ភ្នំពេញ ៖ អ្នកឲ្យលុយទៅមិត្តភក្តិ ឬសមាជិកគ្រួសារខ្ចី ហើយពួកគេមិនទាន់បានសងអ្នកវិញ នោះអ្នកនឹងគិតថា នេះមិនមែនជាកាដូ ឬអំណោយនោះទេ ហើយវាក៏ដល់ពេលដែលត្រូវទារលុយនោះមកវិញដែរ ប៉ុន្តែអ្នកមានអារម្មណ៍តានតឹងក្នុងការធ្វើវា ដោយខ្លាចប៉ះពាល់ដល់ទំនាក់ទំនង។
អ្នកខ្ចីលុយនោះអាចជាមនុស្សដែលជិតស្និទ្ធនឹងអ្នក ដែលអ្នកមិនចង់ឲ្យវាប៉ះពាល់ទំនាក់ទំនងរបស់អ្នកនៅពេលទារលុយនោះទេ។ យ៉ាងណាក៏ដោយ អ្នកត្រូវការប្រាក់របស់អ្នកមកវិញ ដូច្នេះអ្នកសុខចិត្តចាប់ផ្តើមការសន្ទនាមិនស្រួលមួយនេះ។ មានពេលខ្លះអ្នកអាចទទួលបានលទ្ធផលល្អ ប៉ុន្តែពេលខ្លះអ្នកអាចនឹងទារលុយមិនបាន ហើយថែមទាំងអាចប៉ះពាល់ដល់ទំនាក់ទំនងថែមទៀត។
វិធីល្អបំផុតក្នុងការទារលុយមកវិញ គឺអាស្រ័យលើទំនាក់ទំនងរបស់អ្នកជាមួយមនុស្សម្នាក់ទៀត រួមផ្សំនឹងចំនួនទឹកប្រាក់ដែលជំពាក់ និងស្ថានភាពជាកស្តែង។ ឧទាហរណ៍ ប្រសិនបើអ្នកឲ្យលុយខ្ចីទៅបងប្អូនបង្កើត អ្នកប្រាកដជាមិនមានអារម្មណ៍មិនស្រួលក្នុងការសុំទារលុយមកវិញនោះទេ។
ប្រសិនបើអ្នកឲ្យលុយខ្ចីទៅអ្នកផ្សេង នោះអ្នកអាចប្រើបច្ចេកទេសផ្សេងទើបមានប្រសិទ្ធភាព។ ការនិយាយគ្នាឲ្យបានច្បាស់លាស់ពីដំបូងជាកត្តាចាំបាច់ ដែលរួមបញ្ចូលទាំងការបញ្ជាក់ឱ្យច្បាស់ថា អ្នកផ្តល់ប្រាក់កម្ចី មិនមែនឲ្យជាកាដូ ឬអំណោយទេ និងការកំណត់រយៈពេលជាក់លាក់ណាមួយសម្រាប់សងត្រឡប់វិញ។ វាក៏សំខាន់ផងដែរក្នុងការយល់ថា បុគ្គលនោះដឹងច្បាស់ថា គាត់ជំពាក់លុយអ្នក ប៉ុន្តែគាត់កំពុងមានបញ្ហាហិរញ្ញវត្ថុជាដើម ដែលមិនទាន់អាចសងលុយអ្នកវិញបានតាមពេលវេលា។
បើសិនជាអ្នកមិនអាចចរចាកំណត់រយៈពេលក្នុងការសងត្រឡប់វិញទេ អ្នកអាចលើកឡើងនូវវិធីសងត្រឡប់ដោយមានភាពបត់បែន ដូចជាផ្តល់ឱ្យនូវជម្រើសក្នុងការសងប្រាក់វិញជាការបង់តាមដំណាក់កាលជាក់លាក់ ជាមួយនឹងការចរចាក្នុងលក្ខណៈរួសរាយរាក់ទាក់។
គូសបញ្ជាក់ថា បុគ្គលជំពាក់លុយនោះប្រហែលជាមានអារម្មណ៍មិនស្រួលជាងអ្នកទៅទៀត ដោយសារតែគាត់ត្រូវការជំនួយទើបគាត់ហារមាត់ខ្ចីលុយអ្នក ។ ការជំពាក់លុយនរណាម្នាក់ធ្វើឲ្យគាត់ស្ថិតក្នុងស្ថានភាពមិនស្រណុកចិត្ត ហើយប្រសិនបើយើងចង់បន្តទំនាក់ទំនងឲ្យល្អយើងគួរតែយល់ពីចំណុចនេះ។ ការប្រើអាកប្បកិរិយាក្នុងការទាមទាដោយបង្ខំ នឹងបំផ្លាញទំនាក់ទំនងរបស់អ្នក។ ផ្ទុយទៅវិញការមានទឹកចិត្តល្អ ដោយមានជំហច្បាស់លាស់នឹងធានាថា អ្នកដទៃមិនទាញយកផលប្រយោជន៍ពីអ្នកដោយទទេៗនោះទេ៕
ប្រភព ៖ GoBankingRates.
ជីវប្រវត្តិ: លោកមានបទពិសោធន៍ជិត ១០ឆ្នាំក្នុងប្រព័ន្ធផ្សព្វផ្សាយទូរទស្សន៍ វិទ្យុ និងកាសែតផ្នែកសេដ្ឋកិច្ច អប់រំ និងសង្គម។ បច្ចុប្បន្នលោកជានិពន្ធនាយកសារព័ត៌មាន AMS Economy និង AMS Education។
របាយការណ៍ថ្មីៗ
មើលទាំងអស់ ➧ព័ត៌មានទូទៅ
មើលទាំងអស់ ➧បុរសម្នាក់កែច្នៃត្រឡោកដូងទៅជាធ្យូងអនាម័យ ជួយដល់សុខមាលភាពប្រជាជន
ធុរកិច្ចបរិយាបន្ន, ព្រឹត្តិការណ៍, សេដ្ឋកិច្ច
• 26/04/2024
ជំនួសឱ្យការយកឈើទៅដុត បុរសម្នាក់បានប្រមូលយកត្រឡោកដូងដែលគេកោសសាច់រួច ទៅដុតឱ្យចេញជាធ្យូងអនាម័យ។
Hilltribe Organics ជួយបង្កើនប្រាក់ចំណូលជនជាតិភាគតិចនៅប្រទេសថៃជាង ៥០០ ដុល្លារក្នុងមួយខែពីការចិញ្ចឹមមាន់យកស៊ុតសរីរាង្គ
ធុរកិច្ចបរិយាបន្ន, ព្រឹត្តិការណ៍, សេដ្ឋកិច្ច
• 26/04/2024
Hilltribe Organics បានរួមបញ្ចូលជនជាតិដើមភាគតិចដែលចិញ្ចឹមមាន់យកស៊ុតទៅក្នុងខ្សែសង្វាក់តម្លៃនៃផលិតផលសរីរាង្គរបស់ខ្លួន និងបានជួយបង្កើនប្រាក់ចំណូលរបស់ពួកគេបីដង ឬជាង ៥០០ ដុល្លារក្នុងមួយខែ
Doi Kham ក្រុមហ៊ុនធុរកិច្ចបរិយាបន្នថៃផ្តោតសំខាន់ជួយគាំទ្រជីវភាពក្រុមកុលសម្ព័ន្ធភ្នំ
ធុរកិច្ចបរិយាបន្ន, ព្រឹត្តិការណ៍, សេដ្ឋកិច្ច
• 26/04/2024
Doi Kham បានជួយគាំទ្រដល់ក្រុមពលរដ្ឋកុលសម្ព័ន្ធជាច្រើនរយពាន់គ្រួសារតាមរយៈការទទួលទិញគ្រាប់កាហ្វេដែលមានគុណភាពខ្ពស់ដោយផ្ទាល់ពីសហគមន៍ទាំងនេះ