផុតសម្រាប់គ្រប់ជីវិតរស់នៅលើផែនដី

សារាយសមុទ្រត្រូវបានអ្នកជំនាញផ្នែកវេជ្ជអាហារបញ្ជាក់ថានៅតែមានភាពចាំបាច់បំផុតសម្រាប់ទ្រទ្រង់គ្រប់ជីវិតដែលរស់នៅលើផែនដីយើងនេះ ទាំងពេលបច្ចុប្បន្ន និងអនាគតកាល
ព្រឹត្តិការណ៍, អត្ថបទពាណិជ្ជកម្ម

តើអ្វីជាប្រកាសនីយបត្រតក្កកម្ម?

ប្រកាសនីយបត្រតក្កកម្ម គឺជាវិញ្ញាបនបត្រដែលបានផ្តល់ដើម្បីការពារតក្កកម្ម។ តក្កកម្ម គឺជាគំនិតរបស់តក្កករដែលអាចយកទៅអនុវត្តបាននៅក្នុងដំណោះស្រាយ…
ព្រឹត្តិការណ៍, សេដ្ឋកិច្ច

ថៃបន្តបាត់បង់ការងារក្នុងវិស័យទេសចរណ៍ជាងកន្លះលាននាក់ទៀត

យោងតាមការចេញផ្សាយរបស់កាសែតបាងកកប៉ុស្តិ៍នៅថ្ងៃពុធនេះបានឲ្យដឹងថា ប្រទេសថៃបានបាត់បង់ការងារនៅក្នុងវិស័យទេសចរណ៍ប្រមាណជា 550,000 នាក់ទៀតហើយនៅត្រឹមចុង…
ព្រឹត្តិការណ៍, សេដ្ឋកិច្ច

ផលិតផលកសិផលខ្មែរ៥ប្រភេទ កំពុងមានតម្រូវការទីផ្សារក្រៅស្រុកខ្ពស់

ស្របទៅនឹងគោលនយោបាយរបស់រាជរដ្ឋាភិបាលកម្ពុជាដែលកំពុងធ្វើពិពិធកម្មលើវិស័យកសិកម្ម និងកសិ-ឧស្សាហកម្ម បច្ចុប្បន្នទីផ្សារអន្តរជាតិកំពុងមានតម្រូវការខ្ពស់លើ….
ព្រឹត្តិការណ៍, សេដ្ឋកិច្ច

អ្នកជំនាញ ៖ «យើងនាំគ្នាទិញផលិតផលក្នុងស្រុកយើង ដើម្បីស្រុកយើងរុងរឿង»

ការគាំទ្រនូវផលិតផលក្នុងស្រុកគឺបានរួមចំណែកយ៉ាងសំខាន់ក្នុងការជួយជំរុញឱ្យកំណើនសេដ្ឋកិច្ចជាតិ ក៏ដូចជាលើកកម្ពស់កម្រិតជីវភាពគ្រួសារ​របស់ប្រជាជនខ្មែរមានការភាពរីកចម្រើន
ជំនួញ, ព្រឹត្តិការណ៍

Tesla ចាប់ផ្តើមត្រីមាសដំបូងចែកចាយរថយន្តអគ្គិសនីរបស់ខ្លួនជិត 20 ម៉ឺនគ្រឿងរួចទៅហើយ

បាងកកប៉ុស្តិ៍ចេញផ្សាយនៅថ្ងៃចន្ទនេះបានឲ្យដឹងថា ក្រុមហ៊ុនផលិតរថយន្តអគ្គិសនីដ៏ល្បីល្បាញ Tesla ត្រូវបានគេដឹងថាកំពុងតែបានប្រញាប់ប្រញាល់ដឹកជញ្ជូនរថយន្តថ្មីរបស់ខ្លួនទៅ
ព្រឹត្តិការណ៍, អត្ថបទពាណិជ្ជកម្ម

រយៈពេល2ខែដើមឆ្នាំ2021 ការនាំចេញរបស់កម្ពុជាទៅកាន់ទីផ្សារកូរ៉េនៅតែបន្តកើនឡើង

ទោះជាស្ថិតនៅក្នុងស្ថានភាពប្រឈមនឹងវិបត្តិកូវីដ-19 ដែលកំពុងបន្តរាតត្បាតជាសាកលយ៉ាងណាក៏ដោយ សម្រាប់ការនាំចេញទំនិញរបស់កម្ពុជាទៅ​កាន់ទីផ្សារប្រទេសកូរ៉េខាងត្បូង
ព្រឹត្តិការណ៍, សេដ្ឋកិច្ច

វ៉ាក់សាំងចិន ស៊ីណូវ៉ាក់ ចំនួន1លានដូសទៀត នឹងមកដល់កម្ពុជានៅព្រឹកនេះ

វ៉ាក់សាំង ស៊ីណូវ៉ាក់ ដែលដឹកមកដល់ប្រទេសកម្ពុជានៅព្រឹកថ្ងៃនេះ គឺជាវ៉ាក់សាំងជើងទី5 ស្មើនឹងទី5លានដូស ដែលដឹកមកដល់ប្រទេសកម្ពុជានៅក្នុងខែមិថុនា…
សេដ្ឋកិច្ច

អាមេរិក និងអឺរ៉ុបថ្កោលទោសរុស្សីករណីចាប់មេដឹកនាំបក្សប្រឆាំងលោក Navalny

នៅព្រឹកថ្ងៃចន្ទទី18 ខែមករានេះមេដឹកនាំកំពូលលើពិភពលោកជាច្រើនបូករួមទាំងសហរដ្ឋអាមេរិកផងដែរបានធ្វើការប្រកាសស្នើសុំឲ្យមានការដោះលែងមេដឹកនាំបក្សប្រឆាំងដ៏ល្បីរបស់រុស្សី គឺលោក Alexei…

AMS ECONOMY
@amseconomy