fbpx

ខណ្ឌធំៗចំនួន5ក្នុងរាជធានីភ្នំពេញកំពុងលេចធ្លោក្នុងវិស័យអចលនទ្រព្យ

ខណ្ឌចំនួន5ក្នុងចំណោមទាំង14 ក្នុងរាជធានីភ្នំពេញនាពេលបច្ចុប្បន្ន បាន និងកំពុងបន្តភាពលេចធ្លោរបស់ខ្លួននៅក្នុងវិស័យអចលនទ្រព្យរាប់ទាំងការវិនិយោគក្នុងវិស័យដីធ្លី ការអភិវឌ្ឍវិស័យសំណង់ និងលំនៅឋាន ក៏ដូចជាអគារពាណិជ្ជកម្មចំរុះផ្សេងៗផងដែរ។

ខណ្ឌទាំង5ដែលកំពុងមានប្រជាប្រិយភាពនៅក្នុងទីផ្សារអចលនទ្រព្យ និងកំពុងមានការអភិវឌ្ឍន៍ខ្លាំងនាពេលបច្ចុប្បន្ននេះរួមមាន ខណ្ឌដូនពេញ ខណ្ឌ7មករា ខណ្ឌចំការមន ខណ្ឌបឹងកេងកង និងខណ្ឌទួលគោក។

លោក សន សៀប ស្ថាបនិក និងជានាយកគ្រប់គ្រងក្រុមហ៊ុនអចលនទ្រព្យ KEY Real Estate បានមានប្រសាសន៍នៅក្នុងសន្និសីទសារព័ត៌មានស្ដីពី «បច្ចុប្បន្នភាពនៃទីផ្សារអចលនវត្ថុក្នុងអំឡុងពេលកូវីដ-19» ដែលរៀបចំឡើងដោយសមាគមអ្នកវាយតម្លៃ និងភ្នាក់ងារអចលនវត្ថុកម្ពុជាថា តម្លៃដីនៃខ័ណ្ឌទាំង5នេះចាប់ផ្ដើមមានកំណើនតាំងពីឆ្នាំ2011 រហូតដល់ឆ្នាំ2016 ដោយសារតែមានការអភិវឌ្ឍច្រើននៅក្នុងទីក្រុងភ្នំពេញ ហើយម៉្យាងទៀតខណ្ឌទាំងនេះ សុទ្ធសឹងតែជាកន្លែងទីប្រជុំជន។

លោក សន សៀប បានសង្កត់ធ្ងន់ថា ៖

” ដោយសារតែជាទីប្រជុំជនផង​ ដែលមានកំណើនប្រជាសាស្ត្រច្រើន រួមជាមួយនឹងគម្រោងអភិវឌ្ឍន៍កើនឡើងច្រើនផងនោះ ទើបធ្វើឲ្យទីផ្សារ និងត្រូវការប្រើប្រាស់ដីនៅតំបន់ទាំង5នេះហក់ឡើងខ្ពស់ត្រឹមតែរយៈពេលប៉ុន្មានឆ្នាំចុងក្រោយនេះតែប៉ុណ្ណោះ។ យ៉ាងណាក៏ដោយ កំណើននៃតម្លៃដី និងអចលនទ្រព្យនៅតំបន់ទាំងនេះហាក់ជួបសភាពទ្រឹងក្រោយកើតមានវិបត្តិនៃជំងឺកូវីដ-19 បន្ទាប់ពីមានសន្ទុះកាលពីឆ្នាំ2018-2019នោះមក”

ផ្អែកតាមការសិក្សាស្រាវជ្រាវដែលបានធ្វើឡើងដោយក្រុមហ៊ុន KEY Real Estate បានឲ្យដឹងថា ក្នុងអំឡុងពេលប្រទេសកម្ពុជាជួបវិបត្តិដែលបណ្តាលមកពីការរីករាលដាលនៃជំងឺកូវីដជាសកលក្នុងឆ្នាំ2020 តម្លៃអចលនទ្រព្យក្នុងខ័ណ្ឌទាំង5ខាងលើនេះមានការកើនឡើងត្រឹមប្រមាណ 0.5ភាគរយ ដែលជាកំណើនតិចតួចបំផុត។

គួរបញ្ជាក់ថាកំណើន GDP នៅក្នុងឆ្នាំ2020 បានធ្លាក់ចុះរហូតទៅដល់ -3.15ភាគរយ ខណៈធនាគារអភិវឌ្ឍន៍អាស៊ី(ADB) បានរំពឹងថាសេដ្ឋកិច្ចកម្ពុជានឹងមានកំណើនឡើងវិញចំនួន 4ភាគរយនៅក្នុងឆ្នាំ2021នេះ៕


ព្រឹត្តិការណ៍, អចលនទ្រព្យ

ទីផ្សារការិយាល័យជួលនឹងកើនឡើងវិញក្រោយរដ្ឋាភិបាលបើកសេដ្ឋកិច្ច

យ៉ាងយូរនៅត្រឹមដើមឆ្នាំ២០២២ ទីផ្សារ និងការផ្គត់ផ្គង់អគារការិយាល័យជួលនៅកម្ពុជា នឹងមានការកើនឡើង ខណៈតម្រូវការជួលនឹងមានកំណើន បន្ទាប់ពីរាជរដ្ឋាភិបាលបើកសេដ្ឋ
ព្រឹត្តិការណ៍, សេដ្ឋកិច្ច

JICA ផ្តល់ថវិកា ៥៨ លានដុល្លារអាមេរិកសម្រាប់ផ្គត់ផ្គង់ទឹកស្អាតនៅសៀមរាប

រដ្ឋាភិបាលជប៉ុន តាមរយៈអង្គការ JICA បានផ្តល់ជំនួយដល់រាជរដ្ឋភិបាលកម្ពុជាសម្រាប់គម្រោងពង្រីកសមត្ថភាពផ្គត់ផ្គង់ទឹកស្អាតសៀមរាបចំនួន ៦
ព្រឹត្តិការណ៍, សេដ្ឋកិច្ច

រាជរដ្ឋាភិបាលគ្រោងវិភាជន៍ថវិការហូតប្រមាណ ១,៥៥៧ លានដុល្លារអាមេរិកសម្រាប់ឆ្នាំ២០២១

រាជរដ្ឋាភិបាលកម្ពុជា បានបង្កើនខ្ទង់ចំណាយវិភាជន៍ថវិការដែលអាចកើនដល់ប្រមាណ ១ ៥៥៧លានដុល្លារ ជាមួយនឹងការត្រៀមសម្រាប់ឆ្នាំ២០២២
ព្រឹត្តិការណ៍, សេដ្ឋកិច្ច

អ្នកវិភាគ ៖ តម្លៃប្រេងឆៅលើទីផ្សារសកលលោកអាចនឹងឡើងថ្លៃដល់ ១០០ដុល្លារក្នុង១បារ៉ែល

ខណៈដែលបណ្តាប្រទេសនានានៅលើសាកលលោកកំពុងព្យាយាមងើបឡើងវិញពីវិបត្តិសេដ្ឋកិច្ចជាបណ្តើរៗនោះ តម្លៃប្រេងឆៅនៅលើទីផ្សារជាសាកលកំពុងកើនឡើងនូវតម្លៃយ៉ាងខ្ពស់មិន
ព្រឹត្តិការណ៍, អាជីវកម្មថ្មី និងនវានុវត្ត

របកគំហើញ ៖ រោងចក្រដ៏ធំបំផុត និងលើកដំបូងលើពិភពលោកអាចទាញយកកាបូនិចទៅចាក់ចោលនៅក្រោមដីបាន

ប្រទេសអ៊ីស្លង់ បានបង្កើតរោងចក្រធំជាងគេបំផុតលើពិភពលោក ដែលមានជំនាញក្នុងការកម្ចាត់ឧស្ម័នកាបូនិច (CO2) ចេញពីបរិយាកាស និងស្រូបយកទៅកប់ចោលនៅក្រោមដីបាន
ជំនួញ, ព្រឹត្តិការណ៍

ស្ត្រីខ្មែរក្នុងសហគមន៍មួយ នៅបន្តស្នាដៃកែច្នៃដើមក្រចៅធ្វើជាសម្ភារប្រើប្រាស់ និងដាក់លក់លើទីផ្សារ

ស្ត្រីមួយក្រុម ភាគច្រើនមានវ័យចំណាស់បាននាំគ្នាបន្តអាជីព និងជំនាញក្នុងនាមជាអ្នកផលិតសម្ភារប្រើប្រាស់ និងគ្រឿងតុបតែងលម្អធ្វើឡើងដោយដៃ ដែលកែច្នៃពីដើមក្រចៅសម្រាប់ដាក់
ព្រឹត្តិការណ៍, ហិរញ្ញវត្ថុ

វិស័យធានារ៉ាប់រងនៅកម្ពុជា សង្ឃឹមថានឹងមានកំណើន ១០ភាគរយ នៅត្រឹមដំណាច់ឆ្នាំ២០២១

កាលពីឆ្នាំ២០២០ វិស័យធានារ៉ាប់រងកម្ពុជា បានរក្សាកំណើនវិជ្ជមានប្រមាណ ៨ភាគរយ ហើយនៅឆ្នាំ២០២១នេះ រំពឹងថានៅតែមានភាពល្អប្រសើរជាមួយនឹងការទទួលបានកំណើនប្រមាណ ១០ភាគរយ
ព្រឹត្តិការណ៍, អចលនទ្រព្យ

លោកឧកញ៉ា ម៉ាន់ ច័ន្ទឌី គាំទ្រឲ្យមានការប្រកួតប្រជែងទីផ្សារលំនៅដ្ឋានកាន់តែខ្លាំងនៅដើមឆ្នាំក្រោយ

លោកឧកញ៉ា ម៉ាន់ ច័ន្ទឌី ដែលជាអ្នកអភិវឌ្ឍន៍លំនៅដ្ឋានបានគាំទ្រឲ្យមានការប្រកួតប្រជែងគ្នា ព្រោះការប្រកួតប្រជែងគ្នាបានបង្កើតឲ្យមានផលប្រយោជន៍ និងមានផលល្អដល់វិស័យ
ជំនួញ, ព្រឹត្តិការណ៍

ឲ្យតែមានគំនិត លក់នំខ្មែរត្រឹមតែមួយថាស ក៏អាចចិញ្ចឹមចៅកំព្រា៤នាក់ឱ្យរៀនសូត្របានគ្រប់គ្នា

ស្ត្រីវ័យចំណាស់ម្នាក់មានវ័យ៦៨ឆ្នាំ កំពុងតស៊ូជាមួយមុខរបរវេចនំអន្សមលក់ ដើម្បីទទួលបានកម្រៃគ្រាន់ចិញ្ចឹមជីវិត និងត្រូវចិញ្ចឹមចៅកំព្រារហូតដល់៤នាក់ទៀត
ព្រឹត្តិការណ៍, ហិរញ្ញវត្ថុ

«សេវាប៊េងកាសួរេន» កំពុងផ្តល់ភាពងាយស្រួលដល់សាធារណជនក្នុងការទទួលបានសេវាធានារ៉ាប់រង

ធនាគារជាតិនៃកម្ពុជាបានអនុញ្ញាតឲ្យធនាគារចំនួន ២២ និងគ្រឹះស្ថានមីក្រូហិរញ្ញវត្ថុចំនួន ៤ ផ្តល់សេវា ប៊េងកាសួរេន តាមរយៈម៉ូលឌែលណែនាំអតិថិជន តាមរយៈម៉ូលឌែលភ្នាក់ងារ

AMS ECONOMY
@amseconomy