fbpx

ចំណេះដឹងពាក់ព័ន្ធនឹងហិរញ្ញវត្ថុដែលអ្នកគួរពង្រឹងក្នុងអំឡុងពេល និងក្រោយកូវីដ-19

នៅក្នុងរយៈពេលនៃការអនុវត្តវិធានការទប់ស្កាត់ការរីករាលដាលនៃជំងឺកូវីដ-19នៅកម្ពុជា ជាពិសេសការបិទខ្ទប់រាជធានីភ្នំពេញ និងក្រុងតាខ្មៅនៃខេត្តកណ្តាល  ​3សប្តាហ៍កន្លងទៅនេះដែលតម្រូវឱ្យមនុស្សស្នាក់នៅតែក្នុងផ្ទះនោះបានធ្វើឲ្យអាជីវកម្មតូចធំ និងក្រុមហ៊ុនជាច្រើនប្រឈមនឹងវិបត្តិហិរញ្ញវត្ថុ រហូតមានការបិទទ្វារ​ជាបណ្តោះ​អាសន្នដើម្បីអាចទប់ទល់នឹងស្ថានការណ៍ដ៏តានតឹងមួយនេះ។

ពាក់ព័ន្ធទៅនឹងព្រឹត្តិការណ៍ឱនភាពសេដ្ឋកិច្ចដែលបណ្តាលមកពីការរាតត្បាតនៃជំងឺដ៏កាចសាហាវជាលើកដំបូងនៅកម្ពុជានៅពេលបច្ចុប្បន្ននេះ អ្នកជំនាញផ្នែក​សិក្សាស្រាវជ្រាវផ្នែកសេដ្ឋកិច្ច និងហិរញ្ញវត្ថុបានបញ្ចេញជាទស្សនៈទានថា ជាបទពិសោធន៍ដែលទទួលបានពីវិបត្តិមួយនេះ មនុស្សជាច្រើនបានជួបបញ្ហាហរិញ្ញវត្ថុ ដូច្នេះវាជាមេរៀនថ្មីមួយទៀតដែលគួរតែរៀនសូត្រ និងមានការរៀបចំផែនការហិរញ្ញវត្ថុថ្មីសម្រាប់កិច្ចដំណើរការពាណិជ្ជកម្ម និងអាជីវកម្មរបស់ខ្លួន។

1.គួរមានផែនការហិរញ្ញវត្ថុផ្ទាល់ខ្លួន៖ ផែនការហិរញ្ញវត្ថុផ្ទាល់ខ្លួនគម្បីត្រូវតែមានការរៀបចំ និងកំណត់ឱ្យបានត្រឹមត្រូវ បើទោះវាស្ថិតនៅក្នុងគម្រោងចំណាយ​ចាយ​វាយផ្ទាល់ខ្លួនប្រចាំថ្ងៃ ប្រចាំខែក៏ដោយ។ ការចេះកំណត់ផែនការហិរញ្ញវត្ថុផ្ទាល់ខ្លួន ក្រៅពីអាចជួយបង្កើតស្ថិរភាពហិរញ្ញវត្ថុប្រចាំថ្ងៃ វាក៏ជាចំណែកមួយជួយដល់​ការ​កាត់​បន្ថយផលប៉ះពាល់នៃផែនការហិរញ្ញវត្ថុរួមក្នុងគ្រួសារផងដែរ។

2.កញ្ចប់ថវិកាសម្រាប់បញ្ហា ឬតម្រូវការបន្ទាន់ (Emergency Fund)៖ កាលពីពេលកន្លងទៅថ្មីៗនេះ កញ្ចប់ថវិកាបម្រុងសម្រាប់ដោះស្រាយបញ្ហាជាបន្ទាន់​របស់​ធនាគារពិភពលោកបានសង្គ្រោះមនុស្សជាច្រើននៅ​លើសាកលលោក ព្រោះ​ថាពួកគេបានរៀបចំបញ្ចូលវាចូលទៅក្នុងផែនការហិរញ្ញវត្ថុរបស់​គេតាំងតែពីយូរ​មក​ហើយ។ ដោយឡែកសម្រាប់ក្រុមគ្រួសារក៏ដូចជាគ្នា គម្បីមានការរៀបចំទុកនូវកញ្ចប់ថវិកាបម្រុងសម្រាប់ប្រើប្រាស់នៅពេលមានបញ្ហាបន្ទាន់ រាប់ទាំងបញ្ហា​ហិរញ្ញ​វត្ថុដែលកើតមាននៅក្នុងអំឡុងពេលការបិទខ្ទប់ ក៏ដូចជាការដោះស្រាយបន្ទាន់ទៅលើសមាជិកក្នុងគ្រួសារមានជំងឺជាយថាហេតុជាដើម។

3.គ្រប់គ្រងបំណុលឲ្យបានល្អជាងមុន៖ ក្នុងពេលដែលអ្នកមិនជួបបញ្ហា ឬស្ថានភាពដូចបច្ចុប្បន្ននេះ អ្នកគួរតែព្យាយាមឲ្យបានច្រើនក្នុងការបន្ធូរបន្ថយបំណុល​របស់អ្នកឲ្យស្ថិតនៅក្នុងអត្រាតិចបំផុតធៀមទៅនឹងប្រាក់ចំណូលរបស់អ្នក។ ឧទាហរណ៍ ប្រសិនបើអ្នកត្រូវចំណាយលើបំណុលជាប្រចាំខែ 70 ភាគរយនៃ​ប្រាក់ខែ ដូចនេះពេល​បញ្ហាធូរស្រាលចូរអ្នកស្វែងរកមធ្យោបាយដោះដូរបំណុល ឬស្វែងរកកម្ចីក្នុងអត្រាទាបជាងមុនមកឱ្យបានតិចជាង 70​ភាគរយ។

4.បង្កើនប្រភពចំណូល៖ នៅពេលដែលអ្នកមានបំណុល អ្នកចាំបាច់ត្រូវតែមានការបង្កើនប្រភពចំណូលបន្ថែមដើម្បីអាចធានាដល់សុវត្ថិភាពហិរញ្ញវត្ថុ ហើយ​មិនប៉ះពាល់ដល់ប្រាក់ចំណូលគោលរបស់អ្នក។ ប្រភពចំណូលបន្ថែមទាំងនោះអ្នកអាចធ្វើឡើងបានតាមរយៈការងារប្រចាំថ្ងៃដោយលក់ទំនិញអនឡាញ លក់ម្ហូប​អនឡាញ ឬភ្នាក់ងារលក់អចលនវត្ថុដូចជា លក់ដី ឬលក់ផ្ទះជាដើម។

5.បង្កើតប្រាក់ចំណូលដ៏រឹងម៉ាំ និងយូរអង្វែងមួយ៖ អ្នកត្រូវមានទស្សនៈវែងឆ្ងាយក្នុងការបង្កើនប្រភពចំណូលដ៏រឹងម៉ាំមួយ ហើយមិនចេះ​រីងស្ងួត។ អ្នកអាចយក​ស្ថានភាពនៅពេលបច្ចុប្បន្ននេះមកធ្វើជាមេរៀន និងធ្វើការពិចារណាថា តើអ្នកគួរចាប់ផ្តើមអាជីពប្រភេទណាបន្ថែមដែលត្រូវនឹងជំនាញរបស់អ្នក ហើយវាមិនអាច​ប៉ះពាល់​ដល់​ប្រតិបត្តិការអាជីវកម្ម ឬការងារគោលរបស់អ្នក បើទោះបីមានការវាយប្រហារដោយសារជំងឺរាតត្បាតក៏ដោយ៕ 

ជំនួញ, ព្រឹត្តិការណ៍

តៃវ៉ាន់ ដាក់ពាក្យសុំចូលក្នុងកិច្ចព្រមព្រៀងពាណិជ្ជកម្មសេរីអន្តរប៉ាស៊ីហ្វិក

រដ្ឋាភិបាលតៃវ៉ាន់ បានដាក់ពាក្យស្នើសុំចូលជាសមាជិកកិច្ចព្រមព្រៀងគ្រប់ជ្រុងជ្រោយ និងវឌ្ឍនភាពសម្រាប់ភាពជាដៃគូអន្តរប៉ាស៊ីហ្វិក (CPTPP) ជាផ្លូវការហើយ។
ព្រឹត្តិការណ៍, សេដ្ឋកិច្ច

រដ្ឋ និងវិស័យឯកជនរួមគ្នាផ្សព្វផ្សាយច្បាប់វិនិយោគថ្មី ខណៈកម្ពុជាកំពុងស្តារសេដ្ឋកិច្ចឡើងវិញ

វិស័យរដ្ឋ និងឯកជនបានសហការគ្នាផ្សព្វផ្សាយច្បាប់ស្តីពីការវិនិយោគនៃព្រះរាជាណាចក្រកម្ពុជាថ្មី ដើម្បីចូលរួមចំណែកក្នុងការធ្វើឱ្កម្ពុជាទាញយកផលប្រយោជន៍អតិបរមាពីកិច្ចព្រមព្រៀង
ព្រឹត្តិការណ៍, សេដ្ឋកិច្ច

រដ្ឋជាច្រើនរបស់អាមេរិកទទួលបានផលចំណេញពីការនាំចេញទៅប្រទេសចិន

យោងតាមការបញ្ជាក់ដោយក្រុមប្រឹក្សាពាណិជ្ជកម្មចិន និងអាមេរិក (USCBC) នៅថ្ងៃដើមសប្ដាហ៍កន្លងទៅនេះបានឲ្យដឹងថាការនាំចេញរបស់អាមេរិក​ទាំងអស់ទៅកាន់ទីផ្សារប្រទេសចិន…
ព្រឹត្តិការណ៍, អចលនទ្រព្យ

ដាណឺម៉ាកសាងសង់ប្រាសាទពីដីខ្សាច់សុទ្ធ និងខ្ពស់បំផុតលើពិភពលោក

ជាថ្មីម្ដងទៀត ប្រទេសដាណឺម៉ាកបានសាងសង់ប្រាសាទពីដីខ្សាច់សុទ្ធដែលអាចបំបែកកំណត់ត្រាពិភពលោក និងដើម្បីទាក់ទាញទេសចរជាតិ និងអន្តរជាតិ
ព្រឹត្តិការណ៍, អចលនទ្រព្យ

ទំហំទីតាំងលក់រាយនៅហុងកុងកើនឡើងប្រមាណ ៤ពាន់លានដុល្លារ

ទំហំទីតាំងលក់រាយនៅតាមបណ្តាផ្សារទំនើបក្នុងទីក្រុងហុងកុងនៅបន្តមានកំណើនក្នុងរយៈពេលប្រមាណ៥ខែជាប់គ្នា កើនឡើងប្រមាណ ៤ពាន់លានដុល្លារ
ព្រឹត្តិការណ៍, សេដ្ឋកិច្ច

រដ្ឋមន្ត្រីបរិស្ថាន ៖ ភាពជាដៃគូរវាងវិស័យឯកជន និងស្ថាប័នរដ្ឋ គឺជារឿងសំខាន់សម្រាប់អភិវឌ្ឍន៍សង្គមជាតិទាំងមូល

ភាពជាដៃគូរវាងវិស័យឯកជន ដៃគូរអភិវឌ្ឍន៍ ជាមួយក្រសួងស្ថាប័ន គឺជាចំណុចចាប់ផ្តើមនៃការរៀបរៀងគោលនយោបាយដែលមានលក្ខណៈគ្រប់ជ្រុងជ្រោយ ឆ្លើយតបនឹងតថភាពសង្គម។
ព្រឹត្តិការណ៍, សេដ្ឋកិច្ច

ការប្រមូលពន្ធលើយានយន្តគេចពន្ធដែលចាប់បានជាការរួមចំណែករកចំណូលចូលរដ្ឋ

តាមរយៈអគ្គនាយកនៃអគ្គនាយកដ្ឋានគយ និងរដ្ឋាករកម្ពុជាបានប្រមូលពន្ធពីយានយន្តគេចពន្ធបានជាង៧លានដុល្លារ ដែលជាការរួមចំណែកក្នុងការរកចំណូលបន្ថែមចូលរដ្ឋ
ព្រឹត្តិការណ៍, អចលនទ្រព្យ

តម្លៃលំនៅដ្ឋានឯកជននៅសិង្ហបុរីកើន 3.3ភាគរយក្នុងត្រីមាសដំបូងឆ្នាំ2021

យោងតាមរបាយការណ៍ដែលសិក្សាដោយអ្នកជំនាញផ្នែកទីផ្សារអចលនទ្រព្យអន្តរជាតិនៅថ្ងៃដើមសប្ដាហ៍នេះបានបង្ហាញថា តម្លៃលំនៅដ្ឋានបែប​ឯកជ​ននៅក្នុងប្រទេសសិង្ហបុរី…
ព្រឹត្តិការណ៍, សេដ្ឋកិច្ច

ឧស្សាហកម្មចិនចំណេញប្រាក់ជាង ៥៣០ពាន់លានដុល្លារត្រឹមរយៈពេល ៥ ខែដើមឆ្នាំនេះ

យោងតាមការរបាយការណ៍ដែលត្រូវបានចេញផ្សាយដោយការិយាល័យជាតិទទួលបន្ទុកកិច្ចការងារស្ថិតិរបស់ប្រទេសចិនហៅកាត់ថា NBS បានបង្ហាញប្រាក់ចំណេញនៅក្នុងវិស័យ…

AMS ECONOMY
@amseconomy