រដ្ឋមន្ត្រីក្រសួងកសិកម្មអះអាងថា កម្ពុជាមានលទ្ធភាពគ្រប់គ្រាន់ក្នុងការផ្គត់ផ្គង់បន្លែនៅទូទាំងប្រទេស

រដ្ឋមន្ត្រីក្រសួងកសិកម្ម រុក្ខប្រមាញ់ និងនេសាទ ឯកឧត្តម វេង សាខុន បានមានអះអាងថា កម្ពុជាមានលទ្ធភាពគ្រប់គ្រាន់ក្នុងការផ្គត់ផ្គង់តម្រូវការនៅទូទាំង​ប្រទេស ហើយថែមទាំងអាចមានសមត្ថភាពធ្វើការនាំចេញទៅកាន់ទីផ្សារក្រៅស្រុកថែមទៀតផង។

ជាការឆ្លើយតបទៅនឹងការលើកឡើងដោយគ្មានមូលដ្ឋានច្បាស់លាស់ និងគ្រប់គ្រាន់ថាកម្ពុជាត្រូពឹងផ្អែកមួយចំណែកធំទៅលើការនាំចូលបន្លែពីប្រទេស​ជិត​ខាង ជាពិសេសប្រទេសវៀតណាមនោះ រដ្ឋមន្ត្រីក្រសួងកសិកម្មបានអះអាងថា កម្ពុជាមិនត្រឹមតែអាចផ្គត់ផ្គង់តម្រូវការបន្លែក្នុងប្រទេសគ្រប់គ្រាន់នោះទេ ប៉ុន្តែ​ថែម​ទាំងអាចនាំចេញទៅទីផ្សារក្រៅប្រទេសថែមទៀតផង។

ឯកឧត្តម វេង សាខុន បានបញ្ជាក់តាមរយៈសចក្ដីប្រកាសកាលពីល្ងាចថ្ងៃទី21 ខែមេសា ឆ្នាំ2021ថា ជាទូទៅតម្រូវការបន្លែក្នុង​ស្រុកប្រចាំឆ្នាំមាន​ប្រមាណ1លាន​តោន ប៉ុន្តែការផលិត និងផ្គត់ផ្គង់ក្នុងស្រុកបានប្រមាណ ០,75លានតោន។ ដូច្នេះយើងអាចផ្គត់ផ្គង់បានប្រហែល 75ភាគរយជាមធ្យម (អាចប្រែប្រួលតាមរដូវ ពោលគឺនៅរដូវប្រាំង ក្រោម70ភាគរយ និងរដូវរំហើយ80ភាគរយ)។ ដោយឡែកសម្រាប់ការនាំចូលបន្លែកម្ពុជា គឺជាប្រភេទ​បន្លែ​តំបន់​ត្រជាក់មួយចំនួនតូចដែលពិបាកដាំនៅកម្ពុជាតែប៉ុណ្ណោះ។

បច្ចុប្បន្ននេះ កម្ពុជាមិនមែនខ្វះផលិតផលបន្លែក្នុងស្រុកទេ ផ្ទុយទៅវិញកសិករដាំបន្លែ និងបណ្ដាកសិករជាច្រើនកំពុងប្រមូលផលបន្លែ ប៉ុន្តែលំបាកដឹក​មក​លក់​នៅភ្នំពេញបានដោយសារវិធានការបិទខ្ទប់ការវាលដាលជំងឺកូវីដ-19។ ជាក់ស្ដែង តំណាងបណ្តាកសិករនៅស្រុកស្អាង ខេត្តកណ្តាល បានឱ្យដឹងថានៅ​ក្នុង​អំឡុងពេលបិទខ្ទប់នេះ កសិករពិបាកលក់បន្លែដោយសារចំនួនអ្នកប្រមូលទិញបន្តថយចុះ។ នៅផ្សារអីអន ផ្សារភូមិកសិកម្មធម្មជាតិ និងហាងផ្សារខ្មែរ​បន្លែ​ធម្មជាតិលក់បន្លែសុវត្ថិភាពគ្មានជាតិគីមី ខ្លះទៀតក៏ពុំមានបន្លែលក់គ្រប់គ្រាន់ដែរ ដោយសារមានការបិទផ្លូវ ពិបាកដឹកយកមកភ្នំពេញ ជាពិសេសក្រុម​កសិករ​នៅខេត្តមណ្ឌលគិរី និងខេត្តកណ្ដាលដែលបានចុះកិច្ចសន្យាជាមួយផ្សារទាំងនេះ។

នៅក្នុងសេចក្តីប្រកាសដដែលបានបន្តថា ជាការអនុវត្តកន្លងមក ក្រសួងបានខិតខំពង្រឹងសហគមន៍កសិកម្ម ដើម្បីងាយស្រួលក្នុងការផ្តល់បច្ចេកទេស ឥណទាន និងភ្ជាប់ទីផ្សារលក់ផលិតផលតាមរយៈការធ្វើផលិតកម្មកសិកម្មតាមកិច្ចសន្យា។ មកទល់ពេលនេះ យើងបាន បង្កើតសហគមន៍​កសិកម្ម​សរុប​ចំនួន 1,200សហគមន៍ ដោយមានម្ចាស់ភាគហ៊ុនចំនួន 144,306នាក់ និងប្រាក់ភាគហ៊ុនចំនួនប្រមាណ 12លានដុល្លារអាមេរិក និងដើមទុនសរុបចំនួន​ប្រមាណ 24.8 លានដុល្លារអាមេរិក ព្រមទាំងបានចុះ កិច្ចសន្យាផលិតកម្មកសិកម្មចំនួន 165សហគមន៍។

ជាមួយគ្នានេះ ដើម្បីដោះស្រាយបញ្ហាទីផ្សារ ក្រសួងកសិកម្ម រុក្ខាប្រមាញ់ និងនេសាទ បានខិតខំជំរុញការចរចាស្តីពីលក្ខខណ្ឌតម្រូវភូតគាម​អនាម័យ​លើ​មុ​ខ​ដំណាំសំខាន់ៗ ដើម្បីបើកទីផ្សារជាមួយបណ្តាប្រទេសដែលមានបំណងនាំចូលកសិផលកម្ពុជា ដែលយើងសម្រេចបានជោគជ័យជាច្រើនរួចមកហើយ។ ជាក់ស្ដែង នៅឆ្នាំ2020 យើងអាចផលិតនូវផលិតផលកសិកម្មសរុបបានជាង 20លានតោន ហើយនាំចេញកសិផលសរុបបានចំនួនជាង 13លានតោន ដោយទទួល បានចំណូលពីការនាំចេញប្រមាណជាង 3,433 លានដុល្លារ។ យើងបានបណ្តុះបណ្តាល និងផ្សព្វផ្សាយបច្ចេកទេសទំនើប​ដល់កសិកររាប់ម៉ឺន​នាក់​ជារៀងរាល់ឆ្នាំ។ ជាក់ស្ដែងអគ្គនាយកដ្ឋានកសិកម្មបានបណ្ដុះបណ្ដាលមន្ត្រីបច្ចេកទេស ម្ចាស់កសិដ្ឋាន កសិករគំរូ ប្រជាកសិករ និងសមាជិកសហគមន៍​កសិកម្មសរុបចំនួន 32,460នាក់ និងគម្រោងនានារបស់ក្រសួងកសិកម្ម រុក្ខាប្រមាញ់ និងនេសាទ បានបណ្ដុះបណ្ដាលកសិករក្នុងខេត្តគោលដៅរបស់​គម្រោង​រាប់ម៉ឺនគ្រួសារទៀត។

ផ្សារភ្ជាប់ជាមួយសកម្មភាព និងលទ្ធផលទាំងអស់ខាងលើនេះ កម្ពុជាមិនមានភាពខ្វះខាតដែលតម្រូវឱ្យមានការនាំបន្លែចូលពីក្រៅប្រទេសច្រើន​ពេលនោះ​ទេ៕

របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ប្រើជំនាញកសិកម្មបើកកសិដ្ឋានចិញ្ចឹមឃ្មុំទទួលបានផលជោគជ័យគួរឱ្យជាទីមោទនៈ

ជំនួញ, ព្រឹត្តិការណ៍

• 28/03/2024

បារាយណ៍ហាន់នី ជាកសិដ្ឋានចិញ្ចឹមឃ្មុំមួយត្រូវបានបង្កើតឡើងដោយនិស្សិតជំនាញវិទ្យាសាស្ត្រព្រៃឈើ ហើយប្រើប្រាស់ជំនាញនេះមកចិញ្ចឹមឃ្មុំអាចប្រមូលផលបាន ១តោនក្នុងមួយរដូវកាល

ច្បាប់​វិនិយោគថ្មី ៖ រាជរដ្ឋាភិបាល​លើកទឹកចិត្ត ​និងអនុគ្រោះ​លើ​សកម្មភាព​វិនិយោគ​តាមវិស័យ​ចំនួន​១៩

ព្រឹត្តិការណ៍, អចលនទ្រព្យ

• 28/03/2024

ច្បាប់វិនិយោគថ្មីនៃព្រះរាជាណាចក្រកម្ពុជា​កំពុង​ទទួលបាន​កា​រចាប់អារម្មណ៍​ និងទាក់ទាញ​វិនិ​យោ​គិនមកពីក្រៅប្រទេស​ជាបន្តបន្ទាប់​ឱ្យចូលមកវិនិយោគ ​និងពង្រីក​ការ​វិនិ​យោគ​បន្ថែមនៅក្នុងប្រទេស​កម្ពុជា

World Bank ៖ កម្ពុជាអាចសម្រេចគោលដៅដ៏មានមហិច្ឆតារបស់ខ្លួនក្នុងការបង្កើនចំនួន​យានយន្ត​​អគ្គិសនីនៅលើដងផ្លូវ

ព្រឹត្តិការណ៍, សេដ្ឋកិច្ច

• 28/03/2024

World Bank បានឱ្យដឹងថា ប្រទេសកម្ពុជាអាចសម្រេចគោលដៅដ៏មានមហិច្ឆតារបស់ខ្លួន ក្នុងការបង្កើនចំនួនយានយន្តអគ្គិសនីនៅលើដងផ្លូវ

យុវជនសម័យថ្មីមានទំនោរគាំទ្រអាជីវកម្មបែបទំនើប

ព្រឹត្តិការណ៍, សេដ្ឋកិច្ច

• 28/03/2024

ជាការពិត ការហូរចូលមកនូវប្រព័ន្ធឌីជីថល បានធ្វើឱ្យមានការប្រែប្រួលយ៉ាងខ្លាំងនៅក្នុងស្ថានភាពរស់នៅប្រចាំថ្ងៃរបស់ប្រជាជនកម្ពុជាដែលកាន់តែមានភាពទំនើបកម្មជាងមុន ជាពិសេសបណ្តាមិត្តយុវវ័យកាន់តែមានទំនោរគាំទ្រទៅលើអ្វីដែលថ្មី ប្លែក និងទំនើប...

អាជីវកម្មបរិយាបន្នចំនួន ៤ ដែលជួយដល់កសិករខ្នាតតូចនៅប្រទេសឥណ្ឌា

ធុរកិច្ចបរិយាបន្ន, ព្រឹត្តិការណ៍, អាជីវកម្មថ្មី និងនវានុវត្ត

• 28/03/2024

ស្របពេលដែលអាជីវកម្មបរិយាបន្នបន្តរីកចម្រើន និងច្នៃប្រឌិត ពួកគេមិនត្រឹមតែលើកកំពស់កសិករប៉ុណ្ណោះទេ ប៉ុន្តែថែមទាំងអាចជួយត្រួសត្រាយសម្រាប់កសិកម្មឥណ្ឌាផងដែរ

ពិព័រណ៍ទេសចរណ៍ និងពាណិជ្ជកម្មឆ្នាំ២០២៤ នៅក្រុងព្រះសីហនុ ជំរុញការវិនិយោគ និងបង្កើតផលិតផលទេសចរណ៍ថ្មីៗ

ព្រឹត្តិការណ៍, សេដ្ឋកិច្ច

• 28/03/2024

«ទេសចរណ៍ផ្តល់ឱកាសសម្រាប់ទាំងអស់គ្នា» ជាប្រធានបទនៅក្នុងព្រឹត្តិការណ៍តាំងពិព័រណ៍ទេសចរណ៍ និងពាណិជ្ជកម្មឆ្នាំ២០២៤ ដែលធ្វើឡើងនៅក្រុងព្រះសីហនុ ចាប់ពីថ្ងៃទី២៦-៣០ ខែមីនា ឆ្នាំ២០២៤

ទិវាជាតិវិទ្យាសាស្ត្រ បច្ចេកវិទ្យា និងនវានុវត្តន៍លើកទី២ បិទបញ្ចប់ជាមួយនឹងក្តីសង្ឃឹមសម្រាប់អនាគតផ្នែកវិទ្យាសាស្ត្ររបស់កម្ពុជា

ព្រឹត្តិការណ៍, សេដ្ឋកិច្ច

• 27/03/2024

ទិវាជាតិវិទ្យាសាស្ត្រ បច្ចេកវិទ្យា នវានុវត្តន៍លើកទី២ បានបញ្ចប់ទៅយ៉ាងជោគជ័យ ជាមួយនឹងការអបអរសាទរយ៉ាងក្លៀវក្លានៃកិច្ចសហប្រតិបត្តិការភាពច្នៃប្រតិដ្ឋ

សហគ្រាសឧស្សាហកម្មធំៗចំនួន១៧ របស់ប្រទេសចិន បានបង្ហាញពីចំណាប់អារម្មណ៍ និងបំណងពង្រីកការវិនិយោគ

ព្រឹត្តិការណ៍, សេដ្ឋកិច្ច

• 27/03/2024

សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី ជួបលោក Shen Mingrong ប្រធានក្រុមហ៊ុន Zhenjiang Zhoung និងប្រតិភូសហគ្រាសឧស្សាហកម្មធំៗ១៧ របស់ចិន

វេទិកា Maekyung Cambodia ទាក់ទាញការវិនិយោគ ពាណិជ្ជកម្ម និងធុរកិច្ច

ព្រឹត្តិការណ៍, សេដ្ឋកិច្ច

• 27/03/2024

កម្ពុជា ធ្វើជាម្ចាស់ផ្ទះរៀបចំវេទិកា Maekyung កម្ពុជា ក្រោមមូលបទ "ព្រះរាជាណាចក្រពោរពេញដោយកាលានុវត្តភាព កិច្ចសហប្រតិបត្តិការជាយុទ្ធសាស្រ្តដើម្បីរុញច្រានកំណើនសម្រាប់អនាគត"

ស្វែងពីសាជីវកម្មធានាឥណទានកម្ពុជា និងអត្ថប្រយោជន៍

ព្រឹត្តិការណ៍, ហិរញ្ញវត្ថុ

• 27/03/2024

CGCC មានបេសកកម្មចម្បងផ្តោតលើការផ្តល់ការធានាឥណទានលើកម្ចីដែលផ្តល់ឱ្យអាជីវកម្ម ដើម្បីចែករំលែកហានិភ័យជាមួយស្ថាប័នផ្តល់កម្ចី និងបង្កើនបរិយាបន្នហិរញ្ញវត្ថុ