fbpx

គម្រោងសាងសង់ផ្លូវល្បឿនលឿន ភ្នំពេញ-ក្រុងព្រះសីហនុ សម្រេចបានជាង 51ភាគរយហើយ

ភ្នំពេញ៖គម្រោងសាងសង់ផ្លូវល្បឿនលឿនភ្នំពេញ-ក្រុងព្រះសីហនុ ប្រវែងសរុបជាង 190គីឡូម៉ែត្រតភ្ជាប់ពីភូមិ1 សង្កាត់សំរោងក្រោម ខណ្ឌពោធិ៍សែនជ័យ រាជធានីភ្នំពេញ ដល់ភូមិ1 សង្កាត់លេខ3 ក្រុងព្រះសីហនុ សម្រេចបានប្រមាណ 51.35ភាគរយហើយ ដោយគ្រោងនឹងបញ្ចប់នៅថ្ងៃទី31 ខែឧសភា ឆ្នាំ2023ខាងមុខនេះ។

ទោះបីជាប្រទេសកម្ពុជា ប្រឈមនឹងការរីករាលដាលនៃជំងឺកូវីដ-19 យ៉ាងណាក៏ដោយ ក៏ដំណើរការសាងសង់ផ្លូវល្បឿនលឿនភ្នំពេញ -ក្រុងព្រះសីហនុ នៅតែបន្តដំណើរការដដែល និងមិនមានការប៉ះពាល់នោះទេ ដោយសារតែក្រុមការងារ បុគ្គលិក កម្មករទាំងអស់ បានខិតខំប្រឹងប្រែងតស៊ូជំនះនូវស្ថានភាពដ៏លំបាកនេះបាន។ ជាក់ស្ដែងគិតត្រឹមដើមខែមិថុនា ឆ្នាំ2021នេះ ជាលទ្ធផលនៃការសាងសង់សម្រេចបានប្រមាណ 51.35ភាគរយហើយ។

ចំពោះការដោះស្រាយផលប៉ះពាល់ក្នុងការសាងសង់ផ្លូវល្បឿនលឿន ភ្នំពេញ-ក្រុងព្រះសីហនុ សម្រេចបាន 99.9ភាគរយ ហើយក្រសួងកំពុងតែខិតខំ​ប្រឹងប្រែងធ្វើការដោះស្រាយបញ្ហាដែលនៅសេសសល់ឱ្យបានរួចរាល់ក្នុងពេលឆាប់ៗនេះ។

គម្រោងសាងសង់ផ្លូវល្បឿនលឿនភ្នំពេញ-ក្រុងព្រះសីហនុ ឆ្លងកាត់រាជធានីភ្នំពេញ 8.30គីឡូម៉ែត្រ ខេត្តកណ្តាល 9.10គីឡូម៉ែត្រ ខេត្តកំពង់ស្ពឺ 80.80គីឡូម៉ែត្រ ខេត្តកោះកុង 1.92គីឡូម៉ែត្រ និងខេត្តព្រះសីហនុ 89.89គីឡូម៉ែត្រ ដោយគ្រោងចំណាយថវិកាសាងសង់សរុបប្រមាណ 2,000លានដុល្លារអាមេរិក ជាទុនវិនិយោគរបស់ក្រុមហ៊ុនសាជីវកម្មស្ពាន និងថ្នល់ចិន (CRBC) តាមរយៈក្រុមហ៊ុន Cambodian PPSHV Expressway Co., Ltd។

កម្រោងផ្លូវល្បឿនលឿនមួយនេះមានទទឹងតួផ្លូវសរុបរហូតដល់ 24.5ម៉ែត្រ ក្រាលបេតុងកៅស៊ូ (AC) កម្រាស់10សង់ទីម៉ែត្រ ទទឹង23ម៉ែត្រ ដែលក្នុងនោះរួមមាន៖

គន្លងផ្លូវធ្វើចរាចរណ៍សម្រាប់រថយន្ដ ទទឹង15ម៉ែត្រ ចែកជា 4គន្លង (2គន្លងទៅ 2គន្លងមក) ដែលគន្លងនីមួយៗមានទទឹង 3.75ម៉ែត្រ អាចឱ្យយានយន្ត គ្រប់ប្រភេទបើកបរក្នុងល្បឿនរហូតដល់ 100គីឡូម៉ែត្រក្នុងមួយម៉ោង និងកន្លែងខ្លះអាចដល់120គីឡូម៉ែត្រក្នុងមួយម៉ោង។

ខឿនសួនចែកទិសចរាចរណ៍នៅចំកណ្តាលទ្រូងផ្លូវទទឹង3ម៉ែត្រ ចិញ្ចើមផ្លូវក្រាលបេតុងកៅស៊ូទទឹង 2.50ម៉ែត្រ សងខាង និងចិញ្ចើមផ្លូវក្រាលគ្រួសក្រហមទទឹង 0.75ម៉ែត្រសងខាង។

មានការសាងសង់លូគ្រប់ប្រភេទចំនួន 263កន្លែង ស្ពានតូច5កន្លែង ប្រវែងសរុប105ម៉ែត្រ ស្ពានធំ និងស្ពានមធ្យម80កន្លែង ប្រវែងសរុប 6015ម៉ែត្រ។

សាងសង់ផ្លូវប្តូរទិសចរាចរណ៍ចំនួន 7កន្លែង ផ្លូវប្រសព្វ 28កន្លែង ផ្លូវក្រោមផ្លូវល្បឿនលឿន 237កន្លែង និងស្ពានរំលងផ្លូវ 20កន្លែង។

សាងសង់តំបន់សេវាកម្ម ឬចំណតឈប់សម្រាកចំនួន3កន្លែង ចំណតរថយន្ត1កន្លែង មណ្ឌលប្រតិបត្តិការ និងថែទាំផ្លូវ 4កន្លែង និងបញ្ជរបង់ប្រាក់ 9កន្លែង និងបំពាក់គ្រឿងបរិក្ខារផ្លូវថ្នល់ផ្សេងៗរួមមាន ផ្លាកសញ្ញាចរាចរណ៍ ភ្លើងសញ្ញាចរាចរណ៍ រួមជាមួយនឹងគំនូសសញ្ញាចរាចរណ៍ផងដែរ៕


ព្រឹត្តិការណ៍, ហិរញ្ញវត្ថុ

តោះ ! ស្វែងយល់ពីវិធីរកលុយរបស់ក្រុមហ៊ុនកាត VISA ទាំងអស់គ្នា

លោកអ្នកប្រហែលជាធ្លាប់បានឃើញ និងបានស្គាល់រួចមកហើយនូវអក្សរបួនតួ VISA លើកាតធនាគាររបស់លោកអ្នកដែលនៅពេលបច្ចុប្បន្ន។ នៅពេលលោកអ្នកទំនិញ …
ព្រឹត្តិការណ៍, អចលនទ្រព្យ

សៀមរាប នឹងក្លាយជាក្រុងឆ្លាតវៃគំរូក្នុងតំបន់អាស៊ានក្រោមកិច្ចសហការអភិវឌ្ឍពីភាគីជប៉ុន

សៀមរាប ដែលជាប៉ូលសេដ្ឋកិច្ចទី៣ប្រចាំប្រទេសកម្ពុជា ក្រោយកិច្ចខិតខំអភិវឌ្ឍន៍យ៉ាងយកចិត្តទុកដាក់ពីសំណាក់រាជរដ្ឋាភិបាលទៅលើហេដ្ឋារចនាសម្ព័ន្ធនានាទូទាំងក្រុង…
ព្រឹត្តិការណ៍, សេដ្ឋកិច្ច

ពាណិជ្ជកម្ម កម្ពុជា និងប្រទេសសមាជិក OIF មានទំហំ ៩,៦ ពាន់លានដុល្លារ

នៅក្នុងអំឡុងនៃវិបត្តិសេដ្ឋកិច្ចសកលដែលបណ្តាលមកពីជំងឺកូវីដ-១៩កាលពីឆ្នាំកន្លងទៅ សម្រាប់ការធ្វើពាណិជ្ជកម្មរវាងប្រទេសកម្ពុជា និងបណ្តាប្រទេសដែលជាសមាជិក ហ្វ្រង់កូហ្វូន …
ព្រឹត្តិការណ៍, សេដ្ឋកិច្ច

រាជរដ្ឋាភិបាលប្រកាសដាក់ដំណើរការកម្មវិធីថ្នាក់ជាតិស្តីពី “ធុរកិច្ចថ្មីកម្ពុជា” ជាផ្លូវការ

រាជរដ្ឋាភិបាល តាមរយៈក្រសួងសេដ្ឋកិច្ច និងហិរញ្ញវត្ថុបានប្រកាសដាក់ដំណើរការកម្មវិធីថ្នាក់ជាតិស្តីពី “ធុរកិច្ចថ្មីកម្ពុជា” ជាផ្លូវការនាថ្ងៃទី៨ ខែធ្នូ ឆ្នាំ២០២១ ដើម្បីគាំទ្រ និងជ្រោមជ្រែងដល់…
ជំនួញ, ព្រឹត្តិការណ៍

ស្វែងយល់បទពិសោធន៍ម្ចាស់អាជីវកម្មទើបបង្កើតថ្មី និងចំណាយអស់ដើមទុនតិច

ការបង្កើត និងដំណើរការអាជីវកម្មអ្វីមួយចាំបាច់បំផុតត្រូវការដើមទុនដែលជាសាច់ប្រាក់សម្រាប់ធានាដល់ប្រតិបត្តិការប្រចាំថ្ងៃ និងត្រៀមសម្រាប់ពេលមានហានិភ័យ ឬពង្រឹងអាជីវកម្ម…
ព្រឹត្តិការណ៍, ហិរញ្ញវត្ថុ

NBC ៖ ការប្រើបច្ចេកវិទ្យាហិរញ្ញវត្ថុក្នុងវិស័យធនាគារបានរួមចំណែកលើកកម្ពស់បរិយាបន្នហិរញ្ញវត្ថុ និងជំរុញកំណើនសេដ្ឋកិច្ច

ធនាគារជាតិនៃកម្ពុជា បានលើកឡើងថា ការប្រើប្រាស់បច្ចេកវិទ្យាហិរញ្ញវត្ថុនៅក្នុងវិស័យធនាគារមានការរីកចម្រើនយ៉ាងឆាប់រហ័ស និងបានរួមចំណែកលើកកម្ពស់…
ព្រឹត្តិការណ៍, អចលនទ្រព្យ

សកម្មភាពទិញ-លក់ដីឡូតិ៍នៅផ្លូវជាតិលេខ៣ចាប់ផ្តើមកម្រើកឡើងវិញ

បន្ទាប់ពីជួបភាពស្ងប់ស្ងាត់មួយរយៈធំក្រោមឥទ្ធិពលនៃវិបត្តិជំងឺឆ្លងកូវីដ-១៩កាលពីពេលកន្លងទៅ ពេលនេះសកម្មភាពទីផ្សារនៃការទិញ-លក់អចលនទ្រព្យ ជាពិសេស…
ព្រឹត្តិការណ៍, ហិរញ្ញវត្ថុ

ធនាគារជាតិនៃកម្ពុជា ប្រកាសបញ្ឈប់ការផ្តល់អាជ្ញាបណ្ណថ្មីសម្រាប់ប្រកបអាជីវកម្មគ្រឹះស្ថានមីក្រូហិរញ្ញវត្ថុទទួលប្រាក់បញ្ញើ

ធនាគារជាតិនៃកម្ពុជា (NBC) ប្រកាសបញ្ឈប់ការផ្តល់អាជ្ញាបណ្ណថ្មី សម្រាប់ប្រកបអាជីវកម្មគ្រឹះស្ថានមីក្រូហិរញ្ញវត្ថុទទួលប្រាក់បញ្ញើ ដើម្បីពង្រឹងបន្ថែមទៀតនូវសមត្ថភាពរបស់គ្រឹះស្ថាន
ព្រឹត្តិការណ៍, អាជីវកម្មថ្មី និងនវានុវត្ត

វឌ្ឍនភាពគម្រោងស្ថាបនាហេដ្ឋារចនាសម្ព័ន្ធផ្លូវចំនួន៣៨ខ្សែ នៅសៀមរាបសម្រេចបានជាង ៩២%

គម្រោងស្ថាបនាផ្លូវ៣៨ខ្សែនៅក្នុងខេត្តសៀមរាបនៅពេលនេះបានឈានដល់ការសម្រេចរហូតដល់ ៩២,៧២%ហើយ និងឈានទៅបញ្ចប់តាមផែនការនាចុងឆ្នាំនេះ
ព្រឹត្តិការណ៍, អចលនទ្រព្យ

សកម្មភាពទិញ-លក់ដីឡូតិ៍នៅផ្លូវជាតិលេខ៣ចាប់ផ្តើមកម្រើកឡើងវិញ

ដីឡូតិ៍នៅតាមតំបន់ផ្លូវជាតិ៣ ចាប់ផ្តើមកម្រើកឡើងវិញគួរឲ្យកត់សម្គាល់ ខណៈម្ចាស់ក្រុមហ៊ុនអភិវឌ្ឍន៍បានជំរុញការលក់របស់ខ្លួនតាមរយៈការបញ្ចុះតម្លៃ និងផ្តល់រង្វាន់ផ្សេងៗជាច្រើន

AMS ECONOMY
@amseconomy