រដ្ឋមន្ត្រីក្រសួងកសិកម្ម និយាយពីបញ្ហានៃការផ្គត់ផ្គង់ត្រីនៅកម្ពុជា

បន្ទាប់ពីមានការលើកឡើងជាបន្តបន្ទាប់ដោយផ្តោតសំខាន់ទៅលើភាពមិនច្បាស់លាស់នៃលទ្ធភាពការចិញ្ចឹម និងការផ្គត់ផ្គង់ត្រីនៅលើទីផ្សារក្នុងស្រុកកាលពីពេលថ្មីៗនេះ រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានបកស្រាយបញ្ជាក់យ៉ាងលម្អិតទៅលើបញ្ហា និងភាពមិនប្រក្រតីលើវិស័យវារីវប្បកម្មនៅកម្ពុជានាពេលបច្ចុប្បន្ន។  

រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ ឯកឧត្ត វេង សាខុន បានបញ្ជាក់ថា ក្រោយពីក្រសួងកសិកម្ម រុក្ខាប្រមាញ់ និងនេសាទ បានចេញសេចក្តីប្រព័ត៌មានកាលពីថ្ងៃទី14 ខែមិថុនា ឆ្នាំ2021 រួចមក ក្រសួងបានទទួលមតិយោបល់ពីអ្នកវិភាគ និងសាធារណជនមួយចំនួន ដោយបានបកស្រាយខុសពីការពិត ប្រាសចាកពីអ្វីដែលរាជរដ្ឋាភិបាលបាន និងកំពុងដាក់ចេញនូវនយោបាយកំណែទម្រង់ និងជំរុញអភិវឌ្ឍន៍វិស័យកសិកម្ម ដើម្បីធានាបានសន្តិសុខស្បៀង និងការនាំចេញ ក្នុងដំណាក់កាលដ៏លំបាកបណ្តាលមកពីការរីករាលដាលជំងឺកូវីដ-19។ 

ឯកឧត្តមបញ្ជាក់ថា ៖ «ក្នុងបរិការនេះ ខ្ញុំចង់ទាញអារម្មណ៍អ្នកវិភាគ និងសាធារណជន សូមមេត្តាស្រាវជ្រាវនូវអ្វីដែលជារបត់នយោបាយក្នុងការធ្វើកំណែទម្រង់របស់រាជរដ្ឋាភិបាលលើអនុវិស័យជលផលកន្លងមក ដែលបានចាប់ផ្តើមពីការអនុវត្តវិមជ្ឈការមុនឆ្នាំ2006 មកអនុវត្តការគ្រប់គ្រងវិស័យនេះតាមបែបមជ្ឈការវិញក្រោយឆ្នាំ 2006 ហើយដោយពិនិត្យឃើញនូវភាពចាំបាច់ ប្រមុខររាជរដ្ឋាភិបាលបានសម្រេចធ្វើកំណែទម្រង់សាជាថ្មីម្តងទៀតក្នុងការធ្វើវិមជ្ឈការក្រោយឆ្នាំ2016 ដោយត្រូវប្រគល់សិទ្ធិអំណាចទៅថ្នាក់ក្រោមជាតិ ជាពិសេសប្រគល់សិទ្ធិអំណាចជូនទៅឯកឧត្តមអភិបាលនៃគណៈអភិបាលរាជធានី ខេត្តជាអ្នកគ្រប់គ្រង និងដឹកនាំបង្រ្កាបបទល្មើស ជលផល និងព្រៃឈើ ដែលស្ថិតនៅក្នុងដែនដីរបស់ខ្លួន ដែលទាមទារពេលវេលាក្នុងការកសាង និងពង្រឹងសមត្ថភាពបន្ថែមទៀត។ ក្នុងករណីនេះគឺក្រសួងអាចអន្តរាគមន៍ លុះត្រាតែមានសំណូមពរចាំបាច់តែប៉ុណ្ណោះ»។ 

រដ្ឋមន្ត្រីក្រសួងកសិកម្មបញ្ជាក់ច្បាស់ ច្បាស់ ពីបញ្ហានៃទីផ្សារត្រីនៅកម្ពុជា

«ការបាត់បង់ធនធានធម្មជាតិកន្លងមកមានហេតុផលជាច្រើនដូចដែលខ្ញុំបានគូសបញ្ជាក់នៅក្នុងសេចក្តីប្រកាសព័ត៌មានរួចហើយ ព្រោះជាលក្ខណៈសត្យានុមត្តិ មិនមែនក្រសួងមិនបានធ្វើនិងដោះស្រាយនោះទេ ព្រោះអ្វីៗបានផ្តើមចេញពីដំណើរនៃការរីកលូតលាស់នៃវិស័យសេដ្ឋកិច្ចជាតិ សង្គម កំណើនទីក្រុងនិងប្រជាជន ការកកស្ទះដីល្បាប់តាមបណ្តាផ្លូវទឹក និងបណ្តាព្រែកនានា នៅតាមដងទន្លេជាដើម។ ដោយឡែកការធ្វើវារីវប្បកម្មរបស់យើងនាពេលបច្ចុប្បន្នគឺស្ថិតនៅរាយប៉ាយ ខ្វះទុន ខ្វះប្រភពទឹក ការចិញ្ចឹមមិនបានដាក់ចេញនូវការចិញ្ចឹមជាលក្ខណៈបណ្តាក់តគ្នាបានល្អនោះទេ ហើយការប្រមូលផលជួបការលំបាក ត្រូវប្រើពេលយូរចេញពីខេត្តមួយទៅខេត្តមួយ ដែលត្រូវការពេលវេលាច្រើន ដើម្បីប្រមូលធ្វើការផ្គត់ផ្គង់ទីផ្សារ និងការដឹកជញ្ជូនមកកាន់ទីផ្សារចែកចាយ»។ 

ជាមួយគ្នានេះ ឯកឧត្តមក៏បានបញ្ជាក់ដែរថា បញ្ហាប្រឈមជាច្រើនទៀតដែលក្រសួងបាន និងកំពុងពិនិត្យ និងដោះស្រាយជាលក្ខណៈអន្តរក្រសួងជាបណ្តើរៗ ក្នុងនេះមានក្រសួង និងស្ថាបន ចំនួន 7 ដែលមានការជាប់ទាក់ទងទៅនឹង៖

1) គោលនយោបាយនៃការត្រួតពិនិត្យ និងការបង់ពន្ធនៃការនាំចូល,

2) ការគ្រប់គ្រងទីផ្សារ និងការធ្វើពាណិជ្ជកម្មក្នុងនិងក្រៅស្រុក,

3) ការគ្រប់គ្រងធនធានទឹក រួមទាំងព្រែក ស្ទឹង បឹងបួរ និងបឹងទន្លេសាប ហើយនឹងផ្គត់ផ្គង់ទឹកក្នុងការធ្វើវារីវប្បកម្ម,

4) ការជួយគាំទ្រ និងការលើកទឹកចិត្តក្នុងការកែឆ្នៃផលិតផលជលផល និងចំណី ប្រកបដោយការប្រគួតប្រជែងជាមួយប្រទេសជិតខាង

5) ការផ្តល់ឥណទាននិង

6) ការជួយគាំទ្រពីអាជ្ញាធរដែនដល់ការជួយគាំទ្រសកម្មភាពនានានៅនឹងមូលដ្ឋានផងដែរ។

បើទោះបីកម្ពុជាជួបបញ្ហាប្រឈមមួយចំនួនដែលនៅសេសសល់ទាក់ទងទៅនឹងការធ្វើវារីវប្បកម្ម និងបញ្ហាទីផ្សារយ៉ាងណាក៏ដោយ ក៏ការធ្វើវារីវប្បកម្មនៅកម្ពុជាក្នុងរយៈពេល៥ឆ្នាំចុងក្រោយនេះ (2015-2020)បានប្រព្រឹត្តទៅ ទទួលបានវឌ្ឍនភាព ដោយមានសន្ទុះគួរឱ្យកត់សំគាល់ ដែលទិន្នផលវារីវប្បកម្មប្រមូលប្រចាំឆ្នាំ៖

– 2015 ទទួលបាន  143,141 តោន   

– 2016 ទទួលបាន 172,500 តោន  

– 2017 ទទួលបាន 207,443 តោន

– 2018 ទទួលបាន 254,048 តោន

– 2019 ទទួលបាន 307,408 តោន 

(មានកំណើនទិន្នផលវារីវប្បកម្មប្រចាំឆ្នាំជាមធ្យម 20.6% ចាប់ពីឆ្នាំ2015-2019) និង

-2020 កើនឡើងដល់ 400,400 តោន មានកំណើន 30% ធៀបទៅនឹងឆ្នាំ2019។ 

កំណើនឡើងជាលំដាប់នៃទិន្នផលវារីវប្បកម្មនេះ ដោយសារតែមានការចាប់អារម្មណ៍ និងចូលរួមយ៉ាងសកម្មពីសំណាក់ក្រសួងពាក់ព័ន្ធ និងបងប្អូនវារីវប្បករកម្ពុជា គួបផ្សំនឹងការជួយឧបត្ថម្ភគាំទ្រពីសំណាក់រាជរដ្ឋាភិបាលកម្ពុជា ទាំងបច្ចេកទេស និងទុនជាប្រាក់កម្ចី និងថវិកាពីដៃគូអភិវឌ្ឍន៍អន្តរជាតិនានាផងដែរចំពោះសកម្មភាពអភិវឌ្ឍន៍វារីវប្បកម្មនៅកម្ពុជា។

បន្ថែមលើសពីនេះ ក្រសួងកសិកម្ម រុក្ខាប្រមាញ់ និងនេសាទ បានរៀបចំនូវវិធានការគោលនយោបាយជំរុញវារីវប្បកម្មឆ្នាំ2021-2023 ក្នុងគោលបំណងបងើ្កនផលិតភាពវារីវប្បកម្មឱ្យមានការប្រកួតប្រជែង បរិយាប័ន្ន និងនិរន្តរភាព៕


ជំនួញ, ព្រឹត្តិការណ៍, អត្ថបទ

ស្វែងយល់ពីចំណុចសំខាន់ៗទាំង៥របស់ CEO ថ្មី Amazon ជំនួសលោក Jeff Bezos

មានមនុស្សតិចណាស់ដែលបានដឹងពីសមត្ថភាព និងទំនាក់ទំនងពិតរបស់លោក Jassy ដែលជា CEO ថ្មីរបស់ក្រុមហ៊ុនអនឡាញយក្ស Amazon ជំនួសតំណែងលោក Jeff Bezos
ព្រឹត្តិការណ៍, អត្ថបទ, អត្ថបទពាណិជ្ជកម្ម

ជ្រូកពោន ប្រភេទសត្វកម្រលើពិភពលោក កំពុងបង្ហាញវត្តមាននៅតំបន់ការពារធម្មជាតិកម្ពុជា

ជ្រូកពោន ដែលជាប្រភេទសត្វកម្រនៅលើពិភពលោក និងស្ថិតក្នុងបញ្ជីក្រហម IUCN ដែលប្រឈមងាយរងគ្រោះត្រូវបានឃើញមាននៅក្នុងដែនការពារធម្មជាតិរបស់កម្ពុជា
ព្រឹត្តិការណ៍, សេដ្ឋកិច្ច, អត្ថបទ

អ្នកជំនាញអន្តរជាតិ ប្រាប់ពីមូលហេតុដែលអ្នកចាក់វ៉ាក់សាំងហើយនៅតែឆ្លងកូវីដ-១៩

មានការលើកឡើងថា ហេតុអ្វីបានជាអ្នកចាក់វ៉ាក់សាំងរួចចំនួន២ដូសហើយនៅតែឆ្លងមេរោគកូវីដ? សំណួរនេះត្រូវបានអ្នកជំនាញផ្នែកវេជ្ជសាស្ត្រពន្យល់ ឱកាសឆ្លងគឺនៅតែមាន
ព្រឹត្តិការណ៍, សេដ្ឋកិច្ច, អត្ថបទ

ផលិតផលកសិកម្មកម្ពុជាកំពុងរត់តាមរបត់ទីផ្សារសេរី

ស្របទៅនឹងគោលនយោបាយរបស់រដ្ឋាភិបាលកម្ពុជា វិស័យកសិកម្មបាន និងកំពុងធ្វើពិពិធកម្មបង្កើនលទ្ធភាពផលិតសម្រាប់ផ្គត់ផ្គង់ទីផ្សារក្នុងស្រុក និងជំរុញការនាំចេញ
ព្រឹត្តិការណ៍, សេដ្ឋកិច្ច, អត្ថបទ

វិភាគ ៖ អាមេរិកដកខ្លួនចេញ ហើយបើកដៃឲ្យចិនចូលស្តារសេដ្ឋកិច្ចអាហ្គានីស្ថាន

មហាយក្សចិន អាចនឹងដើរតួយ៉ាងសំខាន់នៅក្នុងការចូលស្ដារសេដ្ឋកិច្ចរបស់ប្រទេសអាហ្គានីស្ថានទាំងស្រុងឡើងវិញ បន្ទាប់ពីអាមេរិកដកខ្លួនចេញទាំងកងកម្លាំងយោធា
ព្រឹត្តិការណ៍, អត្ថបទ, អាជីវកម្មថ្មី និងនវានុវត្ត

អស្ចារ្យណាស់ ! ចិនបង្ហាញវត្តមានរថភ្លើងល្បឿនលឿនបំផុតលើពិភពលោក

នៅទីបំផុតមហាអំណាចយក្សចិន បានដាក់ឲ្យដំណើរការនូវរថភ្លើងល្បឿនលឿនបំផុតលើពិពភលោក ដែលមានសមត្ថភាពរហូតដល់៦០០គីឡូម៉ែត្រក្នុងមួយម៉ោង
ព្រឹត្តិការណ៍, អចលនទ្រព្យ, អត្ថបទ

វឌ្ឍនភាព ៖ ផ្នែកខ្លះនៃគម្រោងផ្លូវល្បឿនលឿនភ្នំពេញ-ព្រះសីហនុ បានបញ្ចប់ស្ទើរតែ១០០ភាគរយ

បើទោះជាមានការរំខានដោយបញ្ហានៃជំងឺកូវីដយ៉ាងណាក៏ដោយ ប៉ុន្តែសកម្មភាពសាងសង់ផ្លូវល្បឿនលឿន ភ្នំពេញ-ព្រះសីហនុ នៅតែបន្តមានដំណើរការយ៉ាងមមាញឹក និងឈានទៅ…..
ព្រឹត្តិការណ៍, សេដ្ឋកិច្ច, អត្ថបទ

រដ្ឋាភិបាលចិន ប្រឆាំងនឹងសម្មតិកម្មទាក់ទងនឹងប្រភពនៃវីរុសកូវីដ-១៩

រដ្ឋាភិបាលចិនបានបង្ហាញពីគោលជំហរយ៉ាងរឹងមាំរបស់ខ្លួន និងបានច្រានចោលនូវសម្មតិកម្មនានាពាក់ព័ន្ធទៅនឹងប្រភពនៃការចម្លងមេរោគកូវីដ-១៩
ព្រឹត្តិការណ៍, សេដ្ឋកិច្ច, អត្ថបទ

ប្រទេសថៃ ៖ ខ្ទង់ចំណាយទៅលើប្រព័ន្ធផ្សព្វផ្សាយទំនងជាដាំក្បាលចុះ ៤ ភាគរយក្នុងឆ្នាំនេះ

ដោយសារតែបញ្ហានៃវិបត្តិកូវីដកំពុងរាតត្បាតរហូតឈានដល់ការបិទទីក្រុង និងខេត្តសំខាន់ៗ ប្រទេសថៃត្រូវបានគេថា សម្រាប់កញ្ចប់លុយសម្រាប់ប្រើប្រាស់លើការផ្សព្វផ្សាយ
ព្រឹត្តិការណ៍, សេដ្ឋកិច្ច, អត្ថបទ

អ្នកនាំពាក្យ៖ វិស័យដឹកជញ្ជូនតាមផ្លូវអាកាសអាចរង់ចាំដល់ឆ្នាំ២០២៤ ទើបមានភាពប្រសើរឡើងវិញ

ក្រោមឥទ្ធិពលនៃវិបត្តិសេដ្ឋកិច្ចសកលដែលបណ្តាលមកពីជំងឺកូវីដ-១៩ បានធ្វើឲ្យវិស័យដឹ្កជញ្ជូនតាមផ្លូវអាកាសធ្លាក់ចុះយ៉ាងខ្លាំង ហើយរំពឹងថារហូតដល់អំឡុងឆ្នាំ២០២៤ ….