អាជ្ញាធររាជធានីភ្នំពេញបង្កើតក្រុមការងារត្រួតពិនិត្យ និងវាយតម្លៃសំណង់ចាស់ៗដើម្បីថែរក្សាជាអគារបេតិកភណ្ឌ

ភ្នំពេញ៖ រដ្ឋបាលរាជធានីភ្នំពេញបានសម្រេចបង្កើតក្រុមការងារត្រួតពិនិត្យ និងវាយតម្លៃសំណង់អគារចាស់ៗ (បុរាណ) តាមខណ្ឌទាំង១៤ ដើម្បីពង្រឹងយន្តការដែលមានស្រាប់ក្នុងការការពារ ថែរក្សា និងជាមូលដ្ឋានគ្រឹះក្នុងការស្នើសុំចុះបញ្ជីជាអគារបេតិកភណ្ឌ ទៅក្រសួងវប្បធម៌ និងវិចិត្រសិល្បៈ ដើម្បីអនុវត្តតាមសារាចររបស់រាជរដ្ឋាភិបាលដែលដាក់ចេញកាលពីថ្មីៗនេះ។

ការសម្រេចបង្កើតក្រុមការងារនេះត្រូវបានប្រកាសនៅក្នុងកិច្ចប្រជុំតាមរយៈការបញ្ជូនរូបភាព និងសម្លេង ( Video Zoom Meeting ) ស្ដីពីការទប់ស្កាត់ការវាយកម្ទេច និងបំផ្លិចបំផ្លាញសំណង់អគារបេតិកភណ្ឌ ក្នុងរាជធានីភ្នំពេញ ក្រោមអធិបតីភាពឯកឧត្ដម ឃួង ស្រេង អភិបាល នៃគណៈអភិបាលរាជធានីភ្នំពេញកាលពីចុងសប្តាហ៍កន្លងមកនេះ។

ឯកឧត្តម ឃួង ស្រេង អភិបាលនៃគណៈអភិបាលរាជធានីភ្នំពេញបានលើកឡើងថា អាជ្ញាធរខណ្ឌទាំងអស់ត្រូវការពារឱ្យបាននូវការវាយកម្ទេច និងបំផ្លាញសំណង់អគារបេតិកភណ្ឌនៅក្នុងមូលដ្ឋានរបស់ខ្លួន ស្របពេលដែលរាជរដ្ឋាភិបាលកម្ពុជាកំពុងយកចិត្តទុកដាក់សំណង់អគារបេតិកភណ្ឌទាំងនេះតាមរយៈការទប់ស្កាត់ការវាយកម្ទេច និងបំផ្លិចបំផ្លាញសំណង់អគារបេតិកភណ្ឌ។

ឯកឧត្តម ឃួង ស្រេង បានថ្លែងបន្តថា អាជ្ញាធរក៏ដូចជាមន្ទីរពាក់ព័ន្ធទាំងអស់ត្រូវអនុវត្តឱ្យបាននូវសារាចរណែនាំរបស់រាជរដ្ឋាភិបាលស្តីពីការទប់ស្កាត់ការវាយកម្ទេចនឹងការបំផ្លិចបំផ្លាញសំណង់អគារបេតិកភណ្ឌដោយស្មារតីទទួលខុសត្រូវខ្ពស់។

ឯកឧត្តម ឃួង ស្រេង បានបញ្ជាក់ដូច្នេះថា ៖

«អាជ្ញាធរនឹងបង្កើតឲ្យមានក្រុមការងារមួយចុះពិនិត្យ និងស្រង់ស្ថិតិអគារបេតិកភណ្ឌដែលមាននៅក្នុងរាជធានីភ្នំពេញទាំងអស់។ ក្រោយមកទៀតត្រូវប្រគល់អគារបេតិកភណ្ឌទាំងនោះ ទៅឲ្យអាជ្ញាធរខណ្ឌធ្វើការគ្រប់គ្រងបន្ត។ ការធ្វើបែបនេះទើបអាចរក្សាអគារបេតិកភណ្ឌទាំងនេះបានគង់វង្ស»

គួររំលឹកថា បន្ទាប់ពីរាជរដ្ឋាភិបាលបានពិនិត្យឃើញថា ដោយសារទំនើបកម្មបណ្តាលឱ្យមានការបាត់បង់ ការវាយបំផ្លិចបំផ្លាញ ការធ្វើឱ្យខូចខាតតាមគ្រប់រូបភាពជាបន្តបន្ទាប់ចំពោះសំណង់អគារបេតិកភណ្ឌ ប្រមុខដឹកនាំរដ្ឋាភិបាលបានសម្រេចដាក់ចេញសារាចរណែនាំ ដើម្បីទប់ស្កាត់ការវាយកម្ទេច និងបំផ្លាញសំណង់អគារបេតិកភណ្ឌ។

នៅក្នុងសារាចរដែលចុះហត្ថលេខាដោយសម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា បានបញ្ជាក់ថា រាជរដ្ឋាភិបាលបានពិនិត្យឃើញថា សព្វថ្ងៃដោយសារទំនើបកម្មបណ្តាលឱ្យមានការបាត់បង់ ការវាយបំផ្លិចបំផ្លាញ ការធ្វើឱ្យខូចខាតតាមគ្រប់រូបភាព ជាបន្តបន្ទាប់ចំពោះសំណង់អគារបេតិកភណ្ឌដែលស្ថិតនៅក្នុងតំបន់បេតិកភណ្ឌទីក្រុង តាមបណ្តារាជធានី ខេត្ត ដែលជាសម្បត្តិបេតិកភណ្ឌជាតិដ៏មានតម្លៃ ហើយមានការប្រឈមនឹងហានិភ័យ និងស្ថិតក្រោមការគំរាមកំហែងខ្ពស់ដោយការអភិវឌ្ឍ ដែលទាមទារឱ្យមានការថ្លឹងថ្លែងរវាងការអភិរក្ស និងការអភិវឌ្ឍ គឺត្រូវតែមានតុល្យភាព។ តាមតាមរយៈសារាចរដដែលបានឱ្យដឹងទៀតថា ដើម្បីឱ្យការងារអភិរក្សតំបន់បេតិកភណ្ឌទីក្រុង ដែលមានសំណង់អគារសាសនាផ្សេងៗ សំណង់ សាធារណៈ សំណង់ឯកជន ភូមិដ្ឋាន និងផ្ទះបុរាណ ស្របតាមច្បាប់ស្តីពីកិច្ចការពារបេតិកភណ្ឌវប្បធម៌ ដែលប្រកាសឱ្យប្រើដោយព្រះរាជក្រមលេខ នស/រកម/០១៩៦/២៦ ចុះថ្ងៃទី២៥ ខែមករា ឆ្នាំ១៩៩៦ រាជរដ្ឋាភិបាល សូមធ្វើការណែនាំដូចតទៅ៖ ១- ហាមឃាត់ចំពោះការកែប្រែ ការប្តូររូបរាងខាងក្រៅ ឬធ្វើឱ្យខូចខាតសោភ័ណភាពចំពោះសំណង់ នៃតំបន់បេតិកភណ្ឌទីក្រុង។ ២- ទប់ស្កាត់ការវាយកម្ទេច និងបំផ្លិចបំផ្លាញសំណង់វប្បធម៌ ប្រវត្តិសាស្ត្រ សំណង់បុរាណ និងសំណង់អគារបេតិកភណ្ឌ ដើម្បីការពារឱ្យបានគង់វង្ស។ ៣- បញ្ឈប់ជាបន្ទាន់ចំពោះការបំផ្លាញអគារបេតិកភណ្ឌក្នុងតំបន់ការពារ និងក្រៅតំបន់ការពារ ដោយផ្តោតលើយុទ្ធសាស្ត្រ គោលនយោបាយ និងផែនទីចង្អុលបង្ហាញ ដើម្បីជំរុញការអភិរក្ស និងការអភិវឌ្ឍទីក្រុងបេតីកភណ្ឌប្រកបដោយនិរន្តរភាព។ ៤- សំណង់អគារបេតិកភណ្ឌដែលនឹងត្រូវធ្វើការជួសជុល កែប្រែរូបរាង ឬវាយកម្ទេចចោល ត្រូវស្នើសុំការពិនិត្យ និងសម្រេចពីក្រសួងវប្បធម៌ និងវិចិត្រសិល្បៈ និងអាជ្ញាធរពាក់ព័ន្ធជាមុនសិន៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

សេដ្ឋកិច្ចចិនមានភាពប្រសើរបន្តិច ប៉ុន្តែវិស័យអចលនទ្រព្យនៅតែទន់ខ្សោយខ្លាំង

ព្រឹត្តិការណ៍, សេដ្ឋកិច្ច

• 19/03/2024

ការិយាល័យស្ថិតិជាតិចិនបានបង្ហាញថា ទិន្នផលឧស្សាហកម្មបានកើនឡើង ៧ ភាគរយ ខណៈដែលការវិនិយោគលើអចលនទ្រព្យពីខែមករាដល់ខែកុម្ភៈបានធ្លាក់ចុះ ៩ ភាគរយ

សហភាពអឺរ៉ុបចង់ប្រើប្រាស់ទ្រព្យសម្បត្តិបង្កករបស់រុស្ស៊ីជួយដល់អ៊ុយក្រែន ប៉ុន្តែសមាជិកមួយចំនួនប្រឆាំងនឹងផែនការនេះ

ព្រឹត្តិការណ៍, សេដ្ឋកិច្ច

• 19/03/2024

សហភាពអឺរ៉ុបមានផែនការប្រើប្រាស់ប្រាក់ចំណេញដែលបង្កើតដោយទ្រព្យសម្បត្តិបង្កករបស់រុស្ស៊ី ដើម្បីទិញអាវុធសម្រាប់អ៊ុយក្រែន ប៉ុន្តែសមជិកមួយចំនួនបានប្រឆាំងនឹងផែនការនេះ

Erikagen Inc.,ម្ចាស់ពានរង្វាន់ធុរកិច្ចបរិយាបន្នដំបូងបង្អស់របស់អាស៊ានកំពុងពង្រីកខ្លួនជាង៧០០សាខា

ធុរកិច្ចបរិយាបន្ន, ព្រឹត្តិការណ៍, សេដ្ឋកិច្ច

• 19/03/2024

ម្ចាស់ពានរង្វាន់ធុរកិច្ចបរិយាបន្នអាស៊ានដំបូងគេនៅក្នុងព្រឹត្តិការណ៍លើកទី១ ដែលជាអាជីវកម្មលក់ឱសថ និងលក់យីហោ Erikagen Inc.,កំពុងមមាញឹកខ្លាំងនៅហ្វីលីពីន

ស្វែងយល់ពីប្រទេសផលិតគ្រាប់ពេជ្រកំពូលទាំង ៥ របស់ពិភពលោក

ព្រឹត្តិការណ៍, សេដ្ឋកិច្ច

• 18/03/2024

កាលពីឆ្នាំ ២០២២ ទីផ្សារពេជ្រពិភពលោកមានតម្លៃ ១០០,៤ ពាន់លានដុល្លារ ជាមួយនឹងការព្យាករណ៍ដែលបង្ហាញពីការកើនឡើងដល់ ១៥៥,៥ ពាន់លានដុល្លារនៅឆ្នាំ ២០៣២

បុណ្យទន្លេ៣ថ្ងៃនៅសៀមរាប ទាក់ទាញទេសចរជាង៥៥ម៉ឺននាក់

Uncategorized, ព្រឹត្តិការណ៍, សេដ្ឋកិច្ច

• 18/03/2024

បុណ្យទន្លេ៣ថ្ងៃនៅខេត្តសៀមរាប ចាប់ពីថ្ងៃទី១៥ ដល់ ១៧ ខែមីនា ឆ្នាំ២០២៤ បានទាក់ទាញទេសចរជាតិ និងអន្តរជាតិ ជាង ៥៥ ម៉ឺននាក់។

ប្រជាកសិករក្រីក្រជាង១៥០០គ្រួសារផ្គត់ផ្គង់អង្ករ ផ្លែឈើ ដល់ក្រុមហ៊ុន លីលី សម្រាប់ផលិតនំ និងផ្លែឈើក្រៀម

ធុរកិច្ចបរិយាបន្ន, ព្រឹត្តិការណ៍, សេដ្ឋកិច្ច

• 18/03/2024

ក្រុមហ៊ុនលីលីហ៊្វូត ដែលឈ្នះពានរង្វាន់អាជីវកម្មបរិយាបន្នអាស៊ានឆ្នាំ២០២២ ផ្ដោតសំខាន់លើការជួយដល់អ្នកក្រីក្រនៅបាតពីរ៉ាមីតឱ្យមានជីវភាពប្រសើរជាងមុន

រយៈពេល៦ខែ មានរោងចក្រ សហគ្រាសបើកថ្មី ៣ ៣១៣ ក្នុងនោះវិស័យកាត់ដេរមាន ១៦៤រោងចក្រ

ព្រឹត្តិការណ៍, សេដ្ឋកិច្ច

• 18/03/2024

សម្តេចធិបតីក្នុងកិច្ចប្រជុំគណៈរដ្ឋមន្ត្រីបានថ្លែងឱ្យដឹងថា រយៈ៦ខែរោងចក្រសហគ្រាសបើកថ្មីមានចំនួន ៣៣១៣ និងបង្កើតការងារជូនពលរដ្ឋចំនួន ៧៧ ២០៩នាក់

ពិព័រណ៍​ទំនិញ ​ចិន – ​អន្តរជាតិ ​ជាឱកាស​របស់កម្ពុជាបង្ហាញ​ផលិត​ទៅកាន់​ទីផ្សារ​អន្តរជាតិ និងស្វែងរកដៃគូសហការ

ព្រឹត្តិការណ៍, សេដ្ឋកិច្ច

• 15/03/2024

ក្រសួង​ពាណិជ្ជកម្ម​បាន​កំណត់​អត្តសញ្ញាណ​ផលិតផល​សម្គាល់​ភូមិសាស្ត្រ​ (​G​I​) ​ចំនួន​៣​​ សម្រាប់​ការនាំចេញ​ទៅកាន់​ទី​ផ្សារ​ប្រទេស​ចិន​ ​ដោយ​ស្វែងរក​ការ​គាំទ្រ​សម្រាប់​ការ​ផ្សព្វផ្សាយ​

អាហ្វ្រិកខាងត្បូង សម្លឹងឃើញឱកាសវិនិយោគលើវិស័យសក្ដានុពលលជាច្រើននៅកម្ពុជា

ព្រឹត្តិការណ៍, សេដ្ឋកិច្ច

• 15/03/2024

ប្រទេសអាហ្វ្រិកខាងត្បូង សម្លឹងឃើញឱកាសវិនិយោគលើវិស័យកសិ-ចំណីអាហារ, ឧស្សាហកម្ម,ឡូជីស្ទីក, យានយន្ត និងអេឡិចត្រូនិក នៅព្រះរាជាណាចក្រកម្ពុជា ៕

រយៈពេល៦ខែ​​ កម្ពុជា​ទទួល​បាន​គម្រោង​វិនិយោគថ្មីៗ ​១៧៣​ ​គម្រោង​ មានទុន​ ៤,១៥​ពាន់លានដុល្លារ​

ព្រឹត្តិការណ៍, សេដ្ឋកិច្ច

• 15/03/2024

ក្នុង​រយៈ​ពេល​៦ខែ​នៃការ​កកើត​រាជរដ្ឋាភិបាល​ថ្មី ​កម្ពុជា​ទទួលបានគម្រោង​វិនិយោគ​១៧៣គម្រោងដែលមានទុនវិនិយោគសរុប​ចំនួន​៤,១៥​ពាន់លាន​ដុល្លារ​