fbpx

សិប្បកម្មសេរ៉ាម៉ិចខ្មែរ ជួយថែអាជីពប្រពៃណី និងត្រូវការកិច្ចគាំទ្រពីសំណាក់ប្រជាជនក្នុងស្រុក

បើនិយាយពីសិប្បកម្មខ្មែរទាក់ទងនឹងស្មូន មនុស្សភាគច្រើនតែងគិតដល់ផលិតផលក្អម ចង្ក្រាន ឬឆ្នាំងដីដែលគេមិននិយមប្រើប្រាស់​ក្នុងជីវភាព​ប្រចាំថ្ងៃនា​ពេល​បច្ចុប្បន្នទៀតទេ។ ដោយឡែក លោកអ្នកធ្លាប់បានដឹងទេថា សិប្បកម្មសេរ៉ាមិចដែល​ជាមែកធាងមួយនៅក្នុងចង្កោមសិប្បកម្មស្មូនខ្មែរបាន​ផលិតជាសម្ភារៈ​ប្រើប្រាស់​ក៏ដូចជាវត្ថុអនុស្សាវរីយ៍ប្រណីតៗជាច្រើនប្រភេទ ដែលបានដាក់លក់នៅលើទីផ្សារ និងទទួលបានការគាំទ្រគួរឱ្យកត់សម្គាល់។

លោក សុន សីហាក់ ជាម្ចាស់សិប្បកម្ម «មរតកសេរ៉ាម៉ិច» មានទីតាំងនៅខេត្តសៀមរាបបានមានប្រសាសន៍ថា សិប្បកម្មមរតកសេរ៉ាម៉ិចបានបើកដំណើរការជាង 6ឆ្នាំ​មកហើយ និងទទួលបានការគាំទ្រពីសំណាក់បណ្តាជនបរទេសច្រើនជាងខ្មែរ ដែលភាគច្រើនពួកគេទិញយកទៅដាក់តាំងនៅក្នុងហាង សណ្ឋាគារ ភោជនីយដ្ឋាន ឬទីតាំងអាជីវកម្មរបស់ពួកគេ។ ប៉ុន្តែ នៅក្នុងអំឡុងពេលមានការរីករាលដាលនៃជំងឺកូវីដ-19នេះ វិស័យទេសចរណ៍បានធ្លាក់ចុះស្ទើរ​ដល់ចំណុច​សូន្យ ភ្ញៀវទេសចរបរទេសក៏កាត់បន្ថយ និងបានធ្វើឱ្យការលក់របស់សិប្បកម្មស្ទើរគ្រប់ប្រភេទមានការធ្លាក់ចុះផងដែរ ដោយសារតែអតិថិជនភាគច្រើន​ជា​ជន​បរទេស។

លោកបានបញ្ជាក់ថា ៖ «កាលពីមិនទាន់មានវិបត្តិនៃជំងឺកូវីដ19 ជាធម្មតាសិប្បកម្មរបស់ខ្ញុំអាចរកចំណូលបានដល់ទៅ 8,000 – 10,000ដុល្លាក្នុងមួយខែ ប៉ុន្តែបច្ចុប្បន្នបានធ្លាក់មកនៅត្រឹម 2,000-3,000ដុល្លារប៉ុណ្ណោះក្នុងមួយខែ ព្រោះក្រៅពីបាត់បង់អតិថិជនដែលជាជនជាតិបរទេស  សូម្បីតែម៉ូតដែលជាអ្នក​ទទួលយកទៅលក់បន្តនៅតាមបណ្តាខេត្តផ្សេងៗក៏មានការធ្លាក់ចុះខ្លាំងដែរ។ ប៉ុន្តែអ្វីដែលជាការគួរឱ្យកត់សម្គាល់ក្នុងមួយរយៈពេលចុងក្រោយ ឃើញមាន​អតិថិជន​ជាជនជាតិខ្មែរបានងាកមកចាប់អារម្មណ៍ និងគាំទ្រច្រើនបន្ទាប់ខ្ញុំព្យាយាមផ្សព្វផ្សាយតាមបណ្តាញសង្គម ខណៈដែលអតិថិជនជាភ្ញៀវបរទេសត្រូវ​បានកាត់បន្ថយ»។

ផលិតផលនៅក្នុងសិប្បកម្មមរតកសេរ៉ាម៉ិច មានសរុបជាង100មុខ រួមមាន សម្ភារៈផ្ទះបាយ គ្រឿងតុបតែងលម្អ វត្ថុអនុស្សាវរីយ៍ផ្សេងៗដូចជា រូបសត្វ កែវ ចាន ថូផ្កា ជាដើម ហើយភ្ញៀវក៏អាចធ្វើការកម្ម៉ង់បាន ជាមួយនឹងការរចនាម៉ូដដែលភាពរស់រវើក មានទាំងក្បាច់ផ្កា ឬរចនាបទបុរាណ និងសម័យ ព្រមជាមួយនឹងពណ៌​ល្អស្រស់ដែលធ្វើឱ្យផលិតផលរបស់សិប្បកម្មមួយនេះកាន់តែមានភាពលេចធ្លោរ និងទទួលបានការចាប់អារម្មណ៍សំណាក់អតិថិជន។ ដោយឡែក ចំពោះ​តម្លៃ​វិញ​គឺថ្លៃជាងផលិតផលដីឥដ្ឋធម្មតា ដោយសារតែទាំងតម្លៃវត្ថុធាតុដើម ថ្លៃឈ្នួលបុគ្គលិកជំនាញ ការចំណាយពេលធ្វើ រួមជាមួយនឹងការចំណាយផ្សេងៗ​ទៅលើការ​ផលិតក៏អស់ច្រើន ដូច្នេះផលចំណេញដែលទទួលបានក៏មិនច្រើននោះដែរ ឬជួនកាលអាចខាតថែមទៀតដោយសារការខូចខាតនៅពេលផលិត និងបាក់បែកនៅ​ពេលដឹកជញ្ជូនជាដើម។

ម្ចាស់សិប្បកម្មរូបនេះបានប្រាប់ឱ្យដឹងថា ផលិតផលនីមួយៗត្រូវការចំណាយពេលយូរជាងស្មូនឆ្នាំងធម្មតាដោយសារគេត្រូវការពេលប្រមាណ2សប្ដាហ៍ឡើងទៅក្នុងការធ្វើអាស្រ័យទៅលើទំហំសម្ភារៈតូច ឬធំ។ ដំបូងឡើយគេត្រូវសូនឱ្យចេញជារូបរាងកែវ ឬថូ ហើយទុកឱ្យស្ងួតល្អទើបអាចមកយកកាត់ អារ ឬឆ្លាក់ថែមថយជាម៉ូដផ្សេងៗរួចយកទៅដុត។ ដុតរួចម្ដងវា​មាន​ពណ៌ក្រហមដូចស្មូនដីធម្មតា បន្ទាប់មកគេយកទៅលាបពណ៌ ហើយដុតក្នុងឡម្ដងទៀតទើបអាចលក់បាន។ ចំពោះគុណភាពវិញ លោក សីហាក់ បានប្រាប់​ឱ្យ​​ដឹងផងដែរថា វារឹងមាំ និងធន់ជាងផលិតផលស្មូនធម្មតាដោយសារការដុតគេប្រើកម្ដៅក្ដៅជាង និងរយៈពេលយូរជាង។ ទោះជាយ៉ាងណាក៏ដោយ សិប្បកម្ម​របស់​លោកនៅតែបន្តការផលិតជារឿយៗទោះបីការលក់មានការធ្លាក់ចុះក៏គាត់ត្រូវការផលិត និងច្នៃម៉ូដថ្មីៗបម្រុងទុកចៀសវាងមានការយឺតយ៉ាវនៅពេលភ្ញៀវកម្ម៉ង់​ទំនិញ ព្រោះតែការផលិតមិនមែនងាយស្រួលនោះទេ។  

លោក សីហា បានប្រាប់ឱ្យដឹងពីដំណើរដើមទងនៃការបង្កើតសិប្បកម្មមរតកសេរ៉ាម៉ិចថា ដោយសារតែកត្តាជីវភាពខ្វះខាត លោកមិនបានរៀនសូត្រ​ច្រើន​ដូច​គេ​នោះទេ ម៉្យាងដោយសារតែមានឈាមជ័រជាអ្នកធ្វើក្អមឆ្នាំងនៅខេត្តកំពង់ឆ្នាំងជាច្រើនជំនាន់ផង នោះនៅក្នុងអំឡុងឆ្នាំ2002 លោកក៏បានចាប់រៀនជំនាញតែម្ដង។ បន្ទាប់ពីនោះលោកក៏បានចូលរៀនវគ្គខ្លីៗបន្ថែមទៀតជាមួយអង្គការនានាដែលបាននាំគ្រូបរទេសមកជួយបង្រៀនពីរបៀបធ្វើសេរ៉ាម៉ិចដែលធ្វើឱ្យគាត់បានរៀនចេះជំនាញថ្មីៗ និងកែច្នៃខ្លួនឯងបន្ថែមក្រៅពីស្មូនឆ្នាំងដីធម្មតា ហើយសម្រេចបើកជាសិប្បកម្មផ្ទាល់ខ្លួននៅក្នុងឆ្នាំ2015 ក្រោយទទួលបានបទពិសោធន៍​កាន់តែ​ច្រើន​បន្ទាប់ស៊ីឈ្នួលធ្វើស្មូនសេរ៉ាម៉ិចនៅក្នុងខេត្តសៀមរាបជាច្រើនឆ្នាំ ដោយផ្តើមចេញពីដើមទុនដំបូងប្រមាណ1ម៉ឺនដុល្លារ។

ចំពោះការផលិតគឺតម្រូវទាមទារឱ្យមានការយកចិត្តទុកដាក់ខ្ពស់ ការព្យាយាម និងអំណត់បំផុត ដោយត្រូវពិនិត្យទាំងកម្ដៅនៅពេលដុត ការមើលពណ៌ជាដើម បើមិនដូច្នោះទេ ក្រោយពេលដុតអាចផ្ទុះបែក ប្រេះ និងខូចខាតបានយ៉ាងងាយ។ អាជីវកម្មមួយនេះក៏ប្រឈមមុខនឹងបញ្ហាមួយចំនួនទៀតផងដែរ ជាពិសេស​បញ្ហាតម្លៃ ព្រោះវាជាផលិតផលធ្វើឡើងដោយដៃខុសប្លែកពីផលិតផលបរទេសដែលមានពុម្ពស្រាប់នោះទេ ម៉្យាងទៀត ចំពោះការបម្រែបម្រួលអាកាសធាតុក៏អាច​ធ្វើ​ឱ្យពណ៌របស់ផលិតផលប្រែប្រួលបាត់បង់សោភ័ណភាព និងធ្លាក់តម្លៃផងដែរ ដូច្នេះតម្រូវឱ្យតម្លៃដាក់លក់លើទីផ្សារខ្ពស់បន្តិច។

ជាមួយនឹងការបង្ហើបប្រាប់ពីទីផ្សារផលិតផលនៃសិប្បកម្មស្មូនសេរ៉ាម៉ិចខាងលើនេះ លោក សីហាក់ ក៏សំណូមពរដល់ ប្រជាពលរដ្ឋខ្មែរទូទៅ សូមជួយចូល​រួមផ្សព្វផ្សាយពីផលិតផលស្មូនសេរ៉ាម៉ិចខ្មែរឱ្យបានទូលាយ ក្នុងន័យជួយថែរក្សាវប្បធម៌ប្រពៃណីជាតិខ្មែរ ក៏ដូចជាជួយគាំទ្រដល់ផលិតក្នុងស្រុកផងដែរ៕

ព្រឹត្តិការណ៍, អចលនទ្រព្យ

Forbes ៖ ទីផ្សារអចលនទ្រព្យប្រទេសវៀតណាមនៅដើមឆមាស ទី២ ឆ្នាំ២០២១នៅតែដំណើរការល្អជាធម្មតា

នៅដើមឆមាសទី១ ឆ្នាំ២០២១នេះ វិស័យអចលនទ្រព្យនៅក្នុងប្រទេសវៀតណាមនៅតែបន្តមានភាពវិជ្ជមានដដែល
ព្រឹត្តិការណ៍, អត្ថបទពាណិជ្ជកម្ម

នាយករដ្ឋមន្ត្រីថ្មីទី13 របស់អ៊ីស្រាអ៊ែលមានប្រវត្តិជាបុរសខ្លាំង ទាំងកិច្ចការនយោបាយ យោធា និងពាណិជ្ជកម្ម

លោក Naftali Bennett គឺជាអ្នកនយោបាយជនជាតិអ៊ីស្រាអែលម្នាក់ដែលទើបតែបានប្រកាសសច្ចាប្រណិធានដើម្បីទទួលតំណែងជានាយករដ្ឋមន្ត្រីទី13 របស់ប្រទេសអ៊ីស្រាអែលដែលត្រូវ…
ជំនួញ, ព្រឹត្តិការណ៍

សិប្បកម្មផលិតផ្អកកំពឹសលក្ខណៈគ្រួសារតូច ប៉ុន្តែមានការគាំទ្រច្រើន​

ផ្អកកំពឹស ជាប្រភេទអាហារផ្អាប់មួយមុខរបស់ប្រជាជនខ្មែរ ដែលតែងនិយមបរិភោគជាមួយបន្លែអន្លក់ស្រស់ៗ ដូចជា ត្រសក់ ពពាយ យ៉ាងឆ្ងាញ់ពិសា
ព្រឹត្តិការណ៍, អចលនទ្រព្យ

សម្តេចតេជោអញ្ជើញប្រជាជនទូទាំងប្រទេសទៅទស្សនាសមិទ្ធផលនៅខេត្តព្រះសីហនុ

ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា អញ្ជើញប្រជាជនទូទាំងប្រទេសទៅទស្សនា សមិទ្ធផលនៃការរអភិវឌ្ឍនៅខេត្តព្រះសីហនុ
ព្រឹត្តិការណ៍, សេដ្ឋកិច្ច

ក្រសួងសាធារណការ ចេញវិធានការក្ដៅ រៀបចំដាក់ជញ្ជីងបង្កប់បង្រ្កាបរថយន្តដឹកលើសទម្ងន់

ក្រសួងសាធារណការ និងដឹងជញ្ជូន គ្រោងដាក់ជញ្ជីងបង្កប់ក្រោមដីនៅតាមផ្លូវធំសំខាន់ៗសម្រាប់តាមដាន់ និងចាប់រថយន្តល្មើសដឹកលើសទម្ងន់…..
ព្រឹត្តិការណ៍, សេដ្ឋកិច្ច

កម្ពុជាគាំទ្រអាស៊ានពិនិត្យលទ្ធភាពបើកទេសចរណ៍អន្តរជាតិឡើងវិញ

នៅក្នុងកិច្ចប្រជុំក្រុមការងារពាក់ព័ន្ធវិបត្តិទេសចរណ៍អាស៊ានលើកទី3 ដើម្បីវាយតម្លៃផលប៉ះពាល់នៃវិបត្តិកូវីដ-19 លើវិស័យទេសចរណ៍អាស៊ាន និងស្ដាប់ផែន…
ព្រឹត្តិការណ៍, សេដ្ឋកិច្ច

ចំណេះដឹង ៖ ស្វែងយល់ពីមូលនិធិអភិវឌ្ឍន៍ជំនាញ (SDF)

មូលនិធិអភិវឌ្ឍន៍ជំនាញ (SDF) គឺជាកម្មវិធីអភិវឌ្ឍន៍កម្លាំងពលកម្មឆ្លើយតបទៅនឹងតម្រូវការរបស់រោងចក្រសហគ្រាស។
ជំនួញ, ព្រឹត្តិការណ៍

យុទ្ធសាស្ត្រទីផ្សារចំនួន៥ អាចជម្រុញការលក់ផលិតផលក្នុងស្រុកបានយ៉ាងជោគជ័យ

សម័យបដិវត្តន៍ឧស្សាហកម្ម ៤.០ បច្ចេកវិទ្យា គឺជាកូនសោរដ៏សំខាន់ដើម្បីបើកទ្វារទីផ្សារដ៏មានប្រសិទ្ធភាពបំផុត ប៉ុន្តែក៏ទាមទារឲ្យគ្រប់គ្នាមានជំនាញដ៏ប្រាកដ និងត្រឹមត្រូវផងដែរ
ព្រឹត្តិការណ៍, អចលនទ្រព្យ

ឧកញ៉ា ឃាង ពុទ្ធី ៖ ការរាលដាលនៃជំងឺ Delta Variant អាចធ្វើឲ្យទីផ្សារអចលនទ្រព្យបន្តភាពមិនច្បាស់លាស់

ប្រធានក្រុមប្រឹក្សាភិបាលសមាគមអ្នកជំនាញអចលនទ្រព្យកម្ពុជា លោកឧកញ៉ា ឃាង ពុទ្ធី បានបញ្ជាក់ថា ប្រសិនបើការរាលដាលនៃជំងឺ Delta នៅកម្ពុជាកើនឡើង នឹងធ្វើឲ្យប៉ះពាល់ទី
ព្រឹត្តិការណ៍, អចលនទ្រព្យ

អចលនទ្រព្យបែបពាណិជ្ជកម្មនៅអាស៊ីប៉ាស៊ីហ្វិកស្ទុះឡើងវិញខ្លាំង

ទំហំវិនិយោគអចលនទ្រព្យប្រភេទពាណិជ្ជកម្មនៅក្នុងតំបន់អាស៊ីប៉ាស៊ីហ្វិកបានស្ទុះកើនឡើងវិញ មានទំហំ ៨៣,៥ ពាន់លានដុល្លារក្នុងរយៈពេល ៦ខែដើមឆ្នាំ២០២១ នេះ

AMS ECONOMY
@amseconomy