fbpx

រដ្ឋាភិបាលសម្រេចកាត់បន្ថយការចំណាយមិនចាំបាច់របស់ក្រសួងមួយចំនួន

រាជរដ្ឋាភិបាលកម្ពុជា តាមរយៈក្រសួងសេដ្ឋកិច្ច និងហិរញ្ញវត្ថុបានប្រកាសកាត់បន្ថយការចំណាយទាំងឡាយណាដែលមិនចាំបាច់របស់ក្រសួងមួយចំនួនដោយ​ បង្វែរ​ប្រាក់សន្សំពីការចំណាយទាំងនោះសម្រាប់ទ្រទ្រង់តម្រូវការចាំបាច់នៅក្នុងការប្រយុទ្ធប្រឆាំងនឹងជំងឺរាតត្បាតកូវីដ-19 ដើម្បីអាចជះឥទ្ធិពលដល់ថវិកាជាតិ​ឆ្នាំ2021។ នេះបើយោងតាម​សេចក្តីណែនាំមួយរបស់ក្រសួងសេដ្ឋកិច្ច និងហិរញ្ញវត្ថុដែលបានផ្សព្វផ្សាយនៅថ្ងៃដើមសប្ដាហ៍កន្លងទៅនេះ។

ឯកឧត្តមបណ្ឌិតសភាចារ្យ អូន ព័ន្ធមុនីរ័ត្ន រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុបានបញ្ជាក់នៅ​ក្នុងសារាចរណែនាំស្តីពីការធ្វើវិចារណកម្ម និងការពង្រឹង​ប្រសិទ្ធភាព​ចំណាយថវិកាថ្នាក់ជាតិសម្រាប់​អនុ​​វត្តច្បាប់ស្តីពីហិរញ្ញវត្ថុសម្រាប់គ្រប់គ្រងឆ្នាំ2021នាថ្ងៃទី 04ឧសភា ថា ៖

“ក្រៅពីប្រាក់បៀវត្សប្រចាំ​ខែ​របស់បុគ្គលិក មន្ត្រីក្រសួងនីមួយៗត្រូវកាត់បន្ថយការចំណាយណាដែលមិនចាំបាច់(ការធ្វើវិចារណកម្មចំណាយថវិកា) ដោយបង្វែរថវិកាដែលសន្សំបានការបន្ថយចំណាយ​មិនចាំ​បាច់នោះយកមកទ្រទ្រង់ផលប៉ះ​ពាល់ ឬសកម្មភាពទប់ស្កាត់ការឆ្លងរាលដាលកូវីដ-19”

សេចក្តីណែនាំរបស់ក្រសួងសេដ្ឋកិច្ច និងហិរញ្ញវត្ថុបាននិយាយថា៖

“ការកាត់​បន្ថយចំណាយ​គឺដើម្បីធានាស្ថិរភាពសេដ្ឋកិច្ចសង្គមរបស់កម្ពុជា។ ទឹកប្រាក់ចំនួន 50ភាគរយ​នៃថវិកាដែលបានអនុម័តសម្រាប់ឆ្នាំ2021នឹងត្រូវបានកាត់ចេញពីការចំណាយ និងចំណាយដែលមិនចាំបាច់ដែលមិនប៉ះពាល់ ដល់សកម្មភាពការងារ​របស់ក្រសួង និងស្ថាប័ននីមួយៗឡើយ។ រាល់ការចំណាយលើការផ្គត់ផ្គង់ការិយាល័យ ការបណ្តុះ​បណ្តាលក្នុងស្រុក និងបរទេស ការទទួលភ្ញៀវ(ភ្ញៀវជាតិ និងអន្តរជាតិ)​ការប្រជុំសិក្ខាសាលា​ និង​សន្និសីទ ការតាំង​ពិព័រណ៍​ក្នុងស្រុក និង​ក្រៅ​ប្រទេស បេសកកម្មក្នុងស្រុក ពិធីបុណ្យ ​ការថែរក្សា​អគារ ថវិកាសម្រាប់ប្រេងឥន្ធនៈ និងប្រេងរំអិលជាដើម ​ដែលត្រូវកាត់បន្ថយនៅឆ្នាំ2021នេះ”

ក្រសួងបានបញ្ជាក់ដែរថា ការកាត់បន្ថយនេះ ក៏ត្រូវបានអនុវត្តផងដែរចំពោះ​ការផ្តល់ថវិកា​សម្រាប់​គម្រោងដែលបានបម្រុងទុករបស់ក្រសួងមុខងារសាធារណៈ​ ក្រសួងអភិវឌ្ឍន៍ជន​បទ និង​ក្រសួង​ធនធានទឹក លើកលែងតែគម្រោង​ដែលបានអនុម័តរួចហើយ ​ដូចជាការស្តារឡើងវិញ( គំរោង នៅ​ឆ្នាំ 2020 ) ដែលខូចខាតដោយទឹក​ជំនន់។ ជាមួយគ្នានេះ ការចំណាយលើការជួសជុល និងថែទាំប្រាសាទរបស់អាជ្ញាធរជាតិអប្សរា អាជ្ញាធរខេត្តព្រះ វិហារ និងអាជ្ញាធរសំបូរព្រៃគុក ក៏ជាផ្នែកមួយនៃការលើកលែងនេះដែរ។

លើសពីនេះទៀតសេចក្តីណែនាំក៏បានចង្អុលបង្ហាញថា​ ការលើកលែងនេះគ្របដណ្តប់លើ​រាល់​ការចំណាយចាំបាច់របស់រដ្ឋបាលថ្នាក់ក្រោមជាតិ និងមន្ទីរជំនាញរាជធានី -ខេត្តទាំងអស់ដែល​មានភារ​​កិច្ច​​ជាច្រើនក្នុងពេលប្រយុទ្ធប្រឆាំងនឹងការរីករាលដាលនៃជំងឺកូវីដ-19 ក៏ដូចជាការចំណាយរបស់​ក្រសួង​​សុខាភិបាល ក្រសួងការពារជាតិ និងក្រសួងមហាផ្ទៃ (សម្រាប់វិស័យសន្តិសុខសាធារណៈ) ។

សេចក្តីណែនាំបានគូសបញ្ជាក់ថា៖

“ការពង្រឹងប្រសិទ្ធភាពនៃការចំណាយត្រូវបានរៀបចំឡើងនៅក្នុងក្របខ័ណ្ឌនៃការធានាឱ្យមានភាពប្រក្រតី នៃស្ថាប័នរដ្ឋ និង​តុល្យភាព នៃជីវភាពរស់នៅរបស់​ប្រជាជនខណៈពេលដែលការសន្សំធនធានហិរញ្ញវត្ថុដើម្បីឆ្លើយតបនឹងតម្រូវការ ​និងភាពបន្ទាន់របស់​រដ្ឋាភិបាលក្នុងការប្រយុទ្ធ​ប្រឆាំង​នឹង​ជំងឺរាតត្បាតកូវីដ-19។ សម្រាប់ឆ្នាំ2021នេះ រដ្ឋាភិបាលគ្រោងចំណាយថវិកាប្រមាណ 7.5 ពាន់លានដុល្លារ​ពោល​គឺថយចុះ1.9 ភាគរយ បើប្រៀបធៀបនឹងឆ្នាំ2020”

ព្រឹត្តិការណ៍, សេដ្ឋកិច្ច

ការធ្វើចំណាកស្រុកមានផលល្អសម្រាប់សេដ្ឋកិច្ចគ្រួសារ តែអាចប៉ះពាល់ដល់សេដ្ឋកិច្ចជាតិ

អ្នកជំនាញសេដ្ឋកិច្ចកម្ពុជាបានលើកឡើងថា ដំណើរនៃការធ្វើចំណាកស្រុករបស់ពលករកម្ពុជាទៅកាន់បណ្តាប្រទេសនានាក្នុងតំបន់ហាក់មិនបានផ្តល់ប្រយោជន៍អ្វីដល់សេដ្ឋកិច្ចជាតិធំ
ព្រឹត្តិការណ៍, ហិរញ្ញវត្ថុ

រាជរដ្ឋាភិបាលកម្ពុជា សម្រេចដាក់ឲ្យចរាចរណ៍ក្រដាសប្រាក់ប្រភេទថ្មី 3ម៉ឺនរៀលជាផ្លូវការ

រាជរដ្ឋាភិបាលចេញអនុក្រឹត្យលេខ២០០អនក្រ.បក អនុញ្ញាតដាក់ឲ្យចរាចរ និងប្រើប្រាស់ទូទាំងប្រទេស ក្រដាសប្រាក់ប្រភេទ៣០០០០រៀលគំរូថ្មី
ព្រឹត្តិការណ៍, អចលនទ្រព្យ

អចលនទ្រព្យ ២ប្រភេទ ដែលគួរវិនិយោគទាញយកផលចំណេញខ្ពស់នាពេលអនាគត

ការវិនិយោគអចលនទ្រព្យដែលត្រូវបានវិនិយោគិនជោគជ័យមួយចំនួនលើកយកមកបង្ហាញ និងផ្តល់ជាយោបល់ដល់អ្នកដែលចង់បានចំណូល និងចំណេញខ្ពស់ពីការវិនិយោគគឺ
ព្រឹត្តិការណ៍, ហិរញ្ញវត្ថុ

កម្ពុជានឹងទទួលបានប្រមាណ ១,៥៦ ពាន់លានដុល្លារ ពី IMF ដើម្បីស្តារសេដ្ឋកិច្ច និងដោះស្រាយបញ្ហាកូវីដ

ស្ថាប័ន IMF បានអនុម័តជាប្រវត្តិសាស្ត្រលើកញ្ចប់ថវិកា ៦៥០ ពាន់លានដុល្លារ ដើម្បីជម្រុញលទ្ធភាពទូទាត់ការចំណាយរបស់សកលលោក ហើយកម្ពុជានឹងទទួលបានប្រមាណ ១,៥៦ ពាន់លាន
ព្រឹត្តិការណ៍, ហិរញ្ញវត្ថុ, អត្ថបទពាណិជ្ជកម្ម

កម្ពុជាកំពុងល្បីល្បាញលើឆាកអន្តរជាតិជាមួយបច្ចេកវិទ្យាចំនួន3

ខណៈដែលបញ្ហាកូវីដកំពុងរាតត្បាតនៅទូទាំងសកលលោកនោះ បច្ចេកវិទ្យាគ្រប់ប្រភេទដែលរួមមានទាំងកម្មវិធីទូរស័ព្ទផងត្រូវបានចែករំលែក និងប្រើប្រាស់យ៉ាង​ទូលំទូលាយ…
ព្រឹត្តិការណ៍, អាជីវកម្មថ្មី និងនវានុវត្ត

រោងចក្រកែច្នៃមួយនៅគុយវ៉ែត ប្រែក្លាយសំណល់សំបកកង់ ៣លានកង់ក្នុងមួយឆ្នាំទៅជាផលិតផលថ្មី

រដ្ឋាភិបាលនៃប្រទេសគុយវ៉ែត បានគាំទ្រទៅលើរោងចក្រកែច្នៃមួយដែលបានប្រមូលយកសំណល់សំបកកងរថយន្តចាស់ៗប្រមាណ៣លានគ្រាប់ក្នុង១ឆ្នាំទៅកែច្នៃជាផលិតផលថ្មីក្នុងន័យថែរក្សាបរិស្ថាន
ជំនួញ, ព្រឹត្តិការណ៍

កម្ពុជា-ថៃ ជំរុញពាណិជ្ជកម្មទ្វេភាគីឲ្យដល់ ១៥ ពាន់លានដុល្លារនៅឆ្នាំ២០២៣

ក្នុងរយៈពេល ៨ ខែនៃឆ្នាំ២០២១នេះ ទំហំពាណិជ្ជកម្មទ្វេភាគីរវាងកម្ពុជា-ថៃ មានតម្លៃ ៥ ២៣៨ លានដុល្លារ ដែលជាការកើនឡើង ៣,១៤ ភាគរយបើប្រៀបធៀបនឹងរយៈពេលដូចគ្នាកាល
ព្រឹត្តិការណ៍, សេដ្ឋកិច្ច, អត្ថបទពាណិជ្ជកម្ម

ផ្លូវជាតិលេខ៣ តម្លៃជាង ២១៩ លានដុល្លារសម្រេចបានការសាងសង់ជិត ១០០ភាគរយហើយ

គម្រោងធ្វើឱ្យប្រសើរឡើងផ្លូវជាតិលេខ3ពីភ្នំពេញទៅក្រុងកំពត ជាលទ្ធផលរហូតមកដល់ពេលនេះសម្រេចបានប្រមាណ98.04ភាគរយ និងកំពុងបំពាក់កាមេរ៉ាសុវត្ថិភាព កាមេរ៉ាចាប់ល្បឿន ហើយគ្រោងបញ្ចប់ការសាងសង់…
ព្រឹត្តិការណ៍, សេដ្ឋកិច្ច

ច្បាប់កិច្ចព្រមព្រៀងពាណិជ្ជកម្មសេរីរវាងរាជរដ្ឋាភិបាលកម្ពុជា-ចិន ត្រូវបានអនុម័ត

ច្បាប់ស្តីពីការអនុម័តយល់ព្រមលើកិច្ចព្រមព្រៀងពាណិជ្ជកម្មសេរីរវាង កម្ពុជា-ចិនត្រូវបានអនុម័តក្រោមសម្លេងគាំទ្រឯកច្ឆ័ន្ទទាំងស្រុងក្នុងកិច្ចប្រជុំរដ្ឋសភាពេញអង្គក្រោមអធិបតីភាព

AMS ECONOMY
@amseconomy