មតិជាច្រើនជំរុញឱ្យមានការអនុញ្ញាតលើការដឹកទំនិញលក់តាមរឺម៉ក់ចល័តតូចៗក្នុងភូមិសាស្ត្ររាជធានី

មានមតិជាច្រើនបានលើកឡើងពីផលលំបាកក្នុងការស្វែងរកទិញទំនិញចាំបាច់សម្រាប់ផ្គត់ផ្គង់ការរស់នៅប្រចាំថ្ងៃ ជាពិសេសម្ហូបអាហារបន្ទាប់ពីមានការបិទផ្សារជាច្រើននៅទូទាំងរាជធានីភ្នំពេញ ដែលកំពុងអនុវត្តវិធនាការបិទខ្ទប់ដើម្បីទប់ស្កាត់ការរីករាលដាលនៃជំងឺកូវីដ-19ក្នុងសហគមន៍ដ៏គួរឱ្យព្រួយបារម្ភនាពេលបច្ចុប្បន្ន។

ឯកឧត្តម ខៀវ កាញារីទ្ធ រដ្ឋមន្ត្រីក្រសួងព័ត៌មាន បានលើកឡើងថា ឃើញក្រសួងពាណិជ្ជកម្មចាត់ចែងបើកស្តង់លក់ទំនិញក្នុងពេលបិទខ្ទប់ នេះជាគំនិត​ផ្តួច​ផ្តើម​​មួយល្អ។ ប៉ុន្តែខ្ញុំគិតលេងៗថា ក្រសួងពាណិជ្ជកម្មអាចលក់បង់រំលស់ជូនអ្នកដែលមិនមានលុយគ្រប់គ្រាន់ ហើយអនុញ្ញាតឱ្យអ្នកលក់ដូរ​ធម្មតា​លក់​​នៅជិត​នោះសម្រាប់អ្នកមានលុយគ្រប់គ្រាន់។ ធ្វើយ៉ាងនេះយើងជួយអ្នកមានជីវភាពខ្វះខាតផង អនុញ្ញាតឱ្យប្រជាពលរដ្ឋ(អ្នកចាក់វ៉ាក់សាំងបាន2លើក​ហើយ)​មានប្រភពចំណូលវិញផង ឬបើមិនចង់ស្មុគស្មាញលក់រំលស់ទេ ក្រសួងមិនបាច់លក់ ហើយទុកឱ្យឯកជនទាំងអស់ក៏បាន( ក្រសួងត្រួតពិនិត្យតម្លៃ) ធ្វើបែបនេះ គឺមន្ត្រីរាជការមិនលំបាកនឹងមកលក់ដូរផងដែរ។

លោកបណ្ឌិត ច័ន្ទ សុផល អ្នកជំនាញវិភាគសេដ្ឋកិច្ចឯករាជ្យកម្ពុជាបានមានប្រសាសន៍ថា ៖

“ខ្ញុំគាំទ្រការបិទផ្សារទាំងអស់ដែលមានមនុស្សច្រើន និង​គ្រប់គ្រង​ហានិភ័យចម្លងមេរោគកូរ៉ូណាមិនបាន ក៏ប៉ុន្តែ គួរមានការអនុញ្ញាតឱ្យលក់ទំនិញបរិភោគ លក្ខណៈតូចៗដោយមានវិធានការគ្រប់គ្រង​ហានិភ័យ​បាន ដូចជាការលក់តាមផ្ទះ និងតាមរ៉ឺម៉ក។ បើបិទតែមួយ ឬពីរសប្តាហ៍អាចថាមិន​បាច់គិតរឿង​នេះបាន។ ប៉ុន្តែ បើបិទខ្ទប់ពីមួយខែឡើងទៅត្រូវតែគិតរឿងនេះ។ ភាគច្រើននៃមនុស្សដែលឆ្លងមេរោគ ហើយមិនឈឺធ្ងន់  គឺដោយសារមានសុខភាពល្អមិនមែនដោយសារថ្នាំទេ”

លោកលើកឡើងថា បន្លែនៅចម្ការចុះថោកដោយខ្វះអ្នកទិញ ពីព្រោះផ្សារជាច្រើននៅទូទាំងប្រទេសត្រូវបានបិទ។ រីឯបន្លែនៅទីក្រុងភ្នំពេញ​ឡើង​ថ្លៃដោយ​ខ្វះអ្នកលក់។ តម្រូវការបន្លែស្រស់នឹងកើនឡើងក្រោយពេលប្រជាពលរដ្ឋបានបរិភោគមីកញ្ចប់ ត្រីខកំប៉ុង ឬអាហារក្រៀមអស់មួយ ឬពីរសប្តាហ៍។ ដូច្នេះ គួរមានការជំរុញឱ្យមានការលក់បន្លែ ត្រី សាច់ ដោយរ៉ឺម៉កចល័តតាមភូមិនៅក្នុងរាជធានីភ្នំពេញ និងទីក្រុងដែលត្រូវបានបិទខ្ទប់។

លោកបណ្ឌិត ច័ន្ទ សុផល បានបញ្ជាក់ថា ៖

“ខ្ញុំយល់ថា អាជ្ញាធរគួររៀបចំបង្កើតផ្សារលក់ដុំជាបណ្តោះអាសន្នថែមទៀត ក្រៅពីនៅទីក្រុងតាខ្មៅ ដើម្បី​អាជីវករ​អាចទៅទិញទំនិញយកមកជិះលក់តាមភូមិ និងដើម្បីជាទីផ្សារសម្រាប់លក់បន្លែរបស់កសិករផង។ ការធ្វើដូច្នេះនឹងជំរុញដល់ផលិតកម្មបន្លែ ត្រី សាច់ នៅក្នុងស្រុក ខណៈដែលមានការបញ្ឈប់នាំមកពីប្រទេសវៀតណាមជាបណ្ដោះអាសន្ន។ ប្រសិនបើយន្តការនេះត្រូវបានអនុវត្តបានល្អវាអាចឈាន​ទៅជាភាព​ឈ្នះ​យូរអង្វែងផង ក្នុងការជំនួសឱ្យការនាំចូលបន្លែគីមីមួយចំនួនធំ”

អ្នកស្រី សុវណ្ណា ជាពលរដ្ឋរស់នៅសង្កាត់បឹងត្របែក ខណ្ឌចំការមន រាជាធានីភ្នំពេញ បានមានប្រសាសន៍ថា​ ចាប់តាំងពីអនុវត្តវិធានការបិទក្រុង ជាពិសេស​ក្នុងរយៈពេលជិតមួយសប្ដាហ៍ចុងក្រោយនេះ ក្រៅពីបាត់បង់ចំណូលប្រចាំថ្ងៃថែមទាំងមានភាពលំបាកក្នុងការស្វែងរកទំនិញសម្រាប់ម្ហូប​អាហារ​ប្រចាំថ្ងៃថែមទៀត ព្រោះទីតាំងដែលធ្លាប់ដាក់លក់នៅក្នុងតំបន់ត្រូវបានបិទអស់។

អ្នកស្រីបានបញ្ជាក់ថា ៖

“ពីមុន ក្រៅពីមានកន្លែងដូរនៅក្នុងភូមិ ថែមទាំងមានអ្នកដឹកបន្លែ ត្រី សាច់ ដែលផ្តោតសំខាន់លើម្ហូបអាហារ​ប្រចាំថ្ងៃ​ចល័ត​តាម​ម៉ូតូ ឬរឺម៉ក់ជាដើម មិនពិបាករឿងម្ហូបអាហារនោះទេ ប៉ុន្តែប៉ុន្មានថ្ងៃនេះទោះជាមានលុយក៏ពិបាកទិញដែរ។ ខ្ញុំឮគេថា មានឡានក្រសួងចេញលក់ក្នុងតំបន់ ប៉ុន្តែនៅតំបន់ខ្ញុំរស់នៅនេះគ្មានឡានណាចូលមកដល់ទេ អាចមកពីផ្លូវចូលតូចចង្អៀតឡានចូលមិនដល់ក៏ថាបាន ប៉ុន្តែជាក់ស្ដែងគឺអត់មានឡានចូលតែម្ដង”

នៅក្នុងឱកាសនេះ អ្នកស្រី សុវណ្ណា បានសំណូមពរដល់ថ្នាក់ដឹកនាំមេត្តាជួយសម្រួលដល់ការដឹកជញ្ជូនផ្នែកលក់ទំនិញម្ហូបអាហារចល័តដូចជាម៉ូតូ ឬរឺម៉ក់​តូចៗ​ដែលចូលបានគ្រប់ច្រកល្ហកផង ព្រោះបើនៅតែក្នុងផ្ទះ ហើយខ្វះផ្នែកម្ហូបអាហាទៀត អាចនឹងពិបាកខ្លាំងជាក់ជាមិន៕

របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ក្រុមហ៊ុន លីហ៊្វូដ សឺវីស ចាប់ដៃជាមួយក្រុមហ៊ុន យូនីលឹវើ ខេមបូឌា ដើម្បីលើកកម្ពស់ការផ្តល់ជូនផលិតផលនៅកម្ពុជា

ព្រឹត្តិការណ៍, អត្ថបទពាណិជ្ជកម្ម

• 28/03/2024

ក្រុមហ៊ុន លីហ៊្វូដ សឺវីស ចាប់ដៃជាមួយក្រុមហ៊ុន យូនីលឹវើ ខេមបូឌា ដើម្បីលើកកម្ពស់ការផ្តល់ជូនផលិតផលនៅកម្ពុជា

ទោះបីជាខ្លាំងទាំងការអភិវឌ្ឍ ខ្លាំងទាំងសេដ្ឋកិច្ច-នយោបាយ តែអាមេរិកមិនមើលរំលងទីផ្សារចិញ្ចឹមគោយកសាច់ឡើយ

ព្រឹត្តិការណ៍, សេដ្ឋកិច្ច

• 28/03/2024

ការចិញ្ចឹមសត្វគោនិងឧស្សាហកម្មផលិតសាច់គោប៉ុណ្ណោះសហរដ្ឋអាមេរិកអាចទាញរកចំណូលបានទៅដល់រាប់ពាន់លានដុល្លារជារៀងរាល់ឆ្នាំនិងថែមទាំងមានឈ្មោះជា អ្នកផលិតសាច់គោច្រើនជាងគេបំផុតរបស់ពិភពលោក

វិស័យធនាគារ និងមីក្រូហិរញ្ញវត្ថុនៅកម្ពុជា រួមគ្នាអនុវត្ត និងអភិវឌ្ឍកម្មវិធីចំណេះដឹងហិរញ្ញវត្ថុ

ព្រឹត្តិការណ៍, ហិរញ្ញវត្ថុ

• 28/03/2024

សមាគមធនាគារនៅកម្ពុជា និងសមាគមមីក្រូហិរញ្ញវត្ថុកម្ពុជា បានរៀបចំសិក្ខាសាលាពិគ្រោះយោបល់ជាមួយភាគីពាក់ព័ន្ធស្តីពី «វឌ្ឍនភាព និងទិសដៅអភិវឌ្ឍកម្មវិធីចំណេះដឹងហិរញ្ញវត្ថុ»

ប្រើជំនាញកសិកម្មបើកកសិដ្ឋានចិញ្ចឹមឃ្មុំទទួលបានផលជោគជ័យគួរឱ្យជាទីមោទនៈ

ជំនួញ, ព្រឹត្តិការណ៍

• 28/03/2024

បារាយណ៍ហាន់នី ជាកសិដ្ឋានចិញ្ចឹមឃ្មុំមួយត្រូវបានបង្កើតឡើងដោយនិស្សិតជំនាញវិទ្យាសាស្ត្រព្រៃឈើ ហើយប្រើប្រាស់ជំនាញនេះមកចិញ្ចឹមឃ្មុំអាចប្រមូលផលបាន ១តោនក្នុងមួយរដូវកាល

ច្បាប់​វិនិយោគថ្មី ៖ រាជរដ្ឋាភិបាល​លើកទឹកចិត្ត ​និងអនុគ្រោះ​លើ​សកម្មភាព​វិនិយោគ​តាមវិស័យ​ចំនួន​១៩

ព្រឹត្តិការណ៍, អចលនទ្រព្យ

• 28/03/2024

ច្បាប់វិនិយោគថ្មីនៃព្រះរាជាណាចក្រកម្ពុជា​កំពុង​ទទួលបាន​កា​រចាប់អារម្មណ៍​ និងទាក់ទាញ​វិនិ​យោ​គិនមកពីក្រៅប្រទេស​ជាបន្តបន្ទាប់​ឱ្យចូលមកវិនិយោគ ​និងពង្រីក​ការ​វិនិ​យោគ​បន្ថែមនៅក្នុងប្រទេស​កម្ពុជា

World Bank ៖ កម្ពុជាអាចសម្រេចគោលដៅដ៏មានមហិច្ឆតារបស់ខ្លួនក្នុងការបង្កើនចំនួន​យានយន្ត​​អគ្គិសនីនៅលើដងផ្លូវ

ព្រឹត្តិការណ៍, សេដ្ឋកិច្ច

• 28/03/2024

World Bank បានឱ្យដឹងថា ប្រទេសកម្ពុជាអាចសម្រេចគោលដៅដ៏មានមហិច្ឆតារបស់ខ្លួន ក្នុងការបង្កើនចំនួនយានយន្តអគ្គិសនីនៅលើដងផ្លូវ

យុវជនសម័យថ្មីមានទំនោរគាំទ្រអាជីវកម្មបែបទំនើប

ព្រឹត្តិការណ៍, សេដ្ឋកិច្ច

• 28/03/2024

ជាការពិត ការហូរចូលមកនូវប្រព័ន្ធឌីជីថល បានធ្វើឱ្យមានការប្រែប្រួលយ៉ាងខ្លាំងនៅក្នុងស្ថានភាពរស់នៅប្រចាំថ្ងៃរបស់ប្រជាជនកម្ពុជាដែលកាន់តែមានភាពទំនើបកម្មជាងមុន ជាពិសេសបណ្តាមិត្តយុវវ័យកាន់តែមានទំនោរគាំទ្រទៅលើអ្វីដែលថ្មី ប្លែក និងទំនើប...

អាជីវកម្មបរិយាបន្នចំនួន ៤ ដែលជួយដល់កសិករខ្នាតតូចនៅប្រទេសឥណ្ឌា

ធុរកិច្ចបរិយាបន្ន, ព្រឹត្តិការណ៍, អាជីវកម្មថ្មី និងនវានុវត្ត

• 28/03/2024

ស្របពេលដែលអាជីវកម្មបរិយាបន្នបន្តរីកចម្រើន និងច្នៃប្រឌិត ពួកគេមិនត្រឹមតែលើកកំពស់កសិករប៉ុណ្ណោះទេ ប៉ុន្តែថែមទាំងអាចជួយត្រួសត្រាយសម្រាប់កសិកម្មឥណ្ឌាផងដែរ

ពិព័រណ៍ទេសចរណ៍ និងពាណិជ្ជកម្មឆ្នាំ២០២៤ នៅក្រុងព្រះសីហនុ ជំរុញការវិនិយោគ និងបង្កើតផលិតផលទេសចរណ៍ថ្មីៗ

ព្រឹត្តិការណ៍, សេដ្ឋកិច្ច

• 28/03/2024

«ទេសចរណ៍ផ្តល់ឱកាសសម្រាប់ទាំងអស់គ្នា» ជាប្រធានបទនៅក្នុងព្រឹត្តិការណ៍តាំងពិព័រណ៍ទេសចរណ៍ និងពាណិជ្ជកម្មឆ្នាំ២០២៤ ដែលធ្វើឡើងនៅក្រុងព្រះសីហនុ ចាប់ពីថ្ងៃទី២៦-៣០ ខែមីនា ឆ្នាំ២០២៤

ទិវាជាតិវិទ្យាសាស្ត្រ បច្ចេកវិទ្យា និងនវានុវត្តន៍លើកទី២ បិទបញ្ចប់ជាមួយនឹងក្តីសង្ឃឹមសម្រាប់អនាគតផ្នែកវិទ្យាសាស្ត្ររបស់កម្ពុជា

ព្រឹត្តិការណ៍, សេដ្ឋកិច្ច

• 27/03/2024

ទិវាជាតិវិទ្យាសាស្ត្រ បច្ចេកវិទ្យា នវានុវត្តន៍លើកទី២ បានបញ្ចប់ទៅយ៉ាងជោគជ័យ ជាមួយនឹងការអបអរសាទរយ៉ាងក្លៀវក្លានៃកិច្ចសហប្រតិបត្តិការភាពច្នៃប្រតិដ្ឋ