fbpx

មុខរបរដាំស្មៅអាត្រាតាំសម្រាប់ចំណីសត្វ អាចរកបានចំណូលតិច ប៉ុន្តែមានភាពយូរអង្វែង

មុខរបរដាំស្មៅ ស្តាប់ទៅដូចជាសាមញ្ញ និងមិនសូវមានការចាប់អារម្មណ៍នោះទេ ប៉ុន្តែមុខរបរមួយនេះក្រៅពីអាចធានាបាននូវការផ្គត់ផ្គង់ជាចំណីសត្វ​ចិញ្ចឹមមួយចំនួនដូចជា គោ ក្របី ដំរី ជ្រូក មាន់ ទា ជាដើម ហើយអាចផ្តល់នូវប្រាក់ចំណូលជាប្រចាំដល់អ្នកដាំតាមរយៈ​ការលក់ស្មៅប្រភេទនេះ​ទៅឱ្យ​កសិករ ឬកសិដ្ឋានចិញ្ចឹមសត្វ​​ថែម​ទៀតផង។

អាត្រាតាំ គឺជាប្រភេទស្មៅម្យ៉ាងដែលត្រូវបានគេដាំសម្រាប់ធ្វលជាចំណីសត្វចិញ្ចឹម ដូចជា មាន់ ទា គោ ក្របី និងដំរីស៊ី ជាដើម។ ជាទូទៅការដាំស្មៅ​ប្រភេទ​នេះ ត្រូវប្រើពេលជាង30ថ្ងៃ ឬជាងមួយខែ ទើបអាចប្រមូលផលបាន ហើយអាចច្រួតកាត់ជាបន្តបន្ទាប់រហូតដល់ប្រមាណ6ខែបន្ទាប់ពីការដាំដុះ។

កញ្ញា សាវើយ ម៉ាស្យា ជាកសិករមួយរូបរស់នៅខេត្តបាត់ដំបង និងជាអ្នកដាំស្មៅអាត្រាតាំសម្រាប់ជាចំណីសត្វចិញ្ចឹមផ្ទាល់ខ្លួនផង និងលក់គ្រាប់​ពូជ​ស្មៅ​បន្តទៅឱ្យប្រជាកសិករដែលចង់ដាំផង។ កញ្ញាបានលើកឡើងថា ការដាំស្មៅអាត្រាតាំសម្រាប់ចិញ្ចឹមសត្វគឺជាជម្រើសល្អថ្មីមួយ ដែលប្រជាកសិករភាគ​ច្រើនសុទ្ធតែអាចមានលទ្ធភាពធ្វើបាន ហើយមានភាពងាយស្រួល ដោយគ្រាន់តែមានផ្ទៃដីធំទូលាយសម្រាប់ដាំដុះតែប៉ុណ្ណោះ។

កញ្ញា ម៉ាស្យា បានបញ្ជាក់ប្រាប់ AMS ថា ៖

“មួយរយៈពេលចុងក្រោយនេះ មានកសិករច្រើនគួរសមដែលងាកមកទិញគ្រាប់​ពូជស្មៅអាត្រាតាំទៅដាំ​ដោយ​ខ្លួនឯង ដោយសារតែវាមានភាពងាយស្រួលក្នុងការដាំ ពោលគឺគ្រាន់តែមានដីទំនេរធំទូលាយសម្រាប់ដាំតែប៉ុណ្ណោះ មិនពិបាកក្នុងការថែទាំដាក់ទឹក ដាក់ជីដូចដំណាំផ្សេងនោះទេ ទោះទុកចោលក៏វាដុះលូតលាស់បានដែរ”

កញ្ញាបន្តទៀតថា ៖

“វាខាតពេលនៅក្នុងការដាំពីដំបូងក៏ពិតមែន ប៉ុន្តែដាំតែម្ដងយើងអាចច្រូតបានរហូត។ ក្រោយពេលច្រូតលើកទី1 យើងទុកឲ្យវាដុះ​ចោល​ត្រឹមកន្លះខែទៅមួយខែក្រោយទៀតគឺអាចធ្វើការច្រូតប្រមូលផលបានសាជាថ្មីវិលជុំប្រមាណ5-6ដងទើបអស់លទ្ធភាពលែងលូតលាស់”

ពាក់ព័ន្ធទៅនឹងការនាំយកពូជស្មៅប្រភេទនេះមកដាំដុះ កញ្ញា សាវើយ ម៉ាស្យា បានប្រាប់ឱ្យដឹង ពូជស្មៅអាត្រាតាំកញ្ញាបានទិញយកមកពីប្រទេសថៃ ដោយដំបូងឡើយសាកល្បងដាំដោយខ្លួនឯងសម្រាប់ផ្គត់ផ្គង់ចំណីសត្វចិញ្ចឹមផ្ទាល់ខ្លួនតែប៉ុណ្ណោះ ប៉ុន្តែដោយសារតែឃើញទទួលបានផលល្អ កញ្ញាក៏មាន​បំណងផ្សព្វផ្សាយចែករំលែកបទពិសោធន៍ទៅដល់ប្រជាកសិករដែលកំពុងចិញ្ចឹមសត្វដូចជា ព្រោះវាអាចចំណេញបានច្រើន កាត់បន្ថយការទិញចំណី​សត្វគ្រាប់ដែលនាំចូលពីក្រៅប្រទេស និងមានតម្លៃថ្លៃ ហើយសត្វចិញ្ចឹមក៏មានសុខភាពល្អ និងឆាប់ធំធាត់។ ក្រៅពីនេះ កសិករក៏អាចលក់ស្មៅ​បន្តទៅ​ឱ្យ​អ្នកចិញ្ចឹមសត្វដទៃទៀតដែលមិនមានដីទំនេរសម្រាប់ដាំ ហើយវាក៏ជាប្រភពចំណូលមួយបន្ថែមពីលើការចិញ្ចឹមសត្វរបស់ពួកគេផងដែរ។

កញ្ញាបានបញ្ជាក់ថា ស្មៅអាត្រាតាំ គេអាចធ្វើការដាំដុះនៅលើដីក៏បាន ឬដាំនៅលើទឹកក៏បាន ដោយគ្រាប់ពូជមានតម្លៃខុសគ្នាតែបន្តិចបន្តួចប៉ុណ្ណោះ។ ចំពោះគ្រាប់ពូជស្មៅសម្រាប់ដាំនៅលើដី 1កញ្ចប់មានតម្លៃប្រមាណ15ដុល្លារ ហើយគ្រាប់ពូជសម្រាប់ដាំនៅលើទឹក 1កញ្ចប់មានតម្លៃប្រមាណ17ដុល្លារ ដែលជាទូទៅផ្ទៃដីទំហំ1ហិកតា ត្រូវប្រើគ្រាប់ពូជសាបព្រួសប្រមាណជាង10កញ្ចប់។

​នៅក្នុងឱកាសនេះ កញ្ញា ម៉ាស្យា បានផ្ដល់ជាយោបល់ថា ប្រជាកសិករគួរតែងាកមកធ្វើការផលិត​ចំណីសត្វដោយខ្លួនឯងស្របទៅ​តាមសេចក្ដីប្រកាស​របស់​ក្រសួងកសិកម្ម ក៏ដូចជាបង្កើនផលិតភាពកសិកម្មគ្រួសារដោយធ្វើយ៉ាងណាអាចកាត់បន្ថយការចំណាយឲ្យបានកាន់តែច្រើនបំផុតតាមដែលអាចធ្វើ​ទៅ​បាន។ ការលើកកម្ពស់បង្កើនផលិតកម្មចិញ្ចឹមសត្វតាមរយ:ការផលិតចំណីដោយខ្លួនឯងដែលមានគុណភាពល្អ និងតម្លៃសមរម្យឆ្លើយតបតាមតម្រូវការ​ក្នុងស្រុក​ជារឿងមួយ​ដែល​ប្រជាកសិករខ្មែរគួរគិតគូរ ជាពិសេសក្នុងដំណាក់កាលនៃជំងឺកូវីដ19នេះ ដើម្បីការបន្ថយចំណាយដែលមិនចាំបាច់៕

ព្រឹត្តិការណ៍, សេដ្ឋកិច្ច

ចិនចាប់ខ្លួនមនុស្សជាង ១,០០០ នាក់ពាក់ព័ន្ធនឹងករណីលាងលុយតាមរយៈរូបិយបណ្ណអេឡិចត្រូនិក

បរទេស៖ ក្រសួងទទួលបន្ទុកកិច្ចការងារសន្តិសុខសាធារណៈរបស់ប្រទេសចិននៅថ្ងៃចុងសប្តាហ៍កន្លងទៅនេះបានប្រកាសថាបានចាប់ខ្លួនមនុស្សប្រមាណជា 1,100 នាក់ដែលមានការ…..
ជំនួញ, ព្រឹត្តិការណ៍

ឥណ្ឌាអាចនឹងរកឃើញកំណប់សេដ្ឋកិច្ចបៃតងតម្លៃជាង១៥ទ្រីលានដុល្លារ

ឥណ្ឌាអាចទាញយកផលប្រយោជន៍ជាច្រើនបូករួមទាំងសេដ្ឋកិច្ចដែលមានទំហំរហូទទៅដល់១៥ទ្រីលានដុល្លារ ពិសេសអាចបង្កើតការងារថ្មីជូនពលរដ្ឋ
ព្រឹត្តិការណ៍, សេដ្ឋកិច្ច

កិច្ចព្រមព្រៀងពាណិជ្ជកម្មសេរីដ៏ធំជាងគេលើពិភពលោក RCEP នឹងចូលជាធរមាននៅដើមឆ្នាំក្រោយ

កិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយក្នុងតំបន់ (RCEP) ដែលជាកិច្ចព្រមព្រៀងពាណិជ្ជកម្មសេរីធំជាងគេលើពិភពលោកនឹងចូលជាធរមានជាផ្លូវការចាប់ពីថ្ងៃទី១ ខែមករា
ព្រឹត្តិការណ៍, សេដ្ឋកិច្ច

WHO ៖ កម្ពុជានៅមានក្តីសង្ឃឹមក្នុងការបង្វែរស្ថានការណ៍កូវីដ-19 ឱ្យប្រសើរឡើង

តំណាងអង្គការសុខភាពពិភពលោកប្រចាំកម្ពុជាបានថ្លែងថា ស្ថានភាពជំងឺកូវីដ-19នៅកម្ពុជាមិនទាន់ហួសពេលទេ ក្នុងការបង្វែរស្ថានការណ៍ ឱ្យបានប្រសើរឡើងបើទោះជាតួ…
ព្រឹត្តិការណ៍, សេដ្ឋកិច្ច

អ្នកជំនាញសេដ្ឋកិច្ច ៖ ការរាលដាលជំងឺកូវីដ-19 នៃសហគមន៍ ២០កុម្ភៈកាន់តែធំ កាន់តែប៉ះពាល់ដល់សេដ្ឋកិច្ច

សន្ទុះនៃការឆ្លងជំងឺកូវីដ-19 នៃព្រឹត្តិការណ៍សហគមន៍ 20កុម្ភៈត្រូវបានរាជរដ្ឋាភិបាលនៅតែបន្តស្វែងរកអ្នកពាក់ព័ន្ធ ដោយបានបិទទីកន្លែង
ព្រឹត្តិការណ៍, សេដ្ឋកិច្ច

ចុងត្រីមាសទី១ ដើមឆ្នាំ2021 រដ្ឋាភិបាលកម្ពុជាទទួលបានទុន​វិនិយោគបន្ថែមជិត 70 លាន​ដុល្លារ

គិតត្រឹមសប្ដាហ៍ទី3នៃចុងត្រីមាសទី1ដើមឆ្នាំ2021 បើទោះជាកំពុងស្ថិតនៅក្នុងស្ថានភាពដែលកំពុងប្រឈមនឹងវិបត្តិនៃជំងឺឆ្លងកូវីដក្នុងសហគមន៍ ប៉ុន្តែ​រាជរដ្ឋាភិបាលកម្ពុជានៅតែបន្តទទួលបានលំហូរទុនវិនិយោគថ្មីដែលមាន…
ព្រឹត្តិការណ៍, អចលនទ្រព្យ

វីឡាប្រណីតតម្លៃរាប់លានដុល្លារនៅទីក្រុងឌូបៃមានការទិញលក់យ៉ាងសកម្មមិនធ្លាប់មាន

ខណៈពេលដែលសេដ្ឋកិច្ចនៅតាមបណ្តាប្រទេសជាច្រើននៅលើសាកលលោកកំពុងបន្តជួបឱនភាពដែលបណ្តាលមកពីវិបត្តិសាកលនោះ ងាកទៅកាន់ទីក្រុងឌូបៃ នៃប្រទេសអារ៉ាប៊ីស…
ព្រឹត្តិការណ៍, សេដ្ឋកិច្ច

ស្ត្រីលើពិភពលោកបាត់បង់ចំណូលជាង 800ពាន់លានដុល្លារក្នុងអំឡុងពេលមានវុបត្តិកូវីដ-19

ការស្រាវជ្រាវមួយដែលត្រូវបានធ្វើឡើងដោយ Oxfam និងចេញផ្សាយដោយ The WEForum បានរកឃើញថា ចំណូលសរុបរបស់ស្ត្រីនៅលើ​ពិភពលោក​បានបាត់បង់ក្នុងអំឡុងពេលកូវី…
ជំនួញ, ព្រឹត្តិការណ៍

ក្រុមហ៊ុនកែច្នៃធំៗកំពុងប្រមូលទិញមើមខ្ទឹម ខណៈតម្រូវការទីផ្សារអាចកើនឡើងខ្លាំងក្នុងរយៈពេល៤ឆ្នាំខាងមុខ

ផលិតផលមើមខ្ទឹមបានក្លាយជាផលិតដែលមានទីផ្សារខ្ពស់ ខណៈដែលមានការព្យាករណ៍ថា អត្រាកើនឡើងនៃតម្រូវការទីផ្សារ និងតម្លៃអាចនឹងកើនឡើងខ្ពស់ខ្លាំងនៅត្រឹមរយៈពេល៤ឆ្នាំ
ព្រឹត្តិការណ៍, សេដ្ឋកិច្ច

អ្នកសេដ្ឋកិច្ចនិយាយពីផលប៉ះពាល់ និងសារប្រយោជន៍នៃបំរាមគោចរនៅទូទាំងរាជធានីភ្នំពេញ

មានការលើកឡើងផ្សេងៗពីគ្នាជាច្រើនពាក់ព័ន្ធទៅនឹងការដាក់បំរាមគោចររយៈពេល14ថ្ងៃនៅទូទាំងរាជធានីភ្នំពេញ ដោយក្នុងនោះមានទាំង​ការ​លើកឡើង​​ពីផលប៉ះពាល់ដល់ប្រយោជន៍

AMS ECONOMY
@amseconomy