សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បាងកក ៖ យោងតាមការបញ្ជាក់មន្ត្រីជាន់ខ្ពស់ប្រទេសថៃ បានឲ្យដឹងថាការនាំចេញរបស់ប្រទេសថៃរហូតមកដល់ដើមត្រីមាសទី២ ដើមឆ្នាំ២០២១ នៅតែបន្តរក្សាស្ថិរភាពបានល្អ និងមានអត្រាកំណើនប្រមាណជា ១០ភាគរយសម្រាប់ខែមេសាកន្លងទៅនេះ។
រដ្ឋមន្ត្រីក្រសួងពាណិជ្ជកម្មនៃប្រទេសថៃ លោក Jurin Laksanawisit បានធ្វើការបង្ហាញជាលទ្ធផលបឋមកាលពីថ្ងៃចុងសប្ដាហ៍កន្លងទៅនេះថា អត្រានាំចេញរបស់ប្រទេសថៃសម្រាប់តែខែមេសា ដើមត្រីមាសទី២ ឆ្នាំ២០២១មានចំនួនប្រមាណ ១៨.៩ពាន់លានដុល្លារ កើនប្រមាណជា ១០ ភាគរយធៀបទៅនឹងរយៈពេលដូចគ្នាកាលពីឆ្នាំ២០២០កន្លងទៅទៅ។
លោក Jurin បានបន្តថា ៖
“ការនាំចេញរបស់ថៃសម្រាប់រយៈពេល ៤ខែដើមឆ្នាំ២០២១នេះអាចនឹងកើនឡើងប្រមាណជា៤ ភាគរយធៀបទៅនឹងរយៈពេលវេលាដូចគ្នាកាលពីឆ្នាំកន្លងទៅ ដោយភាគីតំណាងពាណិជ្ជកម្មទាំងវិស័យរដ្ឋ និងឯកជនទាំងអស់បានប្តេជ្ញាចិត្តក្នុងការធ្វើឲ្យបាននូវកំណើនសេដ្ឋកិច្ចប្រចាំឆ្នាំ២០២១នេះចន្លោះពី ៨-១១ភាគរយ“
លោករដ្ឋមន្ត្រីក៏បានប្រកាសដែរថានឹងបើកកិច្ចប្រជុំតាមរយៈអនឡាញមួយក្នុងពេលឆាប់ៗនេះជាមួយនឹងវិស័យឯកជន និងភាគីពាក់ព័ន្ធទាំងអស់ដើម្បីធ្វើការត្រួតពិនិត្យនូវផែនការនៃការនាំចេញរបស់ខ្លួនសាជាថ្មី។
លោករដ្ឋមន្ត្រីរូបនេះបានបញ្ជាក់ថា ៖
“កាលពីចុងឆ្នាំ២០២០ កន្លងមកក្រសួងពាណិជ្ជកម្មបានដាក់ផែនការក្នុងការសម្រេចឲ្យបាននូវការនាំចេញប្រមាណត្រឹមតែ ៤ភាគរយប៉ុណ្ណោះនៅក្នុងឆ្នាំ២០២១ ខណៈដែលការនាំចេញគឺជាគន្លឺះដ៏សំខាន់សម្រាប់ជំរុញកំណើនសេដ្ឋកិច្ចនៃប្រទេសថៃឲ្យអាចងើបឡើងវិញបានបន្ថែមពីលើការចាយវាយក្នុងស្រុក ។ ដោយឡែកសម្រាប់វិស័យទេសចរណ៍វិញនៅតែជាបញ្ហាដ៏ធ្ងន់ធ្ងរនៅឡើយដែលបណ្តាលពីវិបត្តិនៃជំងឺកូវីដ-19“
គិតត្រឹមត្រីមាសដំបូងដើមឆ្នាំ២០២១កន្លងទៅនេះ ការនាំចេញរបស់ថៃសរុបមានការកើនឡើង ២.២៧ភាគរយស្មើនឹងប្រមាណជា ៦៤.២ ពាន់លានដុល្លារ ខណៈដែលការនាំចូលក៏បានកើនឡើងដល់ទៅ ៩.៣៧ភាគរយ ឬស្មើនឹងប្រមាណជា ៦៣.៦ ពាន់លានដុល្លារ៕
ធ្លាប់បំពេញការងារជាអ្នកបកប្រែអត្ថបទសារព័ត៌មានជាភាសាខ្មែរជាមួយនឹងស្ថាប័នព័ត៌មានមួយចំនួនរយៈពេល៧ឆ្នាំ។ បទពិសោធបកប្រែប្រភេទព័ត៌មានអន្តរជាតិនយោបាយសេដ្ឋកិច្ចនិងកីឡាផង។ បច្ចុប្បន្នកំពុងបំពេញការងារជាអ្នកបកប្រែអត្ថបទសារព័ត៌មានសេដ្ឋកិច្ចអន្តរជាតិឱ្យសារព័ត៌មាន AMS Economy.
របាយការណ៍ថ្មីៗ
មើលទាំងអស់ ➧
ព័ត៌មានទូទៅ
មើលទាំងអស់ ➧
Dytech Limited ជួយបង្កើនចំណូលសហគមន៍នៅប្រទេសហ្សំប៊ីពីការផលិតទឹកឃ្មុំ និងការពារជីវៈចម្រុះ
ធុរកិច្ចបរិយាបន្ន, ព្រឹត្តិការណ៍, អាជីវកម្មថ្មី និងនវានុវត្ត
• 18/04/2024
Dytech Limited បានធ្វើការជាមួយសហគមន៍នៅក្នុងតំបន់ដីសើមក្នុងការផលិតទឹកឃ្មុំ ដើម្បីឲ្យអ្នកភូមិចៀសឆ្ងាយពីការកាប់ដើមឈើ និងសកម្មភាពបរបាញ់ ដែលនាំឱ្យប៉ះពាល់ដល់ជីវៈចម្រុះ
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content