fbpx

ពិភពលោកកំពុងជួបវិបត្តិកូវីដ ប៉ុន្តែកំណើនចំនួនមហាសេដ្ឋីបានកើនឡើងច្រើនជាង ៥លាននាក់

បរទេស៖ ហាក់បីដូចជាការដើរបញ្ច្រាសទិសគ្នា ខណៈដែលពិភពលោកបាន និងកំពុងបន្តទទួលរងនូវបទពិសោធន៍ដ៏ជូរចត់ ដោយសារបញ្ហារាតត្បាតនៃវីរុសកូវីដ ដែលស្ទើរតែគ្មានប្រទេសមួយណារួចផុតពី​ផលប៉ះពាល់ទៅដល់វិស័យសេដ្ឋកិច្ច និងហិរញ្ញវត្ថុក៏ដោយ ប៉ុន្តែកំណើននៃចំនួនមហាសេដ្ឋីនៅលើពិភពលោកបែរជាកើនឡើងច្រើនជាង ៥លាននាក់ ដែល​គិត​ត្រឹម​ឆ្នាំ២០២០តែប៉ុណ្ណោះ។

កាលពីឆ្នាំ២០២០កន្លងទៅនេះ ខណៈដែលមនុស្សរាប់ពាន់លាននាក់បានទទួលរងនូវផលប៉ះពាល់យ៉ាងខ្លាំងដែលបណ្តាលមកពីវិបត្តិនៃជំងឺកូវីដ-១៩នោះ ប៉ុន្តែតាមរយៈតួលេខដែលទទួលបានដោយ Credit Suisse Global Wealth បានបង្ហាញថា ចំនួនមហាសេដ្ឋីថ្មីរបស់ពិភពលោកបែរជាមានការកើនឡើង រហូតដល់ទៅ ៥.២លាននាក់ត្រឹមតែរយៈពេល ១ឆ្នាំនេះ។

របាយការណ៍សម្រាប់ឆ្នាំ២០២១ដែលធ្វើឡើងដោយស្ថាប័នដដែលនេះបានបង្ហាញទៀតថា ចំនួនកើនឡើងនេះបានធ្វើឲ្យមហាសេដ្ឋីខ្ទង់លានដុល្លារ​លើពិភព​លោក​សរុបមានទៅដល់ ៥៦.១លាននាក់ ដោយក្នុងនោះសេដ្ឋីដែលមានទ្រព្យលើសពី ៥០លានដុល្លារបានកើនឡើងក្នុងអត្រា ២៤ភាគរយធៀបទៅនឹងឆ្នាំ២០១៩ ពោល​គឺមានសរុបប្រមាណជា ២១៥ ០៣០នាក់។

ការគណនាដោយ Credit Suisse Global Wealth ធ្វើឡើងតាមរយៈការបូកបញ្ចូលគ្នានៃអចលទ្រព្យ និងទំហំសាច់ប្រាក់ទាំងអស់ ហើយដកទៅនឹងបំណុលទាំងអស់ដែលក្រុមសេដ្ឋីទាំងនោះមាន។

លោក Anthony Shorrocks អ្នកជំនាញសេដ្ឋកិច្ច និងជាអ្នកផលិតមាតិកានៅក្នុងរបាយការណ៍នេះបានបញ្ជាក់បែបនេះថា ៖ «នៅពេលដែលមនុស្សទូទៅចាប់ផ្តើមថយចុះទ្រព្យសម្បត្តិ និងហិរញ្ញវត្ថុរបស់ពួកគេ ប៉ុន្តែទ្រព្យសម្បិត្តដែលមាននៅលើពិភពលោកគឺនឹងស្ថិតនៅក្នុងទំហំដដែលដោយគ្រាន់ករណីមួយចំនួនវាបានហូរចេញទៅតាមទំនោរអាជីវកម្ម និងទីតាំងថ្មីប៉ុណ្ណោះ»។ គិតចាប់តាំងពីឆ្នាំ២០០០រហូតមក នៅពេលដែលក្រុមកំពូលសេដ្ឋីលើពិភពលោកត្រូវបានគេដឹងថាមានទ្រព្យសម្បត្តិស្មើទៅនឹង ៣៥ ភាគរយនៃទ្រព្យសម្បត្តិលើពិភពលោករហូតមកដល់ឆ្នាំ២០២០ ទ្រព្យសម្បត្តិរបស់ពួកគេបានកើនឡើងទៅដល់ ៤៦ភាគរយ ឬស្មើទៅនឹង ១៩១.៦ ទ្រីលានដុល្លារគឺប្រហែលជា ៤ដងច្រើនជាងទ្រព្យសម្បត្តិដែលមានកាលពី ២ទសវត្សរ៍មុន។ សម្រាប់ឆ្នាំ២០២០ ដដែលនេះផងដែរ ទ្រព្យសម្បត្តិរបស់ពិភពលោកបានកើនឡើងប្រមាណជា ២៨.៧ទ្រីលានដុល្លារ កើនឡើងទៅដល់ចំនួនសរុប៤១៨.៣ទ្រីលានដុល្លារ៕


ព្រឹត្តិការណ៍, ហិរញ្ញវត្ថុ

គ្រឹះស្ថានធនាគារ និងហិរញ្ញវត្ថុនៅកម្ពុជាបញ្ចេញឥណទានជាង៤ពាន់លានដុល្លារទៅក្នុងវិស័យកសិកម្ម

គិតត្រឹមខែសីហា ឆ្នាំ២០២១ កន្លងទៅនេះ គ្រឹះស្ថានធនាគារ និងហិរញ្ញវត្ថុ បានផ្តល់ឥណទានទៅវិស័យកសិកម្ម មានចំនួន ១៧,០ ទ្រីលានរៀល សមមូលនឹង ៤,២ ពាន់លានដុល្លារអាមេរិក
ព្រឹត្តិការណ៍, អចលនទ្រព្យ

គម្រោងអភិវឌ្ឍន៍បុរីអាចមានការប្រកួតប្រជែងខ្លាំង ខណៈគម្រោងជាច្រើនដាក់ដំណើរការសាងសង់

គម្រោងអភិវឌ្ឍន៍បុរីជាច្រើន បានបើកដំណើរសាងសង់ព្រមគ្នា ដែលអាចនឹងបង្កើនការប្រកួតប្រជែងកាន់តែខ្លាំង ក្នុងការចាប់យកអតិថិជន និងការដណ្តើមយកចំណែកទីផ្សារ។
ព្រឹត្តិការណ៍, អាជីវកម្មថ្មី និងនវានុវត្ត

ឧទ្យានបន្ទះសូឡាដ៏ធំមួយនៅកម្ពុជាទទួលបានពានរង្វាន់ឆ្នើមពីទស្សនាវដ្តីហិរញ្ញវត្ថុដ៏ល្បីរបស់អង់គ្លេស

ឧទ្យានបន្ទះសូឡាដ៏ធំមួយ ដែលមានទីតាំងស្ថិតនៅក្នុងខេត្តបន្ទាយមានជ័យ ទើបតែទទួលបានពានរង្វាន់ឆ្នើមពីទស្សនាវដ្តីហរិញ្ញវត្ថុអន្តរជាតិដ៏ល្បីឈ្មោះ IFM ដែលមានមូលដ្ឋាននៅប្រទេស
ជំនួញ, ព្រឹត្តិការណ៍

តើគួរផ្លាស់ប្តូរស្លាកយីហោរអាជីវកម្ម ឬអត់ ក្រោយបញ្ចប់កូវីដ ហើយត្រូវគិតគូរលើចំណុចណាខ្លះ ?

នៅក្នុងបរិបថនៃវិបត្តិកូវីដគែជឿថា មានអាជីវកម្មជាច្រើនបានទទួលរងនូវផលប៉ះពាល់យ៉ាងធ្ងន់ធ្ងររហូតអ្នកខ្លះសម្រេចចិត្តទ្វារអាជីវកម្ម លុះក្រោយបញ្ចប់វិបត្តិដ៏រាំរ៉ៃនេះ តើគួរផ្លាស់ប្ដូរស្លាក
ជំនួញ, ព្រឹត្តិការណ៍

ដំណាំ២ប្រភេទ ដែលចំណាយពេលដាំរយៈពេលខ្លី ប៉ុន្តែទទួលបានផលច្រើន និងមានទីផ្សារល្អ

ប្រទាលកន្ទុយក្រពើ និងឪឡឹកសម្បកពណ៌មាស ជាប្រភេទដំណាំដែលងាយស្រួលដាំ ងាយថែទាំ ប្រើរយៈពេលខ្លី អាចទទួលបានផលច្រើន និងមានតម្រូវការទីផ្សារខ្ពស់
ព្រឹត្តិការណ៍, សេដ្ឋកិច្ច

ស្ថាប័នធំៗចំនួន២សហការគ្នាលើកកម្ពស់ទទួលបានសេវា និងចំណេះដឹងហិរញ្ញវត្ថុសម្រាប់កសិកម្មនៅកម្ពុជា

ស្ថាប័នធំៗចំនួន២ បានសហការគ្នាលើកកម្ពស់ការទទួលបានសេវាហិរញ្ញវត្ថុ ចំណេះដឹងហិរញ្ញវត្ថុ ដើម្បីលើកកម្ពស់វិស័យកសិកម្ម និងមីក្រូហិរញ្ញវត្ថុ នៅកម្ពុជាប្រកបដោយគុណភាព និង
បទយកការណ៍, អាជីវកម្មថ្មី និងនវានុវត្ត

តើអាជីវកម្មទាំង ៥ ប្រភេទនេះ អាចនឹងមានទីផ្សារខ្លាំងទៀតទេ ក្រោយពេលកូវីដ១៩ ត្រូវបានបញ្ចប់?

អាជីវកម្ម ៖ មកដល់ពេលនេះ អ្នកដឹកនាំអាជីវកម្មព្រមទាំងសហគ្រិនថ្មីៗភាគច្រើនកំពុងស្វែងរកយុទ្ធសាស្ត្រទប់ទល់នឹងការខាតបង់….
ព្រឹត្តិការណ៍, សេដ្ឋកិច្ច

រូបិយវត្ថុដួលរលំ លុយដុល្លារខ្វះខាតខ្លាំង កំពុងរុញឲ្យវិបត្តិសេដ្ឋកិច្ចមីយ៉ាន់ម៉ាកាន់តែដុនដាបខ្លាំង

ស្ថានភាពសេដ្ឋកិច្ចរបស់ប្រទេស មីយ៉ាន់ម៉ា បាន និងកំពុងបន្តដាំក្បាលចុះគួរឲ្យព្រួយបារម្ភ ខណៈដែលតម្លៃនៃរូបយវត្ថុរបស់ខ្លួនធ្លាក់ចុះខ្លាំង បណ្តាក្រុមហ៊ុនបរទេសនាំគ្នាតម្រង់ជួរចាក
ព្រឹត្តិការណ៍, ហិរញ្ញវត្ថុ

IMF ព្រមានឱ្យបង្កើនការប្រុងប្រយ័ត្នយ៉ាងខ្ពស់ ចំពោះហានិភ័យអតិផរណាដែលកំពុងកើនឡើង

IMF បានព្រមានថា សេដ្ឋកិច្ចពិភពលោកកំពុងឈានចូលដំណាក់កាលហានិភ័យអតិផរណា ដោយអំពាវនាវឱ្យធនាគារកណ្តាលមានការប្រុងប្រយ័ត្នយ៉ាងខ្ពស់ និងចាត់វិធាន
ព្រឹត្តិការណ៍, អចលនទ្រព្យ

ការផ្គត់ផ្គង់ខុនដូនៅកម្ពុជាបានកើនឡើង ៥,៦% ខណៈវិស័យនេះនៅបន្តរងផលប៉ះពាល់ពីវិបត្តិកូវីដ១៩

វិស័យខុនដូនៅកម្ពុជានៅតែទទួលរងផលប៉ះពាល់ដោយសារវិបត្តិកូវីដ១៩ ខណៈគម្រោងខុនដូមួយចំនួនបានប្រកាសពន្យាពេលការសាងសង់ និង

AMS ECONOMY
@amseconomy