អស់រយៈពេលជិតមួយឆ្នាំកន្លងមកនេះ មានគ្រួសារក្រីក្រជិត 3លាននាក់បានទទួល អត្ថប្រយោជន៍ពីជំនួយជាសាច់ប្រាក់របស់រដ្ឋាភិបាលតាមរយៈកម្មវិធីផ្ទេរសាច់ប្រាក់សម្រាប់គ្រួសារក្រីក្រ និងងាយរងគ្រោះក្នុងអំឡុងវិបត្តិជំងឺកូវីដ-19 ដោយដំណើរការនេះត្រូវបានគេរំពឹងថានឹងបញ្ចប់មុនដំណាច់ខែមិថុនា។
លោក សំហេង បុរស រដ្ឋលេខាធិការនិងជាអ្នកនាំពាក្យក្រសួងសង្គមកិច្ចអតីតយុទ្ធជន និងយុវនីតិសម្បទាបានឱ្យដឹងថារហូតមកដល់ពេលនេះ រាជរដ្ឋាភិបាលកម្ពុជាបានចំណាយថវិកាប្រមាណ 300លានដុល្លារអាមេរិកដើម្បីគាំទ្រដល់ជនក្រីក្រដែលកំពុងមានជំងឺរាតត្បាតកូវីដ-19 ខណៈកម្មវិធីផ្តល់ជំនួយសង្គ្រោះបន្ទាន់ជាសាច់ប្រាក់ត្រូវបានចាប់ផ្តើម។
លោក សំហេង បុរស បានមានប្រសាសន៍ថា ក្នុងរយៈពេលជិតមួយឆ្នាំកន្លងមកនេះ មានគ្រួសារក្រីក្រជិត 3លាននាក់បានទទួល អត្ថប្រយោជន៍ពីជំនួយជាសាច់ប្រាក់របស់រដ្ឋាភិបាលតាមរយៈកម្មវិធីផ្ទេរសាច់ប្រាក់សម្រាប់គ្រួសារក្រីក្រ និងងាយរងគ្រោះក្នុងអំឡុងវិបត្តិជំងឺកូវីដ-19 ដោយដំណើរការនេះត្រូវបានគេរំពឹងថានឹងបញ្ចប់មុនដំណាច់ខែមិថុនា ឆ្នាំ2021។
លោក ថេង បញ្ញាធន អគ្គនាយកដ្ឋានផែនការនៃក្រសួងផែនការ បានប្រាប់ឲ្យដឹងថា កម្មវិធីផ្តល់ជំនួយសង្គ្រោះជាសាច់ប្រាក់ ដែលបានចាប់ផ្តើមនៅខែមិថុនា ឆ្នាំ2020 គ្រោងនឹងបញ្ចប់នៅខែមិថុនាឆ្នាំ2021ខាងមុខនេះ។ រាជរដ្ឋាភិបាលកម្ពុជាបានចាប់ផ្តើមផ្តល់ជំនួយជាសាច់ប្រាក់សម្រាប់ជាការគាំទ្រមួយផ្នែកបន្ទាប់ពីការបិទខ្ទប់តំបន់ក្រហមដែលនៅបន្ត ទៅដល់គ្រួសារដែលបាត់បង់ឱកាសនៅក្នុងតំបន់ដែលមានការរឹតត្បិត រួមទាំងអ្នកដែលមានសមាជិកគ្រួសារបានទទួលមរណភាព និងឆ្លងមេរោគ។
លោក ថេង បញ្ញាធន បានបញ្ជាក់ថា ៖
“រាជរដ្ឋាភិបាលបានយកចិត្តទុកដាក់ខ្ពស់មិនត្រឹមតែទៅលើសុខភាពប្រជាជនប៉ុណ្ណោះទេ ថែមទាំងជីវភាពរស់នៅរបស់ពួកគេទៀតផង។ កម្មវិធីជំនួយជាសាច់ប្រាក់នេះគឺធ្វើឡើងសម្រាប់ក្រុមដែលរងផលប៉ះពាល់ដោយជំងឺកូវីដ-19នៅក្នុងតំបន់ក្រហម នៅតាមតំបន់បិទខ្ទប់ នឹងចាប់ផ្តើមនៅសប្តាហ៍ក្រោយពីការបណ្តុះបណ្តាលបុគ្គលិកពាក់ព័ន្ធ”
យោងតាមសេចក្តីប្រកាសព័ត៌មានរបស់រដ្ឋាភិបាលការផ្តោតសំខាន់លើគ្រួសារក្រីក្រដែលរងផលប៉ះពាល់ដោយការឆ្លងមេរោគក្នុងស្រុកនៃព្រឹត្តិការណ៍សហគមន៍20កុម្ភៈនៅតាមទីតាំងបិទខ្ទប់ជាច្រើនកន្លែងក្នុងរាជធានីភ្នំពេញក្រុងតាខ្មៅខេត្តកណ្តាល និងខេត្តព្រះសីហនុ។
គ្រួសារដែលមានសិទ្ធិទទួលបានជំនួយពីកម្មវិធីខាងលើនេះគឺអ្នកដែលងាយរងផលប៉ះពាល់ ដូចជាអ្នកបើកបរ កម្មករសំណង់ អ្នកលក់ដូរតាមចិញ្ចើមថ្នល់ អ្នកប្រមូលសំរាមជាដើម ដោយអាចទទួលបានជំនួយក្នុងចន្លោះពី 156,000 រៀល (ប្រហែល 39 ដុល្លារអាមេរិក) និង 311,000 រៀល (ជិត78 ដុល្លារអាមេរិក) – អាស្រ័យ លើទំហំនៃចំនួនសមាជិកក្នុងគ្រួសារ។ សម្រាប់កម្មកររោងចក្រដែលរងផលប៉ះពាល់ពីការបិទខ្ទប់នឹងទទួលបានប្រាក់ចំនួន160,000រៀល (40ដុល្លារ) ក្នុងម្នាក់ៗសម្រាប់ឧបត្ថម្ភធនតែមួយ តាមរយៈយន្ដការដែលមានស្រាប់ដែលគ្រប់គ្រងដោយក្រសួងការងារ និងបណ្តុះបណ្តាលវិជ្ជាជីវៈ។
ក្រុមគ្រួសារដែលមានសមាជិកស្លាប់ដោយជំងឺកូវីដ-19 នឹងទទួលបានថវិកាចំនួន 30ម៉ឺនរៀល (75 ដុល្លារ) បន្ថែមលើការឧបត្ថម្ភជាសាច់ប្រាក់រយៈពេល5 ខែដើម្បីទូទាត់ថ្លៃប្រើប្រាស់អគ្គិសនី។ អ្នកដែលមានសមាជិកគ្រួសារ ឆ្លងជំងឺទាំងក្នុង និងក្រៅតំបន់បិទខ្ទប់នឹងទទួលបានចំនួនប្រហាក់ប្រហែលគ្នាដែលមានសិទ្ធិទទួលបានដូចគ្រួសារក្រីក្រដែលបានរៀបរាប់ខាងលើ៕
របាយការណ៍ថ្មីៗ
មើលទាំងអស់ ➧ព័ត៌មានទូទៅ
មើលទាំងអស់ ➧បុរសម្នាក់កែច្នៃត្រឡោកដូងទៅជាធ្យូងអនាម័យ ជួយដល់សុខមាលភាពប្រជាជន
ធុរកិច្ចបរិយាបន្ន, ព្រឹត្តិការណ៍, សេដ្ឋកិច្ច
• 26/04/2024
ជំនួសឱ្យការយកឈើទៅដុត បុរសម្នាក់បានប្រមូលយកត្រឡោកដូងដែលគេកោសសាច់រួច ទៅដុតឱ្យចេញជាធ្យូងអនាម័យ។
Hilltribe Organics ជួយបង្កើនប្រាក់ចំណូលជនជាតិភាគតិចនៅប្រទេសថៃជាង ៥០០ ដុល្លារក្នុងមួយខែពីការចិញ្ចឹមមាន់យកស៊ុតសរីរាង្គ
ធុរកិច្ចបរិយាបន្ន, ព្រឹត្តិការណ៍, សេដ្ឋកិច្ច
• 26/04/2024
Hilltribe Organics បានរួមបញ្ចូលជនជាតិដើមភាគតិចដែលចិញ្ចឹមមាន់យកស៊ុតទៅក្នុងខ្សែសង្វាក់តម្លៃនៃផលិតផលសរីរាង្គរបស់ខ្លួន និងបានជួយបង្កើនប្រាក់ចំណូលរបស់ពួកគេបីដង ឬជាង ៥០០ ដុល្លារក្នុងមួយខែ
Doi Kham ក្រុមហ៊ុនធុរកិច្ចបរិយាបន្នថៃផ្តោតសំខាន់ជួយគាំទ្រជីវភាពក្រុមកុលសម្ព័ន្ធភ្នំ
ធុរកិច្ចបរិយាបន្ន, ព្រឹត្តិការណ៍, សេដ្ឋកិច្ច
• 26/04/2024
Doi Kham បានជួយគាំទ្រដល់ក្រុមពលរដ្ឋកុលសម្ព័ន្ធជាច្រើនរយពាន់គ្រួសារតាមរយៈការទទួលទិញគ្រាប់កាហ្វេដែលមានគុណភាពខ្ពស់ដោយផ្ទាល់ពីសហគមន៍ទាំងនេះ