fbpx

ទីផ្សារស្ករសពិភពលោកនឹងបន្តកើនឡើងជាង ២០០លានតោនក្នុងមួយឆ្នាំ

ទោះបីជាបញ្ហាកូវីដបានវាយប្រហារពិភពលោកយ៉ាងធ្ងន់ធ្ងរកាលពីឆ្នាំ២០២០ និងបន្តរហូតមកដល់ឆ្នាំនេះក្តី ប៉ុន្តែទីផ្សារកសិកម្មមួយចំនួននៅតែមានតម្រូវការខ្ពស់ជាងធម្មតា ជាក់ស្តែងដូចជាទីផ្សារស្ករសជាដើមដោយគិតត្រឹមតែមួយឆ្នាំកន្លងទៅនេះប៉ុណ្ណោះទីផ្សារនេះមានទំហំរហូតទៅដល់ ១៩៣,២លានតោន ហើយអាចបន្តកើនឡើងរហូតដល់ប្រមាណ ២០០លានតោនក្នុង១ឆ្នាំនៅរយៈពេល៥ឆ្នាំខាងមុខ។

ទីផ្សារស្ករសត្រូវបានអ្នកជំនាញមើលឃើញថានឹងនៅតែបន្តការកើនឡើងបន្ថែមទៀតដោយក្នុងនោះរបាយការណ៍ព្យាករណ៍សម្រាប់រយៈពេល៥ឆ្នាំខាងមុខគិតចាប់ពីឆ្នាំ២០២១នេះទៅដល់ឆ្នាំ២០២៦ ទំហំទីផ្សារស្ករសនឹងអាចកើនឡើងទៅដល់ប្រមាណជា ២០២,១លានតោនក្នុងមួយឆ្នាំគិតត្រឹមឆ្នាំ២០២៦ ហើយទោះបីជាស្ថានភាពកូវីដនៅក្នុងឆ្នាំ២០២១ និង២០២២ ខាងមុខនៅតែមិនទាន់អាចបញ្ជាក់ច្បាស់លាស់បាននៅឡើយក្តី។

តួលេខនៃការព្យាករណ៍នេះត្រូវបានធ្វើឡើងដោយ IMARC Group គឺជាក្រុមហ៊ុននាំមុខគេក្នុងការស្រាវជ្រាវទីផ្សារ និងអាជីវកម្មទាំងឡាយលើសកលលោក ក៏ដូចជាក្រុមហ៊ុនដែលមានការសហការយ៉ាងទូលំទូលាយជាមួយនឹងក្រុមហ៊ុនក្នុងស្រុក និងអតិថិជនជាច្រើននៅទូទាំងសកលលោកផងដែរ។ សម្រាប់ចំណែកទីផ្សារសំខាន់នាពេលបច្ចុប្បន្ននេះ ប្រទេសប្រេស៊ីលនៅតែទទួលបាននាំមុខគេក្នុងការនាំចេញស្ករស ហើយក៏ជាផ្នែកមួយយ៉ាងសំខាន់នៃកំណើនសេដ្ឋកិច្ច ក៏ដូចជាផលិតផលក្នុងស្រុករបស់ប្រទេសផងដែរ ខណៈដែលរត់តាមពីក្រោយដោយប្រទេសឥណ្ឌា, សហរដ្ឋអាមេរិក, សហភាពអឺរ៉ុប, ចិន និងប្រទេសថៃ។

ក្នុងរបាយការណ៍ដដែលបានបញ្ជាក់ទៀតថា វិស័យម្ហូបអាហារ និងភេសជ្ជៈនៅតែជាវិស័យដែលនាំមុខគេក្នុងការប្រើប្រាស់ផលិតផលមួយនេះទោះបីស្ថិតនៅក្នុងស្ថានភាពកូវីដក្តី ហើយបន្ទាប់មកគឺវិស័យថែរក្សាសុខភាព និងឱសថ ហើយធំបំផុតទី៣គឺជាតម្រូវការប្រើប្រាស់នៅតាមផ្ទះ។

ទោះបីជាស្ករសជាគ្រឿងទេស និងជាគ្រឿងផ្សំដែលអាចបង្កើនរសជាតិអាហារចាំបាច់ប្រចាំថ្ងៃ និងមិនរើសថាជាទីផ្សារប្រទេសណានោះឡើយក៏ដោយ ប៉ុន្តែអ្នកដឹងទេថាស្ករសក៏អាចបង្កទៅជាផលប៉ះពាល់ដល់សុខភាពធ្ងន់ធ្ងរផងដែរ ប្រសិនបើអ្នកមិនប្រើប្រាស់វាឲ្យបានត្រឹមត្រូវទេនោះ ពីព្រោះថាវានឹងអាចធ្វើឲ្យកើតមានជំងឺផ្សេងៗ ដូចជា ជំងឺធាត់ ជំងឺទឹកនោមផ្អែម ជំងឺពុកធ្មេញ ឬជំងឺមហារីកមួយចំនួនផងដែរ៕


ព្រឹត្តិការណ៍

វឌ្ឍនភាព ៖ គម្រោងសាងសង់ផ្លូវក្រវាត់ក្រុងព្រះសីហនុសម្រេចបានជាង៤០ភាគរយ

គម្រោងសាងសង់ផ្លូវក្រវាត់ក្រុងព្រះសីហនុ សម្រេចបានជាង ៤០ភាគរយ លឿនជាងផែនការ ជាមួយនឹងសកម្មភាពការងារយ៉ាងសកម្ម ដើម្បីឈានទៅដល់ការបញ្ចប់
ព្រឹត្តិការណ៍, សេដ្ឋកិច្ច

វិនិយោគិនចិនបានបោះទុនវិនិយោគជាង ២៧ ពាន់លានដុល្លារនៅកម្ពុជា

វិនិយោគចិនបានបណ្តាក់ទុនវិនិយោគសរុបប្រមាណជាង ២៧ ពាន់លានដុល្លារអាមេរិកនៅកម្ពុជា គិត ខណៈច្បាប់វិនិយោគត្រូវបានដាក់ឲ្យអនុវត្ត និងរំពឹងថាអាចទាក់ទាញវិនិយោគិនចិន
ព្រឹត្តិការណ៍, ហិរញ្ញវត្ថុ

ស្វែងយល់ពីធនាគារវិនិយោគហេដ្ឋារចនាសម្ព័ន្ធអាស៊ី (AIIB)

ធនាគារវិនិយោគហេដ្ឋារចនាសម្ព័ន្ធអាស៊ី ដែលបានបង្កើតនៅឆ្នាំ ២០១៦ (AIIB) គឺជាធនាគារអភិវឌ្ឍន៍ពហុភាគីដែលមានបេសកកម្មផ្តល់ហិរញ្ញប្បទានដល់ការកសាងហេដ្ឋារចនាសម្ព័ន្ធ
ព្រឹត្តិការណ៍, សេដ្ឋកិច្ច

មន្ត្រីជាន់ខ្ពស់ក្រសួងបរិស្ថាន ៖ សំណល់សំរាមក៏មានតម្លៃជាសេដ្ឋកិច្ច ប្រសិនបើយើងយកទៅកែច្នៃ

មន្ត្រីជាន់ខ្ពស់ក្រសួងបរិស្ថានបានអះអាងថា សំណល់សំរាមក៏មានតម្លៃជាសេដ្ឋកិច្ចដែរ ប្រសិនបើយើងចេះញែកតាមប្រភេទ និងយកទៅកែច្នៃ ឲ្យក្លាយរបស់ដែលមានប្រយោជន៍
ព្រឹត្តិការណ៍, អាជីវកម្មថ្មី និងនវានុវត្ត

ពលរដ្ឋនៅតំបន់ទីបេមានចំនួនតិច ប៉ុន្តែអាចផលិតថាមពលអគ្គិសនីបានជិត៩ពាន់លានគីឡូវ៉ាត់ម៉ោង

ក្រុមហ៊ុនរដ្ឋទទួលបន្ទុកកិច្ចការងារអគ្គិសនីជាតិ The Tibet Electric Power Co., Ltd របស់ទីបេ បានបាននាំចេញថាមពលអគ្គិសនីទៅបរទេសបានរហូតទៅដល់ ៨,៩៨ពាន់លានគីឡូវ៉ាត់
ជំនួញ, ព្រឹត្តិការណ៍

ភាគហ៊ុនវិនិយោគគម្រោងកសិកម្មនៃ BRI កើនឡើងលើសពី ១៧ពាន់លានដុល្លារអាមេរិក

ភាគហ៊ុនវិនិយោគរបស់ប្រទេសក្នុងបណ្តាប្រទេសនៃគម្រោង BRI បានកើនលើសពី ១៧ពាន់លានដុល្លារអាមេរិកបន្ទាប់ពីបានដំណើរការអស់រយៈពេល៨ឆ្នាំ
ព្រឹត្តិការណ៍, សេដ្ឋកិច្ច

អគ្គនាយកដ្ឋានគយ និងរដ្ឋាករកម្ពុជារំលឹកម្ចាស់រថយន្ដអត់ពន្ធត្រូវបង់ពន្ធឱ្យបានរួសរាន់

អគ្គនាយកដ្ឋានគយ និងរដ្ឋាករកម្ពុជា បានក្រើនរំលឹកសាជាថ្មីដល់ម្ចាស់រថយន្ដអត់ពន្ធទាំងអស់ ត្រូវរួសរាន់មកបង់ពន្ធឱ្យបានមុនដំណាច់ខែធ្នូ ឆ្នាំ២០២១នេះ ដើម្បីទទួល
ព្រឹត្តិការណ៍, ហិរញ្ញវត្ថុ

ព្រឹទ្ធសភាឯកភាពទាំងស្រុងលើសេចក្តីព្រាងច្បាប់ស្តីពីហិរញ្ញវត្ថុសម្រាប់ការគ្រប់គ្រងឆ្នាំ២០២២

ប្រធានព្រឹទ្ធសភានៃព្រះរាជាណាចក្រកម្ពុជាបានពិនិត្យ និងឯកភាពទាំងស្រុងលើសេចក្តីព្រាងច្បាប់ដោយឥតកែប្រែជាមួយនឹងសំឡេងគាំទ្រចំនួន
ព្រឹត្តិការណ៍, អចលនទ្រព្យ

ខេត្តព្រះសីហនុ និងសៀមរាប ជាគោលដៅទេសចរណ៍ឈានមុខគេនៅកម្ពុជា

ខេត្តព្រះសីហនុ និងខេត្តសៀមរាប បានក្លាយជាគោលដៅទេសចរណ៍ និងសេដ្ឋកិច្ចយ៉ាងសំខាន់ និងឈានមុខគេនៅកម្ពុជា ក្រោយការខិតខំអភិវឌ្ឍន៍សំណាក់រាជរដ្ឋាភិបាលកម្ពុជា
ព្រឹត្តិការណ៍, អាជីវកម្មថ្មី និងនវានុវត្ត

បន្ទប់ទឹកចល័ត The Throne រូបរាងតូចតែផ្តល់ប្រយោជន៍ច្រើនដល់មនុស្ស និងបរិស្ថាន

The Throne គឺជាបន្ទប់ទឹកអនាម័យ ឬបង្គន់ចល័តដែលមានរូបរាងតូចច្រឡឹង ដែលអាចជួយកែប្រែរបៀបរស់នៅប្រចាំថ្ងៃរបស់មនុស្សនៅពេលបច្ចុប្បន្ននេះ និងបន្តទៅថ្ងៃអនាគត

AMS ECONOMY
@amseconomy