បរទេស ៖ រដ្ឋមន្ត្រីក្រសួងសេដ្ឋកិច្ចរបស់ប្រទេសអាល្លឺម៉ង់ លោក Peter Altmaier នៅថ្ងៃសុក្រនេះបានថ្លែងប្រាប់ទៅកាន់ក្រុមអ្នកកាសែតថា ប្រទេសរបស់លោកនឹងអាចមើលឃើញមានវត្តមានរបស់រថយន្តអគ្គិសនីដល់ទៅ ១លានគ្រឿងនៅក្នុងខែកក្កដា ឆ្នាំ២០២១នេះ។
“ពួកយើងនឹងឈានទៅដល់គោលដៅដែលអាល្លឺម៉ង់ចង់បាន គឺរថយន្តអគ្គិសនីធ្វើដំណើរលើដងផ្លូវទាំងអស់សរុប ១លានគ្រឿងនៅក្នុងខែកក្កដានេះ ប៉ុន្តែវាគឺយឺតជាង ៦ ខែនៃផែនការចាស់ដែលចង់ធ្វើឲ្យបានសម្រេចនៅត្រឹមចុងឆ្នាំ២០២០កន្លងទៅ”
លោក Peter Altmaier
លោកបានបន្តទៀតថា ប្រាក់រង្វាន់បន្ថែមជាច្រើនទៀតត្រូវបានរដ្ឋាភិបាលប្រកាសផ្តល់ឲ្យសម្រាប់កិច្ចការងារនេះនៅពាក់កណ្តាលឆ្នាំ២០២១ គឺច្រើនជាងទំហំដែលធ្លាប់បានផ្តល់ឲ្យកាលពីឆ្នាំទៅ។ កញ្ចប់ថវិកាដែលជាកញ្ចប់នៃការឧបត្ថម្ភធនគឺបានកើនឡើងដោយសារបញ្ហាវិបត្តិកូវីដ ហើយវាមានចំនួនសរុបប្រមាណជា ១.២៥ ពាន់លានអ៊ឺរ៉ូ។
ជាចុងក្រោយលោក Altmaier បានបញ្ជាក់ដែរថា អាល្លឺម៉ង់ក៏បានកំពុងពិចារណាក្នុងការដាក់ផែនការថ្មីរយៈពេលវែងជាមួយនឹងការបង្កើនគោលដៅកំណត់ឲ្យបានចំនួនរថយន្តអគ្គិសនីកាន់តែច្រើនឡើងចន្លោះពី ៧ ទៅ ១០ លានគ្រឿងនៅទូទាំងប្រទេស៕
ធ្លាប់បំពេញការងារជាអ្នកបកប្រែអត្ថបទសារព័ត៌មានជាភាសាខ្មែរជាមួយនឹងស្ថាប័នព័ត៌មានមួយចំនួនរយៈពេល៧ឆ្នាំ។ បទពិសោធបកប្រែប្រភេទព័ត៌មានអន្តរជាតិនយោបាយសេដ្ឋកិច្ចនិងកីឡាផង។ បច្ចុប្បន្នកំពុងបំពេញការងារជាអ្នកបកប្រែអត្ថបទសារព័ត៌មានសេដ្ឋកិច្ចអន្តរជាតិឱ្យសារព័ត៌មាន AMS Economy.
របាយការណ៍ថ្មីៗ
មើលទាំងអស់ ➧ព័ត៌មានទូទៅ
មើលទាំងអស់ ➧Barefoot College ជួយផ្លាស់ប្តូរជីវភាពសហគមន៍ក្រីក្រ និងជួយបណ្តុះបណ្តាលស្ត្រីទៅជាវិស្វករក្នុងវិស័យថាមពលសូឡា
ធុរកិច្ចបរិយាបន្ន, ព្រឹត្តិការណ៍, អាជីវកម្មថ្មី និងនវានុវត្ត
• 24/04/2024
Barefoot College បាន និងបន្តបេសកកម្មរបស់ខ្លួនទៅតាមគោលការណ៍អភិវឌ្ឍប្រកបដោយចិរភាព ហើយបានចូលរួមក្នុងកិច្ចការងារជាច្រើនជាមួយប្រជាសហគមន៍ក្រីក្រ