តម្លៃរថយន្តថ្មីលើទីផ្សារអាមេរិកកើនឡើងដល់កំណត់ត្រា ៤១ ០០០ ដុល្លារក្នុង១គ្រឿង

បរទេស៖​ យោងតាមតួលេខចុងក្រោយមួយដោយក្រុមហ៊ុនជំនាញវិភាគទីផ្សាររថយន្តរបស់អាមេរិក J.D. Power បានបង្ហាញថា ឧបសគ្គនៃសង្វាក់ផលិតកម្មរួមជាមួយនឹងការកើនឡើងនៃតម្រូវការ កំពុងរុញឲ្យតម្លៃរថយន្តថ្មីៗជាមធ្យមនៅលើទីផ្សារអាមេរិកកើនឡើងដល់ចំណុចកំណត់ត្រាមួយដែលមិនធ្លាប់មានពីមុនមក ដោយរថយន្តមួយគ្រឿងមានតម្លៃរហូតដល់ ៤១ ០៤៤ ដុល្លារសម្រាប់ខែកក្កដា ឆ្នាំ២០២១នេះ។

អនុប្រធាន J.D. Power លោក Tyson Jominy បានថ្លែងប្រាប់ទៅកាន់ក្រុមអ្នកកាសែតថា ៖ តម្លៃនេះគឺមិនអាចកើនឡើងទៅដល់ ៤១ ០០០ ដុល្លារនោះទេប្រសិនបើមិនមានឧបសគ្គនៃការផ្គត់ផ្គង់ ដូចជាបញ្ហាខ្វះខាតបន្ទះឈីបដែលនៅលើលោកនាពេលបច្ចុប្បន្នកំពុងជួបប្រទះ និងប្រឈមខ្លាំង ខណៈដែលចំនួនរថយន្តដែលមានស្រាប់នៅលើទីផ្សារមិនអាចឆ្លើយតបនឹងតម្រូវការគ្រប់គ្រាន់ផងនោះ។ នេះជាមូលហេតុដែលជំរុញឲ្យតម្លៃរថយន្តថ្មីកម្រិតមធ្យមមានការឡើងថ្លៃដល់ ៤១ ០០០ដុល្លារក្នុងមួយគ្រឿង ខណៈដែលកាលពីខែមិថុនាកន្លងទៅគឺមានតម្លៃត្រឹមតែ ៣៩ ៩៤២ ដុល្លារប៉ុណ្ណោះ ។

លោកបន្តថា ចំនួនរថយន្តដែលសល់នៅក្នុងស្តុកមិនមានន័យថាតម្លៃរថយន្តនឹងធ្លាក់ចុះជាងកាលពីដើមឆ្នាំនោះទេ ប៉ុន្តែវាបែរទៅជាមានការកើនឡើងនូវតម្លៃទៅវិញ ហើយក្រុមអ្នកលក់រាយក៏មិនចាំបាច់ប្រើប្រាស់វិធីបញ្ចុះតម្លៃ ឬកម្មវិធីលើកទឹកចិត្តអតិថិជននោះដែរ ហេតុនេះហើយក្រុមអ្នកជួញដូររថយន្តកំពុងបង្ខំធ្វើយ៉ាងណាឲ្យរថយន្តថ្មីរបស់ពួកគេប្រមាណជា ៩៣២ ០០០ គ្រឿង អាចលក់ចេញឲ្យបានច្រើនបំផុតនៅត្រឹមចុងខែកក្កដានេះ ខណៈដែលតួលេខដែលធ្លាប់ធ្វើបានកាលពី ២ឆ្នាំមុនក្នុងពេលដូចគ្នានេះលក់បានរហូតដល់ដល់ទៅ ៣,១ លានគ្រឿង ។

J.D. Power ក៏បានទស្សន៍ទាយផងដែរថា រថយន្តថ្មីដែលនឹងអាចលក់ចេញនៅក្នុងទីផ្សារអាមេរិកសម្រាប់ខែកក្កដានេះនឹងមានចំនួនរហូតទៅដល់ ១ ១៨៧ ៣០០ គ្រឿង ឬស្ថិតនៅក្នុងអត្រាកំណើន ៣,៧ ភាគរយធៀបទៅនឹងពេលវេលាដូចគ្នាកាលពីឆ្នាំ២០២០ ប៉ុន្តែនៅតិចជាងចំនួនដែលធ្វើបានកាលពីឆ្នាំ២០១៩ ក្នុងខែកក្កដាដល់ទៅ ៨,៧ ភាគរយ។ យ៉ាងណាក៏ដោយ អ្នកជំនាញប្រចាំក្រុមហ៊ុន J.D. Power បានព្យាករណ៍ថា សម្រាប់ឆ្នាំ២០២១នេះ រថយន្តថ្មីដែលនឹងអាចលក់ចេញទៅក្នុងទីផ្សារអាមេរិក នឹងកើនឡើងដល់ ១៥ លានគ្រឿង ខណៈដែលកាលពីឆ្នាំ២០១៩ ការលក់ត្រូវបានធ្វើឡើងរហូតទៅដល់ ១៦,៩ លានគ្រឿងឯណោះ៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ចិន គឺជាប្រភពទុនវិនិយោគបរទេសធំជាងគេរបស់កម្ពុជា និងរួមចំណែកប្រមាណ ៨៨% នៃទុនវិនិយោគបរទេសសរុប

ព្រឹត្តិការណ៍, អត្ថបទពាណិជ្ជកម្ម

• 29/03/2024

ចិន គឺជាប្រភពទុនវិនិយោគបរទេសធំជាងគេរបស់កម្ពុជា និងរួមចំណែកប្រមាណ ៨៨% នៃទុនវិនិយោគបរទេសសរុប

ក្រុមហ៊ុន លីហ៊្វូដ សឺវីស ចាប់ដៃជាមួយក្រុមហ៊ុន យូនីលឹវើ ខេមបូឌា ដើម្បីលើកកម្ពស់ការផ្តល់ជូនផលិតផលនៅកម្ពុជា

ព្រឹត្តិការណ៍, អត្ថបទពាណិជ្ជកម្ម

• 28/03/2024

ក្រុមហ៊ុន លីហ៊្វូដ សឺវីស ចាប់ដៃជាមួយក្រុមហ៊ុន យូនីលឹវើ ខេមបូឌា ដើម្បីលើកកម្ពស់ការផ្តល់ជូនផលិតផលនៅកម្ពុជា

ទោះបីជាខ្លាំងទាំងការអភិវឌ្ឍ ខ្លាំងទាំងសេដ្ឋកិច្ច-នយោបាយ តែអាមេរិកមិនមើលរំលងទីផ្សារចិញ្ចឹមគោយកសាច់ឡើយ

ព្រឹត្តិការណ៍, សេដ្ឋកិច្ច

• 28/03/2024

ការចិញ្ចឹមសត្វគោនិងឧស្សាហកម្មផលិតសាច់គោប៉ុណ្ណោះសហរដ្ឋអាមេរិកអាចទាញរកចំណូលបានទៅដល់រាប់ពាន់លានដុល្លារជារៀងរាល់ឆ្នាំនិងថែមទាំងមានឈ្មោះជា អ្នកផលិតសាច់គោច្រើនជាងគេបំផុតរបស់ពិភពលោក

វិស័យធនាគារ និងមីក្រូហិរញ្ញវត្ថុនៅកម្ពុជា រួមគ្នាអនុវត្ត និងអភិវឌ្ឍកម្មវិធីចំណេះដឹងហិរញ្ញវត្ថុ

ព្រឹត្តិការណ៍, ហិរញ្ញវត្ថុ

• 28/03/2024

សមាគមធនាគារនៅកម្ពុជា និងសមាគមមីក្រូហិរញ្ញវត្ថុកម្ពុជា បានរៀបចំសិក្ខាសាលាពិគ្រោះយោបល់ជាមួយភាគីពាក់ព័ន្ធស្តីពី «វឌ្ឍនភាព និងទិសដៅអភិវឌ្ឍកម្មវិធីចំណេះដឹងហិរញ្ញវត្ថុ»

ប្រើជំនាញកសិកម្មបើកកសិដ្ឋានចិញ្ចឹមឃ្មុំទទួលបានផលជោគជ័យគួរឱ្យជាទីមោទនៈ

ជំនួញ, ព្រឹត្តិការណ៍

• 28/03/2024

បារាយណ៍ហាន់នី ជាកសិដ្ឋានចិញ្ចឹមឃ្មុំមួយត្រូវបានបង្កើតឡើងដោយនិស្សិតជំនាញវិទ្យាសាស្ត្រព្រៃឈើ ហើយប្រើប្រាស់ជំនាញនេះមកចិញ្ចឹមឃ្មុំអាចប្រមូលផលបាន ១តោនក្នុងមួយរដូវកាល

ច្បាប់​វិនិយោគថ្មី ៖ រាជរដ្ឋាភិបាល​លើកទឹកចិត្ត ​និងអនុគ្រោះ​លើ​សកម្មភាព​វិនិយោគ​តាមវិស័យ​ចំនួន​១៩

ព្រឹត្តិការណ៍, អចលនទ្រព្យ

• 28/03/2024

ច្បាប់វិនិយោគថ្មីនៃព្រះរាជាណាចក្រកម្ពុជា​កំពុង​ទទួលបាន​កា​រចាប់អារម្មណ៍​ និងទាក់ទាញ​វិនិ​យោ​គិនមកពីក្រៅប្រទេស​ជាបន្តបន្ទាប់​ឱ្យចូលមកវិនិយោគ ​និងពង្រីក​ការ​វិនិ​យោគ​បន្ថែមនៅក្នុងប្រទេស​កម្ពុជា

World Bank ៖ កម្ពុជាអាចសម្រេចគោលដៅដ៏មានមហិច្ឆតារបស់ខ្លួនក្នុងការបង្កើនចំនួន​យានយន្ត​​អគ្គិសនីនៅលើដងផ្លូវ

ព្រឹត្តិការណ៍, សេដ្ឋកិច្ច

• 28/03/2024

World Bank បានឱ្យដឹងថា ប្រទេសកម្ពុជាអាចសម្រេចគោលដៅដ៏មានមហិច្ឆតារបស់ខ្លួន ក្នុងការបង្កើនចំនួនយានយន្តអគ្គិសនីនៅលើដងផ្លូវ

យុវជនសម័យថ្មីមានទំនោរគាំទ្រអាជីវកម្មបែបទំនើប

ព្រឹត្តិការណ៍, សេដ្ឋកិច្ច

• 28/03/2024

ជាការពិត ការហូរចូលមកនូវប្រព័ន្ធឌីជីថល បានធ្វើឱ្យមានការប្រែប្រួលយ៉ាងខ្លាំងនៅក្នុងស្ថានភាពរស់នៅប្រចាំថ្ងៃរបស់ប្រជាជនកម្ពុជាដែលកាន់តែមានភាពទំនើបកម្មជាងមុន ជាពិសេសបណ្តាមិត្តយុវវ័យកាន់តែមានទំនោរគាំទ្រទៅលើអ្វីដែលថ្មី ប្លែក និងទំនើប...

អាជីវកម្មបរិយាបន្នចំនួន ៤ ដែលជួយដល់កសិករខ្នាតតូចនៅប្រទេសឥណ្ឌា

ធុរកិច្ចបរិយាបន្ន, ព្រឹត្តិការណ៍, អាជីវកម្មថ្មី និងនវានុវត្ត

• 28/03/2024

ស្របពេលដែលអាជីវកម្មបរិយាបន្នបន្តរីកចម្រើន និងច្នៃប្រឌិត ពួកគេមិនត្រឹមតែលើកកំពស់កសិករប៉ុណ្ណោះទេ ប៉ុន្តែថែមទាំងអាចជួយត្រួសត្រាយសម្រាប់កសិកម្មឥណ្ឌាផងដែរ

ពិព័រណ៍ទេសចរណ៍ និងពាណិជ្ជកម្មឆ្នាំ២០២៤ នៅក្រុងព្រះសីហនុ ជំរុញការវិនិយោគ និងបង្កើតផលិតផលទេសចរណ៍ថ្មីៗ

ព្រឹត្តិការណ៍, សេដ្ឋកិច្ច

• 28/03/2024

«ទេសចរណ៍ផ្តល់ឱកាសសម្រាប់ទាំងអស់គ្នា» ជាប្រធានបទនៅក្នុងព្រឹត្តិការណ៍តាំងពិព័រណ៍ទេសចរណ៍ និងពាណិជ្ជកម្មឆ្នាំ២០២៤ ដែលធ្វើឡើងនៅក្រុងព្រះសីហនុ ចាប់ពីថ្ងៃទី២៦-៣០ ខែមីនា ឆ្នាំ២០២៤