បរទេស៖ បើទោះបីជាវ៉ាក់សាំងប្រឆាំងវីរុសកូវីដ-១៩ មានសមត្ថភាពកាត់បន្ថយហានិភ័យនៃការសម្រាកនៅមន្ទីរពេទ្យ និងការស្លាប់ពីជំងឺនេះក៏ដោយ ប៉ុន្តែអ្នកដែលទទួលបានការវ៉ាក់សាំងទាំង២ ដូស ក៏នៅតែអាចឱកាសឆ្លាងជំងឺកូវីដ ធ្លាក់ខ្លួនឈឺ និងឈានដល់ស្លាប់បានដែរ(ករណីកម្រ)។
តាមការស្ទង់មតិរបស់បណ្តាញសារព័ត៌មាន NBC លើមន្ត្រីសុខាភិបាលទូទាំងសហរដ្ឋអាមេរិក ដែលជាក្រុមអាយុងាយរងគ្រោះថ្នាក់ជាងគេគឺក្រុមមនុស្សដែលមានអាយុ៦៥ឆ្នាំឡើង ឬក្រុមមនុស្សដែលមានប្រព័ន្ធភាពស៊ាំចុះខ្សោយ។ មនុស្សស្ថិតក្រុមវ័យនេះ គឺជាក្រុមងាយរងផលប៉ះពាល់ធ្ងន់ធ្ងរបំផុតនៃជំងឺកូវីដ-១៩ ចាប់តាំងពីមានការរាតត្បាតមក ហើយនិន្នាការនេះ ត្រូវបានគេមើលឃើញថាមិនមែនមានតែនៅសហរដ្ឋអាមេរិកនោះទេ ពោលវាកើតឡើងនៅតាមបណ្តាប្រទេសដទៃទៀតផងដែរ។
លោក Roy M. Gulick ប្រធានមជ្ឈមណ្ឌលសិក្សាជំងឺឆ្លង Weill Cornell Medicine នៅក្រុងញូវយ៉កបាននិយាយថា ៖
«ប្រសិនបើអ្នកក្រឡេកមើលករណីស្នាក់នៅមន្ទីរពេទ្យប្រមាណ ៩៧ភាគរយនៃអ្នកជំងឺសុទ្ធតែជាអ្នកមិនបានចាក់វ៉ាក់សាំង ហើយអ្នកស្លាប់ដោយសារកូវីដ-១៩ នៅអាមេរិកសុទ្ធតែជាអ្នកមិនបានទទួលបានវ៉ាក់សាំងស្ទើរតែទាំងអស់»
ដោយឡែក លោក Anthony S. Fauci វេជ្ជបណ្ឌិតជំងឺឆ្លងកំពូលរបស់អាមេរិកបានលើកឡើងថា មនុស្សគ្រប់គ្នាសុទ្ធតែអាចឆ្លងកូវីដបើទោះបានចាក់វ៉ាក់សាំងហើយក៏ដោយ នេះមិនមែនមានន័យថាវ៉ាក់សាំងនេះមិនមានប្រសិទ្ធនោះភាពទេ។ វ៉ាក់សាំង នៅតែបំពេញនាទីរបស់វាក្នុងការការពារប្រឆាំងនឹងករណីធ្ងន់ធ្ងរ ដែលបណ្ដាលឱ្យមានការសម្រាកនៅមន្ទីរពេទ្យ និងឈានដល់ការស្លាប់ផងដែរ។
វ៉ាក់សាំង Pfizer-BioNTech ដែលជាវ៉ាក់សាំងប្រភេទ mRNA ចំនួន ២ ដូស មានប្រសិទ្ធភាពដល់ទៅ ៨៨ ភាគរយក្នុងការបញ្ឈប់វ៉ារ្យ៉ង់ Delta ពីការបង្ករោគសញ្ញា។ នេះបើយោងតាមការសិក្សាដោយទីភ្នាក់ងារសុខភាពសាធារណៈអង់គ្លេស។ អ្នកជំនាញផ្នែកសុខភាព បានប្រាប់កាសែត The Washington Post កាលពីដើមខែនេះថា ការវ៉ាក់សាំងដែលប្រើបច្ចេកវិទ្យា mRNA នោះ គឺ Moderna ក៏មានប្រសិទ្ធភាពប្រហាក់ប្រហែលគ្នានេះដែរ។
យ៉ាងណាមិញ ការសិក្សានៅមន្ទីរពិសោធន៍ផ្សេងទៀត ដូចជា របាយការណ៍វេជ្ជសាស្ត្រអង់គ្លេស New England Journal of Medicine បានចេញផ្សាយនៅក្នុងខែកក្កដា នេះបានឱ្យដឹងថា វ៉ាក់សាំង Johnson & Johnson អាចផ្តល់នូវការឆ្លើយតបប្រឆាំងនឹងវ៉ារ៉្យង់ Delta បានជាច្រើនខែបន្ទាប់ពីចាក់រួច ប៉ុន្តែវាជាការយល់ច្រឡំមួយដែលថាវ៉ាក់សាំងធ្វើឱ្យមនុស្សមានភាពស៊ាំទាំងស្រុង និងអាចទប់ទល់នឹងវីរុសណាមួយបានទាំងស្រុង។
ប្រភពដដែលបានឱ្យដឹងថា វ៉ាក់សាំងអាចការពារមិនឱ្យឆ្លងរោគ ប៉ុន្តែមិនមែនបញ្ឈប់មិនឱ្យឈប់ឆ្លងរហូតនោះទេ ហើយមិនមែនការឆ្លងទាំងអស់សុទ្ធតែមើលដឹងនោះទេ ពេលខ្លះវីរុសអាចមាននៅក្នុងច្រមុះ ឬមាត់ ប៉ុន្តែមិនបានបង្កឱ្យមានរោគសញ្ញាផ្សេងទៀតដូចជា អស់កម្លាំង ឈឺក្បាល បាត់បង់ក្លិន ឬ រោគសញ្ញាកូវីដផ្សេងទៀតនោះទេ ករណីនេះគេហៅថា asymptomatic ។ ដូច្នេះហើយទើបគេតម្រូវឱ្យមានការធ្វើតេស្តជាញឹកញាប់ ដើម្បីឱ្យដឹងថា មនុស្សបានឆ្លងកូវីដ ១៩ ឬយ៉ាងណា។
យោងតាមការប៉ាន់ប្រមាណរបស់មជ្ឈមណ្ឌលគ្រប់គ្រង និងបង្ការជំងឺ (CDC) កាលពីចុងខែមេសា បានរាយការណ៍អំពីករណីជាង ១ ម៉ឺនករណី ដែលឆ្លងកូវីដ-១៩ ក្នុងចំណោមអ្នកបានចាក់វ៉ាក់សាំងហើយចំនួន ១០១ លាននាក់ (ឬប្រហែល ១ ករណីក្នុងចំណោមមនុស្ស ១០ ០០០ នាក់)៕
ជីវប្រវត្តិ: លោកមានបទពិសោធន៍ជិត ១០ឆ្នាំក្នុងប្រព័ន្ធផ្សព្វផ្សាយទូរទស្សន៍ វិទ្យុ និងកាសែតផ្នែកសេដ្ឋកិច្ច អប់រំ និងសង្គម។ បច្ចុប្បន្នលោកជានិពន្ធនាយកសារព័ត៌មាន AMS Economy និង AMS Education។
របាយការណ៍ថ្មីៗ
មើលទាំងអស់ ➧ព័ត៌មានទូទៅ
មើលទាំងអស់ ➧ក្រុមហ៊ុន លីហ៊្វូដ សឺវីស ចាប់ដៃជាមួយក្រុមហ៊ុន យូនីលឹវើ ខេមបូឌា ដើម្បីលើកកម្ពស់ការផ្តល់ជូនផលិតផលនៅកម្ពុជា
ព្រឹត្តិការណ៍, អត្ថបទពាណិជ្ជកម្ម
• 28/03/2024
ក្រុមហ៊ុន លីហ៊្វូដ សឺវីស ចាប់ដៃជាមួយក្រុមហ៊ុន យូនីលឹវើ ខេមបូឌា ដើម្បីលើកកម្ពស់ការផ្តល់ជូនផលិតផលនៅកម្ពុជា
អាជីវកម្មបរិយាបន្នចំនួន ៤ ដែលជួយដល់កសិករខ្នាតតូចនៅប្រទេសឥណ្ឌា
ធុរកិច្ចបរិយាបន្ន, ព្រឹត្តិការណ៍, អាជីវកម្មថ្មី និងនវានុវត្ត
• 28/03/2024
ស្របពេលដែលអាជីវកម្មបរិយាបន្នបន្តរីកចម្រើន និងច្នៃប្រឌិត ពួកគេមិនត្រឹមតែលើកកំពស់កសិករប៉ុណ្ណោះទេ ប៉ុន្តែថែមទាំងអាចជួយត្រួសត្រាយសម្រាប់កសិកម្មឥណ្ឌាផងដែរ